رواية بين سلاسل العادات للكاتبة كفاية كاظم الفصل التاسع والثلاثون
-تدرين بالصار لو مغلسة
-ليش هو شنو صار
-نووووو
-ليش داتصيح
-لاتحرگين دمي وافتحي عيونج
-فاتحتهن
-شلون تريدني اكفخها على راسها
-يلة تأخرت
-حبيبتي دوام ماكو ترجعين وي رجلج يخليلج حماية لان حياتج بخطر واحنة هالتشوفين حالنة لاعدنة سلطة ولا امكانية بتك ايد يسحلون اخوج وحياتج غالية عدنة
-لتصدك بهذا الخريطي كله سواة خاطر ارجع
-يعني ماكو سيارات تراقبج
-ماعرف
-احجي الصدك نو لاتجذبين.
-دائماً اشوف سيارة سودة بس ماعبالي إلى بس ميسون شي يلا باي
مشيت وسحبني من زندي عكدت حاجبي متالمة: -ايدي
-بدون عناد وطيش اذا انتي ماصار بيج شي احنة ندمر وراج امي بس تسمع خبر وتودع وتدرين كلش زين امنا وطن ولو راحت نتغرب ولو صار بيج شي مانتحمل خسارتج اخوج لليوم جرحة ينزف لاتزيدينها علية
-بس اني مسويت شي بس اريد ارجع اداوم
-تحبيني
-اعز من روحي شلون ماحبك
-شوفي انمار واحجي وياة اذا صدك تحبيني.
-شوف مادري من اشوفة گلبي يبقة يوجعني
-لانج تحبينة
-ها
-رجعتي الفهاوتج لا اله الا الله دمشي كدامي وجيبي ملازمج
سحبهن من ايدي شمرهن واخذني يمشي بية فتح الباب الرئيسي لكيتة كاعد بسيارتة فتح الجامة وبقة يحجي وي سجاد واني مدنكة راسي...
سجاد: -رجعتلها الحالة القديمة
انمار: -ميخالف تنقبل بكل الحالات
-مو ترجعها علية ترة تشعل جد جدك بكبرهم من الفهاوة
-فدوة الها العشيرة والبيها
-لاتشمر حجي زايد ترة اني اخوها.
-بنص گلبي انت واختك
-بس كافي لواكة واخذها وخلصنة منها مخلصتها عرك هي وعبيد
رفعت عيوني خزرتة ضحك وسحبني من ايدي فتح باب الصدر ودفعني جاي اعدل بكعدتي ماحسيت الا السيارة انطلقت...
كل ذرة بجسمي ترجف كاعدة على اعصابي دايرة وجههي على الجامة وكلبي يخفق بقوة اريد اشوف وجهها مشتاقتلة وبنفس الوقت حاقدة وزعلانة علية
-يابذات ماردنة شي بس نشوف سواد عيونك
-لاتحجي اسكت
-غير تفهميني ليش
-احسن.
صوتة يحرك مشاعري اصارحكم واكول اني مو بس احبة الحب قليل بحقة رغم الفترة العشتها وياة قصيرة بس جانت من اصعب الفترات والبشر دائماً يتذكر الشخص الوكف وياة...
انمار اول شخص حبيتة جنت صغيرة وفتحت عيني علية مراهقة وتعيش وي شاب اكيد تحبة واذا جان يعاملها مثل انمار وحنيتة...
اجت بخشمي ريحة جكاير احس كلبي انعصر درت وجهي بهدوء الجكارة بين شفافة ويسوق ركزت بيهن انتبهلي ابتسم درت وجهي بسرعة...
-حلالج شكد ماتريدين عايني بية
-كتلك اسكت لا تحجي
-مدامتي ممكن تشرحيلي
-لا مو ممكن
-اها، صدك شلون مدبرة الصيدلة
-شقصددك
-جاي اسئلج لان الصيدلية صعبة
-واني كدها انخلقت للسهل
-لبوتي بعد
رفعتلة حاجب شمر الجكارة ونفخ الدخان بوجهي كحيت: -لا تنفخ بوجهي بعد
-وانتي لاترفعين حاجب
-وين ماخذني
-لعفج
ضحكت وخليت ايدي على حلكي: -تردين اخذج الها
-لا
-هم صح بعيدة
سكتت العب باصابعي متوترة وجودي قريب منة يوترني...
-الحجاب لايگلج.
-شكرا
-شعرج بعدة...
كطع كلمتة كملت وكتلة: -على حطة ايدك
-ماضل شي خلصت
مافهمت شيقصد زاد السرعة ماهي الا نص ساعة او اكثر شوية وصلنة طبك السيارة بمكان زراعي شجر وزرع نزلت اباوع بالمكان التفتت علية اجة بصفي سحب ايدي خلاها بين ادية فركها ورفعهة باسها احس جسمي كزبر باوعتلة بعيون مدمعة وهمست
-لتسوي هيج
ابتسمت ونزل ايدي لازمها يمشي بية بدون لا اسئل او احجي شي امشي وراة ثنينا ساكتين بس كلوبنا تحجي...
صار كدامنا بيت صغير بنص البستان التفتت علية وهمس بصوت ناصي: -تشوفين بيتج
بلعت ريك وماكدرت احجي هزيتلة براسي اخذني وفتح الباب الرئيسي صارت كدامنة حديقة وممر مشينة بالحديقة تجنن ريحة الورد الجوري مالي المكان ابتسمت واخذت نفس يرد الروح...
جان هادء قليل الكلام مايحتاج يحجي لان افعالة تحجي مرجوحة بداية الحديقة ناصبها ضحكت ورحت صوبها كعدت بيها اضحك صرت ادفع بروحي.
صار وراي عبالي يدفعني بس فاجئني من سحب شالي خلاة على صفحة ودخل ايدة بشعري نثرة شوية حسيتة ياخذ نفس دفعني بخفة وكال...
-ضحكتج ردتلي العافية المبيوكة من سنين عوجة
-ادفعني اقوة.
صرت اتمرجح احس روحي تطير بالهوة شعور يجنن شعري يطير بالهوة والمكان بارد وانمار بضهري لعبت لمن شبعت وكفت المرجوحة ونزلت درت صرت كدامة لميت كذلتي ورة اذني وباوعتلة ابتسامة مرسومة على وجهة تخفي هواي تعب جان لابس قميص ابيض مفتح ازرارة وشعرة نازل على وجهة بعشوائية بفعل مامتوقعتة رحت حضنتة بقوة...
بادلني الحضن احس دخلت بصدرة من كد ماقوي ابتعدت شوية اباوع بتفاصيل وجهة مررت ايدي على عيونة للحيتة وشواربة دخل ايدة بشعري وشدني علية اختلطت انفاسنا احس اكو مغناطيس يشدني الة تقدمت واخذ شفايفي...
يقسي ويرجع بتصرف برقة طلع كل شوك ولهفة مال سنين ابتعد عني اجر النفس كوة سحبني علية ومرر ايدة بشعري تمتم بكلمات مامفهومة.
-انهار
-تعب سنينة
-احبك بس.
خلة اصبعة على شفتي وضحك ابتسمت ومشاني جان اكو صندوگ من خشب جبيبر بالركن تقدم وفتح الباب وابتعد مسافة باوعتلة باستفهام: -شوفيهن راح تعجبج متاكد.
تقربت بهدوء كعدت نص كعدة ردت ادخل ايدي وطلعت بزونة بيضة عيونها صفر ابتسمت واجت تلتف حولي لعبتها ورفعت حاجبي باعجاب طلعت مو بس وحدها وياها ثنين صغار احلة منها شكلهن يجنن اخذتهن العب بيهن واضحك نسيتة والتهيت وياها درت وجهي شفتة يرفع بشعري من الكاع كمت بيدي وحدة ابتعد شوية وكال: -عجبنك
-يخبلننننن انهااار يخبلن منين جبتهن
-اشتريتهن ادري بيج تحبينهن
-تعال الزمها شكد ناعمة.
تقربت علية ابتعت وخلة ايدة كدام: -لا لا ماريد عوفيهن يمج
وكفت بمكاني العب بفروها: -شنو اساميهن
-شكر وبناتها
-يااا ميصير كون اسامي حلوة
-تؤ لازم شكر لان بيضة
-زين نسميها سكر وحدة لوز و روز
-هاي هية براحتج يلة رجعيهن حتى تشوفين البيت
ذبيتهن من ايدي ورحت وراة فتح الباب ومد راسة مديت راسي صرت بضهرة كلش.
-هاي الاستقبال
-عاش ذوقك.
مساحتها متوسطة مرتبة باثاث راقي والوانة مريحة للعين والبيت كلة كذللك صغير ونازك كل غراضة ناعمة احسة افلام كرتون ما كدرت اوصف الفرحة البداخلي لو البعيونة...
-انهار يعني هذا النة
-الج هذا ولجهالج
-جهالي!
-اي
-بس اني مامتزوجة ماعندي جهال
-افا شلون مامتزوجة شني نسيتي من تزوجنة ولبستي البدلة البيضة اذكرج لو نسيتي
-اي صح لبست بدلة بس ماتزوووجنة
ضحك وكرص خدي: -نتزوج هسة.
حسيت على روحي وشجنت اقصد وجهي صار نار درت وجهي العب بالتحف حسيت وجهة برگبتي شواربة بززني غمضت عيوني ماحسيت غير وجهي بوجهة و...
كاعدة فوك الطاولة وهو كدامي مرتجي بيدة.
انمار: -شني اكثر شي عجبج بالبيت
-كلشي
-وغرفة النوم
-تجننن
-نروح نشوفها
-مو شفناها خل نسولف
-اي هناك نسولف
غمز بعينة ضربتة بخفة على صدرة وصحت: -انهار شبيج ترة حرجع بس تبقة تتصرف هيج
-اشتعلت روحك انهار
-ياا ليش تشعل بروحك.
-افتهمتي غلط شعلت روح انهار اني انمار
-هههههه صاير لوتي وتحشش
-ومنحرف
-بديت تخوفني اسم الله ترة اعوفك
-بعد ماكو شي اسمة اعوفك لو تعوفني الراح مو اقل من الجاي خل نكمل سوة ونعيش على الحلوة والمرة مانعرف شوكت يخلص العمر
نزلت وحضنتة خلصنة نص اليوم نسولف ماخليت شي بكلبي كلشي عرفت سولفلي عن ادق تفاصيلة وين جان ينام وياكل ويكعد ويسولخ الخ...
-جعت اريد اكل
-اصيرلج اكل
-لا ماريد اكلك خطية
-فداوي لبنيتي الحبابة.
-صح اني حبابة مو نفسك
-اه
-لا اجذب نفسك حبابة
-صدك تعرفين تطبخين لا
-لا
-انوب تكول لا ولج شكبرج تصيرين طبخ ماتعرفين تطبخين
-اعرف اكلي بيض واسلگ واگلي طمامة هم واسوي زلاطة وجاي
-الله عمي طباخة مرتي وبعد شتعرفين
-بس ذني مو ما الحگ اتعلم تعرف دراسة صعبة واخواني يطبخون واكلهم طيب بعد شكو اطبخ اني
-شلون نجيب سجاد يطبخلنة
-لا نشتري جاهز لو نتعاون اني اسوي الزلاطة وانت طلع من اليوتيوب وسوي.
ضحك وباسني بقوة: -شفطتني مو هيج
-اسكتي الفاهية تريديني مثلج
-اني مو فاهية بس شوية رقيقة
-ههههههههههه فديت الرقيقة ام العگاريگ
-عزااا شذكرك
-جا عبالج نسيت
-شوف ترة اني بس احب البزازين واذا واحد يضوجني اكلة عروك مو منعناتها اني احبهن لا
-اي والله
-اضحك
-شني
-اضحك يلة
عكد حواجبة مديت ايدي ادغدغ بية مايضحك
: -هاي ليش ماتضحك مو جاي ادغدغ اضحك حباب
-ماريد اضحك هي كوة
-حباب اضحك
-شتسوين بضحكتي
-غمازاتك
-شبيهن.
-اشوفهن حلوات
ضحك وطلعن مديت اصبعي بيهن ضحكت على شكلهن محفورات همس بوسيهن: -ادلل
دنكت بستهن وخربطت شعرة بيدي: -شكد حلو
-كولي والله
-والله قبل حلو وهسة احلة بس صاير شايب طلع براسك شيب
-من وراج طلع الشيب وفوكاها سويتيني شايب
-مو هما الشياب يطلع بيهم شيب
-بس انطي صبر وشوفي الشياب شتسوي.
دك تليفونها كام طلع رحت وراة شوية بيدة علاگة دخل وراح يفرغ بيها غسلت ادية وكعدت منتظرتها دار وجهة خزرني وكال: -خاتونة شلون تحبين الاكل بارد لو سبايسي
-نجرب السبايسي
عض شفتة وشمر علية خاشوكة بلاستك: -ماتستحي كاعده ومخلية رجلها يشتغل بدالها
-اهوو هسة كول خطار بعدنة بسم الله اليوم كعدنا سوة
-يلة بس اليوم اددللج
-عود استعجل مو بس تحجي
-تعاي اخذيلج راجدي مني
-مو هسة بعدين.
.
خلة الاكل على الميز واجة عضني بخدي: -ايييي
-سويت ساعة حتى اعرف الوقت
حسيتها بيدي وبرطمت شفتي ومديت ايدي اكل خبصت قبلة رحت غسلت وتمددت على تخم بالصالة
عيوني بالسكف مثبتتهن والعب بشعري المنثور
هسة اني بحلم بعلم ماجاي اتاكد هذا واقع لو خيال سنين بسرعة انسن ورجعنا من جديد بكل سهولة خيال.
فزيت من اجة تمدد بصفي القنفة مو كلش جبيرة جعصني ليورة: -اخ انهار اخ يمة بطني شبعانة راح اموت.
كلبني صرت فوكة فتحت عيوني على وسعهن: -انمار حتختنگ والله نزلني
-ماعليج مرتاح
-ترة وزني زايد وشبعانة لا تروح بيها
اهتز صدرة يضحك واني مجلبة بالقنفة اخاف نوكع كرص خدي بقوة وكال: -سمنانة ولج
-اي صح بس مو هواي
-بيج خوش لحم يرهم عض وكرص
-انهااار شبيك
خلة راسة بركبتي يتنفس سحت بيدي و...
-يلة كافي رجعني لبيتنة
-جا هذا شني ملهى ليلي
-لا بس امي واخواني شيكولون غير نرجع شلون.
-ماكو رجعة هذا بيتج وانا هلج عود من تشتاكين ترحين
-وهما شيكولون
-شيكولون مرة رجعت لرجلها
-بس هم فشلة ياااا انهار
الوقت يمشي مانحس بية خلصناها ضحك وسوالف ولعب صار المغرب اذن الاذان صلينة سوة كملت قبلة ورحت للمطبخ اسوي عشة فشلة هم يروح يشتري
حرت شسوي الثلاجة بيها اشكال اخير شي طلعت بركر كليتة وطمامة وسويت زلاطة وخدرت جاي وخليت اجبان وزيتون ومربة وهاي السوالف جاي اكطع فواكة ودخل باسني واخذ شيف تفاح...
-وين تاخرت
-عندي شغلة خلصتها
باوع للميز وكال: -كفو منج طلعتي بيج شمرة ياالله يعني ماموت جوع
-لا تخاف محد يموت من الجوع بس لاتسويها سودة
اجة يتحرش بية كوة كملت كملنة اكلنة ورحت اغسل المواعين وهو يعزل بالطباخ والكاونتر.
-انهار اريد ملابس شلون توصخت
-وكملي بالبداية وانا اخذج
-ماشي
كملت البيدي خلصنة ترتيب وكتلة: -يلا.
اخذني لغرفة النوم فتح الكنتور كال: -هاي الخانة لملابس البيت وذيج لملابس الدوام والطلعة وذيج لملابس النوم
احس وجهي صخن من نطقها كبرت وصرت اعرف كلشي تمنيت عقلي القديم يرجع.
فتحة يكلب بالقمصان طلع فستان قماشة ستن ناعم كلش نيلي حفرتة واسعة وبية خيوط منا ومنا ومطرك القماش من صدرة...
-البسية بين ماكمل الباقي
-شنو
تقرب مني وهمس: -تصيرين حلالي؟
-ها
-شني ها مو وكت فهاوتج اي لو لا حتى اعرف شتصرف
-ماعرف شنو.
-لاتعرفين اي لو لا
هزيت راسي واخذت الفستان سبحت ولبستة طلع فضيحة ضهرة كلة محفور عبالي بس صدرة وضيك كلش لازك على جسمي لفيت شعري رحت نشفتة وشسورتة برمتة وخليت مكياج خفيف تعجبت بنفسي اللون برزني ضليت افتر حول نفسي وكل شوية اكول اطلع لا اخر شي رشيت عطر زيادة وطلعت بقيت بمكاني اراقب بية...
سابح مبدل ملابسة لابش تشريت اسود لازك على جسمة وشعرة مبللل ينكط مي مامنتبهلي يحضر للسهر شموع ورد وحلويات واشياء كثيرة...
انتبهلي بقة واكف ويرمش بعيونة بللت شفتي بتوتر اجة سحبني من ايدي ايدة ترجف حارة جوتني مررها على ضهري العاري قشعر جسمي قربني اكثر اله وصار يمشي شفتي على اجزاء جسمي المكشوفة صرت مثل العجينة بيدة يشكلني مثل مايريد ومن هاي الليلة صرت مرتة وكلني اله...
بقة يردد بكلمات طالعات من كل كلبة.
-احبج ياتعب سنيني احب ياعوض ربي احبج ياضوة عيوني احبج يادوة جروحي.
بهاي الليلة احس نفسي بغير دنيا امتلكني بلمساتة وكلماتة جانت اجمل ليلة بعمري وبعمرة...
مرت الايام وعشنة احلة عيشة حب وسعادة وغزل سيارة تاخذني للدوام وترجعني والساعة بتلاثة يرجع يرتاح شوية ونبقة سهرانين نتعارك ونتكافش
واذا اتوازة اروح لسكر اخليها كدامي حاجز بعد مايوصلني يخلي ويرجع...
دخلت لكيته نايم على وجههة جفت ما لابس قميص منطيني ضهرة بيدي اقلام وملازم جنت اقرا ودايخة من شفتة هيج اجتني افكار شيطانية تقربت بهدوء ورسمت على ضهرة سويتة لوحة كتبت احرف ورموز وشخابيط ورد وهو نايم عفتة ورحت اكمل...
كاعدة على القنفة اقرا بصوت ضربني كمزت عبالي عرف بس من شفتة كعد كدامي تطمنت لميت شعري وكتلة: -ماتروح تلبس شي
-عاجبني ابقة هيج عندج اعتراض
-لا طبعاً بس اكلك هيج.
رجعت اقرا وهو من يشوفني اقرا حتى مايحجي وياة يعوفني وحدي راح جاب صحن فواكة وعصاير خلاهن كدامي وراح بدون لايحجي...
اطمنت وكعدت اكل واقرا ماحس الا جفت وشالني من شعري: -اخ انهار بروح ابوك لا اوكف
-احترك ابوي شمسوية
-مامسوية
-وضهري
-ابو العضلات شبية
-لوحة مسويتة تتعلمين بية الرسم ولج.
رفعت روحي جان بيدي قلم جاف احمر رسمت على صدرة قلب الحب وكتبت احبك ماحس الا ضربني راجدي طبعاً بالشقة بس اني اخذتها حجة وشمرت روحي على القنفة لازمة خدي واصيح...
-وولك انهااار تضررربني كلت هاي فااهية محد يمها استحقررتني تضررربني نهووري تضررربني ولكم يا. ناااس يا عالم رجلي عنفني واني طالبة وفاهية لا حول ولا قوة يبوووو.
اجت بزونتي على صوتي جنها هدادة كمت على حيلي من شفتها: -ولج تعاي اخذي حقي ادري بيج شريفة تقبلينها انهار يضربني واني بحسبة بناتج لوز وروز
اجت باتجاهة وهو راح دخل للغرفة استغليت الوضع شلتها ورحت وراة راسا قفل الباب وصاح: -صوجي اني اشتريتلج بزازين اذا ما ابيعهن فلا تسميني باسمي
-مو بكيفك
-الا اوزعها على الجلاب هي وبناتها
-حتى اوزع روحك على الملائكة
-ها شكر بعتيني علمود بزونة.
-اي ابيعك هاي البزونة تقبل اسوي بيها كلشي ومتضوج
-ومنو اليبوسج ويمشط شعرج الجنة زولية جدي
-بسيطة اتنمر اليوم الا اكعدلك بالباب واعلمك منو زولية جدك هذا مو دكول جنة حرير وغطيني بية
هسة كلبت
-عباية امي هذا ماتحلة النومة الا بيها
-دضل هنا بعد ماكو شي يبررلك
كعدت بصف الباب وهو بقة جوة سحبت كتبي والميز اكل واقرا: -انهار عاشت ايدك على هاي السلطة حتى سكر تكول طيبة تمدح بيك
-اعلمج انتي وياها بس اصبريلي.
-مو احنة نحبك
-واني ماريدجن بعد اشمرجن باقرب زبالة
-خوش خوش بسيطة
بعدني اكل وما اسمع الباب تعطر تعطر كمزت من مكاني وسكر شردت فتح الباب انمار يبلس بتشيرتة طلعت وراة مخلية ايدي على كلبي منو هذا الاجانة
ميلت راسي واحس كلبي طار اخر شخص متوقعة اشوفة...