رواية بين سلاسل العادات للكاتبة كفاية كاظم الفصل الخامس عشر
سفانة: كاعدين نتسامر ونضحك دك التليفون رد يجاوب اعاين لفارس جمد لا ياخذ ولا ينطي سد التليفون وصفن بوجهي انخمش گلبي ياريتني ما سألتة شكو.
حياوي مسوي حادث
بگلبي وكف بلعت ريك وتقربت منة اهز بية حتى النفس كطعتة ضليت اترقب يكول مابية شي راح نروحلة للمستشفى.
اعاين لفارس عيونة صارن دم طاح التليفون من ايدة فاتح عيونة يصبن دمع اهز بية ميتة خوف همس بصوت مبحوح.
-مات حياوي راح.
صرررخت بصووت عالي وزلغت خدودي رحمتك ياربي شلون خبر فجعنا فجع البيت انترس صريخ وصلهم الخبر طلع فارس وكعدت بعتبة الباب عيوني صرت ما اشوف بيهن من الدمع عقلي مايستوعب هاي المصيبة.
عيوني على حجرة نوف شلون من يوصلها الخبر شتسوي شلون تكمل حياتة بدون اخوها وشلون اخوي عمت عيني علية، كلماتها تتردد بذني من تكول بضحكة.
-حياوي نصي الثاني مكملني بكلشي.
شلون راح تعيش بدون نصها صبرك ياربي طلعن البنات مصدومات ويرجفن يريدن يحجن مايكدرن الرجفة ماخذتهن طاحت رغد بصفي تنتفض وتبجي وسجيوة صرخت بصوت عالي هز حيطان البيت حضنت رغد لصدري ثنينة نبجي.
الصريخ ترس البيت التفتنة من طلعت نوف رجلية ماشالتني اكوم الها احضنها تفرك بعيونها وتباوع للموجودين بصدمة الهول انخبص نسوانة تروش والجهال تصارخ على صريخ امهاتها طلعت برة واجة انمار حاضنها لصدرة يبجي.
بعدها مامصدكة الخبر راحت لغرفتها ورحنا وراها رجلية ماتن شيوصلني لغرفتها سوت الدرج خطوتين وانمار وراها صعد نفسي انكطع يلا وصلت.
نو: فزيت على صرخة عالية كعدت مخروعة صريخ بالبيت صرت ارجف رجلية كوة شالني فتحت الباب كلها تصارخ كلبي وكف النوم بعدة بعيوني عبالي جاي اتحلم كابوس لو حقيقة تمنيتة كابوس ولا هاي الحقيقة الدمرت حياتي.
اريد الزم واحد واستفسر منة ماكو كلها تتطافر حتى الجهال رحت للبنات يتصارخن.
-شكو شصاير
التفتت على صوت رجال يعيط طلعت روحي مسحوبة مني دخلو الولد يتصارخون مثل النسوان
متت بهاي الساعة عقلي طار واحد حاضن الثاني ويصرخ بس اني واكفة وحدي واكل باضافيري
شهكت من شفت انمار حضني وصاح بصوت عالي شگ گلبي وگلبة.
-مللللحك الگبرررر شبسرررعة تررريد ترروح
گلبي راح يوكف حاضني لصدرة ويصرخ بصوت عالي
ادفع بية مني اريد افتهم منة شكو شصاير حجيت بصوت يرجف وي جسمي.
-شبيك انهار. انهار ليش تبجي.
لزم وجهي بين ادية عيونة تصب دمع بلعت ريك اباوع لحلكة وجسمي يرجف ماتخليت بيوم اسمع هذا الخبر شهگ وحجة بقهر.
-رراح حيياوي رااح مااات اخوووج
ابتسمت ودفعتة من صدرة ضليت اضحك ودموعي تنزل يباوعلي بصدمة فاتح عيونة ويمسح بدموعة ادور حول نفسي وسط الصريخ والبجي حضني من ضهري صرت ادفر بية برجلي واخرمشة بدية واصيح بصوت عالي.
-جذاااب جذااابييين تررريدوون تحررركوون كلبببي وتخبلووني هسة يجييي حياااوي ويااخذني منكمممم جذابيييييييييييين
ملختة تملخ اريدة يعوفني شلون يحجي هيج على اخوي بيش يفاولة فحطت هدأت بيدة نفسي يصعد وينزل ودموعة تنزل حارات على رگبتي همس مخنوك.
-ابجي اصرخي اخوج المات حياوي البعمر الورد خسرتية
ضحكت بصوت عالي وادفع بيدة
-وحق هو الله ما ابقى وياك الا اعوفك وانعل ابوك الكافر هسة يجي حياوي ياخذني لاتفرح هواي.
التفتت لصوت الصريخ بيبي حكمة كاعدة بالكاع وتصيح: -ووولك يمةةة يحمزززة وليييدك بعددة عرريسسس متاااانيين نززفة للمرة مووو لللحدد ولك يمة ياسفاااح گلبببي وردة وليدنة ويننن مااخذينةة يهل الواددم باااصرروني بعدة صغير ماشاف بحيااتة
وكعنا ثنينة بالكاع حاضن ضهري لصدرة يبجي بصوت عيوني تراقب الموجودين مستحيل ذولة يبجون على اخوي شلون يموت جذابين دفعت ايدة البايدة ورحت لغرفتي لازمة راسي راح ينسطر.
-لعببان نفسس شكدددد اكرررهكمممم خنكتوووني بهذااا البيتتتت فووكاهااا تبجووون هسة راح اررجعع لبغدااد واخلص منكممم
سفانة: -راحت تمشي بحرگة لحجرتها رحنا وراها مهدوم حيلنة رجلية ماتن شيوصلني سوت الدرج خطوتين وانمار وراها صعد، نفسي انكطع يلا وصلت.
فاتحة الكنتور ومطشرة ملابسها تلم بيها وانمار حاضنها لصدرة مثل الطير المذبوح بيدة ترفس وتملخ بيه.
-عوووفننني مااا اضلللل هناااا عوووفووننني ما احبكمممم هسةةة يجي حياااوي يررررجعنيي ويااه
فحطت وكفت تتنفس وانمار يشهك ويبجي اشرت باصبعها على مكان بالغرفة حجت والابتسامة على خدها.
-هنا اكو دم شفته شفته بالحلم هاي الغرفة بيها جنانوة عوفني عليك الله عوفني اروح وي اخوي
دارها علية لازمها من وجهها مايكدر يحجي خلة كصته على كصتها ودموعة بللت خدها.
-شكراية اخوج مات تفتهمين مات بعد مايرجع بعد ماعدج اخو اسمه حياوي
فتحت عيوني على وسعهن شلون يحجي وياها هيج فطر كلبي فطر بحجية هذا بس الصدمني ردة نوف
ضحكت بصوت ومسحت دموعة تحجي بعفوفية.
-ادري ادري ابوك مايحبك ومحد يحبك وتريدني اضل وياك هنا حتى لاتضل وحدك بهاي الغرفة بس ما اكدر ابقى هنا يمك انت ماتحبني وحتى اني ما احبك اريد ارجع لبيتنة تمام يلا لاتبجي.
مسحت دموعة وباستة بخدة ورجعت تلم ملابسها بجنطة اعاين لانمار كاعد بالكاع على ركبة وضهرة يهتز وهي تحضر بجنطتها محد بينا كدرت تتحرك خطوة باتجاها بس عيونة تصب دمع لبست حذائها ورجعت لانمار مسحت على ضهرة وصارت تلعب بشعرة.
-يلا اني بعد شوية واروح بس يجي الصبح. شوف شوف
رفعت راسة ولزمتة بديها: اذا تريدني تعالي هناك شوفني ترة عادي.
بعدها مامستوعبة الخبر حقها شلون تصدک دخلت سجيوة باوعت بوجوهنة عيونها دم راحتلها لزمتها من اديها ومسحت دموعها النزلن.
سجى: -اخوج مات نوف ابجي صررررخي اخوووج هذا اخووج
دفعتها تهز براسها: -جذابين مبية شي حياوي شبيكم تفاولون علية
تريد تلزمها وهاي شاردة: -سوة حااادث وهسة يجيبونة جنااازة
ضحكت ولزمت جنطتها كعدت على طرف الجرباية
تهز برجلها ولازمة ضفيرتها تنتف بيها.
-اي اعرف هسة يجي ونروح سوة.
دخلت رضية وعايشة يحضنن بيها ويصرخن وهي ولا دمعة لازمة جنطتها بيدها وتهز برجلة عيونة ورمت من البجي لحد الان ما مستوعبين بلكت يطلع عايش بس البلكت ماتتحققت الوادم التمت علينة بيتنة صار صريخ ولطم طلع الصبح والتابوت ماجايبينة متانين اهل بغداد يجون.
جدة حكمة صعد ضغطها واخذاها رحمان ورضية للمستشفى رجعت لنوف بعدها على كعدتها جحينة ردنا ماتباوع بوجوهنا مجلبة بالجنطة وعلى نفس الكعدة واحنا مكابلينها ونبجي.
جفت انمار علينة لابس دشداشة سودة ولاف الجماغ على وجها مطلع بس عيونة الصايرات دم فل الجماغ عن وجهة وراحلها جرها من ايدها وشمر الجنطة لاخر الحجرة عاينت علية بعصبية وراحت تاخذها جرها من ايدها وضربها راجدي شهكنا بصوت شلون يطكها بيا حال هي.
نزلن دموعها ورجعت ضربتة على صدرة ما لاحت وجهها: -حقييرررر لييش تضررربني هسة هسة هسة ارررررووح ماااا ابقىىى هناااا يمممك
هزها من اجتافها وصاح بيها.
-البسسسييي اسووود الطمممي صرررخييي اخوووج ماااات انتتيي شنيي من اختتتت
ضربته على صدرة ترجف وتبجي: -لا تفاااولة لا تفاااول بييشش طالبيننننة تررردوونة يموووت لييش كلكمم حقرراررء ليييش ليشششششش
فقدت تدك على صدره وجهها مصبوغ احمر كب الصريخ بالبيت جابو التابوت جرها من ايدها يسحل بيها داكة رجليها بالكاع دك.
-عوووفننني ويننن مااخذذنييي عووفنيي حقييرررر طلعتتت عووفنييي.
تضرب بيدة تريد تفلها بس ماعافها خلو التابوت بالحوش يم باب الديوانية كلها ملتمة صغار وكبار نسوانة وزلمنة تصارخ وتبجي وكف يباوعلها تباوع بخفوت باوعت على التابوت ورجعت باوعتلة.
-عوف ايدي
اخذها متقدم بيها كوم النسوان كعد وجرها بصفة كعدها تباوع بالوجوة بدون ماتبجي.
انمار: -هذااا تابوت اخووج هناا اخووج هنااا مييت
ابتسمت ودارت عيونها تهز بيدها باستهزاء.
جدة نوفة: ؛ ولجج يحبويية راااح اخووج الوررد سوودة بويهي كذلتة على عييونة وبعد شجم يوم ويزفونه، للمكبررة المنن توودونة.
ولك حياااوي يسفرجل يشمام يحبوبة الحد مايستحي يدفن الشباان ويلاااااة ولكمممم يهلعربااان وررردناا يندفننن حدررر الترربان ويللااااة يحبوبة ويلااااة
تعاين برود وجها رافعتة للسما دار وجهها انمار علية: -تريدين تشوفينة حتى تصدكين.
ضلت جامدة تباوع بعيونة فتح التابوت وصرخن النسوان بصوت عالي رجف كلوبنا طلع وجهها مبتسم ويلاة كذلتة السودة نازلة على عيونة وجهها يشع نور نايم اي نايم وين ميت شكلة نايم وهسة يكعد وجهها مامتاذي بس بية شخطوط قليلة. اشهك و اعاين لاخته تلمست وجهها بديها مشت اصابعها بلحيتة دنكت شمتة وتبوس بية احس كلبي خلص من كد ما شهكت راد عمي يسد التابوت بس انمار ما رضى.
لازمة وجهة بديها وتسولف وياة بفرح عبالها نايم.
-يلا كوم حياوي يلا خل نمشي صاارلي شكد انتظرك كلتلهم يجي عبالهم اجذب عليهم يلا اكعد اكعد خل نرجع لبيتنا بعد مانعوف امنا وسجاد كوم. كوم
تدك على خدة بهدوء خلصت كلوبنا وماخلصلت كلماتها وهي تلبع بشعرة السرح.
-هههههه يا جمال شعرك يخبل سراوي كلش تحبة يلا اكعد خل نمشي كافي ماشبعت نوم لاتفشلني كدامهم اخذني وكووم ما اريد ابقى هنا.
حاضنها انمار وهي تبعد بية بيدها.
-عوفني اجة اخوي بعد ما اريدك هسة اعوفك.
كامت من مكانها محد الة طاقة يمشي خطوة رجعت بيدها جنطتها گاملها انمار حيلة مهدود حضنها ويحجي العبرة خانكتة.
-شفتي اخوج شفتية شلون ميت حياوي مات
دفعتة وراحت بنص النسوان والصريخ كعدت يم التابوت خلت جنطتها يم راسة وتباوعلة.
جدة نوفة: -خايب يمدلول بسك نوم حضن امك بارد يهد الحيل كوم يوليدي لخيتك كوم يحياوي باجر ناسها تعيلل.
راحت نسوانة تتصارخ يتلكن اهل بغداد دخلو اخوتة لابسين دشاديش سود ولافين وجوهم بغتر يدورن بعيونهم علية متانين يشوفن طولة مايدرون ممدود بتابوت.
صرخ سجاد بصوت عالي وشگ دشداشتة من الطول لطول.
-حيااااوي خوووية لاگينيييي اجيتتتك حياوي لاتعووفنييي بداعت الخوووة كووووملي كوووم اني اخووك وصاحبك كووملييي ياحززام ضهريي.
فتحتو الكاعدين الدرب الهم ضهرت نوف كاعدة يم راسة فتحت اديها وطفرت مثل الطير اليرفرف بجناحاتة تحضن وتشم بيهم من واحد الواحد حضنوها يتصارخوون.
-رراح اخوونا الحيددد؟ لاعلييكم الله لا تكولونهاااا مجتاجينةةة هووواي جذبو الخبر جذبوووة
طاحت عيونهم على التابوت طفرو حضنو التابوت ويتصارخون ملخو رواحتهم تملخ سحلوهم ولدنة سحل وخروهم عنة...
دخلن النسوان عمتي هند بمقدمتهم روحها رايحة كوة تمشي حضننها يتصارخن لازماتها من كل صوب وبنية ناعمة وراها جنها فاقدة الوعي كوة موكفاتها على الكاع سون مجال لامة كعدت يم راسة فتحت التابوت دنكت علية باستة ومسحت على خدة حجت بصوت خافت كلة يرجف.
-وليدي الما جابتك بطني كوم لامك تريدك كوملي يحياوي يا كشخت اخوتك كوم يازين يمعدل يهيبة كوم يبعد امك اختك تريدك لاتعوفها وحيدتها.
انة ربيتك بكسرة ضهر كل يوم اكول ياخذونك مني بس ما حسبت الموت ياخذك كوم ردلي تعبي اريدة يالحنين لاتعوفنة بعدك صغير على الكبر والتابوت كوم افصلك غرفة اخشاب جربابتك متانيتك عوف التابووت مو للبحلك.
ام تخاطب ابنها الميت تريدة يرجع اكثر من عشرين سنة كدام عينها ما فاركته ويجي الموت وياخذة من عينها لا اعتراض على حكم الله انا لله وانا الية راجعون اصعب خسارة من تخسر التحبة للابد الموت مر على العدلين ماينجرع. تعاتب وتبجي بحرگة تشگگ هدوم تشگ الخدود بس مايرجع المات ماي وتبدة شيردة.
-يمة كوم اعرسلك عروستك منتظرتك لاتعوفها وراك لاتكسرنة يشمعة بيتنة.
كعدت خطيبتة يم راسة تمسح بدموعها ويرجعن ينزلن تلمست خدة بيدها الترجف شهكت شهگة گطعت گلبها.
سرى: -روحي بغير عالم راحت مجاي اصدك الكدامي جنازة حبيبي احس بروحي جاي اتحلم افتح عيوني واغمضهن بلكي تروح هاي الصورة من كدامي.
حبيب طفولتي نايم مغمض عيونة الحلوات غافي شوية ويكعد مديت ايدي لشعرة الحلو الماخذ حيلي كلة نثرتة ياسرحة اسود كاسر بياض بشرتة المذوبة روحي من الصغر.
-كوم يابعد كلي عرسنا ماضالة هواي وين تريد.
تعوفعني وحدي حياوي ينطيك كلبك تعوفني كوم شوفني اني سراوي يلة كافي نوم اكعدلي اشتاقيتلك مشتاقيتلي؟ كوم يلا كووم حياوي حبيبي كوم كطعت كلبي.
اضرب بخدة احس روحي احتركت وانكسرت وتهدمت انتظر يرد علية عندي امل يفتح عيونة ويحضنني ويبوسني ويلكي اشتاقيتلج روحي ماتتت واني اخاطبة.
-مشينا نتزوج هسة يلا كوم هسة اريد نتزوج يلا القاط يطلع عليك يجننن متاكدة كل يوم اتخيلك لابس القاط كوم نمشي اشتريلك على ذوقي.
كل شهگة تشگ گلبي ماتت روحي بهاي الساعة درت عيوني لعمتي كطعت روحها رجعت اباوعلة لا هسة يكعد شلون يعوفني شكاعد يصير فرحة كلبي ممدة بتابوت راح يشيعونها غمضت عيوني كلبي وكف روحي صعدت شوية شوية دنگت علية بستة بقوة شلعوني منه شلع وشالو التابوت صحت بصوت گطع انياط گلبي.
-حيااااوييي لاتعوووفننييي وتررروح اررجعليييي حياااوي ارررجعللييي وووييين رررااييح والعرررس والزززفةةة وحبناااا وعشگنااا من الصغررر وييين اوديية. هاااي النااااس تموووتة ورااااك اررررجعليييي
ملخت روحي تملخ اسمع صوت نوف تحجي وياي
سكتت اسمعلها حبيبة الغالي هاي.
-سراوي اسكتي هسة يرجع ما مات حياوي يجذبون عليج هسة راح اجيبة وراجع
تحجي ماجنة ميت عيونها مانزلت دمعة حضنتها وصرخت ضايع عني الهوى.
-وللللج ررراااح الحنييين رراااح حيياااوي ااخذذوووة لللترررابب يطممموووناااا ليييشششش ياااررربيييي مافكرررت بيةةةة تااااخذذة وتعووووفنيي شلللوون اعييييش بدوننن روحي
مجلبات بية منا ومنا كلبي وكف وغوشت عيوني اخر ماشفتة نوف طلعت تركض.
نوف: -هاي الناس كلها تجذب علية لو يمكن دااتحلم اي هاي غرفة انمار احلامها تخوف بس بعدين اكعد والكة كلشي ماكو حياوي يجيني ونرجع سوة شلون يعوفني الموت ياخذهة لا مايكدر الموت ماياخذ الشباب بس الكبار اي اي.
كلبي بخفق بجنون عقلي يرفض التفكير يكلي احلم اركض حافية ساعة اروح لامي الكطعت روحها من البجي من تكلي راح اخوج اعوفها واروح لاخواني احضن بيهم اعوفهم وابتعد من يصرخون باسم حياوي عيوني تفتر اريد واحد يكلي لا جذب كله جذب ركضت بوسط الهوسة لانمار ملثم يبجي وي الولد.
اجر بية من دشداشتة السودة صوتي كوة يطلع
-انهار انهار انهار كلي كلي حباب جذب مو جذب ذولة جذابين اخوي عايش اي عايش هسة يرجع مو مو.
انتظر من كلمة تبرد كلبي حضني يبجي بهتت ملامحي وبردت اطرافي.
: -راح اخوج عويناتة الحلوات راح يطمهن تراب
دفعتة مامستوعبة رحت لخوتي يلطمون وكاعدين بالكاع لزمت شعري بقوة وافتر بين الموجودين.
-جذاااابييين كلكممممم جذاببييين اخوووي مابيةةةة شيييي حياوي هسة يجييي
املش بشعري احسة يوكع بيدي طفرو اخوتي ورة التابوت من رفعوة وهلاهل امي وراة.
-كلللللوووولششششش زفوووو ولييييديييي زفووووة يهللللل شباااان زفوووو لاتخلونهاااا بنفسسسة زفوو. وليديييي كللللوووولشششششش مبااااارررك عرررسك يالهيبةةة مباااارك عرررسك
تصفگ وتهلهل گطعت گلبي بحالتها اخوي مال عرس مو مال كبر شكاعد يصير يا اللهي مجاي استوعب شي.
-اوول ما نبددي وشنكووول ولا الة الا الله والف والصلاة على الرسول ولا اله الا الله كللللوووولشششششش...
طاحت على وجهاا اباوع عليها بعيوني احس روحي غريبة عنها ما جنها امي حضنوها اخوتي يتصارخون التفتت للزلم اخذو تابوتة على جتافهم وابتعدو راحو اخوتي وراهم بس عبدالله ضل حاضن امي الشبة فاقدة رحت ورة اخوتي بوسط الزلم بس اصوات لا اله الا الله تصدع بالمكان اوخر بالزلم اريد التابوت اشوفة من جديد واحجي وياه وين يريدون بية خل يعوفوة يمنة.
رجلية ماتشيلني ادفع بالزلم اريد اشوفهم وصلت اي شايلينة على متونهم ردت اصيح وانجريت من شعري احسة تكطع شفتة عمي بعدني ماحاجية وضربني راجدي دار وجهي صفح.
-ويييين جاااييية ويييي الازززلامممم امشيييي ررردييي.
مشيت مسافة گلبي يفور شفت طابوكة بالكاع شلتها وضربتة براسة خليت دمة بطولة ركضت فارة بين الزلم مثل الطير اليرفرف گلبي راح يوكف على ساعة من الساعات وكفت اتنفس سريع ما اريد واحد من ولدنة يشوفني ادور بعيوني وين راحو اخوتي وين التابوت راح.
مشيت مسافة رجلية ترجف ادفع بالزلم عبرت گدام عيني سيارة فوكاها التابوت ركضت بكل حيلي وراها احس جاي امتلك قوة خارقة ماجني اركض على الكاع احس روحي بالسما طايرة اركض ورة التابوت واصيح بعلو صوتي...
: -حييياااوي ارررجعلليييي نررروح سوووى ارررجعع اخذذني ويااااك محضرررة غررراضي ويننن عااايفني وررايح اررررجعللللييييي.
نفسي نكطع بس ما وكفت رجلية ما احس بيهن هسة يلا وعيت على روحي وصدگت ولو بمقدار خمسة بالمية اخوي مات ارركض طايرررة بالجووو والسياررة ماتوووكف بس اريدها توكف صوتي راح من الصريخ وكعتت على وجهيي كمت ماحس بية تكرد تكرد كمت وردت اركض واحس واحد جلب بية غمضت عيوني وانكث بروحي من عندة...
-عوووفنننييييي اخووووي اخذذذوووة ررررجعوةةة ولكمممممم ليششش اخذذذتووووة ليششششش وووكفوووو السياااارةةة.
حضني على كلبة كطعتة تكطع ابجي واصرخ كلبي محترك نارر.
-رجعووو اخوووي وكفوووو السياااارةةة خلينننييي اررروح وياااهمممم لاتعوووفوووني هناااا ارررريد ويااااة
شالني افرفح بيدة عبالي راح يرجعني اضرب واسب بية وابوة الجابني لهنا وكفت سيارة كدامنة، صدري يصعد وينزل فل لثامة ولفاة على راسي جرني من ايدي يصعدني وصار واحد من عمامي كدامنة صاح بصوت خلاني كطعت الهوى.
-ووويين ماااخذذ الفرررخة
-للنجف.
-ماااعدنننةةة نسوووان تررروح لللنجف
صعدني انمار مامهتم اله السيارة كلها زلم معگلة اشرلي بالاخير مكان فارغ مال نفر كعدت بصف الجامة حاضنة روحي ارجف واباوع لانمار غمضت عيوني من ضربة راجدي جلب حقير اجت زلم وكفت بينهم الا عافة كلة من وراي الجلاب ضربوة لو يمي طابوكة الا اشك راسة مثل ماشكيت راس اخوة.
صعد يمي وجهة احمرر يريد ينفجر ماكو مكان بس الكاعدة بية رفعني من ايدي عبالي ينزلني ردت اصرخ وسد حلكي كعد وكعدني بحضنة.
انطلقت السيارة وبديت شوية شوية استوعب الخسارة مجلبة بانمار بكل قوتي ودموعي تنزل
-اخوي مبية شي عايش مو؟
لازمة وجهة بيدي اريدة يكلي اي بس دموعة تنزل مسحت دموعي واحجي بحركة گلب.
-شوف شوف هو صغير بعدة شلون يموت مو ميصير يدفنونة حرام والله حرام ميصير ميصير.
-الموت مايعرف صغير لو جبير ياخذ من كل الاعمار
-لا لا مستحيل شبيك ترى حياوي صغير ما يصير لا مايصير بعدة بعدة مامتزوج شبيك حباب كول لا
ضمني لصدرة ثنينة نبجي روحي راحت اخوي قطعة مني اليوم خسرتها شلون اعيش بدونة بعد منو اليكلي نوفانة منو الاسولفة واحجيلة يومي مخلية راسي بصدر انمار صرخت بصوت عالي كلبي متكطع
الم.
-هسسسة يررجع مااا يعووفنييي ليششش حياوي ليشش شلووون ينطييك گلببببك تعووفنييي وتعوووف سجاااد، سجاااد ما عندة اصدقاء بسس انتتت شلوون تعووفة شلووون
اشلع بشعري اريد نار كلبي تبرد نار ومشتعلة بية شيطفيها ضامني لصدرة مجلب بدية اتخيل نفسي نايمة وراح اكعد واروح احضنة ونرجع سوى.
صوتي راح من كد ماصرخت كلبي كثرن نغزاتة تمنيتة يوكف واروح ورة اخوي المن باقية بدنيا مابيها هو انام وافز احجي بصوت مبحوح.
-هسة انتم تجذبون علية ادري ادري جذابين هسة ايجوز يطلع حلم واضل شكدددد اضحك.
مسح على راسي ورجعني لصدرة عندي امل جبير حياوي عايش مامصدكة عقلي ميستوعب هاي الفكرة احجي بس اريد واحد بيهم يكلي جذب.
-بعرس حياوي اشتري بدلة بيضة هو كلي من زمان وافتح شعري هم واركص هووواييي
اهز بية من جتافة ادير وجهة الدايرة علية الجامة
-شوف مو مو اروحن بعرسة واشتري بدلة بيضة مثل عروستة.
نزلن دموعي بغزارة وصرخت بصوت طالع من عمق گلبي...
-اخووويي ماااا ماااااتتتتتت اخووويييي عررريسسس نررريددد نزززفةةة شلووون تدفنونة. شلللووون.
اضرب بنفسي وجهي شعري هو هم اكلة نصيب، منين اجاني الحيل واني كل هاي الفترة مابية احرك ايدي حسيت كلبي وكف انكطع الهوى شمرت ادية منا ومنا بحضن انمار.
-جذابين انت مامتت مو
-اي جذابين اني عايش وبيت احسن من بيتنة
جلبت بيدة بقوة: -ليش حياوي وبيتك مو تريد تشتري بيت النة.
-انطوني بيت احلة منة
ابتسامتة على وجهها ياشرلي على مكان بعيد كلش خليت ايدي على عيوني احجب الضوة بيت عالي كلش. مسح على شعري راد يروح جلبت بية صوتي رايح اتوسل بية مايروح.
-هنا ماتعرف احد الناس غربة تعال ارجع وياي
-لا اعرف اعرف
مشة مسافة ردت الحكة رجلية مايتحركن
-وين تعرف الناس؟ تعال لاتعوفني اخاف عليك وحدك ياذوك
ابتسم وغمض عيونة ماجنة نفسة اخوي.
-حيدر الكرار وياي مايعوفني ارجعي لاتخافين.
يتقدم ليكدام بدة يبتعد نزلت على ركبي وصحت وراة صوتي رايح: -اخذذنيي وياااك نرروح سووى
دار وجهة واشرلي: -مو هسة ارجعي وي انمار رايح اني بعيد ديربالج على روحج
صرخت بصوت عالي: -اخذني وياااالك.
احس ايد تضرب على خدي كعدت ابجي واصرخ لاتعوفني عيوني مغوشة اشوفة كدامي سكتت وحضنتة اشم بية اضحك روحي طايرة من الفرح عبالي صدك حلم والكدامي اخوي بس مو نفس الريحة فركت عيوني وابتعدت عنة وضحت عندي الرويا انمار غمضت عيوني وحجيت بصوت يرجف
-وينة وين؟
لزمني من ايدي نزلني من السيارة محد بيها فارغة بس اني وياة عيوني يحرگني وكلبي مشعوط ناار.
الدنيا سودة بعيني والحزن خيم بروحي. امشي وراة ما بدون راي لاسالت ولا حجيت حرف كل شوية اغمض عيوني اتذكر الحلم عتيت ايدي من انمار وكعدت على صفحة.
عاصرة راسي بيدة يريد ينفجر ابتسمت من اتذكرت شكلة الحلو فتحت عيوني كاعد بصفي لزم ايدي يباوع بعيوني بخوف.
-اخذج للمستشفى
هزبت راسي لا ونزلن دموعي مسحتهن اريد احجي ما اكدر اختنگ.
-شفتة شفتة
اخذت نفس عالي وشهكت لازمة ايدة: -عافني وراح لبيتة راح
-على كيفج احجيلي.
صدري يصعد وينزل تنفست ورجعت سولفتلة الحلم
حضني لصدرة وباسني براسي حسيت بالامان.
-كلنة على هذا الدرب اول وتالي نموت انا لله وانا الية راجعون الله يرحمة برحمتة الواسعة ادعيلة بالرحمة حياوي مجانة زين من زمان يحضرلة من هستوة شب احسة يختلف عنا بالتزامة ودينة لاتبجين علية مايصح اترحميلة.
مسحت دموعي وهزيت راسي كلبي نار شيطفية.
دك موبايلة رفضة واستغفر بلعت ريك وكمت امشي وراة كل شوية يتصل موبايلة اخير شي فتحة المكبر مفتوح بعدة ما كايل الو وانواع السب والشتم علية فتحت عيوني على وسعهن. يحجي علية لان جايبني وياة سكت مانطق حرف خلاة يكمل وسدة.
لازمني من ايدي يمشي ولازم ضهرة دموعي تنزل بحركة همس بصوت ناصي.
-تاكلين شي
-لا
-بس شوية وراج درب
-ما اشتهي وينهم وين اخذو اخوي
لزمني من جتفي حاضني يمشي بية ويمسح بدموعي.
-صيري قوية حتى اخذج تأيسين من رجعتة تاكلين تروحين تشوفينة ماكو اكل ارجعج وياهم
دخلنا لمطعم صغير طلبنا اكل معدتي تكلب خليت لكمة بحلكي جبرني على الثانية ردت اتقيء اخذني غسل وجهي كلني ارجف كعدني على الكرسي وشربني مي كعد كدامي يفرك بيدي.
مسحت وجهي روحي بغير عالم تليفونة يرن غلقة
-ليش يغلطون عليك
-كواوي
-ليش جبتني وعاندتهم.
-ما نطاني گلبي ارجعج ردتج يفوخ كلبي. لو عفتج راح تضلين تفكرين يطلع عايش خفت تمرين بالمريت بية خفت عليج تعيشين بوهم يطلع عايش
ما افتهمت شي من كلامة اخذنة وطلعنة بوجهنة للمكبرة الدنيا العصر اول مرة اشوف مكبرة مجلبة بية واشهك بصوت عالي اباوع للكبور عزيز روحي يخلونة جوة التراب ما اصدك...
امشي واتعثر بين الكبور رجلية مايمشن بية هو يمشيني. عاف ايدي واشرلي على كومة تراب باوعت بعيونة مكسورة روحي هنا دفنوة ما اصدك شهكت بصوت شگ گلبي وضليت بمكاني ارمش بعيوني.
-روحي ابجي واصرخي طلعي نارج خل تحرگج اليوم ولا العمر كلة. اتحركي.
مشيت بخطوات ثگال بليلة ويوم راح من ادينة شلون ينطيهم كلبهم دفنوة بعد صغير كلشي ماشاف بحياتة حتى ماتخرج عاف حبيبة عمرة ماتهنة بيها رحمتك يا اللهي طحت على گبرة بعدة تراب مبلل حضنت التراب الطم على راسي واصرخ بصوت عالي لزم ادية جلبهن من ورة.
-مو هيج احجي عاتبي مو هيج
كوة اتنفس عاف ادية امسح على التراب وين جنت امسح على شعرة الناعم شهكت وحجيت خانگتني العبرة.
-انطاك گلبك تعوفني وتروح بعيد خوية تراب المگابر بارد واني اخاف عليك تتمرض. ماتكوم وياي نمشي لهلنا حياوي ياخوية لاتكسر گلبي وضهر سجاد...
ريتك ما اجيتني وريتك لا دللتني ريتني ميتة وتشيل جنازتي ولا اني الكاعدة على كبرك. يالحنين ياديرة محنة يا عطر الورد كوم اكعدلنة يا فرحة گلبي لاتكسر گلبي خوية وزفتك والعرس شنو ماتريدهن...
خليت راسي على الكبر ابجي واصرخ احس گلبي نمرد شلون دفنوة بدال مايغطونة بطانية ناعمة يغطونة بتراب بارد شللوون. ما اصدك بعد ما اشوفة شلون بية بعد مااشوف طولة الحلو طحت فاقدة على كبرة ما احس بشي.
سفانة: -فقدان شخص واحد ترس الحزن بگلوب ديرة كاملة هيج البشر يصير عزيز من يموت وبحياتة محد اله غرض بية الله اكبر الموت يهدم الروح.
طاحت خطيبتة ميتة بدينة لاتحرك ايد ولا رجل اخذاها اخوها للمستشفى وضلت عمتي تكطع بروحها
محد يلومها البزر غالي لازوجتة لافرحت بية الله يساعدها وينطيها الصبر.
ضلت تصيح وتنوح على نوف اختفت محد شافها ماخلينة دورنا البيت كلة بلكت لابدة بزاوية فص ملح وذاب امها بس تسمع بيها ماكو تنجلط فوك هذا القهر لبست عباتي وطلعت بالشارع بلكت الكاها.
رجعت من شفت عمي فايز ملتمين علية الولد لازم راسة وايدة كلها دم يغلط ويفشر بصوت عالي جفلت خوف طببوة للبيت ضليت بمجاني جامدة سئلت نزار
-شبية عمي
-مفشوخ بس مدري ياهو الفاشخة يكول اجتني طابوگة
-ها خوش چا ماشفت مرت انمار
-ياهي بس لا اخت حياوي
-اي هي
-اخذاها نمير وياه ولو ما الزلم جان كتلوة كتلة معدلة
-ياءء ليش
-شلون ياخذها وياة بعد تعرفين ربعنة
-ها خوش طمنتني اروح اگل لامها.
رحت گلت لعمتي وگابلتها روحي محترگة افكر بيها شلون تنساة كل ما تعاين لولدها تذكرة الله يصبرها ماكو غيرة.
رجعو جدتي من المستشفى شافتها عمتي وكامتلها تصرخ.
-ولج يمممة رراح وليييدي راح سفااح گلببي تعبيي راح سهرت علية الليالي امشط بگذلتة عافني وراح باصرينيي ييمة باصريني وليدي راح شلون انام ليلي
طاحت بالگاع گومناها نذرف دموع الحزن حضنت امها تشهگ وتبجي تبجي الصخر.
جدة حكمة: -يبني شلي بروحي بلياك.
لنتة مسافر واكعد اتناك.
گلبي تگطع اخذني ترة گلبي تگطع.
العين تدمع الروح كضت والعييين تدمع.
علي ابنها على ابنها ما لومها التبجي على ابنها.
تگطع گلوبنا وحنا نعاينلها جذاب اليكول الام التخلف الام التربي هي الام الحقيقية خلت شالها على وجهها وحبايبنة ونسوان الديرة ملتمات عليهاا.
هند: -مات الولد كلش تعبني.
مات الولد يبني. آه ياما كلش تعبني ودهري على اوليدي لحگني خايب يايمة ياريت دفانك دفني عمت عيني يابعد چبدي.
جدة نوفة: يمة بالنوم چني شايفتهم
وفزيت ماني لاگيتهم.
وخايبة غصبن علية فارگتهم.
هنالا يمة هنالا يمة.
يمة يا ماكعدنة وتسامرنة.
يمة والدوم ما دايم دهرنة.
جدة حكمة: -يمة انطيني راسك خل اوسدة
خايبة بحضني موش على مخدة.
خايفة لاگذلت وليدي تبدة.
وخاف الضعن عني تعدة.
طلعت منهم گلبي وگف من البجي محد يكدر يتحمل هذا النعي يهد الروح غسلت وجهي تطلع منة نار نشفتة بشالي وتعديت اشوف التفات واختها الشفية يتبسبسن ولا جن اخوهن الميت احنا عود مو اخواتها وسوينة دهر خوب سجيوة لمت الديرة بصريخها ورغيدة طاحت ترجف وتبجي وذني ولاجنهن.
دگ موبايلها مشت تخابر واختها لازمة ضهرها يكول ضلها هزيت ايدي ورحت ادور شريقة لگيت البنات حاضناتها وعلى فرد بجية هي تصرخ وهنا وياها يزيدن الطين بلة راح تطيح علينة.
-كافي بثجن الراح ما يرد اقرلة قران ثلن الة ثلاة الميت بدال هذا بجيجن.
ضربت على رجلها بحرگة وجهها صاير دم: -نوف تتخبل راح اخوها شلوووون بيهاا شلوون ولجننن والله تموت ماتضل.
كعدت يمها ماكدر احجي كلساع اختنگ مسحت دموعي بردني: -الله ينطيها الثبر ثبحانة مثل مااخذة يثبر گلوبهم لاتخافين نوف الها الله ينثيها (ينسيها)
اخذتها غسلت وجهها ورجعت لحجرتها هي والبنات يصلن صلاة الميت، الناس التمت بيتنة دخل فارس لابس دشداشة سودة وملثم رحت وراة امسح بعيوني الصارن نارر فل انگابة وحضني باسني براسي وراح للكنتور يطلع فلوس.
-يمتها يرجعون.
-يجوز باليل الله يستر ويعديها على خير بس لا يصخمون وجوهنا جدام الوادم
-خير يا ستار
-انمار كلها حادة سنونها علية وهما منا شلون يحبونة
-بيش طالبينة
-جي اخذ مرتة للنجف
-على هاي غير اخوها مامصدكة ميت بلكي تأيس فرد نوب
-اخ لو تسمعين الحجي علية خطية بس لايكومون علية ادعي تخلص على خير.
-ان شاءالله.
اخ ياحضك يا انمار كلها ماتريدك عاد شلون فقير ولا يختلط بيهم حتى من ناكل مايكعد ويانة دومة عازل روحة وجافي خيرة شرة بس حض ماعندة يكرهونة ومرتة ازيد من كرهة يكرهونها.
للضهر نصبو الجادر وصار البيت ماينكعد بية وصلنة خبر خمش كلوبنا خطية خطيبتة طاگتها ذبحة بالصدر ونامو بيها محد گال لعمتي خفنة عليها خطية كلساع تسأل عليها.
لليل رجعو الدفانة صار الصريخ طلعنا نتراكض للحوش سجاد كاعد بالكاع يدك على صدرة ويصيح.
-يااا عزززيززز رووحييي دفنتتتتك بيدددي ياصاااحببب رووحي عفتتك وحددك بالگبررر شللون عفتك وحددك. عفتك وي الناسسس الغرررب يحياااوي يااخووية يالحنييين شلوون انطاااك گلبببك تعوووفني.
طلعت امة كوة تمشي حيلها بايد حضنها مهند يبجي بصوت عالي.
-ولج يمة راح اخونا راح حياوي عفنا برملة على ورجعنا شلون اخووان احناا عفنا اخوونة وحددة ماخفناا علية يخااف وللللج يمة راح اموووت من القهررر.
حضنة عبدالله واحد يواسي بالثاني كلهم تراب يكسرون باب الگلب حتى الگلبة صخر يبجي لحالهم شگ گلبي من گال سجاد.
-مو جنا مثل العصافير بعش واحد مانعرف شلون البجي يصير. واليوم صرنا فاگدين وشفاگدين اخو مايجيبة الزمن مرتين.
التفتت لانمار لازم بيدة نوف يمشي بيها ما الها لاحس ولا نفس شافت اخوتها وامها عدتهم ومشت صاح وراها سجاد.
-نوووفااانة حنة خوانج هم التفتي علينة وباصرينة.
شهكت طاحت بالكاع تدك بيدها على الصبة جلب بيدها انمار: -عفتتتة ورراي عفتتتة شللوون ابااوع بوجوهكممم عفتتة جووة الترراببب اخووناا الحلوو دفنونااا وووولج يمةة دفنو ابنج دفنوة رااح حياوي بعد مانشوفة. رااح سجااد رااح اخوووك عفناااة وحددة سووودة بووجهييي شلون انطااني گلبي
فرفحت روحها مثل الطير المذبوح نهض سجاد كوة يتحرك حضنها يبجون بحركة ولوعة تجمعو واحد حاضن الثاني ونوف شابكة امها تنوح وتصيح.
-عفتة جوة التراب راح راح بعد ما اشووفة
ساعات ينعدن اسوء الساعات العشناها محد حاسب للموت حساب غفت بيدهم سحباها انمار من عدهم والولد كوموهم وعمتي دخلنها جوة امها ماعافتها تصبر علية.
-يمة السيدة زينب عليها السلام تكتلو اخوتها جدام عينها شدكولين عنها لاضل لا ولي ولا كافل حتى الصغار تكتلت جدامها هاي المصيبة العظيمة الماكو منها اغتدي بيها خليها جدام عينج وهذا امر الله تعترضين على امرة هو خلقة واخذة وليداتج صبري عليهم لميهم ضايعين.
-لا اله الا الله
همزين عدها ام تصبرها عفتها ورحت لحجرة نوف لكيتها نايمة مجلبة بانمار ردت اطلع وصاحني ارجع.
رحت يمها عيونها دم صايرة ورجلها ملفوفة شعرها منتوف سحب انمار دشداشتة من ايدهة على كيف وكام على حيلة لازم ضهرة. حالتة حالة مو احسن من عدها عيونة صايرات فصوص فصوص.
-ديربالج عليها خاف تفز وتصرخ
-راح اكعد يمها لمن ترجع
-ماتقصرين مشكورة
طلع وكعدت يم راسها اختنگت حجرتهم مابيها نسمة هوى مدري ليش ما ارتاح هنا چا شلون انمار حابس روحة بيها تنفست بقهر وضليت اقرة قران الها تشهك بنومتها.
فزيت مخروعة ونوف فزت جفت انمار دشداشتة مشگوگة وجهها دم يتنفس بصوت عالي انخمش گلبي فتح الكنتور يهبد هبد بالغراض ونوف تصرخ شهكت من طلع مسدس لازمة بيدة.
-الا اكتلة بية.