رواية بين سلاسل العادات للكاتبة كفاية كاظم الفصل الحادي والخمسون
سجى
لازمة المكص اعدل باطراف شعري التفتت شفتة نايم خرب حضي جا المن كاشخة وطالعة افلش للحيطان شمرت شعري ليورة مقلصة عيوني افكر ابتسمت من اجتني فكرة: -خل اخرب نومتة
رحت دنستة وجريتها بصوتي: -نايم المدلول حلوة نومتة ونايم المدلول حلوووة نومتتتة.
انكلب على وجهة وبقة على نومتة ماسكتت ورجعت اجوعر بصوتي: -نايم ياشليف الصوف نايم والمناية اتحووف من امدةةةة حضييي الاغبررر الشويب نايم من وكت كلة من ايدي ضيعت شبابي وي شايب مسلمها من وكتتت.
درت للصفحة الثانية تقربت يم وجههة بيدي المكص حسيت شواربة شوية طويلات زيادة كلت اعدلهن واقوسهن مديت ايدي على كيفي سويت جهة ودورت ايدي للثاني هم اعدلة مثل صاحبة وماحس المكص فالت وكاطم الطرف كلة شهكت وخليت ايدي على حلگي اباوعلة مطگط عيونة بوجهي رمشت بعيوني ورجعت بخطواتي ليورة ماحس الا خانگني وصاير فوگي...
-ااااخ اااخ اررفد راح امووت يبووووو ولك خنگتني
-شعدج فوك راسي تهوبزين ماتكولين بشر نايم.
-نايم وعايف هالجمال كلة!؟
-هو انتي بس من انام تكشخين وبالايام العادية گالبة خلقتج
مديت ايدي اعدل بشواربة: -عيب عليك تجذب الجذب حررررام
لطمني على حلكي: -من ورة صوتج راح اصير اطرررش
عضيتة بيدة بقوة رفعت عيوني منتصرة وهو خازرني: -هاي كل قوتج
-اكيد لا بس اكول خطية ماريد اطير ايدة
دنك راسة باسني بشفتي ودفعتة بقوة طفرت وسحلني ضربتة بيدة وصحت بية: -لااااا ارفد لاااا عوفني.
رجعني علية انضربت بصدرة نزل راسي بحضنة وكال: -جا هاي الهوسة عليمن صارلج ساعة جنج ملاية حتى ياريت صوتج حلو جنج غراب مخنوك
-بعددد بعد سويتني الغراب العطشاان حسبي الله ونعم الوكيل بيك يا ارفد الاملح هاي بدال ماتكول جنج بلبل يغررد سويتني غرراب انوب اسود
حاولت افك روحي منة ماكدرت مقيدني رمشت بعيوني وبستة: -هسة انتي شتريدين يا غضب الله.
-ترة انت فويسد افتهمتني غلط انا اريد نعيش مثل المثقفين دشوف حضرت حلويات وفلم ورتبت روحي حتى نتثغف
ضحك بصوت ودنك عضني من خدي: -افاا يعني هسة احنة مو مثقفين؟
هزيت راسي بلا وسحبت روحي منة ضل على كعدتة يباوعلي رحت من جهتة اسحب بية: -كووم يلا كووم خليني اعيش الاجواء
لزمني من خصري وكعني علية باسني وابتعدت رحت عدلت شكلي وكعدت بمكاني مشغلة الفلم.
اجة كعد يمي وخل عكس ايدة على الكرويتة واني داحسة روحي بحضنة وبيدي الريموت اعدل الصوت...
-يلا اسم بدا ماريد حركات فسوقية وتضيع علينة لقطة لقطتين خلي اسوالفنة سوالف مثقفين لايبوسون ولايعضون
-انتي منيلج هالحجي يعني المثقفين مايسون هالسوالف
-ابد هما اكثر شي عدهم يرفع ايدها ويباوع بعيونها بحنية بعدين يبوس ايدها ويمسح البوسة يكلها شواربي اذتج اسف بيبي
-طاح حض المثقفين اذا هيج
-يلا عاين واسكت.
-هسة انتي مو تردين تصيرين مثقفة شو هذا فلم هندي المثقفين يتابعون اجنبي لو فرنسي مو هندي
-خاب اسكت هذا يموت ضحك بية اكشن ومابية فسوق هواي.
كعدنا نتابع جان فلم هندي شايفتة مرة وردت اعيدة وياة لان اعرف محتواة اترس ايدي من الكرزات واخلي بحلكي وارجع اوكلة اني كلش اندمجت وياة ومن تطلع الاغنية الهندية اضل اركص وياهم واسوي حركات بيدي اقلدهم صار اعلان واحس اندمجت وياهم كمت اركص هندي واخلي ايدي على خصري واهز وراح منا وارجع منا فحطت وخلص الاعلان فكيت حلكي اباوع لارفد مندمج يباوعلي ومبتسم بشيطنة عضيت شفتي ومن الفشلة ردت اركع راسي بالحايط شلون نسيت روحي...
عفست وجهي بلطافة وكتلة: -خوش اعرف اركص هندي
رد علية بذبول: -كارينا كابور ماتلحكج ست سجى
تحمحمت وعدلت ملابسي كعدت قريب منة مسوية روحي مركزة بالفلم سحبني علية مطوقني بدية ويسالني هذا شيصير من الثاني واني اشرحلة بذمة وضمير اخر شي كرصتة من ايدة: -خل انشوف جا المن كاعدين غير حتى تعرف قصة الفلم
-شحجي وياج لاگفة.
خزرتة وهزيت اصبعي رجعت اتابع وصارت لقطة بين البطلة والبطل ماحس الا داير وجهي وخلة ايدة على عيوني: -مايصير تشوفين عيب عيب
-ها هم صدك بس تنتهي كلي وانت لاتعاين خوش
ماحس الا دفو شفايفة باسني متلذذ دفعتة كالبة عيوني: -عود صرت شريف الفويسد
-جا اخليج تشوفين وانا موجود انفذ احسن.
طلع روحي بمعنى الكلمة ماخلاني اشوف براحتي اخر شي طكت روحي وطفرت لازمة ملابسي بقوة واصيح: -مانصيررر مثقفييين لو تنگلببب الدنياااا ساعة السودة الكلت خل نعيش هيج اجوواء امدااني بعد اذا عدتها اذا ماخليك تمل وتنام وشوف يا چلبة تكعدك
-انتي اكيد
رحت للجرباية شمرت علية المخدة بعصبية: -احترم انااا مو جلبةةة.
طفر من مكانة صعدت فوك الجرباية متخوصرة بثنين ادية: -الشويب بيك خير الزمني بس خاف مفاصلك يكومن عليك ترة ما انام وياك مستشفى خاف تكول ماكالت
طفر على الجرباية واني كمزت بالكاع اخلي ادية على اذاناتي واطلع لساني: -ماتلزمني هييييي
باوعت للباب وقبل لاينزل ركضت وطلعت من الغرفة صار كدامي الحمام رحت اركض بعد ما استفزيتة واحس انجريت من ملابسي احس اختنكت سحبتة من نحايتي: -خنكتني الاملح.
سحبني علية صار ضهري بصدرة رجع راسي عاصر فكي بقوة ويهمس بين اسنانة: -السانج طولان انا صرت شايب وسالفة الاملح ماتعوفينها مو
-لا اعووفها والله بس الشيطاان ذكرني بيها حتى تصيرر بينة مشاكل نعلت الله عليك يالشيطاان يله انعلة حتى نرجع احباب
غمضت عيوني بوجع عرفتة مايسكت صار يعض وكل عضة تمووت دفرتة برجلي واضرب بية: -والله مو صوجككك كلة مني عايفتتك نايمم تتعارك وي الطناطل ولا مسويتلك اجواء.
ابتسم يمسح بشفتة اختفت ابتسامتة وفتح عيونة على وسعهن خفت من يمي تقدم على المراية الصايرة كبال الحمام يتلمس بشواربة راسا طكيتها ركضة بكل قوتي للغرفة قفلتها علية خليت ضهري على الباب اتنفس بسررعة واسمع صوتة هرج البيت هرج اجة يدك على الباب ويهدد...
-وولج غضببب افتحيييي الباب اليووم الا اعددمج مخرربة شواربي اذا ماخليتج تتشاهدين على رووحج الررعنة ما ارتاح.
-هسة شبيك ياحبيبي ترة ما متقصدة وداعت عيونك ردت اعدلهن ما اخربهن بس انت ضربتني وهيج صارن شبيك رفرف
-سجيوة تفتحين الباب لا اكسرة على راسج ولج شلووووون تتاجرئين وتروحينننن صووبهنننن ررركبتج اذااا ماملصتهااا ما انااام ليلي
-والله هم مو صوجككك عود ردت اعدلهن الك واسوي بيهن قوس بس صدك لو كالو سوي زين وذب بالشط هاي الناس ابد مو مال واحد يسويلها زين.
عفتة يهدد ويدك بالباب ورجعت اتابع الفلم واكل ولاجني اسمعة ساعة يرفع صوتة وساعة يحجي بهدوء: -بابا سجاوي حبيبتي افتحي الباب شلون اريد انام مو تعبان وراي شغل
-لا بابا ولا سجاوي ولا حبيبتي ترة ما اوكع بفخك لا تكيف تريد تكتلني روح نام بالصالة مافتح الباب
حالياً جاي اعيش اجواء المثقفين ماريد اخرربها
-وشلون تنامين بعيدة عن حضني؟
-اريد ارتاح على الاقل يوم واحد ياحضن هذا اشو خانگني وكل شوية وكالب علية وارجع ادفعك حتى ماكدر اتكلب من وراك مخرب نومتي
-ها هيج صارت سجيوة بسيطة نكرتيني بدقيقة روحي خل سوالف المثقفين تفيدج وانا اروح اسهر وي مثقفة
-درروح هي ياهي التكلبك.
راح واني اكل واتحرمس وين راح اشو لا حس ولا نفس رحت وانبطحت جوة الباب اشوفة من الفتحة لان اخاف افتح الباب ويطلع خاتلي لمحتة على القنفة يضحك ويحجي بالموبايل فتحت عيوني على وسعهن واحس الدم صعد لراسي اكيد ذني طالبات وياة ماخذ ارقامهن طفرت من مكاني وقبل لا افتح الباب انتبهت لملابسي ركضت سحبت تراك لبستة ورفعت شعري ذيل حصان وسويت هجوم علية راسا سحبت التليفون من ايدة بعدني اكلب بية وقيدني...
سحب الموبايل من ايدي وشمره: -هاا هااا ابوو البناات لزمتتتك تخووني عينك عينك اليووم حتى عزرائيل مايخلصك منييي
لوة ادية ثنينهن وكال: -لا والله انتي مايخلصج عزرائيل منييي
-هسة نشوووف الخاااين الماتخااف الله
صرنة واحد يملخ بالثاني لازمتة من شعرة وهو لازمني من شعري ملخني تملخ اخذ حيف السويتة بية مضاعف كعدت الصبح مابية حيل اشيل راسي فتحت تك عين اشوفة يعدل بشواربة على المراية.
كملهن ورش عطر من شفتة اجة صوبي غمضت عيوني حسيتة فوكي: -ادرري بيج كاعدة يلا كومي
ضربتة بكل قوتي على ضهرة لوم ضهرة بوجع: -صايرة قاسية
-لا والله انت القاسي انا بعد ماضل وياك اروح اشتكي عليك للعنف الاسري يشيلونك تعبتتتني.
كرص خدي بقوة وطلع يضحك عدلت شعري وملابسي طلعت وراة بين ماغسلت رحتله لكيتة يتصفح بتليفونة ويضحك رحت على اطراف اصابعي امشي صرت وراة ومديت راسي اشوف شيتابع عبالي بنات طلع يقرا الاخبار رجعت وسويت نفسي هستوني دخلت: -هاا شو كاعد وساكت
غمز وكال: -جا شتريدين نسوي
-ولا تصيرلك جارة فويسد هسة بدال هاي جان سويت ريوك كلت اساعد مرتي افرحها بشي بسيط بس احساس ماكو شنسوي كوة اخليك تحس.
-افاا ام الاحساس ياهو البارحة غركج باحساسة
-فسوووق وفجوور اغثني يا الله
رحت سويت ريوك صحت لعمتي كالت متريكة وطلعت رايحة لبناتها خليت الاكل على ميز الطعام وكعدنة ناكل يكول اعداء واحد يخزر بالثاني بحقد كملت قبلة وكمت: -يلا المواعين عليك انا مو سويت الريوك
-هو شسويتي مفطح هو جاي وبيض
-والله جان سويتة انت شوووف ارفد ترة متحامية عليك اغسل المواعين لا اعلنها حررب وشيخلصك من حربي.
غمزتلة ورحت للداخل: -بسرعة مو تتاخر انا راح ابدل ونطلع نشتري ملابس
رحت بدلت حتى نجهز لحفلة التخرج تجهزت لكيتة مخلص يغسل بادية راح ورجع مخلي عطر: -انت اخو الشيطان تدري
راد يلزمني وشردت رفعت ادية وكتلة: -انا مدخلني بالقران الكريم ذاكرين هالشي ان المبذرين اخوان الشياطين وكان الشيطان بربة كفورا.
تقدم علية مقلص عيونة: -اي يعني هسة انت تسبح بالعطر هذا تبذير وبالنفس الوكت تسوي اغرائات من تفوت من النسوان يشمنك حرام عليك عليمن ارش هالكد خو اخلي على كدي بس انت واليتقرب عليك يشمة صح حچيي لو غلط؟
ضربني على راسي وطلعني: -كاتلتج النسوان يشمن عطري ويدوخن
-هسة انا الدخت حتى هنا
-وليش انت مرة
فتحت عيوني على وسعهن وكورت ايدي قبل لا احجي كال: -حوورية انتي مو مررة والحوريات مايتأثرن بياهو الجان.
لزمتة من قميصة بقوة وعيوني يجدحن نار حجيت كازة على سنوني: -اذا بالك غير شي اعدمك موتك حلال تدرري
تلمس خدي وباسة: -افاا جميلة الجميلات رقيقات الرقيقات افكر بيج بغير طريقة حوريتي سجوة.
كلبت عيوني اباوعلة بشك رحنا نشتري قاط التخرج والوشاح موصية علية من النت اشتريت قاط اسود وشال كريمي واختاريت كعب ناصي لان طولي مناسب تعبنا بالاكسسوارات والاشياء الناعمة رجعنا هلكانين والمندوب وصل ورانا بساعة وشاح التخرج والقبعة وبوكية ورد احمر...
اخذت وشاح التخرج خليتة على جتفي مكتوب علية وٌلَسِوٌفُ يِّعٌطِيِّك ربًك فُتٌرضًى اباوع لارفد بعيون مدمعة سحبني وباسني بگصتي: -مبروك حبيبتي.
-الله يبارك بية الحمدلله من شفت هذا اليوم وتخرجت ماجنت متوقعة اكمل دراسة واتزوج شخص مثلك متحملني ويحبني
دنك باسني بقوة: -روحي انتي اكو واحد مايحب روحة وانا من اخذتج اعرفج حق المعرفة اختاريتج لانج شي نادر ومختلف اذا صرتي إلى حياتي راح يكون بيها اكشن وحب وخبال حياة محليتها بسوالفج
-يعني ماتضوج مني
-لا بس مرات تجفصين بالحجي
-شوية مو هواي.
ضحكنا وهو راح يسبح واني ارتب بغراضي ورحت لبست القاط ضحكت ورحتلة جان ينشف بشعرة
افتريت وكتلة بابتسامة: -حلووو
-تخبلين شو بعد افتري وتعاليلي
افتريت ورحت يمة صار هو يفرني ويكول: -عمي ساترتج العباية والا العالم اكلتج بعيونها
وكفني وسحبني علية يرتب بشعري: -باجر اذا تريدين ترحين بدون عباية انا ماعندي مشكلة ماريد يضل شي بنفسج خاف تنزعجين منها لو تردين تصورين بالقاط براحتج.
-لا بالعكس مانزعج انا بعد دخلت بعبايتي اربع سنين نازعجتني يوم واحد انزعج منها وهذا القاط عادي البسة جواها
باسني بكصتي وكال: -چا زين احسن شي تسوينه
تدرين الاساتذة والدكاترة مايعرفون اسمج بس يكلولي مرتك ام العباية وانا اكلهم اي
مر اليوم ثاني يوم الصبح كعدنا من وكت سبحت قبلة وكعدت اجهز بنفسي وهو كذالك اتصلت برغد
: -ها ولج جهزتي.
-اي ولج كلها تخوزر بية ولو تشوفين المجسب راح ينفجر من الحركة خو مرتة ما اسولفلج على شكلها من تعاينلي هههههههه
-دفتحي كاميرا خل اشوفج
فتحت كاميرا وصوفرت الها طالعة لعابة ومنا سمنانة: -وولج تجننييين عيني الباردة عليج تموتين حكة المجسب يموت جنج بالبرلمان لاتنحسدين يمعودة
-راح اقرا المعوذات لان ذني عيونهن مدري شلونها
-يلا ولي اريد اكمل راح الوكت.
سديتة منها اكمل تجهيزاتي كمت اشوف ارفد صفنت علية لابس قاط اسود والحذاء سودة والنضارة سودة بس الساعة والمحابس فضيات التفتلي وكال باعجاب: -تخبلين بس لو تقللين من المكياج لان صايرة خبصة شباب وبنات
-انت كلت بنات هم اذن قلل حلاة وشدعوة هالكثر كاشخ شني تخرجك هو
ضحك يعدل بشواربة غمزلي وكال: -تغارين سجوة
-مثلك هسة تغار؟ اذا انت تغار انا هم اغار
-انا ما اغار ابد
-حتى انا هم ما اغار ابدددد الحمدلله والشكر.
طلعنا من البيت ومشغل اغاني بالطريق يغني وياها ويغمزلي واني الثولة بس اضحك نزلنة سوة واحس روحي طايرة من الفرح لازم ايدي اني بالبداية كلت يجوز مايقبل الزم ايدة لان طلابة يشوفونة بس العكس صار كل شوية يرفع ايدي يبوسها ويتغزل بية
-ارفد بداعتي ماكدر اسمع غزل احس السكر راح يهبط عندي.
ضحك بصوت وشوية اجت رغد وفارس من بعيد تلج لج صايرة تخبل والفرح واضح على شكلها اجو باركولي وبدت الحفلة كلشي جان مثالي ويخبل ارفد يصور بية وكل شوية يعدل الوشاح لو القبعة اخذنا لجلسة تصوير بالبداية بس اني وحدي بعدين اني ورغد شكثر اخذنا وي صديقتي ريم وباقي البنات
عفت رغد تصور وحدها واني وي ارفد ناخذ صور.
لو بايسني براسي لو يلبسني القبعة ولقطات لازمين ايد بعض واحد يباوع بعيون الثاني اني اباوع بعيونة وهو مركز بشفتي كوة صورت بدون ما اضحك باوعت لرغد جانت تاخذ لقطات واشوف جاسب اجة كاشخ على اخر شي وكف بصف المصور ينافخ وهي تضحك بالصور والمصور ينطيها حركات وهي تقلدة
كعدت اتفرج عليهم واحس المجسب راح يطگ من الغيرة ماتحمل اكثر وصاح بيها: -كااافي ماشبعتي صورر وانت شني اخذك الواهس تصور وماكو روح شوف غيرررها.
رغد: -وانت شيخصك ماخذة من فلوسك
-سهلة بالبيت حسابج عندي تعلين صوتج علية
عافتة ورجعت تكمل واشوفة صار وجهة دم يريد يفترس المصور رحت اخذت رغد وهو اجة باركلي على اساس جاي علمودي واني ادري جاي علمود رغد
انطاني هديتة وراح ماعرف وين ورغد هم انطتي سحبني ارفد وباس كصتي طلع علبة جبيرة فتحها بيها تخم كامل كلادة وتراجي ومحبس ذهب انبهرت من جمالهن حتى ماعرفت شلون اشكرة لزم ايدي يباوعلي بتمعن وكال...
-تستاهلين هاي شي قليل بحقج
رحنا للمطعم بعد ماخلصنا تغدينا وفارس هو ورغد رجعو واحنا هم رجعنا رحت سبحت احس جسمي ثگيل طلعت لكيت ارفد فاتح عيونة بقوة شكلة مو طبيعي: -شبيك
-ماخذة فلوس من الكنتور
-لا بس ليش
-خمس ملايين مبيوكات مخليهن هنا
-دورهن زين يجوز ملتفات وي الغراض لو مخليهن بغير، مكان.
كلب الكنتور كلاب عافني وطلع لامة لحكتة ماعرف شحجة وياها بس صاير بارود طلع بدون مايحجي شي عافني ايدي على كلبي دقايق ورجع فلش البيت تفلش صرت على صفحة اباوعلة بذهول مثل الوحش ماخلة شي ماكسرة يمكن لو اروحلة يموتني...
-حلالنااااا تاكللللل بيةةة الكوا. ليشششش ليشششش عاااصم الكلببببب تجيييية الفلوووس على الجااااهز.
كلهن دقايق ينعدن وصوت سيارات الشرطة ترس المكان شهكت واحد يباوع بوجهة الثاني مصدومين احسة تفاجأ راد يطلع ورجع صاح بية بصوووت عالي
-البسييييي عباااااتج البسييييهااااا
ركضت ماشوف دربي جنت شامرتها على الجرباية حتى بعدها مامغسولة لبستة ولفلفتها علية الشرطة صارت بيتنة الرجيف اخذني وطلعت اشوفة وين الشرطة ملتمة علية وماحس الا جفتو الغرفة وهو يصيح بعلو صوتة: -عووووفو النسوووان لحدددد يتدنااالهننننننن.
انخلست واحس الدم وكف بعروكي شكو شصار شني هذا الانقلاب الصار بحياتنا!
امة مثل المصدومة وتسال بالشرطة كال واحد بصوت عالي: -لكينة جثة عاصم مكتول بالمنطقة وابنج اول شخص نشك بية
صارت تدك على صدرها وهجمت على ارفد الشرطة تحاول تكلبشة وتصيح: -كتلتةةة علموود الفلووس.
ماخلت كلمة مو زينة ماحجتها صارت تحجي للشرطة وتكلهم: -هو الكتلة هوو لان اخذ خمس ملايين ابني كتااال رجلي ابني كتلة كل مرة يهددة المنطقه كلها تدري بية وهسة اخذ فلوس وكتلة
احس حيلي باد ورجلية بعد ماتعيني اباوع بعيونة انكسار دموعي تنزل بغزارة والساني انشل احس روحي تنسحب كلما يبتعد يسحلون بية وعيونة علية يصيح: -لا تصدددكين سجوووة لاتصدكييين.
طلع وبعدها ماحسيت شي غير الضلام تمنيت ماكاعدة عباس يعدل بية اريد استوعب عقلي وكف ادركت اني بالمركز استجوبوني وحجيت بالحرف الواحد من الخوف طلعت عباس لازمني من ايدي امشي ماشوف شي الدنيا اسودت بوجهي...
رغد
من بعد الصار تأكدت السعادة ما ادوم النة ابد.
مسحت دموعي ومررت ايدي على شعرها السرح دنكت بستها بكصتها وهي نايمة ماتدري بالدنيا لا صرخت ولا بجت بعدها بحالة صدمة حقها الصار مو قليل...
تفقدت حرارتها لان شفتها تهلوس الحمدلله مامرتفعة بس تلهج باسمة عفت يمها هدوة ونزلت سويتلها اكل وصعدت كعدت يم راسها اكعد بية واضرب على وجهها: -سجوة اكعدي اكلي راح تموتين.
فتحت عيونها ورجعت غمضت لزمت وجهها بين ادية: -كومي سجوة شدي حزامج لاتضلين نايمة وين سجيوة القوية لاتضعفين كومي شوفي السالفة شني صدكتي رجلج يكتل كونج مصدكة ضلي على نومتج ضلي نايمة عبنج وحدة ضعيفة حرامات ارفد رجلج.
بس دموعها صارت تنزل وشهكاتها تطلع مكورة على نفسها وحرف مانطقت رجعت احاول وياها لان راح تموت كلشي مامخلية بحلكها: -اكلج انا اشك بهواي اشياء بس اريد منج تكعدين ونتناقش ونحلل السالفة احتاج منج معلومات يجوز نوصل لشي مهم ها شكلتي؟
شفتها تناشغ ماتحجي شي ضربتها على وجها وصحت بحركة: انتييي مو ضعييفة لاتخلصييها بجي كومي شوفي المحامي بيتتت رجلج واملاكة وين رراحن ياس اتصرف بيهن لو عفتي كلشي كوومي احجييي وياااج لاتسكتين
فتحت عيونها وشهكت: -ارفد راح من ايدي ضاع مني بعد ياهو الاكلة الاملح ويتحملني
-ما دام هو بريء وما كاتلة مايروح يرجع وداعتج بس صيري قوية لاتضيعين وراة وراج هواي شغل بعد.
كومتها وغسلت وجهها سندتها علية صافنة بغير عالم صرت اسويلها لفات واوكلها كل شوية غاصة باللكمة شربتها ماي ودكيت على ضهرها دموعها تجري وتكول: -راح ارفد راح يموتونة حتى اكل ماياكل مثلنا.
دخلت بنوبة بكاء طويلة عفت البيدي واسكت بيها لو ابجي وياها تدمرنة كلنة مو بس هي كلنا مكابلينها ونهود عليها المصيبة رجعت نامت حتى تبجي براحتها عفتها ورحت اقرا امتحاناتي حتى مالي واهس بكلشي ضليت يمها بس من عندي امتحان اروح امتحن وارجع...
من اجت ما نزلت من الغرفة على نفس النومة حدها للحمام انتهت بعد ذاك اليوم المشؤؤم وين سجى الصوتها يلعلع والنهار كلة تسولف صارت شخص ثاني.
كومتها كوة اخذتها تسبح سحبتها امشيها كعدتها نشفت شعرها وبديت امشط بية طبعاً من يوم الاجت بية محد فتح الموضوع لو حجو كدامها لان نخاف عليها حتى ماخليها وحدها اخاف من نسوان عمي يحجن شي كدامها وتتسودن بالزايد من اطلع اخلي البنات يمها حتى يتصرفن...
اسولف عليها وهي ساكتة ضفرت شعرها وكمت اجيبلها عطر دخلت مريم خزرتها ورحت لسجيوة كعدت يمها ارشلها عطر رفعت عيوني لمريم سلمت على سجى وكالت: -لاتضلين نايمة كومي وشوفي حياتج خو ماتكضين عمرج كلة منتظرتة بعد هو مؤبد حكموة اذا مو اعدام
شهكت سجى مطگكة عيونها بطريقة تخوف لزمت ايدها واهز براسي لا لزمت وجهها اضرب بية لان شفت وجهها ازرگ: -جذذذب جذذذب سجى لاتصدكين هااي من وحدهااا.
صرت ادك على وجهها وادلك بصدرها واصيح: -ووولجن الحگلييييي البتتتتت مااااااتتتتت
التمن علية وحدة تفرك بيدها وغسلنا وجهها وين يلا تنفست وصارت تملخ بشعرها وتلطم بخبال لزمت اديها مايهمني الضرب اليجيني بالغلط فحطت ونامت على وجهها بس دمعها على خدها مسحت وجهها وبستها طلعت الموجودين وخليت هدوة يمها...
طلعت والنار شابة بية كفيت ارداناتي وجفتت لغرفتها مالكيت واحد فارغة نزلت جوة واني دمي فاير لكيتها تشتغل بالمطبخ هجمت عليها اصيح: -ووولج اليووووم اموووتج الززززماااالة الررررعنة اليوووم عزررائييييل مايخلصججج مني.
لزمتها من شعرها وركعت راسها بالحايط وكل بوكس والخ ملختها تملخ شعرها وكعتة بيدي اجن يطلعنها مني رجعت عليهن املخ بيهن واصيح: -س تردددن تموووتنهااااا اليوووم انعلللل السااااعة الصررتن بيهااااااااااااا.
حسيت اندفعت وانركعت بشي درت وجهي شفتة جاسب جاي يركض رجعت علية بناري من قميصة عتيتة ادك علية: -ااااانعل يووومك ويووومهاااا هسسسسة تطللعووون من البيتتتتت لااااا احررركة فووووك رووسكمممم تحملنااااكم هووواي يلااااا بررراااااااا
ضربني راجدي دفعني ليغاد حسيت الدم يغلي بعروكي صرت مااشوف شي كدامي رحت للمواعين صرت اطلع واشمرهن علية واصيح بعلو صوتي...
-تمدددد ايدددك علييية العااار طللللگنييييي طلگنييييي طلگنيييييي اموووتكمممم ثنينكمممم اليووووووم شفتوووني حاااايط نصيصصصص اليوووم امووووتك وادخلللل سجن وررة اررفد
صارت كلها تطافر اشيل واشمر بالمواعين الكزاز حسيت ادية تطوقت شفتة فارس كوة سحبني لازم ادية ويصيح: -شبيييج تسووودنتييي ررراح تموووتين انتي والبطنننج
-خلل يطللعووون من البيييييييت اذاااا شفتتت وجة المجسبببب اااااموووتة واااادخل سجن.
سحلني سحل عفت الكاع صايرة طشار صعدت الهث واحس جسمي نار صحت بهدى: -وولج جيبيلللي ملابسسس اسببببح
راح تركض خايفة جابتلي رحت للحمام سبحت بماي بارد يلا ارتاحيت وشوية جسمي برد رجعت للغرفة اشوف سجى نايمة ودموعها تنزل دنكت مسحت خدها: -شووفي ملختهااا والله بس يحجن وياج شي العبن بيهن لعب يلا كومي شني انتي نمتي وانا اخذت دورج.
اروح اجيب اكل جعت وتاكلين وياي غصباً ماعليج خوش لا هم اسحلج وياهن.
ابتسمت على كلامي بستها بخدها بقوة ونزلت جعت بشكل مو طبيعي بطني فرغت لكيت الهوسة الجوة ومرت جاسب تبجي وتشكي وحبوبتي تسكت بيها المطبخ كلة كزاز ينضفن بية دخلت باوعت بحدة كلهن يخوزرن بية بحقد رفعت اصبعي بتحذير.
-شووفن واسمعن شكو وحدة بهل بيت تجيب طاري ارفد لو بس اسمة جدام سجيوة اخليها تصيح الغوث الغوث انا ادري بيجن ماتحبنها وراح تبدن بسوالفجن تكلنها رجلج مجرم لو تحجن غير حجي علية والله ثم والله اسحلجن سحل وهل تشوفن حبلة وابني وياي يعارك مو بس وحدي والتحب تجرب خل تنطيني اشارة.
خنسن لان السويتة مو قليل ومريم انتهت بيدي بس تستاهل متعمدة تغثها وهي بهالحالة صارت تصرخ وتدعي علية وتكول: -ترريديين تطييحين ابنييي حتى يشفىىى غليلججج وانااا اكوول ماكووو فقيير تخططين حتى ترجعين جاااسب وتخلينة يطلگني
-للج لا اجييي اسحلج فووك ما انتييي مسحوولة انتييي وااابنج ورجلج الخببببل اخررر اهتماماااتي واخررر شي افكرر اسووي ارجعلة لو مو يطلگج لو يمووتج ما ارجعلة.
رفعت اصبعي بتهديد واني ارجف: -لللج هيييي ثااني مررة السااانج لايلفظظظ اسميي الضااهر ترريدين تضوكين لحممي وتدررين بية مرر ماينجررع استرري واحفظي رروحج وابتعددي عني وعن اخواتي ميت مترر وهاي انا حذررتج وانتي بكيفج
دخل جاسب يصيح: -لج شهل صوووت اليلعلعععع مو اجيييج
خليت ايدي على خصرري ورفعت ايدي الثانية: -تعااال يلة تعااال يالزلممممة تعاااال هالمرررة موووتك على ايييدي واااعلمك شلووون تهددد.
جاسب: -لج انتي صايرة جسررة ماتنضبين شنييي تكتلين وتكسررين عبالج محد يكدرلج
-اليدوسلي على طررف يشد حزاامة
عفتة صاير نار والجو مشحون ورحت للثلاجة طلعت همبركر وطماطة خليت الطاوة خليتها تحمة وبديت اثرم طماطة ولا جني اسمعهم ولا يكول الحجي علية سبحان الله وين جنت وين صرت هالقوة ما اجت من عبث اجت من ضربات متتالية...
واكف يخوزر بية يريد ياكلني واني اباوعلة بنظرات باردة استفزازية ذبيت نفس وكملت گلي خليت ايدي على بطني البارزة وكلت بصوت مسموع وهو عينة علية: -حبيبي ماماتي تريد طرشي ادري بيك تحب الحموضة
رحت للثلاجة ادور مالكيت بس ليمون طلعت كصكصتة وي الزلاطة وانتظر الطماطة تنشف شوية واجة بيدة علاكة خلها على السنك كال هذا طرشي
رفعت السجينة بوجها: -منو كالك اريد طرشي بيك شي انت اخذ منك.
دفرت العلاكة بيدي وهو مصدوم من تصرفاتي الجاي تتغير وماكدرت اسيطر على شخصيتي الجديدة الضاهر الحمل هواي اثر: -اخذهااا لا اذبهاا بالزبل اكل شي منك حتى اتسممم
طگگ عيونة بعصبية واجة صوبي رجعت ليورة بيدي السجينة رفعتها بوجهها اصيح بحركة: -لللك جاااسب لا تخلليني اتووررط بيك لااااااا تدخل بية ماااا ريييد منننننك شي لاتسوووي رروحك حنييين حتى ارررجعلك عووووفني عووووفني.
وكفت مصدوم يباوعلي بتعجب بداخلة يكول هاي تخبلت كلها التمت تباوعلة بغضب اجة فارس يصيح علية: -ماااا تعوووفهااا بحااالهااا وتالي ويااااااك جااسببببب شووكت تخلص هااي المهززلة كل ماشفتهاا مرتاحة تجيي تخررب عليهااا طلگهااا وخلصناااا مخليهااا ادمغ عليهاااا شففففت الجووو حاليلك
اشر على روحة متعجب من كلامة: -انا مامسويلها شي بس هي تجاوز اخلاقها سززز.
اجة لزمة من قميصة عيونة دم فارس محترك دمة علية مثل رحمن وازيد: -عووفها اخلاقها مو زززينة لاتكررب صووبهااا
دفعة بقوة وطلع بدون مايحجي واني من العصبية ارجف...
فارس: -ما ارتاح اذا ما اشوفلج حل وي هذا الخبل
-اي والله ياريت جا انا شريد غير تخلصوني شوف سمم علية الاكل شي شافني اريد اكل سممني حتى شهيتي انسدت
فارس: -لا مايصير اكلي لايصير، عندج فقر دم وسجيوة لاتعوفينها بين ماتكوم ونشوف سالفة رجلها.
-صدك شصار بالسالفة
-امة اشتكت علية هو الكاتلة علساس منطيتة خمس ملايين وهو كاتلة لان مامرجعهن ومحققين وي اختة ورجلها هم نفس الحجي كالو ارفد من زمان يتهدد علية يكتلة بس يلزمة
-الله لايوفقهم كلها اعترفت علية جا شلون يحكمون علية هيج ماعدهم دليل ما لكو
-لا مالكو شي لكوة مكتول ومشمور حتى بصمات ماكو الكاتلة لابس جفوف هم لو لاكين بصمات علية جا سهلة شغلتة
-هسة شلون بية يروح مؤبد
-والله مادري شلون تصفة.
ذب حسرة وطلع واحس گلبي قبط قهر شلون بسجى من تسمع بالمؤبد اويلي عليها وعلى حضها
صعدت الصينية وكعدت يم راسها انقر بيها بازعاج منا لمن طلعت روحها: -كوومي ولج الفررخ يدعي عليج راح يموت من الجووع كومي يللاااا
كوة كومتها صحت للبنات يجن ياكلن ويانة كلنا كمنا نسويلها لفات ونوكل بيها اني من الجوع كمت اطبك لفتين سوة...
شروق: -على كيفج لاتغصين
-لا ما اغص اكلي ماعليج بية
شروق: -اكلج رغد صايرة باتمان شني.
زهراء: -لا باتمانة تسحل سحل والله صايرة اكشن عود حامل
رغد: -يحركن دمي الجلبات وانا جوعانة تغديت بيهن
مر الوكت ونحاول نطلع سجى من حالتها بس للاسف ماكو اي تغيير كلمة ماتحجي جسمها هزيل كوة نوكلها الوكت كلة نايمة بس تبجي شكد حجينا شكد ردنا ماكو نتيجة...
بيوم جنت بالدوام رجعت تعبانة وجوعانة ذبيت البيدي ورحت للثلاجة اجت مريم تطبخ ما اهتميت لوجودها: -اكلج شني انتي بس تاكلين ماتعرفين تطبخين منا ورايح عليج نوبة مو بس انا اطبخ وطفلي نازل عود وانتي صحتج عال العال وكلشي ماتسووين ترة ماصارت هاي.
رشيت عليها ماي: -عين الحاسود بيها عود عضة اسد ولا نظررة حسسد عينج لاتخلينها علية انا ماكاعدتلج عندي درراسة وهاي شغلتج هي هاي المتزوجة تطبخ وتنفخ مامودية عليج تعاي تزوجي شغلتج هاي
طلعت فواكة مخليتهن ورة المسواك كعدت اكل وذبيت البيدي من دخلت هدوة وجهها اصفر تصييح الحگيييي سجيووووة.
نو.
رجعت من الدوام لكيت سيارة زرگة رياضية كبال بابنا استغربت منو هذا الجاينة رحت امشي واخمن استبعدت انمار واقاربة لان مايستخدمون هذا النوع من السيارات لعد منو؟
ماطولت هواي وعرفت الجاينة الصراحة ابد مامتوقعة حتى من الصدمة انعكد الساني...
ضليت واكفة بمكاني باب الاستقبال اباوع للموجودين بفهاوة وهما ياكلوني بنظراتهم خاصة هو لا كدرت ارجع ولا ادخل صاحت المرة: -تعالي خاتونة دنشوفج ونتعرف عليج لتستحين امي انتي
رمشت بعيوني وامي هزت براسها بمعنى ادخل دخلت بخطوات مترددة كعدت بصف امي وعيوني مدمعة كل ماحس بنظراتة علية اتذكر انمار فركت ايدي بتوتر والمرة كالت: - ياعيني شهل جمال شكلج كيوت ماتوقعتج هيج صح كال حلوة بس طلعتي احلى.
باوعت بوجهة وكتلة: - شكراً بس اني متزوجة خالة
-اي نعرف وراح تنفصلون عن قريب
-وحتى لو انفصلنا ماريد اتزوج مرة ثانية جربت حضي مرة وحدة يكفي اريد اشوف حياتي بدون رجال
-بس ياعيني ميصير هالكلام المرة مكانها بيت رجلها وشكد ماتبقين تحتاجين رجاا يسندج
-اخوتي موجودين هما سندي ما احتاج غيرهم
خزرتة بطرف عيني احسة استفزني من كال: -اذا طليقج مابية خير وماكدر يحافظ عليج اني غير صدكي جربيني وشوفي احطج ب عيني.
كمت من مكاني متنرفزة وصايرة اعصاب: -مااريد اجررب لا ااانت ولا اغيييررك مكتفييية وعييينك خلهاا تشووف بيهاا الطرريق واعتقد الباب تندلة
مع السلامة
عفتهم وطلعت مايهمني شيحجون يا زواج يابطيخ اني روحي طالعة من الدنيا تعاي جربيني والله لو وحدة عرفت شلون اتصرف بس لان امة موجوده
صعدت الغرفتي ورحت للشباك شفتهم برة واكفين يسولفون وي امي التليفون جان بيدي اخذتلهم صورة وشمرتة رحت ابدل...
نزلت جوة اكل وامي تلكتني صايرة عصبية تصيح
-ادبسززز شلون هييج تحجين وي العالم انتي شني ماتستحين منين هالصلافة الشايلتها
-واليرحم والديج جوزي مني ولا تجيبين طاريهم ترة روحي طالعة ضيم الدراسة بصفحة والدنيا بصفحة
سحبت كرسي وكعدت على الميز واحس اذني انرفعت لزمتها متوجعة: -اااخ يمة شبيج
-ادرري بيج ضجتي على انمارر مو ولج لا بحالج عايش وناسيج وانتي بعدج تحنيلة مثل ماهو عايش حياتة انتي هم انسية انسسية.
-وهسة شفتيني الهج باسمة النهار كلة لو تليفوني يدك علية عايشة حياتي شتشوفيني مكطعة نفسي علية
-جا شضال بيج علية ولج ماما اني احجي لمصلحتج
-استغفرالله استغفرالله يامصلحة
-الطلاك عن قريب اتطلكي واتزوجي شوفي حياتج طبة طلعة سفر الناس عدهم خير من الله كلة سفرات خارج العراق وحتى اذا تحبين تستقرين بالخارج نص اهلهم هناك ليش يا ماما ترفضين هيج قسمة زينة.
-يابة زواج گطنة وشيليها من اذنج بعد لعبت روحي اريد اشوف مستقبلي احمر اصفر برتقالي اني بيا حال الدراسة مدوختني عايزة دوخة
-شوفي اكلج الناس منتظرين منا خبر والولد عزابي مامتزوج وانتي مطلكة وصعب تلكين واحد عزابي لج هذا عرض مايتفوت الناس خوش ناس والولد شاريج وامة حبابة ومثقفة اطلعي من ذولة الهمج الماشفتي الراحة وياهم.
-والله يا ماما ذولة الهمج اهلج وابن اخوج التحجين عنة والراحة اذا مامكتوبة ماتجي لو وي السلطان مستقبلي اريد ابنية بيدي اكمل دراستي واشتغل بعد مستحيل يصير، اسمي متزوجة عمري كلة راح ابقة مطلقة
غمتني بكصتي وراحت: -والله انتي الحجي وياج ضايع لو احجي وي حيوان افتهم بس انتي عقلج مغسول ماعتب عليج.
ضليت اكل بروحي من الحركة اني وين افكر وهي وين تفكر ردت اكل حتى نفسيتي انسدت كمت كالبة خلقتي لفيت راسي ونمت كعدت على توقيت الموبايل لان عندي دراسة لازم اكملها نزلت بيدي الملزمة لكيت بس سجاد بالبيت جان كاعد بالحديقة يدخن ومشغل قصيدة
مصابك فجعني وصرت احس
سمك سرى بروحي
فكدك نزف حيلي ولا تتخيط جروحي
لو بالبجي ترجع إلى جا رجعك نوحي
اجفاني ماتنلام اذا تجري الدمع احمر
عشرتنة من معنى الهجر مابيها لو ذرة.
عشنة العمر مانفترك على الحلوة والمرة
حتى الهوى النتنفسة نتشارك نجرة
بعدك صرت اشهك حزن وابفكدك اتحير.
اشوفة مندمج ويضرب على رجلة بحرگة ويدخن دموعي صارت تسابق منو تنزل اول وحدة خليت ايدي على حلگي امنع شهگتي واني اباوع لسجاد الحزن مغيم علية حتى لو يضحك ضحكتة جذابة من راح صاحبة واخوة حياوي صار وحيد من الشغل للبيت جانو العصر يطلعون وبالليل يرحون سوة سجاد خسر صاحبة واخوة اربع سنوات واحنا مانسيناة لو مرت فترة اكثر من شهرين واحنا مارحنا للنجف من غير الثواب الكل خميس نسوي ونوزع مستحيل ننساة وننسى ذكراةة...
كعدت على صفحة مخلية راسي بحضني اشهك واني اتخيلة هسة ابنة يمشي ويحجي خلال هالسنوات وين رحت يخوي وين راحت سرى كلمن مشة بدرب والدرب الاخذك مارجعك...
حسيت بشخص طاوقني يطبطب على ضهري ويبوس براسي شهكت بالزايد وجلبت بية ابجي بحركة...
مهند: -كافي عزيزتي كافي لاتفتين كلبي بجيج
-هناوي اشتاقيت لحياوي شنو انت ما اشتاقيتلة
-نشتاگ وربج يعرف بالمشتاگ بس مابيدنا شي بس نروح لكبرة.
-اخذني حباب اريد اروح احجيلة الصار هسة مناظرني يريد يسمع سوالفي
حضني يسولف ويوعدني ياخذني كلهم اجتمعو وحتى عبدالله يدغدغ بية لو يحجي سوالف بايخة حتى اضحك بس مافاد...
كعدت اقرا واقرا الوقت بسرعة يخلص وبعدلي هواي مواد اندك الباب عدلت كعدتي ودخل سجاد بيدة صينية اجة خلاها كدامي متروسة حلويات وعصاير وفواكة: -تسلم تعبتك
-بعد روحي تعبج راحة ركزي بقرايتج
-هو جاي احاول انسى الدنيا شلونك انت؟
-زين من اشوفكم مرتاحين
-سجاد ماتزوج
فتح عيونة مصدوم رجعت شعري ورة اذني وبللت ريكي: -شوف سجاد البيت ناقصة شي تزوج حتى يتغير جو البيت وتجي مرتك نفر جديد تشاركنة كلامنة ونضل نحشش عليها ويصير عدنا جهال بالبيت والله شي حلو وانت مو جبير وخطية امي فرحها
-الله كريم من الكة بت الحلال هسة اريد اخذ البكالوريوس وبعدها ان شاءلله.
-هيييييي لككككك واخيررررا عشتتتتت عشتتت يمة متحمسة اصييير عمة واركض ورة جهالك بالصوندة هههههههه
ضحك وضربني بالشقة: -عوفي جهالي واقري لاترسبين من وراهم
طلع واني فرحانة من كلامة ومتحمسة كملت متاخرة كمت بسرعة حضرت ملابسي للدوام وركضت اشحن تليفوني فتحتة علمود اوقتة وطلعتلي الصور ابتسمت بخبث ودزيتهن لانمار كتبت جواهن...
-شوكت تطلك مو الناس مستعجلة تريد تحدد موعد العرس وانت ماخرهم يكول خطيبي اني اخلي محامي خاف ماعندك وقت لان خطية يرد نتزوج حتى نسافر لتركيا وعندة شغل هناك بقة معطل يلا مو تتاخر اكثر من هيج...
دزيتها وخليتة على الشحن نمت مرتاحة شكد حلوة الخباثة وخاصة من تحرك الشخص الغاثك نمت كم ساعة وكعدت بالكوة اتثاوب واذا ما اسبح مستحيل اصحصح واركز بشي حضرت نفسي وطلعت مستعجلة بس اخذت مصروفي...
بالطريق فتحت الموبايل واشوف 44 مكالمة فائتة دخلت على الرسائل كلة الغاء الرسالة الضاهر دازهن وماسحهن ابتسمت وراجعت للامتحان...
طلعت من الجامعة بعد ماخلصت وطلعت من قاعة الامتحان رحت بوجهي للمكتبة استنسخ ملازم ماحس الا خطف مني بسيارتة طبكها بسرعة جنونية ونزل صاير، نار سحبني من ايدي والطلاب كلها تباوع.
نترت ايدة ماكدرتلة صعدني بالصدر وطبك الباب شغل السيارة بسرعة جنونية گلبي صار بلعومي من الخوف خفت احجي شي ونسوي حادث مثل ذيج المرة اذا قبل طلعنا سلامات هسة هيهات مو كل مرة تسلم الجرة...
اردفت بصوت يرجف: -انهار على كيفك فدوة خفف سرعة
صاح بصوت عالي وكان رجعنا لذاك اليوم
انمار: -للللج خطيببببببج صاااااار واااااانتتتتي على ذمتتتتي اااناااااا اعلمججج
-وكف السيارة وخل نحجي مو وانت طاير كتلكككك وكفههههها.
سويت روحي اختنكت واكح لازمة صدري يلة وكفها اشرت للباب وهمست: -افتح الباب حختنك
نزل يركض خايف ويرجف فتح الباب وسحبني من صارت رجلي على الكاع دفعت ايدة وسديت الباب جنا واكفين بالشارع ماكو ناس بس سيارات اخذت راحتي...
تكتفت وكتلة: -يلا استاذ طلگني انت مو كلت اطلگج وبنك واذا ماعندك وقت هو عندة وقت.
عيونة صارت دم ومن العصبية برز شريان بكصتة ابتعدت وهو يتقرب احاول ابين مامهتمتلة خليت ايدي كدامي مانعتة من يتقرب: -بدون لغوة شوكت تطلك ماصارت هاي لا والنوب تجيني خطابة واني على ذمتك هههههههه وانوب اكلها خالة بعدني متزوجة يكلي عادي اروح لرجلج تخيل
رجع للسيارة يضرب بيها دفرات برجلة وبوكسيات ويصيح: -لجججج شلللوووون تطلعيلهممممم وتكعدييينننننن يممممة شلوووون.
حجيت برود ازيدة نار: -غير احنة منفصلين بس منتظرين كلمتك ومباشرتك بالموضوع وانوب امة المشكلة تتغزل بية و.
سكتت من دار وجهة علية يتنفس بصعوبة وجهها مقتحن احمر بلعت ريك كلت راح يدفرني واطير
-والله اني مدخلني هاي امي كالت ادخلي
-لجججججج اصعدددددي اليووووم احررررك اممممجججج.
صعدت اطگطگ صعدت وشخطها الطريق كلة حابسة انفاسي لان كلمة مني يثور ونسوي حادث هو خلصها بس ينافخ ويعض باصابعة وصلني للبيت رحت اركض واسمعة يحجي وي امي بس ماسمعت شيحجون راح واني بعد مانزلت للعصر كاعدة بالمطبخ واخواني موجودين واسمع الباب يتعطر وصوت بنية تصرخ بعلو صوتها طلعنا كلنا نررررركض.