رواية بين سلاسل العادات للكاتبة كفاية كاظم الفصل التاسع والأربعون
نو.
چم صبح ينراد للما شاف صبحيه ب حياته
وچم عمر ينراد للباچر مماته
التفتت بخوف واحس اطرافي ثلجت لزمت بعباة المرة حيل ونزلت دموعي هي ماجانت تضن هاي السيارة جايتني جان عدها الوضع عادي بس من شافتني استغربت حجيت بفزع: -خالة فدووة احميني لاتنطيني.
نزل بخطوة وحدة سحبني علية ارتطمت بصدرة لزمني من ايدي احسها راح تنكسر من قوتة لزمت خدي نار من ضربتة رجفت اطرافي واني اباوع بشكلة صاير كتلة من النار ننترت ايدة بقوة ودموعي نزلت: -عوووفني حقيررر كسررر بيدددك
التفتت للمرة وام البيت فاتحة الباب تباوعلنة سحبتني المرة عليها وصارت بوجهها هي منا ضخمة البنية احتميت بيها ارجف...
-شني شو تطك بالبت انت ياهو منين الك وياها.
سحبني من ضهرها لازمني بقوة ورفع اصبعة يهدد وجهها صاير دممم: -ااابنييي لووو صااايرر بية شييي بيووتجننن احررركهاا وااذبجننن ورررة الشممسس اصبررلي ربععع سااعة مشيولاتتتت منا
خزرني عيونة يتجادحن نار احس لساني انعكد اني جنت خايفة واجة هو زودها علية دفعني بالسيارة وشغل طايرة بينا عصرت ايدي بقوة وصرخت: -نزززلنيييي وووين ماااخذنيىيي
-للجهنممممممم ولو جهنم اهون
-كتلك نززلني مارريد ابقةة وياااك بمكااان واحدد.
-تنزززلينننن الطفللل مووو تمشييين وي الياهووو الجاااان فييي سبييييل تخلصييين منه وتحرررگيننن گلبييييي
رديت برود وحقد: -انزلة باي طريقة المهم اشوفك محترك وعينك ماتشوف طفل مني
ضرب على الستيرن بخبااال والسيارة كامت تروح منا وترجع منا لزمت بطني وابتسمت بخوف بينما هو يصيح: -كللللل هذااااا حتتتتى تشوووفينييي محترررگ تكتلييين طفلللل ماااالة ذنببببب
-ذنبة ابوة خاين الملح والزاد شيطلع هوو وصي هم نفسة.
-لللج نسيييتي كلشيييي الحقدددد عمةةة گلبببج ونساااج حبيييي
-نزلني انمارر حياتي حرة بيها اسووي اليعجبني مثل ماسويت اليعجبك
-تسسوووينننن جررريمةةة بحقققق نفسسسج وبحققق الطففففل وتحجييين برررود عاااادي تمووتين انتييي والطفففل عاااادي يوودونكم للجحيم اهممم شيي ماتشيلين برحمج ابني
-بالضبط كلشي خل يصير بية بس ابنك ماريدة ماريد شي يربطنااا افتهمتتت.
صاار يضررب على السترين وماحس الا تريلة طالعتلنة اجت كدامنة صررخت بصوت وانمار دار السيارة غمضت عيوني وحسيت بضربة بعد ماحسيت بشي غير الظلام والوجع الينخل بجسمي
ظلام محاوطني صرخات باذني وجع بجسمي صوت طفل صغير يصيح باذني ليش ماما ليش فتحت عيوني بتعب غواش على عيوني ماواضحة عندي الرؤية بس احس لمسات على ايدي.
استيقظت من الحلم المرعب واشوف اخوتي وامي كلهم محاوطيني وسرى وياهم عيوني تفتر بملامحهم المغطيها الحزن استوعبت الصار ويانة وادركت حجم الغلط الغلطتة بحق نفسي وبحق ناسي...
عيوني يوجعني وگلبي ينغزني اريد احجي صوتي متحشر حديثهم كلة ماسمعته: -و. وينة ز زين هو
لزم وجهي سجاد بثنين ادية عيونة حمر باسني بگصتي حسيت گلبي وگف لان ماحجة مطگگة عيوني على وسعهن كان شخص يصارع الموت
-انمار عايش.
هز راسة باي ومسح على خدي بعدها اجت امي وباقي اخواني يطمنون علية واني عيني على الباب طلعو كلهم بقت سرى تبجي لزمت ايدي غمضت عيوني وحجيت بصوت يرجف: -الطفل مات
-الله يعوضج غيرة طار بالسما
ضحكت ونزلت دموعي: -راح يشكيني لربة اني كتلت طفل بريء بسبب حقدي مستحيل اكون ام بعد الله راح يعاقبني ويبس رحمي ولعنة هالطفل ماراح تفارگني اني وحدة سيئة ومؤذية
-كافي كافي حادث وقدر.
-سرى انتي ام مثالية ضحيتي بروحج علمود طفلج الا اني ضحيت بطفلي علمود نفسي وارضي غروري
خلت ايدها على حلكي: -بالعكس متاكدة راح تكونين ام مثالية بالمستقبل انتي وي الحيوانات شكد حنينة مو وي الاطفال
-انمار زين شصار بية
-تاذة عليج ماتاذة على روحة جروحة خيطوهن اله
درت وجهي وخليت ايدي على عيوني اليمطرن دمع گلبي محترگ على حياتي التدمرت الالم ينهش بجسمي ريحة المعقمات دخلتني بكأبة...
جثة بدون روح رغم الصار مشتاقة اشوفة ولو اخر مرة بس حرگ گلبي لان ما اجة شافني واني بهالحالة
الساعة بالثنتين ممدودة على السرير ودموعي تنزل
احس بنفسي اختنگ غمضت عيوني من انفتح الباب
سويت نفسي نايمة حتى الدمع جف على خدي...
وي كل خطوة يخطيها گلبي ينبض بقوة احساسي يگلي هو وعطرة اكدلي هالشي رجف گلبي من همست قريب عني: -شكر نايمة.
سكت دقايق يتاكد مني نايمة واني استمريت بالتمثيل رفع كف ايدي انفاسة الحارة تضرب بية قشعر بدني يشم بكف ايدي ويطبع بوساتة بخفة بس شواربة تبزز بية لزم اصبعي البية الحلقة باسة
اردفت بصوت هادء ممزوج بحة: -ليش عفتيني احساسج ليش وكف ضدي شكر كتلتي روحي بروحتج...
فر الحلقة باصبعي: -هيج هنت عليج نسيتي ايامي وحبي ولهفتي بس هم حقج بس لو جنتي تثقين بية ماصدكتي جذبتي كلشي وصدكتي بنظراتي حتى بحلم ماخنتج.
نزل ايدي ومسح عليها بخفة ودموعة الحارة ببلتها
-جان كتلج بس ادري بيج ماتصدكيني ادري بروحي راح اخلف بوعدي واكسر كلمتي وانتي ماترجعيلي
بس لو جان فكرتي بعقلج شوية جان ماوصلنة لكل هاي المواصيل
حقدج وصلج تكتلين ضناي المتلهف سنين اشوفة بحضني والعبة واشيلة على ضهري حرمتيني من شعور الابوة كتلتي ثمرة حبنا كل تعبي راح
كل البنيتة من سنين تهدم مجازفتي بشغلي وسنين فراگي عنج راحن بمهب الريح.
تعبت بگاعي حرثها وزرعتها تالي المطر انگطع علية وضلت گاعي صبخة ليش القدر شاد حيلة وياي مايريدني افرح وارتاح...
حسيت بالحياة وياج عشت لاجلج ولاجل اعيشج مرتاحة بس القدر باگج مني وخرب فرحتي تعودت علية يحرگ گلبي بس انتي مامتعود عليج
انكسر گلبي مايتصلح بعد خليتي روحي تحترك ببرودج اجيج مشتعل تكسريني بنظراتج الباردة
ذب حسرة وضرب على رجلة وگال بانكسار
انتهينا وانتهى الماينتهي وخلص حچينا.
انتهينا وبگت گطرات الوفة المذبوح تتناثر علينة
وبكت للمجفين كومة اسرار عد روحي الامينة
وكون نستاهد عتبنا يفيد بيهم عاتبينة
وكون يسوون البچي چا بچينة
مسح دموعة البللت ايدي وكال: -يسوون البجي بوية يسوون
طلع واخذ روحي وياة كلامة حرك روحي وخلة عقلي وگلبي يتضاربن واوحد موت الثاني وصفيت لا احس ولا افكر بشي...
مشاعري ماتت وروحي بردت من شفت برودة تجاهي طول مااني كاعدة واعية مايجي يشوفني بس من انام احسة يمي ومرات الصبح احس بية جان موجود من عطرة الباقي وراة...
طلعت من المستشفى للبيت بشخصية ثانية كرهت كلشي وعفت كلشي لا انمار اجة ولا لمحتة وجهها ولا سالت عنة تحسنت ورحت اداوم بس هالمرة اخواني متشددين وياي خايفين علية من انمار مايدرون بالصار تاكدت انمار مايعوفني بدون رقابة واني هم ما اطلع بعيد من الدوام للبيت...
بكلشي تراجعت صحتي دراستي نفسيتي ماطايقة شي كاعدة اكل باضافيري واحس المخدة صارت بوجهي عكدت حواجبي وصحت بالم: -شبيييك وياالي يممممك اااني.
عبدالله: -سويتي بية كااابة هذااا شكلللل بلة
شمر علية للمخدة الثانية وجعني طفرت علية كعدت على كلبة لازمة شعرة بيدي بقوة كازة على اسناني بعصبية: -ززززماااال زماااال لاتندددك بيةةةة اسووووويلك كاااابة والله اسسسوي بيييك كااابة افتهمممتتت عوووفني موو بحااالك
دفعني بقوة وكعت بالكاع اتنفس بقوة وهو كام لازم كلبة خازرني: -تفوو عليج يا واطية امشي ولي من وجهي همززين مامتتت من ورااج دبببة الغاااز.
شلت المخدة ضربتها بية: -لاتضل تحجي زايد اني مو سمينة سمعتتتت
عبدالله: -صححح مو سمينة لعد المسواك وين يروح كل يومينة نتسوك حتى الطماطة ماكلتها
دخل سجاد اجة بينة: -شبيكم
نوف: -سمعتة شيكول الحقير
عبدالله: -تررضونهاا تكتلني هاي الحقيررة خنگتني الدبة عود من اموت ابجي علية مثل مابجيتي على حياوي
نوف: -المتنمر ما توصل لاضفر من اضافرة سجااد صيح باخووك خل يجوز مني احسلة.
لزمة من اذنة خازرة بغضب: -شكم مرة كتلك اسكت عنها تاكل تنام مايخصك مفهووم
عبدالله: -اخابر على عذاب يجي ياخذني اكلهم معنف بهلبيت بعد ماضل هنا.
عفته يدردم ورحت لغرفتي دمي يفورر رحت كدام المراية عفست وجهي حقة عبدالله يعيب علية بعد شوية واصير من رجال الحارة كعدت لازمة راسي بيدي شمنتظرة بعد شيصير مادام شاف حياتة وي غيري ليش مبهذلة حياتي خلص خل ننهي كلشي مادام الطفل اليجمعنة راح بعد ماكو شي يجمعنا خل اتخلص من انمار ادري مو بسهولة انسة بس على الاقل ابدي بخطوات تنسينياه...
رحت بدلت لكيت امي تباوع اخبار وبس عبدالله موجود من اخواني جان يراسل بمدري منو رحت يمة رفع عيونة وكال: -خيررر
مديت ايدي امسح على خدة بحنية: -حبيبي عبودي احنا وياك صح نتعارك بس تبقى انت سندي واني احبك
-دخيلك يا ربي دخل بيها جني صالح
-لا بس اعتذر جنت عصبية وانت هم حقك شكلي مدري شلونة هم لازم اراعي نظرك
-والمطلوب هسة
-تاخذني لمركز تجميل لو اروح وحدي بكيفك
كام يتافاف ويصيح امري لله الواحد القهار.
شمرتلة بوسة ورحت يم امي جانت مندمجة وي الاخبار: -يمة
-ها يبعد امج
-راح اروح اغير من شكلي خو ماتزعلين علية
-لا يبعد امج افرحلج لان حالتج قاهرتني التريدينة سوية لاتخلين شي بخاطرج تريدين فلوس
-لا عندي ماحتاج
كمت بستها بخدها وطلعت من نزل عبدالله مبدل وعطرة سابقة اباوعلة لايقل جمال عن اخواني احسهم نسخة كلهم يتشابهون بس سجاد مبين اكبر منهم واعقل اما هذا طافش ابو بنات مبين من شكلة
-يلا خاتونة امشي.
-مايحتاج تبدل
-اي حتى محد تباوع بشكلي مو اني ماخذج للدفان غير بنات ونسوان يشوفني هسة ينغرمن بية
-ضل بهاي سوالفك حتى زواج ماتزوج
-هسة اخوتج التزوجو الا اني دطيري
اخذني للمركز وهو بقى برا الدنيا العصر وناس تارسة الشوارع بنات وشباب وو.
سويت تنضيف البشرتي خيط وكصت حواجبي صايرات جنهن حبل كصتهن كصة جديدة وكامت تخلي ماسكات لوجهي بالساعة يلا خلصتة بس شنو.
صار يلمع وخدودي صارن ورديات ضحكت اتلمس بية رفعت عيوني الها من كالت: -عجبتج النتيجة
-كلش عاشت ايدج
-ادللي وبعد شنو بخاطرك
مديت ايدي على شعري وعيوني دمعت همست: -كصية الي
-ليش حرامات هذا الشعر الحلو تخربينة صح اني كوافيرة بس مانصحج اذا تريدين اكص اطرافة الج
-بس هو يذكرني بية تعبني نفسيا ً وجسدياً يخليني احن اله ويذكرني بية غصباً عني
-ها زوجج
-اي راح ننفصل هو جان يحبة بعد ماريدة كصية
-ادللي.
كامت تسالني واني اجاوبها وابجي سكتت عني من شافتني تاثرت اريد اكرهاا ويموت كلبي تجاها بس ماكدر يجي يوم ويصير هالشي ما استعجل على شي كلشي بالتدريج يجي...
ضحكت اباوع لشعري كصتة لحد اكتافي هزيت راسي يتناثر كلش لايكلي ماتخيلت هيج النتيجة وهاي خلصت من اكثر شي يحبة هو واكثر شي يعصر روحي عصر واتذكرة...
رجعت فرحانة كلهم تفاجاو بس ماحجو شي مارادو يكسرون فرحتي...
لملمت نفسي واستاعديت قوتي ركزت بدراستي وشغلة الطلاق فتحتها وي اخوتي امي ما حجت شي بس اخوتي ايدو قراري وكالو مادام كل هاي الفترة عافج بعد شاف حياتة وانتي هم شوفي حياتج
كال سجاد بس اخلص من شغلة البيت واباشر بموصوعج
سجاد لكة بيت جبير اشتراة حاليا احنة ايجار كاعدين وبيتنة مو هلكد شكلة جمعو رواتبهم وي فلوس السلفة صار مبلغ معتبر كعد مهند يشرحلنا اني وامي شكل البيت وتصميمة واحنا فرحانين...
مهند: -شوفي البيت جبير تقريباً طابقين فوك تلث غرف وحمامات وجوة غرفتين وصالة ومطبخ واستقبال وبية حديقة
عبدالله: -من هسة اريد غرفة بالطابق الثاني وحدي خوش اريد اتزوج
مهند: -كل واحد اله غرفة ماختلفنا
نوف: -واني هم اريد غرفة فوك ماريد جوة
مهند: -اخذي اليعجبج حبيبتي
عبدالله: -هسة شناقصة بس تلويز غير
مهند: -بالضبط لمساتنة السحرية نحطها علية.
صارو يشتغلون بية ومهند حجة وي المحامي على طلاقي حسيت كلشي راح يخلص ومثل ماتزوجنا بسرعة راح ننفصل بسرعة شي قليل ويصير انمار طليقي سلمت الموضوع بيد اخوتي لان فعلاً ينشد بيهم الضهر ركزت وي دراستي وامتحاناتي الماتخلص...
كل يوم ساعة بالليل نصعد اتصال اني والبنات كل وحدة تطلع ضيم كلبها مبطوحة على السرير ومخلية الموبايل كدامي...
-سجى: -ولج ارتاحيتي يالماتخافين من الله بترتي شعرج.
-اي كلش ارتاحيت جبل هم وانزاح من گلبي اححح
سجى: -غسل كون هسة الشعر شدخلة والله ناس تافها
رغد: -سجيوة عوفي البت فرحانة ماتحسين بشعورها بس انا
سجى: -تكابلن بعد بعد الطمن واتحسبن عليهم
رغد: -والله انا ماعندي شي وياة لا اتحسب ولا الطم ماريد الدعاوي ترد علية وتضر وليدي
نوف: -واني هم ما اتحسب حتى تندمت لان دعيت علية خلية يعيش قابل اجبار يحبني ومايشوف غيري كلمن حر باختيارة الان اصبحنا غرباء يا اختي.
سجى: -خاف نفس اخوة جاسب يدك رجلة ومايطلك
نوف: -لا يختي انمار يختلف مايفرض روحة وماطول يدري بية ماريدة يعوفني
سجى: -انشوف
نوف: -تشوفين واسوي حفلة واعزمجن
رغد: -وانا هم اسوي حفلة جا شناقصني افرح لان تخلصت من زلمة خاين العشرة
نوف: -مو بربج ديلا خل نحضر فساتين وحبشكلات
رغد: -فستان اسود مصلخ صلوخ البس ومكياج طن اخلي
احنا نسولف وهنا يضحكن على سوالفنة اليحسنها مستحيلة او صعبة بس ماكو شي مستحيل لو صعب...
بيوم راجعة من الدوام رن جهازي سرى فتحت الخط وصابني ذهول من الكالتة...
سرى...
دايخة افكر بالكلام الكالة ازاد من الصدمة حتى ماسالتة ليش يريد يتزوج نهى من دون البنات!
كعدت افرد وذهني شارد وليش حتى اخلي اختي تزوجة ناس غامضين وعدهم سلطة ونفوذ من بيت الحارث مايرهم كزوج الها لا هسة اني افتهمت منهم شي اله اختي...
خليها بعيدة عن نارهم واني هم اطلع قبل لا احترك بيها...
جنت كاعدة ارضع بابني واناغية انتبهت لباهر دخل نزع سترتة شمرها على السرير ونزع المسدس من خصرة خلاه على الميز وفرك وجهة اجة كعد كدامي ثبت الممة بيدة واخذة مني حضني يرضع بية...
هادء بشكل تغطي الابتسامة ثغرة عيوني راحن لملامحة تعبانة احس بتأنيب الضمير علية شكد حاولت اغير نظرتي تجاها او احبة ماكدرت عيون احمد بالي ماتروح مني اذن مستحيل يجي يوم واحبة كحبيب بس كان اصيرلة شي اخر...
رفع عيونة بوجهي سويت روحي اباوع لابني
باهر: -اليوم ازاد حجة وياي يريد اختج نهى شدكولين؟
فركت اصابيعي بتوتر واردفت: -خلي يشوف غيرها اختي ماتفيدة
-ليش ماتفيدة
رفعت عيوني بعيونة: -احنة ناس على كد حالنة عايشين بعشوائية عكسكم كلشي مرتب ودقيق حياتكم خطرة ماريد اختي تعيش هيج حياة
-القرار الكم بس احب اكلج اخوي خالها بالة
-نفس ما دخلها بالة يطلعها
-الله يقدم البية خير.
التهى وي ابني يلعب ويبوس بية الا ان تعب انطانياه وطلع اخذتة غيرت ملابسة وبية الف حسرة...
نيمت ابني ورحت للمطبخ اساعد صفية بالطبخ جانت تسوي فطاير العاملات مايطبخن بس يساعدنها ينطنها المواد التحتاجهن كلشي بيدها تسوي بكل حب...
صفية: -اشوفج محتارة يا بنتي والحيرة صعبة
-لا ماكو شي هيج بس افكار تزورني
-اي بنتي اني ماحب ادخل بخصوصية احد بس اشوف علاقتج بابني جافة.
بلعت ريك وسويت نفسي ما افتهم شي: -شلون يعني جافة؟
-يعني اشوف بينكم مسافة انتو ماتحبو بعض زواجكم صار اجبار لو مصلحة
-لا مصلحة ولا اجبار زواج عادي انعجب بية وصارحني بالموضوع
هزت راسها باي وادري كل الزين مامصدكتني.
صفية: -قوي علاقتج بية لان باهر خوش رجال مايصح منة ثاني لاتخلين فجوات.
هزيت براسي ادركت مستحيل يبقى شي مستور كلشي يوضح للناس مهما مثلنا كملت وكمت طلعت برا شفتهم متجمهرين اخوان باهر واقاربة وانمار بقيت اباوعلهم من ورة الزجاج الشفاف كلهم بجو
وانمار بجو ثاني شكلة متغير تعبان وضعفان سلينا رجعت للبيت بس ماتنزل ابد بغرفتها مخلصتها...
اخذت صفية الها الفطائر وعصاير طبيعية سوتهن اكلت منهن ورجعت لغرفتي هالبيت مابية روح ويمكن لاتطلع منة صفية ينتهي...
جننت ارتب بملابسي اندك الباب لبست شالي ورحت فتحتة: -هلو ازاد تفضل
جان مدنك راسة ومبتعد مسافة: -اريد احجي وياج بس مو هنا برا
هزيت راسي ورحت وراة صرت مقابيلة: -تفضل
-شكلتي على الموضوع
-كتلك ابتعد عن اختي
-وليش حتى ابتعد ترة مامسوي شي غير اطلبها بالحلال
رفعت حاجبي وتكتفت: -وشمعنى اختي استاذ شنو هي قلت بنات
ابتسم ويباوع بالسما مايباوع بوجهي حجة بتأمل
-دخلت گلبي بعد
-الاعجاب يوم يومين ويختفي عادي لاتهتم.
-لا انتي فاهمه غلط ابد مانعجبت بيها حسيتها تناسب شخصيتي اختج نهى فطيرة وخبلة شوية حتى طريقة كلامها تشمرها شمر عكسج تماماً
-اي صح مابيناتنة شبة بس هذا مو سبب حتى يرتاح كلبي الك ازاد ابتعد عنها فدوة اروحلك احنا ناس ماعندة واحد يطلع ورانا عوفها انتم تخوفون حتى شغلكم ماينعرف هسة انت مثلا شنو شغلك؟
-اتاجر بالاسلحة
فتحت عيوني على وسعهن وهو اردف: -احجي الصدك ماجذبت عليج لازم تعرفين.
-يعني كلكم تشتغلون بالاسلحة؟
-لا مو الكل عندج رجلج ضابط مو ويانة وانمار محامي مو ويانة وكم شخص بس اني هاي شغلتي
-وفوكاها تريد تزوج اختي انسى السالفة نهى ماتصيرلك حتى بالاحلام
عفتة ومشيت دمي فاير بكل عين صلفة يطلبها
كملت مشيتي وهو اسمعة كال: -اخذها اخذهااا
يعني يسويها شغلة عناد ماكدرت اسوي شي حتى ماكلت لاهلي علية كلت بلكت مايوصلهم خبر وساعتها ماعرف قرارهم...
الساعة التسعة بالليل قررت انفذ البراسي واحسم كلشي بيا عين باقية وي باهر بصفتي شنو!
دست على كلشي واخذت قميص نوم جوة الركبة فوكة روب طويل سرحت شعري وشوية مكياج گلبي يرجف صرخة باذني قوية وصوت ضحكتة ماتفاركني بقيت بحالة صدمة بس ارمش بعيوني فزيت اجر النفس كوة وعيوني نار ايدي ترجف اخذت العطر غركت روحي بية في سبيل ابقى مركزة كل شوية اباوع لطفلي لاجلة ادوس على مشاعري لخاطر مستقبلة عاد يبقة اب اله يسندة...
فتحت البلازما ادور بالقنوات بالي مو وياهن انفتح الباب جسمي صار يرجف دخل باهر مامنتبهلي راح بوجهة لابني يشتم بية ويبوس بعدها توجهة للكنتور طلع ملابس وراح يسبح...
ذبيت نفس مخلية ايدي على صدري همزين ماشافني هو شافني يمكن بس تجاهلني طلع ينشف بشعرة وكف كبالي ذبيت الريموت من ايدي واشرتلة يكعد باوع لملابسي وعكد حاجبة ضميت رجلي الطالعة وبللت شفتي بتوتر...
كعد على الكرويتة قريب مني التفتت علية متظاهرة القوة ومبينة كلشي بارادتي ضميت ايدي اخفي رحفتهن وفتحت الموضوع: -نحجي بموضوع جدي للغاية؟
-والي هو
-وضعنا اني وياك الى متى نبقة هيج ماصار الوقت اليكون بية زواجنا حقيقي
دار عيونة عني مدنك راسة وكال: -لا ماصار الوقت ولا راح يصير زواجنا من البداية على الورق وراح يبقة على الورق
-اذا على اتفاقنا وعدك إلى فاني اسلمك نفسي
ابتسم ورفع راسة صابني ذهول.
باهر: -ماريد جسمج اني مو مثل ماتفكرين بية سرى انتي گلبج ومشاعرج مو ملكج ملك شخص ميت
واني ماكدر، اني هيج مرتاح لاتخافين نامي رغد ما افكر اباوعلج بغير نظرة
-حتى لو نظرت إلى اني زوجتك
-زوجتي مادام كلبها مو ملكي ماراح تصير الي
-خل نبدي من جديد بمرور الوقت انسى الماضي وابدي وياك من جديد.
-مستحيل تنسين ولا راح يجي هذا اليوم التنسين بية حبيب طفولتج حتى وانتي نايمة ترددين باسمة باسوء حالتج مانسيتية بعمق نومج ماعفتية تفكيرج واحلامج بية اني مقدر هالشي واعرف المشاعر مو بيد الانسان لذلك مااريد منج شي ابقي معززة مكرمة
هنا وابنج ابني...
كمت من مكاني ولفيت الروب زين علية: -من باجر نطلع من هالبيت ارجع لبيت اهلي لان ماكدر ابقة وياك اكثر لا بصفتي زوجتك ولا ابن ابنك معروفك بحياتي ما انساة ولا انسة وكفتك وانسانيتك احسن شي صار وياي هو عرفتك انتهت مهمتك وكنت شخص كد المسؤلية
ردت وجهي امشي اريد الم غراضي انتهت كلشي بعد ردت اصيرلة زوجة بس حقة اذا عقلي وگلبي مطبوع بيهن اسمة غيرة...
لزم ايدي ودارني علية احس وجهي تطلع منه حرارة من كد مامتوترة: -باهر اني تزوجتك لان جنت مريضة وماعندي احد داريتني واهتميت بية طول الفترة الحمدلله بفضلك ولدت واني وابني زينين بعد ماكدر ابقة اروح لاهلي
-اصبري مو هسة
عكدت حواجبي وهو ترك ايدي وابتعد: -لعد يمتها
-سرى اريدج واكفة على رجليج حتى من اعوفج متطمن عليج وعلى الطفل هسة ماكدر لازم تبقين وتتحملين.
-الحمدلله وكفت على رجلية لاتخاف نعيش ابني اعيشة عيشة تليق بية
-تكلمت وي رئيس قسمج تا ترجعين تداومين وتاخذين شهادتج
-دراسة!
-اي دراسة شبلاج نسيتي انتي طالبة هندسة يلا تخرجي تا انشوف مشاريعج وانقيم
ابتسم وراح سحب سترتة وراد يطلع حجيت وراة: -اكمل دراستي عند اهلي هو ماباقي الا القليل
التفتلي وغمض عيونة بقلة صبر: -سرى تكملين دراستج وتاخذين الشهادة بعدها نحجي بالموضوع حضري نفسج للدوام وابنج يبقة يم امي.
بقيت جامدة بمكاني راح وعافني بحيرتي ليش هيج يسوي وشنو غايتة بهذا تصرفة اثبت شنو نيتة ومراح اصيرة زوجة ابد بس ليش اصر على بقائي
مشت الايام ماتغير تعاملة وياي واني بعد ذاك اليوم طلعت الفكرة من راسي عرفت مصيرنا مو سوة واني اسيرة الحب بديت اداوم واحس بصعوبة مو طبيعية بسبب تركي للدراسة وبسبب الاحداث المريت بيها.
كلشي صعب علية حتى دوامي ماكدر اداوم بشكل مستمر مخلصتها غيابات بس اقرا بالبيت وباليوتيوب اطلع محاضرات ابني هادء بشكل ابد مامعذبني صوتة مايطلع بس من يجوع نشنش وصار يخبل
طلعتلة تشيرت ابيض نص ردن وبرمودة كابوي لون بني ولبستة حذاء صغيرة بيضة رشيتلة عطر اطفال صار يجنن بوستة بخدودة واخذتة لصفية تلعب علية.
رجعت لغرفتي وسيلي نزلت رفعت عيوني الها متغيرة بشكل بطنها بارزة لابسة دشداشة كصيفة رجليها طالعة رحت الغرفتي بدون ما اسلم عليها من بعد الصار ماحجيت وياها...
طلعت محاضرتي وكعدت اقرا احس راسي انسطر راسلت طلاب وياي دزو بصمات يشرحولي مقربة الموبايل لذني مركزة وياهم دخل باهر اكيد يسبح مايحتاج شي غير يسبح لو يجي ينام ومثل ماكلت راح سبح واجة يمي شمر نفسة...
-شدسوين
-متشوفني اقرا.
-اعصابج اشوف مو اعمى اساعدج بشي
-لا يمعود وين تعرف انت
-لاتستهينين بقدراتي
سحب الملزمة واخذ القلم يقرا وياشر واني اضوج اذا شفت شخط بالملزمة والقلم جاف: -بس لاتاشر جيب
اخذت القلم من ايدة خزرني وسوة نفسة يفكر خليت ايدي على خدي: -يلة شصار وياك
-عرفت يلا تعالي اشرحلج
صار يشرح شي والمايعرفة يطفرة اخذت الملزمة من ايدة وصرت اشرحلة وهو يسالني هاي شلون صارت
: -اختصرناها بعد ماطبقنا القانون
-اي فهمت يلا كملي.
كملت شرح وسديت الملزمة: -ها افتهمت مو
صفن بوجهي واني صفنت طكيناها ضحكة ثنينة
-لا مسوي روحك تفتهم انوب خليتني اشرحلك
باهر: -خوش افتهمت باجر اروح امتحن بمكانج
شرحج عالي العال
-ضاع وقتي وياك بس من شرحتلك افتهمت
-اكوم وراي امتحانات انتي ضلي اقري
كملت قرايتي ورحت اخذ ابني لكيتة عند سيلي تلعب بية اخذتة منها بدون ما احجي وياها شفتها راحت صعدت فوك دخل ازاد يضحك صاح: -صفصف حبيبي صفصف اريد اسمع هلاهل.
استوقفني الفضول اسمع كلامة سويت روحي اسكت بابني طلعت صفية كالتلة: -ها ولك على شنو اهلهل عرست بدون علمي مثل اخوك وجاي تخبرني
ازاد: -لا صفصوفة لا اني مو هيج اريدج تركصين وتفرحين واحم قرينة سورة الفاتحة على البنية الجمعة نسوي هي خطبة وهي عرس
فتحت عيوني بصدمة وايدي رجفت باوعتلة خازرني بتحدي كالت صفية: -وهاي ياسعيدة الحظ حتى فرد مرة اهلهل
اخذ احمد من حضني باسة بخدة وكال: -خالة هالفصعون
سرى: -اختيي اني.
-لا اختي اني
-وشلون اهلي وافقوو
-وليش حتى مايوافقون بشاب مثلي كامل المواصفات
هلهلت صفية واني سحبت ابني بعصبية راح يبوس بامة دخلت لغرفتي واتصلت بامي فتحت الخط
-يمةةة شنووو هذااا السمعتتة شلووون تنطين نهى لهذا ازاد
-على كيفج وشبية هذا ازاد مو حماج لو تريدين الخير بس الج
-يمة ياخير شبيج انتي تعرفين شي عن العيشة هنا خطر بخطر وهذا المنطيتة بنتج يشتغل بالسلاح.
-سولفنة الولد كلشي واختج موافقة بلا هذا الحجي المالة داعي حضري وياها لان خطية ماتعرف الولد انطانة فلوس وكالو تجهزو
سكتت ونهيت الاتصال ماعرف شحجي وياها اذا هي قابلة بكلشي ثاني يوم امتحنت ورجعت لكيت نهى بيتنا كاعدة وي صفية يسولفن وهو كاعد كبالها مخلي رجل على رجل وايدة على خدة يباوعلها بتأمل...
نهى جانت طايرة من الفرح ماردت اكسر فرحتها وحتى لو حجيت مايفيد استسلمت للامر الواقع وطلعت وياها اساعدها بالاختيار...
-اليشوف فرحتج يكول من زمان تعرفينة
نهى: -لج نهى ترة ازاد خوش رجال دشوفية يخبل ولزم هذا المبتز سوالة حذف
-وانتي فرحانة
-اي والله كلش اريد ارتاح واحب مو تعبنا
-وتحسين ازاد الشخص المناسب يتاجر بالاسلحة وعلى يايوم ينقتل لان بين فترة وفترة يشنون هجوم
-لاتخوفيني.
-مدا اخوفج بس اطلعج على حقيقة الامر
اخذتها لمركز سوتلها عناية كاملة لجسمها وشعرها واني هم سويت بس اشياء بسيطة رجعت ميتة تعب عفت حياوي عد باهر ونمت كعدت مالكيتة بمكانة اكيد عند صفية الكاه هسة سبحت ورحت وياهم اشوف الفستان على مقاسها لا...
ازاد مصمم الها فستان ماعرف شنو سالفة هالولد يمتها حبها نظراتة تاكلها اكل رحت وياهم مامرتاحة لهزواج ابد انوب هي خطبة هي عرس شي غريب.
الفستان جان مبهر بشكل لايوصف فرحة نهىى بية ماتوصف بية لابستة وتفتر فرحانة راحت كدام المراية تمرر اديها على الخرز المطرز...
-لج سراوي هذا مثل فستان الاميرات
-وانتي اميرة
حضنت كتفها ادعيلها السعادة من كل كلبي جان كلشي كامل بس شافتة وقاستة بقة بس يجي اليوم والتصير باسمة...
اشتريت فستان يجي مثل البدلة بس يبين الخصر والباقي كلوش بلون الاحمر القاتم وياة ربطة ستن بلون الكريمي والجنطة والحذاء بنفس لون الربطة بس الدرجة مختلفة...
اتصلت بنوف وعزمتها تجي.
نوف: -شعندي جاية شبيج سرى لاتهذين
-انجبي تجين وغصبا ً ماعليج لج تعاي البسي واكشخي لاتنسين هو راح يكون موجود وسيلي هم
-وانتي كلتيها موجودين واني ماريد اشوف شكلهم كلة.
-لج غبية لازم تجين وحطي عينج المكحلة بعينة بينيلة ماعاد تهمني كل ماتخافين تشوفينة راح يفكر بعدج تحبينة وتغارين اذا شفتية وياها
-اووف هسة شسوي
-جهزي نفسج وتعالي رافعة راسج ولاتنسين تخلين عينج بعينة
-اشوف روحي سرى افكر.
نو.
اخواني كل واحد طالع لدوامة صرت اروح وارجع وحدي مرات لان عندي بيوم الثلاثاء محاضرتي تبدي بالعشرة لازم اطلع بالتسعة او. اقل بشوية حتى الحگ هما طلعو قبلي كلتلهم اني اروح وحدي.
واكفة كدام المراية انثر بشعري القصير واضحك الصراحة ميتة بالتغيير السويتة بشكلي حسيت نفسي صرت انسانة ثانية...
باوعت بالساعة اوويلي تاخررت جريت شالي لفيتة عدل ورحت اركض وملازمي بيدي يربي مبهذلة ولايكول طالبة صيدلة...
الشارع فارغ يصوصي لمحت سيارة سودة براس الشارع احس اطرافي ثلجت ياربي بس لاهذا ملاحگني صارت بية خوفة من بعد الصار بلعت ريگ ورحت اكمل طريقي ضميت ادية اخفي رجفتهن متت خوف بس مابينت.
نزل شخص من السياره يعدل بسترتة مشيت سريع عبرتة صاح وراي جمدت بمكاني كوة درت وجهي سنوني يتضاربن اجة باتجاهي وكفت اشوف شنو يريد مني...
باوع لساعتة ورفع عيونة احس دمي جمد من كال...
-انتي نو
-منو انت شرايد.
اشر بحركة دائرية على وجهة وكال: -نسيتيني معقولة ولا تذكريني
ركزت بوجهها واتذكرت نفس ذاك الشخص الرجعلي جنطتي من اخذها الولد زفرت نفس وكتلة بضجر
-وهسة شتريييد بس لاجاي علموودي هنااا
-الصراحة سمعت بيج منفصلة واجيت اتقدملج
رمقتة بنظرة حادة: -ابقى بمكانك لاتتقدددم وثاااني مررة لاتسمع عنييي
عفتة ورحت اكمل طريقي دمي فار شلون ناس ماهتميت لامرة واتجاهلتة.
عزمتنة سرى على العرس بالبداية ماعندي رغبة اروح بس من سمعت كلامها لا تغير رأيي ضليت اتخيل الاجواء اكيد راح يلبس قاط وهي فستان تطلع مثل الاميرات لازم اروح اشوفة واحرك دمة عندي اله مفاجاة صغيرة اكيد راح يحبها...
طلعت العصر اني وسجاد نشتري ملابس إلى والة لان يروح وياي...
كعدت يوم الجمعة كلني حماس وطاقة كلشي مرتب رحت اخذت حمام طويل وبديت اتجهز بالساعات يلا كملت وكفت اتامل شكلي...
لابسة فستان زيتوني مخصر على جسمي ومن جوة كلش كلوش مثل قصة السمجة تصميمة بسيط مو خبصة قماشة ستن اضافة لبست وياة كلادة شوية طويلة لون فضي بارزة ومتناسقة وياة...
اختاريت جنطة ناعمة فضية بلون الكعب اما الربطة جانت لون ابيض وايت ستن دخلتها جوة الفستان ومكياج بارز بشكل ابتسمت ولبست اكسسوارتي والساعة رشرشت عطر واخذتة وياي وبعض من المكياج طلعتلهم وعبدالله صوفر بصوت عالي.
عبدالله: -اوووويلي يابة شهل جمااال ولج طلعتي صاگة مصككة
-لعد شعبالك اني من زمان حلوة
ابتسمت باعجاب واني اشوف سجاد لابس قاط بالون الاسود بشكل كامل حتى القميص جان محدد لحيتة ومرتب شعرة عند الحلاق انطاني ايدة رحت اضحك تعلقت بيها...
اتصلت بسرى بالطريق ومن وصلت بس رمشت عليها لازمة بيد سجاد بقوة استمد منة طاقة عيوني وكفنة على صفحة بالقاعة اتابع جمالها جانو معازيم قليلين يمكن ماكامل العدد اتصلت بسرى مرة لخ ماكدر ابقى وحدي اني وسجاد نظرات الناس وترتني واخيرا ضهرت الفراشة سرى انبهرت بجمالها حضنتها بقوة
-شهل جمااال اوووي فدووة فدوه تخبلين
-عيني نوفانة مو بجمالج ولج صخاااام شطالعة كيكة خرررب غيرتج تضووين
-عود صدددك فدووة كولي شلوني.
-والقررران تمووتيننن فخمممة فخممة
ابتسمت على حماسها بالكلام بقت سرى تسلم على سجاد وهو مدنك راسة رحت لنهى طالعة تمووت بقينا نسوولف ونضحك بين ما اجة ازاد ابتعدت حسيتهم ثنائي لطيف هي ناعمة وهو ضخم وكيوت بنفس الوقت يخبلوون...
سرى راحت تستقبل المعازيم يمكن تعرفهم واني رحت كعدت باحد الطاولات وسجاد يسولف وي شباب...
كعدت اصور نفسي وايدي رجفت من شفت سيلي اجت جانت لابسة فستان اسود كلوش وشعرها منزلتة اتخيل نفسي كاعدة علية اضرب بيها بقوة
لمحتني واشوف صفية سحبتها لاحد الطاولات شوية شوية بدات الشباب تلتم والطاولات تنترس
طلعت علج اتمعلج بية...
لمحتة بطرف عيني مثل ماتوقعت لابس قاط ومثل ماعتاديت اشوفة انيق دائماً عضيت شفتي بعصبية.
وسويت نفسي ما شفتة رحت لنهى واكفة وحدها على الكوشة والانظار عليها رحتلها ردت الكل يشوفني احسن ماكاعدة بالختلة...
رحت يمها لزمت ايدها واسولف واضحك وكاني ماشفت احد بس احس بعيونهم تلاحقني ضحكت بصوت عالي وخليت ايدي على حلكي بكياتة بدون ما اطخ الحمرة...
نهى: -شبيج تضحكين تسودنتي
-هههههههههههه لج اضحكي فطير، وياي
-هههههههه بس ماكو شي يضحك
-حتى لو هاي بس اضحكي ههههههههههههههههههههههه.
نهى: -لج عزا نوف كلها تباوعلنا اسكتي خزيتينة
-لج عيني اني اريدهم يباوعلونة خليهم ماكلهم الفصول تلكينهم على شنو نضحك
-هيج تكولين
-اي لج هيج
-لعد اضحكي
-هههههههههههه لطيفة كلش
سمعت صوتة وراي يكول: -كافي تمضحك الولد يريد يجي يم مرتة شني انتي العريس
-اووي حبيبي نهاوي سوالفج لطيفة مثلج فديت يلا نفرغ الساحة للنسيب.
حركتلها بيدي بعيارة وفتت شايلة فستاني مطلعة كعبي عيني ماطخت بعينة ولا كان موجود رجعت لمكاني وعيني كل شوية تسرق نظرات منهم سيلي كاعدة ماتحركت من مكانها وهو وي الشباب...
طفو الاضواء صارت القاعة ضلمة وشغلو ضوء احمر قليل وموسيقى صاااخبة صار المكان ديسكو عبالك
اخذت كلاص العصير وصرت اتمايل واسوي حركات بيدي مثل الاجانب كلني حماس واحرك رجلية على الحن...
ازاد سحب نهى بالنص يركصون وصرو ثنائيات يتقدمون ومن ضمنهم باهر وسرى قبل لا اشوفة يروح وي مرتة اخذت بيد سجاد وتقدمت بالنص خليت ايدي على جتفة وايد الثانية على ضهرة صرنة نركص وي الموسيقى وهو ماتحرك من مكانة صافن علينة توقعت يركص وي سيلي بس ما سواها...
تعبت ورجعت لمكاني غيرو الاغنية وطفو الاضوية خفت من شفتها حيل ضلمة طلعت موبايلي ردت افتح الضوة واحس انسحبت من خصري شهكت ومااحتاجيت اعرف منو عطرة عرفني بية...
دارني علية بحركة سريعة وايدة لازمة خصري باحكام والايد الثانية لازم بيها ايدي مخليها على صدرة دفرتة برجلي ونترت من بين سنوني...
-عووفني قذررر
قرب وجهة لوجهي اشتعلت نار همس: -هسة صرت قذر.
رديت برود: -اي من عفتك واخذتك غيري ماحب المستعمل احب الخصوصية باشيائي وانت استعملوك غيري
نزلت ايدي وماخلاني اخذني بالنص يحرك بية وايدة تعصر بخصري مابينت رجفتي وهو ماحجة بس ينفخ بوجهي قربت وجهي صار انفي بخدة حسيت نفسة اختفى حركت ايدي على صدرة وصعدت بيها لركبتة
همست: -ياحلو يسمر شوكت تطلگني الاوراق بهليومين يمك لاتنسى توقع عليهن لاتماطل هواي.
نبتت اضافري بركبتة نزل ايدي صار يرجف وجسمة نار همس بصوت يرجف: -لاتلعبين شكر
-لاتصير همجي احترم قراري ووقع حتى القلم مجهزتة اللك
-تدللين
-اي عفية
قبلتة بخدة بجرئة لزم ايدي ثنينهم وعصر خصري ابتعدت عنة وفتحت ايدة المطوقة خصري نزعت الحلقة وسحبت ايدة شمرتها بية بدون ما الزمة
لوحتلة بيدي وهمست بدلع: -انساني ولو اعرف مراح تنساني وتنسى لمساتي بس حاول لا تتخيلها اني ميز
ميزززز.
اخذت جنطتي ورحت بوجهي للحمام والاغاني سكتت ارتجيت على المغسلة وجهي نار حسيت نفسي تخربطت ماكدرت اكمل اكثر احتاج ارتاح شوية...
التفتت من شفت ضل وراي رفعت حواجبي وهي حطت ايدها كدامي: -بس خل افهمج كلشي
يتبع...
مشهد من البارت القادم...
وكفت بمكاني ارمش بعيوني بثقل سيارات الشرطة مالية المكان طحت من طولي من شفتة مكلبشينة الشرطة واخذوة وياهم...