رواية بين سلاسل العادات للكاتبة كفاية كاظم الفصل الثامن والخمسون والأخير
ها قد عدنا لكن بعدما حل الامان واستقر الحب في قلوب المتعبين المخذولين، عدنا بعدما تبدلت الاحزان والضحكة استوطنت الدار.
اتعلمو ان السلاسل انكسرت!
والاسرى تحررت!
اذن احبتي القدر انتصر
تباً لعادات وضعت منذ القدم.
نو
بين تغريد البلابل وزغزغة العصافير كاعدة اتامل المنظر تنهدت براحة وعيني راحت للمرجوحة اليلعبها الهوى ابتسمت ورحت كعدت بيها احرك برجليني وشعري يتناثر من اجمل اللحظات إلى احس بيها بالراحة لكن خربها صوت عرك ميمو مع سكر كمت فتحت الباب ورفعتة احرك بية بالهوى...
-لك صخام الى متى؟ بس گلييي شلون بيك ماترتاح اذا ماتسوي مشكلة شسويلك انطيك للكلاب اخليهم ياكلونك.
باوعت لسكر فروها منتف اخذتة رافعتة فتحت الباب وشمرتة بالشارع رفعت اصبعي بوجهة وهو خازرني بغضب: -يلا منا ماعدنا ولد يسون وكاحة يلا اتوكل الشارع يلمك انت مو وجة خير
طبكت الباب ورحت صوبهن خليتلهن اكل وبدلت المي مالتهن: -طردتة خيولي لاتضوجن.
دخلت جوة البيت صنطة طلعت العجينة لكيتها مختمرة كعدت اسوي فطاير وادندن بصوت ناصي خلصتهن وخليتهن بالفرن ينشون خدرت جاي وغسلت ادية توجهت للغرفة الف بشعري فتحت الضوة وكفت متخوصرة اشوف انمار حاضن روزة
علي صدرة وثنينهم نايمين عضيت شفتي بقهر وتوجهت للمراية...
-اني اعلمكم بسيطة صايرين ثنائي لطيف واني البعبع اصير البعبع مو بس بالاسم.
طلعت اقلام الحمرة والكحل والايلاينر تقربت بهدوة صرت ورة ضهر انمار رفعت التشيرت عن ضهرة هو غاط بالنوم للعشرة يلة يكعد حقة من السهر...
رسمت بالايلاينر عيون دوائر وبسطهن نقطة على اساس عدسة العين كملت الوجة الحواجب رسمتهن شيطانيات والخشم جبيرر والشفايف بعد اكبر اخر شي حاوطتهن بدائرة علساس الوجة وهنا بديت امكيج خليت حمرة للشفة وشوية توريد للخدود وضلال كملت رسمتي واني كاتمة ضحكتي سويتلة جنية رجعت بقلم الحمرة ارسم علامات الجمع والضرب والقسمة ماخليت ضهرة سويتة لوحة.
صفكت ادية بالهوى ورجعت لروزة رسمت على زندها نفس الرسمة بس صغيرة وهي تتحرك دمرتني اخر شي فزت فاتحة عيونها وعاكدة حواجبها بغضب بلعت ريك وابتعدت اغطي بيهن: -نامي حبيبتي نامي اجيت ابوسج
لزمت ابوها من تشيرتة ناحية صدرة عود تغورني اتذكر البارحة صارت حرب طاحنة وسوو فريق هي وابوها ضدي واني وبزازيني عليهم صارت مراكع هزيت ايدي وكمت انثر بشعري واعيب عليها بوجهي.
لزمت انمار من شعرة بعصبية وصرخت طفر مفزوع يكلب بيها واني ضليت متصنمة بمكاني
انمار: -اسم الله حبيبتي شبيج
خزرني يكلي: -كرصتيها؟
- مو عيب شنو هالحجي
كلبت عيوني ورحت للمطبخ طفيت الفرن والقوري رحت اصيحهم يتريكون وطلعو من الحمام انمار يمسح بوجهه ويعدل بشعرها باوعت لايدها وكتلها
-ماما روز شبيها ايدج.
ثنينهم ركزو بيدها من شافو الرسمة انمار خزرني وروز تسودنت ضحكت وكتلها: -هذا جني انمار البارحة رسمها صايرة قبل يلا عادي ماما عوفية هذا بعبع
انمار: -ماكو غيرج بعبع
-لكككك انهاااار تعررف شتحجي اذاا اني بعبع بعد لاتتقربلي
ضحك يكلي: -وين متقرب اشو الناس تذب روحها علية بكامل اناقتها
-الجذاب جهنم تحررركة تسمع انمار جهنم لك يمتها ذبيت روحي عليك بس بسيطة.
راح يغسل ايد روزة الصارت تبجي كعدت اكل وحدي شوية ودخلو كعد مخليها بحضنة يوكل بيها هي عدمتة وعدمت نفسها خلاها انمار بالكرسي وكام يصب جاي كمت وراة جان منطينة ضهرة هي راساً دارت وجهة تشوفني شراح اسوي وياة يكول ضرتي
رفعت تشيرتة وكتلها: -روزة شوفي الجني شمسوي ههههههههههههههه
صرخت بصوت طرش اذني صارت ترعص من العصبية وجهة احمرر انطعن اخذها انمار يرفعها يفتر بيها وهي تصرخ رحت اخذها منة واكلها.
-شفتي عوفي انمار خيولي عندة جنانوة تعالي وياي اني ماعندي انام سوة بعد مو؟
روز: -اباا اباااا اباااااااااااااا
-هاذا ابوج مااا طار
اخذها مني يبوس بيها احس كلبي نار ولايكول امها كلة انمار ماتاكل الا من ايدة ماتنام اذا ما ينومها جننتني شسوي احتاريت وياها...
رفعني من تشيرتي يحجي محذرني: -لج اعلمج على سوايتج شلون ترسمين بضهري جم مرة كتلج بطلي سوالفج
-بكيفي ما ابطل.
رجعو يتريكو واني دخلت جوة لميت ملابسي بحركة ولبست والله دمي محترك من صدك ثنينهم مايريدوني لان باخر فترة عندي امتحانات وزارية ابتعدت عنهم اقرا فهي صارت ماتشوفني هواي تعودت على ابوها.
نزلن دموعي قهر مسحتهن ورحت للمطبخ التفتو علية وقبل لا يحجي كتلة: -رايحة اعوف البيت الكم اخذو راحتكم.
طلعت من صدك ناوية اروح خليت البزازين بالقفص ولكيت ميمو راجع وياهن سديتة وجنطتي بمتني والقفص بحضني طلعت وطبكت الباب وراي امشي بالشارع ودموعي تنزل
-ها سكر شفتي محد يريدني بس انتن تريدني نعيش سوة
صوتة يصيح وراي ماهتميت خلية هيج اعوفلك البيت كملت مشيتي وايدة دارتني علية وجهة معصب يصيح بوجهي: -لججج تخبلتتتتي وووين موولية وووين
-معليك يلة عوفني.
سحب القفص من ايدي بقوة ورجع للبيت يمشي سريع رحت امشي وراة واضرب بضهرة.
-جيبهن جيبهن ارريد اروح واخذهن لو هم حطيت عينك عليهههههههن
ماجاوبني روزة جانت واكفة بالباب مخلية اصبعها بحلكها ومبرطمة من شافتنة بجت واجت باتجاهي اخذتها بحضني اشم بيها ودموعي تنزل دخلني انمار وسد الباب مسحت عيوني خليت ايدي على وجهي ابجي وهي تبوس بية...
-ماتريدوني انتو اروح خلوني اروح.
سحبني انمار لحضنة يبوس براسي: -الدراسة اثرت عليج شبيج بوية ياهو المايريدج
-ثنينكم ماتحبوني
روزة تبوس بيه وتصيح اماما وانمار يبوس بية دغدغني يضحك ابتعدت عنة وروزة بحضني
-تحبين ابوج واني لا مو
باستني بخدي ضحكت وكرصت خدها: -لوتية على ابوج من يطلع روحي يبوسني حتى اسكت
اخذتها ابوس بيها واشم: -نصير صديقات وانمار يولي هذا بعبع
روز: -Noooooo Nooooooo
نو: -ماكو Nooooo كولي yes yes نعوفة.
حضني يضحك: -ها ولج شكر بيش غاثج تعوفيني جا تريدين تموتيني
-جا تسوي فريق علية تخلي بنتي تصيحلي بعبع
-اروح فدوه للچا خايبة والعباس ما كايل يمتها غير انا زلمة اخاف الله شلون احجي لبنتي عليج
-جا البارحة شتسمونة ها كول
-نتشاقة وياج شمالج ماتعرفين شقة مو بابا نتشاقة.
ضحكت تهز براسها وتكرص بخدودي وهو بخشمي صحت بيهم نزلتها فحطت كبرت وصايرة مربربة انمار بكل وقت يوكلها واني جني ابو بريص الدراسة هلكتني دنكت ابوس باديها وامسح بخدودها الجنهن تفاح: -بعد لا تعيدوها ترة اني بسرعة اتحسس
رفعني انمار يبوس بية ويكلي: -التوبة مانعيدها وداعت عيونج المكحلة
-نشوف
مديت ايدي لروز جلبت بيها ومدت ايدها لانمار اخذها ودخلنا للمطبخ هي بنصنا تمشي واحنة من الجانبين.
كعدنا نتريك من جديد وانمار ياكل ويكول: -الله شلون طيب اكلج عاشت ايدج
هي تشوف ابوها وتحجي بدلع: -الله تيب
بس هاي الافتهمتة منها والباقي ما افتهمتة ضحكت اهز براسي: -شكرا شكرا بالعافية امي
انمار يتقصد يمدحني كدامها لان يعرف تقلدة يلزم وجهي ويكلي: -الله انتي شكد حلوة
هي تدفعة وتسوي مثلة واتكول: -الله اتي اشد الوة.
لحد الان كلامها مامفهوم حالياً هسة تمشي وعمرها سنتين صار فدوة تخبل دنفوشة ودلوعة بزيادة بعد انمار ابوها ومدللها الهدايا والالعاب اليجيبها مرات ما اقبل اكلة تطلع عينها هيج ومن اتذكر هو يريد يعيشها حياة تختلف عن حياته الكلها حرمان اسكت...
كملت اكل واخذتها سبحتها ولبستها بدلة مطلعة رجليها وزنودها كعدتها وصرت وراها امشط شعرها
جمعتة بقراصة قطن: -الله تخبلين.
صارت تمسح وجهة بغرور ضحكت على حركاتها واخذتها رشيتلها عطر وخليتلها حمرة لشفايفها ولخدودها شوية لبستها حذائها وشلتها ابوس وادغدغ بيها: -يمة فدوة للبنات سبعة واكول كليلات l love you كولي يلا
تباوع لشفتي شلون انطق الكلمة ماتكدر تنطق كرصت خدها: -كولي احبج
-ابج
-ههههههه نعمة الله واني هم ابج اواييييييي.
لزمت خدودي ثنينهن تكرص بيهن كوة فتحت ايدينها منبتة اضافرها بيهن عود تقلد ابوها اخذتها لانمار جان يخابر ومن شافها فتح حضنة وهي ترفرف باديها انطيتها اله كعدت بحضنة ييوس براسها ويلعب بشعرها ويخابر بنفس الوقت.
عفتهم ورحت نضفت المطبخ والبيت مسحتة دخلت الملابس وطلعتلي ملابس حتى اروح لاهلي
صوت انمار يصيحلي رحتلة ملابسي بيدي.
-ها شتريد
-ها شملبستها؟
-بدلة يعني شتشوف.
اشر على رجليها وكال بحركة: -بربج هذا لبس رجليها واديها طالعات امشي بدليلها بسرعة
-شبيك حبيبي ترة بعدها صغيرة ولبسها مو اوفر يعني كل البدلات هيج قصاتها خو تريد ردن كاملة وتسحل للكاع!
-حتى لو خاف تصير عليها نظرة وهي مدبدبة اهووو دبدليلها يا عيني
-ترة كل ملابسها هيج واكو بعد ازيد وانت بكيفك.
سكت ماعاجبة الوضع رحت ابدل وهي تلعب وياة من كل عقلة مايقبل لو طلعتها بملابس قصيرات بالبيت عادي بس برا لا يكول تجلب الانظار عليها ومدري بعد شيفكر...
جهزت نفسي على الاخر صار كدامي يطلع ملابس جنت مندمجة ارسم بالروج وما احس الا انسحب مني: -شبيك!
-اموت بالحمرة.
وقبل لا احجي التهم شفايفي ابتعد يضحك باوعت للمراية ماكو اثر للحمرة تنرفزت ولزمت الروج ردت اخلي ومشة وهو يكول: -راح تشبعيني بوس بطعم الحمرة كل ما تخلين ابوسج الله شلون شعور
-هاااااي ليييش هي حمرة واحنا رايحين بسيارتنا ولاهلي
-صارلج شكد ماتعودتي لج بابا اذوب بشفتج بدون لون مو انوب ملونتها.
ضليت اتفركع يكول اول مرة يصير هيج استسلمت مثل كل مرة وخليت تنت وكلوز طلعت للصالة روزة كاعدة تلعب بالمكعبات تسوي بيوت مدري طوابق كعدت وياها العب.
-شوفي روزة خل نسوي مسابقة شدكولين
هزت راسها عاكدة حواجبها هالبنية ولا تشبهني ذكية وعصبية ابتسمت: -شوفي اليبني اعلى طابق هو الفايز يلا نبدا.
صرت اخذ مكعبات واخلي شي فوك شي بسرعة هي ماتكدر لان بعدها صغيرة تشتغل وتباوعلي بغضب اخر قطعة اخذتها خليتها فوك طابقي وضحكت اخذ مالتها من ايدها وقارنتة وي مالتي
-اني الفزت هيييي مالتي الاطول وانتي مالتج صغيروني
فلشتهن وكامت ضايجة هزيت ايدي هسة فوك ما العبج بين ماجمعتهن خليتهن بصندوقهن دخلت لازمة ايد انمار تاشر علية...
انمار: -ليش طاكتها
- انيييي!
-لا عروك اذاني هسة بابا اكتلها الج.
طفرت من مكاني طلعت بلكيت ميمو يفتر شلتة ورحتلهم ثنيهم رجعو ليورة صكارهم ميمو ثنينهم يخافون منة انمار خوف روز بيهن بحيث من يروحلها تضل تبجي ولا تقربلهن وهنا يكول يفتهمن مايتقربلها...
-اذبة عليكم واخلي عياطكم مالي المنطقة شدكولون؟
انمار: -هو انتي مابيج خير خلفلة على صخام اخ لو موهو جان من زمان
-من زمان شنو؟
تقربت وهو شال روز عافس وجهة: -امشي ولي تعاي بابا هاي امج صلفة ماينكدرلها عدها واسطات قوية.
ضحكت ونزلت ميمو اضحك احسهن سلاحي ضدة هو مايخاف منهن وانما تلعب نفسة وهذا ما جاي من عبث صاير وياة موقف قديم وي القطط مايقبل يكول شنو بس يكول وخريهن مني...
بعد ما فهمتة السالفة وتصالحنة طلعنا لاهلي مخلية روز بحضني اكل نستلة واوكل بيها.
-انماري
-روحة
-ها اذا اني روحك لعد روز شنو؟
كرص خدها يكول: -دنيتة
-امممم تحبني اكثر لو تحبها
-ثنينجن الام وبنتها موتاتني
-اكلك هي ليش ما تشبهني.
-احسن هو انتي ومخبلتني انوب نسختج تريدين
-اممم خاف اني مو حلوة قصدك وماتريدها تشبهني
-بقلاوة تخبلين انتي وين اكو احلة منج
ضحكت واخذتنا السوالف بين ماوصلنا نزل قبلي فتح الباب واخذها من ايدي نزلت وراة دخلنة استلقبلونا استقبال حار وروز من واحد لواحد كلها ملتمة عليها اما اني على صفحة محد بحالي ضحكت ورحت لانمار.
-بعد رزو بتهم اني صرت غريبة
-انتي بنتي
مد ايدة حاضن كتفي واذا بصوت عبدالله يكول.
-ها شني كبينة شو صارت محاضن بعد بعد
نو: -دير وجهك ولتدخل بين ثنين متزوجين
عيبت علية ودخلت جوة لكيت رفيف بغرفتها تفتر يا رايحة يا راجعة شافتني واجت حاضنتني وتجعص بية.
رفيف: -مشتاقين كبد شو كطعتي فرد كطعة
-غير عندي دراسة يمة متت والله هسة يلا شفت الدنيا
-حقج سودة علية
-اريد ايان حبيب كلبي مشتاقتلة
رحت صوبة لكيتلة يرفرفلي بيدة ويضحك: -بعد روح عمتك تعرفني اووويلي كيك شنو انت.
اخذتة ابوس بية واعض بخدودة فدوة يجنن شايل جمال مو طبيعي: -ايان جبتلك روزة ولو هي متوحشة وتكتلك بس اتحملها لخاطري
رفيف: -اروح اشوفها نو عليج الله انطينياها وجيبي غيرها
-خاب شجيب هو منو البية حيل والعندة وقت مو زين وجبتها خلفي مادام ماعندج شي
-مو هو يمكن حامل لا هاي اني حامل
ضحكت ولزمت ايدها: -حللتي
-اي طلع اكو حمل.
-الفففف مبروك حبيبتي شايفين كل الخير يااااي راح اصير عمة للمرة الثانية يفدووة ههههه شبيج ضايجة ومتوترة!
-مو اخاف سجاد مايقبل
-مال راجدي اطير وجهج ليش عيني ميقبل بالعكس يالفاهية يتخبل
طلعت على صوت روزة شايلة ايان من شافتني انرعصت كلبي طار عبالي انكرصت صارت تتكلب بالكاع نزلت ايان وسحبتها من ابوها: -روزة ماما شبيج حبيبتي
حضنتني وتضرب بية ضليت مفهية اباوع لانمار مايسوي شي بس يباوع: -شبيها بنتك شصار.
-انغارت
-يا عود صدك لان شايلة ايان
-جا شعبالج تريدج بس الها
-الضاهر متوارثتك بكل شي.
ضحك بصوت واني اهدي بروزة وابوس بيها سكتت تمسح بعيونها وعاكدة حواجبها تريد تفترسني بس لو ادري عليمن طالعة مرات اشك بيها مو بنتي، ايان جان كاعد بحضن ابوة راحتله سجاد فتح حضنة كعدهم ثنينهم بحضنة بالبداية جانت هادئة بعدين سحبت ايان من شعره ضاغطة على اسنانها سجاد يريد يفتح اديها ماكدر خطية ايان نط من البجي لو ماصاح بيها انمار ماعافتة...
شلت ايان سودة علية وجهة انطعن احمر من الصريخ وياشر لبنتي يشكيلي منها مسحت وجهة ابوس بيه: -هسة اكتلها الك سودة علية حبيبي انمااااار شفت روزة شسوت
استلمها انمار رزايل اني لو شكد ما ارزلها ما ياثر بيها بس ابوها لو كلمة وحدة يحجيها بحدة تنط بجي صارت تبجي ورجع يسكت بيها: -يلا بابا اعتذري منة عيب يلا
دفعاها اجت تباوع بحقد وتمسح بعيونها سحبت ايان باستة بخدة ودفعتة رجعت لابوها تركض كعدت بحضنة.
عبدالله: -نو هاي مو بنتج متاكد مبدلينها بالمستشفى بهاي السعلوة
نو: -عبيد لاتحجي على بنتي ترة انمار يكوملك
عبدالله: البنت المقدسة بس واحد يحاجيها يجونة بالتفك وين وين بيك بييييك شيك شيك نسكت والسكتة اولة والحجي جوة العين والسكتة اولة
انمار: -بنت ابوها من يكدر يحاجيها بعد.
صارت تدلع وتوخر بشعرها من وجهة والله عدها حركات صاحتلها امي راحتلها تركض تموت على امي ومهند ورفيف بعد ازيد بفترة الدوام نعوفها يم اهلي فتعودت عليهم كلش، راد انمار يخليها بالحضانة ماقبلت بعدها صغيرة وناس غربة صح نتعب بس لسلامتها...
انمار بس يباوع لايان مايكدر يبوسة من ورة روزة عفتهم ورحت اساعد رفيف انمار اجاة شغل وراح تغدينا ومهند سوة جاي عدلت كعدتي وباوعت لرفيف: -روحي ارتاحي حبيبتي عبدالله يغسل المواعين
عبدالله: -هيييييي انتي شجاي تحجين مو اكوم اغسل حضج شني عبدالله مررررة ماتغسلهن هي
رفيف: - مو حامل شبيك احس تعبانة.
بقو مصدومين واحد يباوع بالثاني رفيف ابد مايكول مرة اخوهم بالعكس يكول اختهم خاصة هي وعبدالله ميانة فول اباوع لسجاد ابتسم وضهرت اسنانة اما عبدالله كام على طولة يلطم بحركة ويكول: -رفيف تحبل واني اطيييح بيها تعال ينعال اغسل المواعين مرتي ماتكدر تعال ينعال امسح البيت مرتي بطنها توجعها تعال ينعال اطبببببخ يبووووو خرب حضي ولكم ابتليت خوما ابتليت زوجوووني راح انتحر من وراكم خدامة عدكم اني.
رفيف: -شبيج عبودي المفروض تفرح انمونة الشغل خو ما انمونة
عبدالله: -اي صح انمونة بكصتج لج شعندج مفرخة مو ابنج بعدة صغير اندهرتي لو كلتي عبدالله موجود الخدام مال البيت دخل احبل واكعد تسع اشهر
سجاد: -عبدالله انجب شنو تحاسب مرتي عار
عبدالله: -هو اني عار لان ضال وياكم اروح اني عود من تجيب الست رفرف اجي للبيت المهجور
سجاد: -خفتن وراحة.
راح صعد لغرفتة عبالنا يتشاقة التهينة بحمل رفيف وامي طايرة من الفرح شوية ونزل عبدالله بيدة جنطة ومبدل التفتنة علية ساكتين.
سجاد: -وين مولي
عبدالله: -اهج منكممممممم
يمشي مطنكر ويسحل بالجنطة كامت امي تگلة: -والله يمة ازوجك هالايام جاي ادورلك على مرة
عبدالله: -ماريد حتى زواج بطلت ماتزوج حضي واعرفة ماريد اتزوج
عافهم وطلع روز وايان يركضون وراة مجلبين بية بوسهم وانطاهم كل واحد ربع: -يلا ارجعو العبو اني رايح.
لزمة سجاد من ايدة: -وين مولي تخبلت
عبدالله: -اي خبلتوني اروح لاربيل عدكم اعتراض
سجاد: -دكول مجهز اموري واريدلي سالفة يلا روح الله وياك عندك فلوس
عبدالله: -ماميت عليكم عندي خير من الله
ودعانة وراح طالع محضر امورة من زمان راح هو وجماعتة لاربيل سفرة.
بقيت يمهم للعصر امي كاعدة تلعب بروز وايان طايرة بيهم روز كل شوية وكفخت ايان خبلتة خابرت انمار يجي ياخذنا بحدود الساعة اجة...
وصيت رفيف تنتبة على نفسها: -لا تخافين علية سجاد مايخليني اسوي شي بس حرامات عبدالله راح منو اليشتغل ويجوعر يمة البيت بعدة ماينطاق لو ماخذني وياة شكد حقيرر طلع بعمرة
نو: -الولد راح يتسودن شنو مسوينة بنكلادش ترة عبدالله مايشتغل كلش كلش يغسل مواعين وبالعرك
رفيف: -الوضع اختلف صار يحب الشغل
نو: -راح اخوي الحنين سودة علية معنف.
رجعنا للبيت لكيت المطبخ والاستقبال مكلوب جايين اصدقاء انمار ولاعبين لعب ماحجيت شي وياة اخذ روز وطلع نضفت البيت كلة من جديد ضهري طك اخذت ملابس ورحت اسبح رحت للغرفة لكيتة ينوم بروز كعدت امشط شعري واكلب بالتليفون التفتت لانمار من كال: -شتسوين لشعرج؟
-مامسوية
-ليش مايطول! تگصينة؟
-لا يابة ليش اكصة
-جا ليش مايطول كونج ماتكصينة
-ماعرف بس امي تكول لان كصيتية ومحترك كلبج بعد مايطول.
درت وجهي اعض بشفتي همزين اقتنع يريدني اطولة لو اموت شفت الراحة بسرعة امشطة بسرعة ينشف تخبلت اخلية يطول كل فترة اكصة.
كملت واجيت يمة شال روز لفراشها وغطاها دخلت بحضنة حضني وكال: -الجمعة خطبة وعرس باهر جهزي نفسج
-باهررر! جذاب
كرص خدي وابتسم: -عود صدك باهر راح يتزوج منو هاي
-ليش وحد عن العالم هو هم كبر مو صغير يريد يشوف جهالة
-الله يوفقة
-امين.
سرى
لزمت راسي بوجع واخذت رشفة قهوة صفنت اخطط بعقلي ابتسمت وبعدت كلشي كدامي اخذت ورقة بيضة وقلم وبلشت من جديد اشتغل للمشروع تمر الدقايق وصارت ساعات واخيراً كملت كمت واحس ضهري انكسر من الكعدة اخذت المشروع وقبل لا اطلع جيكتة ابتسمت وطلعت لغرفة المدير.
دكيت الباب ودخلت بعد السلام قدمتة اله كعدت اترقب نظراتة بعد تدقيق طويل رفع راسة شابك ايدية مع بعض رجع ضهرة علكرسي وكال باعجاب...
-عاشت الايادي هذا الشغل النحتاجة ابهرتيني بدقة العمل وجمالة اهنيج على ابداعج
-شكرا استاذ
-تستاهلين الاكثر لانج انسانة مثابرة واني احب هذي الفئة من الناس من باجر نبلش بية حالياً اكثر مشروع مضبوط ومطور عاشت ايدج
-تسلم
-تكدرين تاخذين راحتج
طلعت الابتسامة مرسومة على وجهي بعد تعب وسهر كدرت اضبطة الف الحمدلله جمعت غراضي ورجعت للبيت لان وقت شغلي خلص من زمن.
وي طلعتي صادفني سلام زميلي بالعمل ابتسم بوجهي بادلتة الابتسامة وكملت طريقي سرع خطواتة حتى يصير بمستوى مشيتي التفتت الة
سلام: -شدعوة هيج مستعجلة
-خلص وقتي من زمن وعندي عائلة بانتظاري
-بس هما يعرفون بيج بالشغل يعني مايحجون لو تاخرتي
-صح بس اني مشتاقة لابني ماكدر اضيع وقت زيادة بعيدة عنة
-هنا الحجي الله يحفظة الج
-تسلم
-كلت اعزمج على فنجان قهوة
-اعتبر عزيمتك وصلت
-لا ما اعتبر باجر تعوضينها.
طلعت بدون ما ارد علية لكيت تكسي واكفة اخذتهل ورجعت للبيت طول الطريق اغفي بس اريد اوصل خليت راسي على الجامة اباوع للطريق من دخلنا بفرعنا واذا اشوف عركة جهال وصايرين هوسة كلبي انخمش وكفت التكسي وانطيتة فلوسة.
نزلت ورحت اركض الهم سمعت صوتة من بعيد يكول: -لككك عااار امووتك والله اشررب من دمكككك بس تندگ بية.
بعدت الجهال اكو بيهم كبار كلش يجون متوسطة فتحت عيوني على وسعهن وشهكت صاير فوك ولد لازم راسة بقوة ومثبتة بالكااع والولد منتهي وهذا يهدد بية والجهال تتفرج صحت بصوت عالي.
-ااااحمممد
التفتت مفزوع كام من الولد واجة لزم ايدي يخازر بالجهال: -يلا روحي للبيت
-شنووو هذااا شنجتتتت تسوووي
-نلعب شبيج انتي لعبة هاي عود كاعد نمثل
-تمثل بنص الشارع اليوم اعلمك التمثيل الحقيقي.
سحبتة من ايدة بقوة امشي وهو ساكت: -بس نعااالي اجيبة عفتة وراي
لزمتة من اذنة: -حافي والتراب ماكلك شنووو انتتت من يازبالة جاي
-لا تضلين تغلطين هسة هم كتلج من ياحفلة جاية
فتحت عيوني خازرتة بعصبية كمل وهو يباوعلي من فوك ليجوة: -البس شنو والعطر يمشي وراج ليش تخلين عطر هواي ومكياج هاا شنو هاي الحمرة المخليتها انتي ماتستحين الزلم من يشوفونج شيكولون.
فتحت عيوني بصدمة من كلامة سحب ايدة بقوة وراح يركض لبس نعالة ورجع دخل قبلي للبيت دخلت اباوعلة يقلم بالشجر ولا يباوعلي.
-روح اسبح لاتضل بوصخك
-اسبحي انتي اول
دخلت جوة اخذت ملابس ورحت سبحت طلعت لكيت امي تلف بالكبة وتابع مسلسل سوري قديم
كعدت اساعدها...
-ليش يمة تخلين حياوي يطلع بالشارع وي الجهال
-تريديني احبسة بالبيت والبعمرة يلعبون برا خطية خلية يلعب
-يا يلعب شفتي شصاير بية حتى اخلاقة خربت من وراهم.
دخل اباوعلة يمشي ويشمر بدية هزيت ايدي هذا شبية رحت وراه دخل للحمام تنهدت ورحت لغرفتي ذبيت روحي تعبانة اشوفة دخل يمشط بشعرة ويرش عطر ويكلب بعطوري باصبعة ويهز ايدة ماعاجبة.
-تعال يمي تعال
التفتت واجة يمشي بخطوات بطيئة فتحت ايدة سحبتة لحضني بستة بخدة اشوفة ضايج مسحت على خدة وكتلة: -شبيك حبيبي
-مابية شي
-بيك امي كول شبيك شنو بالك من كلام
رفع عيونة للسكف كرصت خدة: -شبية عطري
-لا تخلين منة بعد
-ليش.
-ريحتة قوية وانتي تشتغلين وي زلم مو عيب يشمونة
-صح عيب وحرام هم جنت ما منتبهة وانت ذكرتني شكرا وبعد شنو العيب حتى ابدلة
-ملابسج زينات بس لاتخلين مكياج هو انتي وحدج حلوة
-اصلا اني ماخلي بس مرات وشوية هم اوكي بعد ماخلي بعد شنو الزاعجك
-هاهية بس لاتصيحين علية بالشارع
-االشارع ذكرتني ليش تطلع بالشارع وشنو هاي الهوسة المسويها بالشارع؟
-ابن ريام الخياطة جاي نلعب وحجة كلام مدري شلونة خو ماتريدين اسكتلة والله انعل والدية ابن النعال
فتحت عيوني بصدمة كلامة نتر وعصبية: -شكال حتى هيج ضوجك
-خيولي كلام جهال لا تدوخين راسج فوك ما دايخة
حضنتة ابوس بية: -لا تطلع ولا تلتقي بجهال المنطقة ماريد واحد يضوجك بكلمة لو يسويلك شي
-انعل عشيرتة والله اخلي باهر يسجنهم كلهم حتى اهلهم يشمرهم بالسجن وابن امة اليطلع
-اها هنا الحجي انت شاد ضهرك باهر.
-اني ضهري مشدود من الله
ضحكت واخذتة لحضني وهو يتحرك همست: -بس انام
غفيت وكعدت على صوتة: -اكعدي يول كافي نوم كومي صلي وتعشي يلا
-كايمة بس صوتك
مطيت جسمي وكمت توضيت وصليت كملت ورحت للمطبخ لكيت امي تكلي وهو يثرم زلاطة اخذت السجين من ايدة: -لا تنجرح حبيبي اني اسوي
احمد: -شنو ترة اعرف مو جاهل
-والله اعرف اني الجاهل
هذا ليش هيج عصبي اسم الله تحسة رجال صغير.
كعدنا نتعشة رحت اغسل مواعين وهو اجة بيدة موبايلي: -افتحي الي
فتحتة وانطيتة اله: -اشتريلك واحد
-لا ماريد عندي ايباد بس اخابر باهر بية
اسمعة بالحوش يخابر بية كام علاقتة باهر كلش قوية ياخذة ويطلع بيوم اجازتة ومن غير اتصالتهم المستمرة خلصت البيدي وكعدت اتابع مسلسل اجة بيدة الموبايل ضايج اشرتلة يكعد بصفي.
-شنو ضوجك باهر
-راح يزوج
-وانت شنو الموضجك.
-راح يصير عندة جهال ترة اني هم اعتبر ابنة صح هو مو ابوي بس اعتبرة ابوي لان كلش احبة
حضنتة امسح على راسة كلشي سولفتلة حتى لاينصدم من يكبر سولفتلة قصتي كاملة وشلون ابوة جان يعذبني وشلون مات وقصتي وي باهر دائماً يكول باهر البطل وبقة على محبتة اله وتعلقة بية...
-راح يبقة يحبك صدك باهر ابد ماينساك لو يحب واحد اكثر منك
-بس يصير عندة جهال يحبهم اكثر مني
-ليش حبيبي المفروض تفرح لان راح يصير عندك اصدقاء.
-اخوان خوش مو اصدقاء
-خوش يابة بعد لازم تفرح بالزايد لان يصير عندك اخوان.
-هو اني هم فرحان بس مو هواي والله لو يحبهم اكثر مني بعد نعوف البيت ونشيل حتى بعد مايشوفنة ونحرك كلبة
ضحكت بصوت ونثرت شعرة: -والله عندك سوالف
-طالع عليج
-لا عمي اني فقيرة وين طالع علية
اخذ ايبادة يلعب بية شوية واخذتة منة سويتلة حليب شربة وفرش اسنانة اجة يصيح علية: -يلا اغسلي سنونج لاتصير بيهم دود
-جاية عيني.
غسلت اسناني وهو يباوعلي: -ها شبيك
-يمتها نشتري ملابس للعرس
-باجر العصر
-خاف تتاخرين
-لا اطلع من وقت
-اريد نطلع احلى شي تشتريلي قاط اسود ورباط وحذاء حتى اطلع اطگ بالكاع حتى بعد محد يباوع لباهر
-تصير حديث الساعة تريد عجبني تفكيرك.
رفع حاجبة بغرور وراح للغرفة ابتسمت باعجاب متاكدة هذا من يكبر يصير شخصية عملاقة لكيتة نايم غطيتة وبستة روحي من الدنيا احلى شي بحياتي سوالفة ماتنمل ولان عندي دوام اجي متلهفة لسوالفة وشكلة...
شفت الموبايل يرن فتحتة: -هلو باهر
-هلا سرى شلونج
-الحمدلله وانت امورك اخبارك
-كلشي زين بس هذا الفصعون شلونة شو احسو ضاج
-اي بالبداية يكول راح يحب جهالة اكثر مني هههه لو تشوف شيكول تصفن.
-راح يموتني المشيطن يكلي بس تتغير علية ماخليك تشوفني اندمك واخليك طول العمر تدور علية
-شفت بلة شلون يفكر بس لاتهتم اقتنع وحب الفكرة يريد اخوان بس اخذ حذرك راح يكسرك يريد ملابس احلى منك باجر اخذة اشتريلة
-جايبلة قاط لاتشتريلة
-اتفقنا نروح نشتري
-بعد اشتريت إلى ولكيت اله هم اخذت على قياسة
-خاف مايقبل يريد يفاجئك.
بقينة نسولف على العرس والتحضيرات سديتة ورحت انام شكد فرحانة لباهر واخيراً كلبي اتطمن علية خطية عاد يستقر، العروس على معرفة صفية وهو اقتنع بيها الله يوفقة ويسعده ماكو احسن منة.
نمت وكعدت من الصبح مثل كل يوم سويت ريوك اكلت وعفت امي تتريك وعزلت البيت واخذت شاور سريع جهزت نفسي، لبسي دائما فضفاض والحلو جسمي رشيق ومتناسق بشكل بدلت عطري بمسك الباودر لان ريحتة هادئة اكتفيت بمرطب شفاة.
بسيط بشرتي من كد مامهتمة بيها ماتحتاج غير واقي اخلي واطلع...
كعد من النوم مثل كل يوم بهلتوقيت قبل لا اطلع صبح علية بوستة فرك عيونة يباوعلي من فوك ليجوة حك شعرة مبتسم.
-ها استاذ ماعندك اعتراض على شكلي
-لا عاشت ايدج عطرج ماشميتة وشفتج مابيها لون
ولبسج حلو بس لاتذبين ميانة وي الزلم ولو ادري بيج ثگيلة مطمن عليج
نزلت لمستواة لزمت ادية: -منو علمك هذا الكلام؟ احد منبهك على هيج اشياء؟
-لا بس ماما شوفي انتي ماعندج رجال والناس تاكلج بعدج صغيرة وحلوة غير اوصيج حتى محد يدحج بوجهج اني ماريد واحد يكول هاي البنية شكد حلوة والله اليدحجلج افكس عيونة
-هاا
-مو تزعلين والله اني احبج انتي احسن ام بالدنيا كلها اني فخور بيج لان جبتيني للدنيا وضحيتي بصحتج علمودي وتحملتي كلشي وهسة انتي تشتغلين حتى تعيشينة والله من اكبر ماخلي مكان حلو ماخذج اله ادللج.
جسمي كزبر من كلامة نزلت دموعي بهدوء مسحهن باصابعة الناعمات وباس خدي حضنتة لصدري ابوس بية حتى الكلام طار من راسي شكد فرحت بكلامة
طفل صغير بعقل جبير وافعال رزنة رجال مو طفل
طلعت من البيت كلني طاقة وحماس احس سعادة الكون مزروعة بية سبحان الله بوقت انطفيت وانطفت فرحتي بموتة والان رجعت اقوة بالعوض
الي هو طفلي ملة عيوني انتظر يوم يوم يكبر وافرح بية...
داومت مثل كل يوم صار وقت استراحتي نزلت اكل شي طلع بوجهي سلام قاطع طريقي: -لاتنسين العزيمة اجة وقتها ماكو اي عذر هالمرة
حاولت اخلي ملامح وجهي طبيعية واردفت حاسمة الموضوع: -بس هالمرة
-اكيد المرة الجاية عليج خو كل مرة اني اعزمج
سكتت ومشيت بدون كلام وصلنا للكوفي سحب كرسي إلى حتى اكعد لكن اني سحبت غيرة وكعدت انحرج وكال: -يلا عادي اني اكعد.
باول دقيقة صحت النادل وطلبت قهوة وسط وهو سادة الجو كلش متوتر وجاف كل مايحاول يفتح موضوع للنقاش اغلقة بكلمتين وهو مستمر يحاول اجة الطلب وشربت قهوتي على دفعتين حتى هو استرغب: -على كيفج بعدنا بسم الله
-شكرا على القهوة استرخص
-وين بعدنا ماحجينا شي
-عندك موضوع اطرحة بدون مماطلة.
-اعصابج شوفي سرى احجيلج من الاخير اني معجب بشخصيتج ورزانتج من داومتي ويانة عيني عليج عجبتني اخلاقج واليوم اطلبج على سنة الله ورسوله شوكت ماتريدون نجي والعائلة الكريمة طالبين كم القرب
-يؤسفني اكلك مالك نصيب وياي ان شاءلله تلكة الاحسن مني اني ما اتزوج ولا مفكرة بهلموضوع نهائياً فاعتذر من حضرتك
-مو مشكلة نتعرف اكثر اعرفيني متاكده رتح تحبيني وتتعودين علية بس انطيني وقت.
-من الاخير اكلك مشاعري ميتة مات ومتت وياة لا افكر اعاشر ولا افكر احب جربت وحاولت بس ماكدرت لان اني مهووسة بية ماكدر اباوع لغيرة هالموضوع ينسد للابد ماريد ينفتح مرة ثانية، اتمنالك الموفقية
هالموضوع كلش يزعجني مستحيل افكر اتزوج ماعندي شي غير اكبر ابني لا يهمني كلامهم ولا يأثر بية اتزوجي مادام بعدج شابة وووو.
كملت دوامي اعتيادي استلمت الراتب ومريت بالسوك اخذت كلشي تحبة العائلة ماخليت شي ماجبتة حتى علاج امي مال شهر، اخر شي اشتريت دراجة لحياوي رجعت للبيت كلني حماس اشوف ردة فعلهم التفرحني.
نزل ابوي الغراض واني دخلت جوة ادور عليه بعيوني شافني اجة يركض حضنتة وبوستة
-شلونك حبيبي
-زين انتي شلونج
-بشوفتك صرت زينة شوف جبتلك دراجة روح شوفها.
فتح عيوني بفرحة باسني بخدي بقوة وراح يركض ابتسمت ورحت لغرفتي طلعت ملابس سبحت ورحت للمطبخ لكيت امي مجهزة صينية اكل.
خلال هالفترة امي صارت روحها بالطبخ تطبخ اكلات سورية واشكال.
طلعت صحت لحياوي ياكل وياي كال شبعان اساساً التهة يلعب بالدراجة كملت اكل وغسلت المواعين رحت لابوي وانطيتة جزء من الراتب حسبهن وكال
-مو ذني هواي
-اي ماكتلك زودو الراتب وراح يرقوني
-عفية عليج سباعية.
ابتسمت ورحت للحوش اشوفة يلعب بالدراجة اجيت صعدت وراة وهو يصيح: -شكبرج تصيرين تلعبين وياي
-عادي بعدني صغيرة مو انت هيج تكول
-راح تكسرينها
-اجيبلك غيرها
طنكر ونزل منها كتف ادية يخزر بية واني العب
هز ايدة وكال: -عود انتي امي
-غصبا عليك شو ماعاجبك
-لا ست سرى عاجبتني اكيد غير انتي تطكين بالكاع
-احمم احمم شكراً من ذوقك.
مابقة شي للعرس خابرت نوف جايبة ملابس بس اني بقيت باهر جاب قاط احمد وكلشي جاهز اله رحت قبل يوم اشتريت فستان نيلي ونسقت وياة ربطة اوف وايت وحذاء وجنطة نفس اللون.
مديت ايدي اجة يمشي برزانة لابس قاطة الاسود رافع شعرة الاسود وعطرة سابقة دنكت بتستة وجعصت خدة: -اخ شبيج ماشايفة
-هيج حلوين وين شايفة
افتر يباوع لنفسة: -ماما طلعت صاك اني هسة البنات من يشوفني يموتن
-مو لهلدرجة عاد يموتن عاااع.
-لعد شعبالج غير وياج شخصية
-دمشي يلا واني هم حلوة وشخصية لاعبالك بس انت
باوعلي يهز بيدة لزمتها حيل ومشينة وهو يكول: -شدعوة هيج مخلية مكياج
-رايحين لحفلة غير.
الفستان جان نازك الى درجة متت بية خليت ميكب هادئ وزينتة بالاكسسوارات الفضية الاطلالة صارت تخبل طلعنا على صوت سيارة انمار صعدت ورة يم نوف واحمد فتح باب الصدر وكعد يم انمار سلم وبقة ساكت بقينة نسولف اني ونوف الطالعة لعابة لابسة فستان اسود بينصل وميكب طوخ بحمرة حمرة ماعرف شلون انمار ساكت بنتها اللعابة الصغيرة لابسة بدلة منفوشة سودة ومخليتلها حمرة حمرة
كزكزت عليها اخذتها ابوس بيها واعض بخدودها.
حتى نوف مااهتميتلها خبلتني بتها ضيم مو بنية.
-نوف: كافي يلا جيبي بنتي كبر ولا جني صديقتج امداج
-شبيج غير تنكرط روز انتي قمر؟
-yes yes
-اووو وتحجي انگليزي اروح فدوه
نوف: -هاي اني اعلمها حتى تتعلم اللغة من صغرها مو مثلي طاح حضي بالانگليزي
-كضيتي عمرج تنجحين بالدفرات مو زين وتنجحين هسة
-ربج هذا فدوة لاسمة ماقصر فتح عقلي.
وصلنا للبيت اي بيت الحارث زارني شعور ماعرفت افسرة صارلي زمن ماجاية لهنا الساعة جانت بالسبعة وربع ليلاً نزلنا استقبلونا الولد اباوع لابني يسلم عليهم شكد يحبونة وخاصة ازاد سلمت علية وتلكتني نهى بيدها ابنها سلمت عليها وراحت لنوف تسلم...
تقدمت جوة ادور على صفية لاكاني بقاطة الاسود واناقتة المعتادة ابتسمت بوجهة بادلني الابتسامة وسلم علية سلام حار عفتة ورحت لصفية حضنتني وبقت تعاتب وتسال عن احوالي...
بعد مرور فترة طلعت للحفلة جانت بالحديقة لان كلش جبيرة مرتبينها بطاولات واضوية ونشرات وكوشة جبيرة المكان يجنن.
اخذت احد الطاولات اني ونوف ونهى يسولفون ملتهيات وجهالهن خانسين التفتت اشوف باهر يسولف وي احمد اليرفع اصابعة بحركة عرفتة بدا يهتر باهر يضحك ويسايرة بالحديث ابتسمت واندمجت وي حديث البنات.
روز صارت تخبث اخذتها نوف وراحت تعوفهة عند ابوها اجت وجهه مايتفسر كعدت وسالتها عن السبب ماجاوبتني لان شفت ضهور سلينا باطلالة ملفتة للنظر هي وطفلتها ابتسمت اترقبها بعيوني باهر تلكاها حاضنها نزل يبوس بنتها الكبرانة بعد ماخلصت سلام منهن رحتلها شافتني وشهكت ابتسمت وحضنتها بقوة...
من بعد سلام طويل اخذنا احدى الطاولات اباوعلها صايرة تموت وبنتها بس ساكتة: -ليش بنتج ماتحجي
-ماتفتهم عربي
-تحجي انكليزي
-بالضبط.
-Hello my beautiful little girl، how are- you
(مرحبا صغيرتي الجميلة كيف حالك)
-Pleaser to god. I m fine
(الحمدلله انا بخير)
سرى: -فدوة سيلي بنتج جنها اجنبية
سلينا: -اصلية مالها جذوؤ عربية
-اي جميلتنا شنو تشتغلين شلونها االاجواء بالخارج.
-لكيت شغل باحدى الشركات متعب الشغل ابوي ماقبل كال ادزلج مصرف بس حبيت اعتمد على نفسي الاجواء بالخارج حلوة ومملة كلش روتين جاف بس احسن من هنا اطلع ادخل براحتي ماكو اي تقييد من هاي الناحية مرتاحة وما دام بنتي مرتاحة ومتاقلمة على الوضع كلش كافي
بقت تسالني على دوامي وحياتي صحت لاحمد اجة سلم عليها وعيونة على بنتها التباوعلة برائة.
اجت سيارات جابو العروس سيلي كامت تستقبل صادفت انمار سلمت علية وعبرت تستقبل اهل العروس نزلت العروس اخذوها لكوشتها...
اباوعلها بنية نازكة كلش لابسة فستان ابيض اطلالتها كلش نازكة وحلوة بسرعة انترس المكان بالمعازيم احمد كعد كبالي يباوعلهم وياكل كيك
-حلوين فدوة هسة جهالهم يطلعون يخبلون وعيونهم خضر
احمد: -صخم احسن
-ياااااء
-افتهمتي غلط قصدي صفر
كتمت ضحكتي هذا يغار علية ويغار على الرجال.
كعد يمها واجة الحارث يمشي على عكازة بجنبة شيخ كعدو مقابيلهم كام باهر يعدل بسترتة اجة صوبنة تفاجات شيريد!
اجة سحب احمد من ايدة واخذة كعدة بصفة وبدة عقدهم تم على خير وصار الكل يباركلهم خفت الزحمة ورحت اباركلة وابارك للبنية فدوة تخبل تخبببل وهادئة والله يستاهل باهر متاكدة راح يكونون ثنائي لطيف...
اباوع لسيلي يم البنات تسولف وياهن بعدها اخذت روز تبوس بيها بتها كاعدة بمكانها واحمد اخذ ماعون كيك بيدة والايد الثانية كلاص عصير خلاهن كدامها وماعرف شيسولف وياها اشوفة ينافخ ضايج عرفت السالفة رحتلة: -ها ابو البنات ولك هاي ماتعرف تحجي عربي
-شنو ماتعرف هي مو بت خالتي سلينا
-اي بس لان عايشة بالخارج
-ماما هاي لعابة اجنبية عليج الله ترجميلها شحجي
-ولك ملطلط شتحجي.
احمد: -ها باهر العريس الجكليتة شعندك عايف مرتك وجاي
ضربة على راسة بخفة: -وانت شعليك
احمد: -لا والله غير مرتك تطك بالكاع عايفها ولاحكني
باهر: -شعندك وي بنت اختي
سرى: -يتحرش بيها
خزرني بقوة: بس بطريقة مؤدبة مال اطفال مو عبالك باهر
باهر: -تعال عوف البت هاي مثقفة ماتفيدك
احمد: -شناقصني ثقافة لا تشوفني العب بالشارع ترة امي مهندسة وذاك من ذاك العندة مهندسة مو ماما احنا مثقفين
سرى: -اكيد ماما اصل الثقافة احنا.
اخذة باهر يسولف لمرتة وهي تضحك على سوالفة بدت الحفلة وشغلو معزوفات باهر ثكيل لدرجة ماقبل يركص لان مختلط بقة يسولف وي عروستة
نوف تاكل وترجع ليورة واحمد يحاول وي البنية وهي يادوب تحجي كلمة مكسرة.
خلصت الحفلة الرائعة اخذ باهر عروستة والهلاهل صدعت بالمكان.
انتهت قصتنا باستقراري وي ابني الوكح جذب مو كلش حباب ابني نشم احب امدح بية.
وانتهت قصة باهر وسلي اللطيفين بالاستقرار سلينا رجعت للخارج وكملت حياتها اما باهر دخل بالقفص الزوجي ومثل ماكلت مرتة وردة صرنة صديقات باخر فترة وخبرتني بحملها طرت من الفرح اكثر منها باهر يحرك بكلب احمد وكل يوم يجي يكلي خل نشيل وخلية يحترك كلبة ويدور علية...
كل فترة اذهب ممسكة بيد طفلي الى قبر ذالك الفتى الذي عشقتة حد الجنون اجلس طويلاً على تراب قبرة اخبرة عن ايامي وكيف مضت كان ينصت لي جيداً لا يرد لي جواب، تنزل دموعي بحزن وتسلل يدة صغيرة تمسحهن قبل ان يجفن على اثر، الهواء.
الوعد يتجدد الى ذالك الحبيب الذي سكن المقابر لن انظر الى عيون احدهم سابقى بانتظار يوم يجمعنا عند رب رحيم ونعيش سوياً لايفرق احداً جمعنا.
كاعدة بالادارة اصحح بالاوراق خلصت المادة ماعندي شي وياهم اجتني المدرسة تكول.
-ست سجى طلابج خابصين المدرسة روحي شوفيهم
سجى: -كايمة اطك راس بررراس احم قصدي اسكتهم
اخذت الاوراق وتوجهت للصف صوتهم شعلوة وكل ثنين يتناكرون سوية ضربت على الباب قوي انتبهولي وجوهم اصفرت كل واحد طفر لرحلتة.
-هااا شبيكمممم خبصتوو الامة العربية مو كاعدة اصخممم بالاوراق لو بس تضلون تصيحون ست ست الاوراق ست درجاتنا اطيرر اطير.
اكعدو نفس واحد ما اسمع هم كسالة وهم وكحين
الصف صار هدوء فرغت اول رحلة خليت وجهة عليهم وكعدت خليت الاوراق كدامي واصحح كمتلهن لان بقة جزء بسيط طگطگت اصابعي وابتسمت بخباثة: -ها حبايبي شلونكم بالامتحان
-مجاووبين ست
-الاسئله سهلة
-ماي ست كلة اختيارات
-يعني ميات وتسعينات مو
-اي.
وكفت اصيح بالاسماء واسلم الاوراق الهم واصيح بالدرجة: -محمد 30 خيعون امك، مازن 26 درجة الحرارة اعلة منك خيعونك. حسين عفية بالسبع 88بوس امك، علاء 68 احسنت، هلا هلا هلا ويننننك مهيمن تعال اليوم اشلع اذاناتك ولك 10
يا ضالم البخت تدري هاي العشرة اني انطيتها الك.
سكتت وذبيت نفس كملت تسليم الاوراق وكعدت اشوف الراسبين اكثر من 15 طالب راسب قررت اعيدلهم الامتحان كسرو خاطري رجعت اشرحلهم المافاهمينة وكومتهم واحد واحد يحل حطيت كل تركيزي وياهم...
ثاني يوم امتحنتهم واجوبتهم جيدة فرحت بالنتيجة خطية ماريدهم يرسبون ويعيدون، اشتريت علبة حلويات وزعتلهم...
-ست عادي اخذ ثنين
-اخذ يمة عوافي بطنك وبطن الخلفوك
-والله ست انتي احسن معلمة.
-بعد روحي وانتم احسن طلاب يوووة شو خجلت الاملح صارلة فترة منعزل
-ست الاملح بعدة يغثج
-لا بطل شوية بنتة وطلاب وامتخانات هوسة علية
درت وجهي وضحكت طلابي يعرفون الاملح دائماً اسولفلهم عن حياتي وبنتي احس ملل دراسة دراسة وهما يسالوني ويكيفون من اسولف...
بداية السنة توضفت بمدرسة اهلية للابتدائية ادرس صف خامس وسادس السادس كعدو كال ارفد احتمال بس هالسنة تبقين بهاي المدرسة سنة الخ اخليج تدرسين باعدادية بنات حكومية الصراحة حبيت الولد وكحين صح بس يخافون مني من اتعصب منطيتهم العين الحمرة احسهم صارو جزء من حياتي.
خلصت السنة الدراسية ورجعت لوضعي القديم جنت مخلية ريم بالحضانة بين مانرجع من الدوام ناخذها
حياتنا ماشية الحمدلله...
كعدت من الصبح ريم نايمة وارفد تريكت وهجمت عالبيت غسلتة كلة جلفتةةجلف بقت بس الغرفة لان نايمين بيها نشفت البيت وشغلت المراوح ردت ادخل وطلع ارفد مدنك ينشف بوجعة انصربت راسي براسة شاغت روحي...
-يمة دخت يبووو ادرري راس طابوكة فلشت راسي
-اسم الله على راسج مابية شي بس تريدين تحجين
-بس اروح ابدل جرودي (ملابسي) وارجعلك
-لا تعاي بيهن
-لا لازم اتعارك وياك واني نظيفة وچني نسنس
-عود شني هاي نسنس.
-هاي خغلنىنرظةوةرءؤزظرؤةظمىروظدوى
-اسم الله الرحمن طب بيج جني لو تحجين وي الجنانوة
-مو صوجك صوج اليشرحلك المفردات الطاشة
اخذت ملابس وسبحت صرت طيانة مشطت وكملت وريم نايمة رحت اكعدها: -ولج اكعدددي نظفت وسبحت وراح اسوي الغدة وانتي بعدج شكد تحبين النوم كووومي
كعدت تثاوب وتحك وجههة بالمخدة: -يلا كومي
-هثة على كيفج
-اروح وتجين وراي نتعارك وي ابوج.
من سمعت بالعركة طفرت تفرك بعيونها وتكول: -يلا نتعارك ونخلية يصيح
ضحكت وبوستها: -ام طلايب عليمن طالعة دكومي يلا
اخذتها غسلت وجهها ورحنا للمطبخ خطية لكيتة مسوي الريوك كعدنا نتريك بهدوء وريم تباوعلي وتهز براسها بمعنى يلا.
-ارفد ريمة تكلي خل نتعارك وي ارفد
خزرها وهي خلت اصبعها بحلكها تاشر علية: -جدابة هي تكلي نتعارك وي الاملح
-عزااااا ولج يمتتتها كلتتت هيج.
طفرت من مكاني وارفد كام: -خاف فدفد والعباس ماكلت الاملح هي مدري شلون لكفتها واستغلتها ضدي
ارفد: -لا انتي تعلمين بيها وانة الف مرررة كايلج لاتكولين كدامها املح
-يبووووو يا ناس يا عااالم الحكولي ذولة ناس م...
سد حلكي وسلحني للغرفة موتني عضك وكرص يبوو طكع جسمي الملطلط ريمة حاضنتة وتباوعلي بمكر: -حية تسسس تسسس حيلي بية والحمزة املصج ملص بس تعيدينها بعد
ريم: -ام لسان دلالة.
-ووووولك اررررفد سمعتتتتت مو عبااالك انااا معلمتهاااا
خنست تباوع لردة فعل ابوها خزرها وهي دمعت استلمها رزيايل خفيفة على عيب وحرام ومايصير تحجين عافتة وراحت لالعابها.
-شفت هاي تسمع عركاتنا وحفظت الالقاب امدة حظي حتى بنتي تصيحلي لسان دلالة.
كملت شغل البيت واخذتها سبحتها وسويتلها ستوتات ثنين صغار راحت ترش عطر فدوة لله مو بت عندي اليسمع صوتها يكول عمرها عشر سنوات دائماً يكلولي بنتج ماكلة عمرها واني اكلهم طبيعي عمرها نطقها قوي يمكن بصغرها ما استخدمت الملهي عكس روز نطقها ابد مامفهوم.
العصر البيت هادىء جنا نايمين كعدت قبلهم رحت للمطبخ كلت خل اسوي كيكة ماطول ماعندي شي خليتها بالفرن ورحت اسوي عصير طبيعي حضني من ضهري وراسة صار بركبتي...
-جاي اسوي عصير لا تخلية يزلك
-غير تاثيري قوي عليج
-خليني ساكتة
عضني بركبتي وابتعد ذبيت البيدي ورحتلة خازرتة كرصتة من ايدة: -لا تعض بعد
هز ايدة وفتح الفرن يشوف الكيكة: -تعاي هاي ستوت
طفيتها وكلبتها بصحن ردت اكطعها واخذ السجين
-انا اكطعها اريد اتعلم
رجعت اكمل عصير والتفتت بخوف اشوفة يكطع بالكيكة بحذر مايكول كيكة لا حجيت بخوف: -ارفد بس لا تريد تكطعني تتعلم حتى تطبق بية.
ابتسم بخبث وكال: -بالضبط مليت من سوالفج والخط الاحمر صار فترة ماكو اريد يرجع بحلقتنا
ذبيت البيدي ورحت اركض للغرفة واني اصيح: -ولج يممممة ريممم الحكييي ابوووج يريد يكطعني يمااااه
خطية حتى هي اختلست وياي ضلينا محبوسين وهو يضحك بصوت ويكول: -والله كيكة وعصير الله احلة شي البيت هادىء وحلويات
كامت ريم تمشي سريع: -ولج يمة اكعدي واستري علية.
فتح الباب رفعها يبوس بيها راحت ورجعت واني ضليت مدري شبية احب الدراما بسرعة اعيش
الجو رجعت بيدها قطعة كيك كعدت بحضني توكل بية وتكول: -تيب ماما تيب (طيب) والله
-بالعافيه على كرشج وكرشي بدون كرش ارفد
ارفد: -ام كرش منيلي كرش
سجى: -بالمستقبل يطلعلك ان شاء الله
-لا تخافين محافظ على جسمي.
كامت ريم سحبتة من ايدة جابتة يمي تدك بيدها على المكان تكلة اكعد كعد بصفي سحبني علية يبوس براسي متعود على الدراما حتى بتنا هم مثلنا نتعارك بسرعة ونرجع كل شوية بجو.
كعدت بنصنا تبوس بوجهة ارفد وهو يرجعلها البوسة صحت بيها: -جا وانااااا
ضحكت ولزمت خدودي تبوس بيهم وتكلي: -اهبج اهبج كلكم احبكم
-واحنة هم نحبج.
رايحة بسابع نومة، طفرت من النوم مفزوعة على صياح الجهال.
-ولدج تعاركو
جريت شال لبستة وطلعت اركض لكيتهم بالحوش هم وجهال عمي يتعاركون ذولاك كبار مو بعمرهم لكيتهم خابصين الجو صوتهم شعلوة وثنينهم يصيحون هاي عود حبوبتي صايحة بيهم شافوني سكتو وراحو يمشون كانهم مامسوين شي صحت بيهم ولو يخافون مني: -رراح تجلطوني شبيكم بس تتعاركووون ماشاييفين جهال هسة ذولة بكدكممم تتعركون وياهم.
اجة حيدر يكلي: -يمة ذولة ملطلطين مو خيرين بس من يشوفونج يصيرون بس هما وبس فقررة كلش وهما مثل الحياية يكرصون ويضمون روسهم
-لسان دلالة شكدرلك يلة ادخلو جوة ماريد مشاكل بعد اخر مرررة
دخلو كدامي سديت باب الغرفة عليهم اباوعلهم فد فقيرين ولا اكو مثلهم بعدني ماصايحة بيهم وكال.
كرار: -رغد انتي جوعانة نسويلج اكل
حيدر: -اي والله امشي نسويلها جا شلون نعوفها جوعانة حتى تضعف وتتمرض.
عفتهم على مايهم ماحجيت شي اريد اشوفهم شيسوون طلعو واحد يكل للثاني: -نسوي الها دجاج
حيدر: -ماعدنة نسوي طماطة تكلاة
كعدت بفراشي لازمة راسي همزين ما انجلطت نايمة وكمزوني رحت وراهم لايسوون مصيبة لكيتهم بالمطبخ وجاسب ويكلي وهما يسولفون علية.
حيدر: -بوية هاي رغد راح تموت جوع كلي بسرعة يلة
كرار: -بس بوية عليك الله مو تكول انت سويتة نكول احنة سويناة حتى تفرح بينة تكول ولدي كبرو وصارو يداروني.
هو يسمعلهم ويضحك يكلهم صار
رجعت لغرفتي بدون مايشوفوني ضليت اكلب بموبايلي ودخلو بيدهم صينية صغيرة طفرت اخذتها منهم.
حيدر: -شوفي يمة رغد احنة شكد نحبج
كرار: -هذا انا سويتة ويميني ساعدني
ابتسمت على جذبة ولفظ لقب يميني على اخوة
مو اني اسميهم يساري ويميني صارو ينادون بعض بيهن.
كعدت اكل ماكلت هواي لان جاسب سواة مو قصة نظافة لا غير شي وكلتهم واخذتلهم ملابس سبحتهم ومشطت شعرهم نسخة وحدة.
-يميني
حيدر: -ها يمة رغد.
-يساري
كرار: -ها رغدة
-اندارلكم سبع فدوات بس لاتكولون رغد عيب كولو يمة
حيدر: -اهوو احنة نحب نصيحلج باسمج مو كلها تصيح يمة احنة نختلف
كرار: -انتي مو اسمج رغد لو انا غلطان؟ حتى الائمة نصيحلهم باسمهم ضلت عليج
سكتت اغم بكصتي ذولة طركاعة مو جهال حقهم اذا النهار كلة كاعدين يم حبوبتي نوفة تحجي براسهم.
حبستهم بالغرفة ورحت للكنتور ارتب بملابسي وهما يحوسون مايكدرون يطلعون لو يحجون اندك الباب طفر كرار يفتحة وحيدر وراة التفتت شفتة جاسب سحلوة يدخلون بية...
حيدر: -طب بوية لا تستحي البيت بيتك
كرار: -اي بوية صدك جذب اكعد هنا ونام
سكت يباوعلي. درت وجهي وطلعت ملابس وطلعت سبحت ورحت لغرفة عباس ماطول مو هنا مشطت شعري وخليت عطر وشوية رتبت وجهي.
هدى: -جاسب موجود
-سحلوة الشياطين
-يحبونة
-ما مكرهتهم بييييية.
-شبيج تصيحين علييية
-كلهااا تصيييح براااسي حررمتيهم من ابوووهم مو علساس انااا الكتلة روح تزوج حرمتهم منة ماخذتهم ومسافرة للمرريخ
-هم حجو وياج من جديد
-والله لو تنكلب عاليها سافلها لو يموت قهر ما ارجعلة
مو بس يتندم راجعة شريكة للخايسة مريم انوب حامل
-اعصابج يابة وراج دوام لو اليوم اجازة
-لا بعد شوية اداوم
ضليت كاعدة العب فضل الكعد من النوم سوتلة ممة ترضع بية اجة حيدر واخوة بضهرة مستحيل يمشي واحد وحدة.
حيدر: -ها يمة راح جاسب ابوي ارجعي
سكتت عنهم ماريد احجي شي كدامهم كعدو يلعبون وي فضل.
كرار: -ها رغد راح ترحين للدوام
-اي هسة تريدون اجيبلكم شي وياي
-بس قمر الدين وحلويات هواي
-ادللو
كرار: -يميني اطيها فلوس تشتريلنة
حيدر: -هاج يمة هذا ابوي انطاني فلوس كال مصرفكم
رغد: -هو انطاكم لو انتم طلبتو منة؟
حيدر: -وغلاة يساري ماطلبنة منة هو من وحدة ينطي حتى نكلة يجوز ماعندك يكول معليكم عندي خير من الله.
اخذت المبلغ كلش هواي كل فترة يخلي بيدهم يكفينا احنا التلاثة والمشكلة اني ماريد منة شي من حقة يصرف على جهالة بس مو علية...
سكتت ماحجيت شي وصيت هدوة عينها عليهم وحذرتهم بلا مشاكل جهزت نفسي وانتظرت رحمن اجت شروق بيدها رضا وكرشها كدامها حامل ببنية
هذا شهرها اتفقو يسمونها شمس
اخذت رضا بوستة شوية واجة ابوة اخذة يبوس بية عفتة يسولف وي شروق وطلعت كعدت على صبة اباوع للزرع منتظرة رحمن يوصلني للمختبر.
مرت الايام ورغد تخرجت الحلم الجانت تشوفة بعيد تحقق ولبست قاط التخرج الفرخة صارت فرحتي تخرجي وجهالي...
قبل فترة بديت اشتغل بمختبر تحليلات العصر يبلش دوامي ومتاكدة تعييني الحكومي مايطول هواي.
رفعت راسي شفت جاسب رحت يمة: -شني معناها من تنطي الجهال مبلغ جبير؟ عندك فلوس زايدة جمعهم للمستقبل اصرف على بيتك لاتحسبني وباهم لان مو بحاجتك تمام
-شبيها هاي.
-الفتهمتة المصرف جاي يزيد منة هواي وين اودية جمعة يمك ليش تنطية إلى ترة ما اصرف من التدزهم كلهن ضامتهن الهم ومرة الخ جمع عندك بدال ما تنطية الي.
عفتة بدون ما اسمع لكلامة طلع رحمن علاقتهم احسن من قبل بس هيهات ترجع مثل قبل وصلني للعيادة ورجع بلشت بشغلي بكل حب احب اتعامل وي الناس وخاصة المرضى.
خلص دوامي واجة رحمن رجعنا اخذت جهالي ورحت لغرفتي شغلتهلهم بلازما كعدو على مستر بين جاي يعيدونة من جديد...
توضيت وصليت كملت وتمددت يمهم اتابع من صار العشا نزلنا تعشينا وصعدنا المواعين مو علينة تابعنا مسلسل سوى انتهة واجة وقت النوم طفيت البلازما
وطلعنا غسلنا اسنانا رجعنا للغرفة تمددت وكل واحد نام من جهة اخذتهم لحضني وبديت اسولفلهم قصة مثل مامعودتهم بس هالمرة انتفظو مني وزعلو لان النهاية حزينة...
-يا امي يا روحي مو كل القصص نهايتها سعيدة اكو حزينة لازم نعود انفسنا نسمع قصة نهايتها حزينة حتى لانفكر كل النهايات سعيدة
-حيدر: -غير السعيدة والحزينة شكو من نهاية
-اكو النهاية العادية واكو المرضية
حيدر: -افتهمنا هي صح تضوج بس توعي
كرار: -رغدة عود اذا كبرنا هم تصيرين ماتقريلنة قصص
-لا يصير العكس انتو تقرولي قصص باعتباركم كبرتو وصارت عدكم كم الهائل من القصص احب استمع لذوقكم.
حيدر: -من نكبر نشتري مكتبة جبيرررة هيج ونخلي بيها كتب وكل يوم بالليل ننجمع ونقرا قصة
كرار: -ونشرب كهوة بالحليب
بستهم وحضنتهم لصدري نور عيوني ذولة وليداتي لعبت بشعرهم لحد ماغفو بقيت وي افكاري عقلي يطرح سؤال ويجي الجواب بسهولة.
-هسة احنة مرتاحين وجهالي مرتاحة مستحيل اخلي كلامهم ياثر علية واخرب البنيتة جهالي تعودو على والوضع وعاشين بسعادة ليش اجيب الغم الروحي.
طنشت كلشي ونمت كعدت لكيتهم ماكو غسلت ونزلت شفتهم كاعدين يم حبوبتي حيدر مرتجي على المخدة لازم سبحتها يسبح بيها وكرار بصفة كاعد
صبحت عليهم: -متريكين
حيدر: -اي بس انتي تريكي عوافي
-على كلبك حبيبي
تريكت ودخلت ولاية اجت سلمت علية ودخلت جوة دخل جاسب وراها يباوعلي كلها نايمة بس حبوبتي كاعدة وزعاطيطي كعد كبالي سحب صحن البيض صار ياكل منة ويشرب من كلاصي نكت ايدي ونهضت...
-ديربالج على ولاية على ما امها تصير زينة.
-ان شاء الله
ابتعدت ورحت اغسل حسيتة وراي عكدت حواجبي
وردت اوخر كال بصوت ناصي:
-نيران البگلبي محد يحس بيها
-للاسف لا
-تحركين بروحي عمدا مالي حوبة؟
-ماعتقد
-رغد نسيتي حبي الج؟ ليش هيج قاسية انسان ميت وانتي تكدرين تحيينة احييني رغد متت بحبج
-مرتك خليها تنسيك رغد خلاصة الكلام
-گلبج صخر جلمود ماحن علية، انا الحبيت ولفي من جان بيداي كبر وصار مايلزم ايدي خليها بالج حبي الج يوم عن يوم يزيد ماينقص.
-احترم العلاقة البينة هسة انا محرمة عليك وانت متزوج وعندك مرة ابتعد عني رجائاً لا تحجي مثل هيج كلام ثاني مرة
ذب نفس والدمعة تلالي بعينة كال بلوعة كلب -تلاگينة وبچينة وعينكم صلفة شسويلك بعد كل هذا ما كفة
ابتعدت ودخلت جوة جسمي يرجف عصرت عيوني انسة نظراتة، رحت يم الجهال مخلين ولاية نصهم يسولفون وياها وهي مكيفة من شافوني سكتو الضاهر يصفطون جذب عليها احب علاقتهم بيها وعلاقتهم مع بعض...
ولاية كلش متعودة علينة جاسب يجيبها يمنة لان امها حامل.
صبيت الهم غدة غسلو ايديهم واجو تلاثتهم ولاية بنصهم ياكلون ويسوولها لفات دخل جاسب يباوعلهم مبتسم هنا اكدت احنا الاثنين خسرنا انفسنا وربحنا بجهالنا...
شايلة ابني افتر بية بالغرفة واغنيلة...
-فضولي هيل وفستقة واحلة ولد بالمنطقة امة تحبة والابو بابا اوووف بابا اوووف
كعدت خليتة بحضني العب بيه والله گلبي طك على عبيس شني ولا تعودت على غيابة سحبت الموبايل دزيتلة رسائل صوتية خاف مشغول هسة.
-هلو شلونك عبسي شني شوف اشتاقيتلك كلش اهووو راح ابجي ابنك يريدك جذب انا اريدك.
سديت الموبايل ودموعي نزلت روحي طلعت اشتاقيت لحضنة دكيت على فضل نام خطية بوستة وغطيتة تمددت ونمت بفراشي...
كعدت على صوت الموبايل فتحت خط مجرد اجة صوتة دك كلبي بقوة وابتسمت: -ها انت شمسوي بيه
-زلمة بعيد مامسوي شي ولا لازم شي
-يكلبي يرفرف عليك
-يابعدهم كلهم ابوسة لكلبج واعضة
-لا خاف ينكطع الوريد من العض واموت
-اسم الله بس ابوسة بطلت.
-احبك عبسي
-روحة وگلبة شعلتيني والدرب بعيد
-فضولي مشتاقلك.
-ادري والله فضولي وام فضولي ميتين علية
-هذا ياجلب يفشر يمك
كام واسمع صوت طكطة وغلط: -وينك الوو
-وياج هدهد
-هذا الفاسد بس لا صاحبك
-لا يمعودة انا اصاحب كو
-لا تتقرب لهيج نماذج ماريد يخربون اخلاقك وتضل تفشر مثلهم
كملت اتصالي وياة وسديت الخط منزعجة كل ما اذكر صوت الولد طاح حظة شلون هيج يحجي، عباس ولا مرة تلفظ بهيج الفاظ رغم هم عسكري بس ذولة شبيهم يععع لعبت روحي...
اندفر الباب ودخلت زهراء: -اهوو هم انتي خير خير
زهراء: -الوصخة ماجايتج حجرة اخوي
-راسج اكسرة بس دفرين الباب هيج قليلة ادب دكي الباب ثاني مرة
غلست عني وراحت لفضل تبوس بية: -وين ابنج المسعور
-يم ابوى جوة
اباوعلها تبوس بدية نزعت عبايتها تباوع لبطني: -خير سالمين
زهراء: -ماحبلتي؟
-لا وياهو كال اريد احبل
-منا منا هسة تطلعين حامل
-لا حبيبتي اخذ حب مانع من اتخرج يلة عود افكر
-بخت لا احبلي فدوة
-يابة شجلبتي وياي.
-حتى نجيب سوة
-ليش انتي حامل؟
-اي حامل وغصباً على راسج تحبلين
-دطيري حتى نصير مضحكة لامة محمد مثل ما صار بينة
تذكرت يوم ولادتي وطحت ارفس من، الضحك كل ما اضوج اتذكر هذا اليوم صار مضحكة ثنينة نصرخ هي مجلبة بيه وتبجي من حركتي لزمتها شبعتها كتل
واصيح عليها: -اررتاحيتي حبلتي وياي ولي مني لاتبجين يمي.
صار يوم اسود علينة نزار ضل يصرخ ويحشم بالدكتورات: ؛ولجن مرتي راح تموت والعباس افجر المستشفى الحكلها يالطركاعات طلعن الفرررخ ماتت المرة منين اجيب مثلها
مجلبة بية وتصرخ حتى نسيت وجعي اشوفهم خبصو المستشفى هي جابت قبلي والهلاهل نزار رج المستشفى الناس كلها تباوع علية اليشوفة يكول عشر سنوات ماعندة جهال...
كعد فضل عفتها يمة تحتار بية هو يموت عليها نزلت جوة لكيت نزار ابنة (يزن) مخلية بحضنة ويحارك بجهال جاسب.
-خايبة تعاليلي ذولة دوخوني اشباح مدري ياهو اليحجي بيهم يمة اسم الله خفت راح اخذ ابني واطفر
-هههههه ذولة صحبانك غير يحبونك
حيدر: -نزار الحب اي والله
نزار: -بعد روحي بس تصير عندي بنية ازوجها لواحد بيكم بس خاف تية رجلها
زهراء مطنكرة تريدني احبل والله لو تموت اريد اكبر ابني ماكاعدة مثلها...
ثاني يوم كلنا على استعداد اليوم ينزل عباس حضرت اكلة وملابسة والغرفة وابني ونفسي فحطت سويتة ممة لفضل شربها ونام خليت راسي وغفيت
كعدت على بوسات بركبتي رفعت روحي ابوس بية مغمضة عيوني...
حضنتة بقوة وخليت راسي بركبتة ابوس بية رفع راسي باوع بعيوني واخذ شفتي.
يبرم بشعري وكل شوية يبوسني: -لا تنفرين ترة مشتاك
-والله حتى انا
عض شفتة وغمز غطيت وجهي بيدي: -شبيك مشتاقتلك ترة
-وانا ماكلت شي بس اريد ارتوي.
الوقت تاخر حيل عفتة نايم وطلعت اشوف ابني لكيت البنات يسون كليجة وسفانة جاية تسوي
-باجر مو عيد المن مسوين من هسة
رغد: -لا ولج انطوها عيد
-ها خوش
كعدت الف وياهن وزهراء احتارت بابني وابنها وبت سفانة(غزل) نزلت رغد خاف جهالها تعاركو جابتهم ترزل بيهم وهما يبررون الها...
صعدو على وامير يايدوهم بالكلام علساس رغد تسويلهم شي هي حتى مايصيحولها ماما.
اجة العيد ماعدنة شي غاسلين البيت من وكت بس الكليجة سويناها...
اول يوم العيد اجت سجى وريم روحي من الدنيا تموت علية تخبل سوالفها تنكرط الكل يحبها.
انمار ونوف اجو قبل الغدة لان ذابحين ذبيحة
وهم صار فترة ما جايين عايشة عاتبتة وهل اجة
البيت صار هوسة واحلة هوسة اجتمعنا بس اجتماعنا يختلف عن قبل صارت بينة جهال وشي يحب شي وشي يلعب وي شي.
حيدر وكرار مخلين اختهم بالنص مايخلونها تختلط ويلعبون وي غزل يحبونهة لان دائما تجيبها سفانة على يركض ورة ريم وكل ماتطلع جايبها سحل وهي تصرخ امير يلعب وي روز المدنفشة سجيوة تسميها المثقفة ام الانكليزي مو بنت تنكرط...
اخذت فضل بحضني لكيت عباس لابس دشداشة بيضة تخبل علية اخذ فضل مني همستلة: -هسة مادرينة انت العيد لو العيد العيد
ابتسم يبوس بفضل: -ام فضل العيد
-عبيس سودنتني راح ادخل مصحة من ورة جمالك.
ضحك وضحكت على ضحكتة احب امدح بية احسة كلش يفرح رجعت جوة كل ثنين سوة يسولفن وصايرة وشة بالمكان ضحك وصوت الاطفال وعركاتهم تصدع بالمكان...
من بعد الدوامات العديدة التي بعثرتنا وجدنا الراحة وكل من فينا اختار الحياة التي تناسبة، تخطينا ايامنا المأساوية ووجدنا السعادة في نهاية الحكاية...