رواية الرمق الأخير للكاتبة شمس العراقية الفصل السادس والأربعون

رواية الرمق الأخير للكاتبة شمس العراقية الفصل السادس والأربعون

ذهب والله ما اعرف دخلي وأحجي وياها وأفهمي منها
هاا هم حجت شيء.
لا بس عرفت منها جايه تأخذ تميم بما أنه باجر جمعه الظاهر الأب بعد ما يجي ولا نشوفه دز أمه بمكانه.
ماشي، دخلت سلمت عليها يالله بوستها شُكثر حنينه وطيبه شلونج خاله.
العلويه بخير ربي يسلمج ويحفظج، أنتِ شلونج
زينه على الله، كعدت يمها وفتحت الأكياس كالعاده ما تجي وايدها فارغه.
هايہ الچ وهاي لبنتج وهاي لذهب.

شُنوْ هالزحمه والله ما محتاجه غير سلامتج
ما جايبه شيء
كلابيه تخبل وملابس لزينه وقراصات شعر ونواعم اني أحتاجهم وذهب كذلك، كمت بستها من رأسها وأبتسمت بوجهي.
تميم بيبي وأني ما جايبه اليه گلشي.
العلويه أنتَ غراضك بالبيت أبوك ترس الك الغرفه العاب وملابس وشتريد، هسه من نروح شوفهم.
يعيش أبي.
الطاف أي شلونكم.

الف الحمدللة بخير، بس جهزيلي تميم عباس هسه يجي خابرني ومن زمان جايه بس كلت أنتظرج ترجعين من الدوام كلت الا أشوفج.
من عيوني، كمت غيرتله ملابسه وجمعت ملابسه بجنطه، تميم خليك عاقل لاتصير وكح وأبوك يعصب ويضوج منك.
اي اصير عاقل.
اي حبيبي، خلصت وطلع وياها فرحان يروح الهم لن من زمان ما رايح، طلعت وياها الباب وعباس أجه وصعدوا راحوا الله وياهم.

ما أعرف ليش گلبي نغزني خفت تميم بعد ما أشوفه لا ميسويها ويحرمني من أبني، دخلت سريع طلعت تلفوني واتصلت على زهور وردت الو شلونج
زهور هلا الطاف بخير ربي يسلمج وأنتِ شلونج
زهور عوفج مني أريد اسألج وجاوبيني بكل صدق
شُنوْ.
أخوج حسين وينه ليش تلفونه مغلق، ما كتلها حاظرني.
حسين ما موجود سافر من أسبوك!
سافر! وين سافر شُنوْ هالسفره شسبب؟

ما نعرف وين سافر بس تعاركوا هو وإبويه ويريد يرتاح فتره، خابرته وسألته كال حاب أبقى لوحدي وإحنه ما لحينا عليه بعد، لن أبويه ما مقصر بالكلام وياه مغثوث حيل.
أمانه بعده موجود بالعراق لو بالخارج، أقصد سافر لشمال كالعاده مو لو للخارج.
صدگيني ما گالي وتعرفيني ما احب ألح عليه وأعرف بي تعبان وهو سوده عليه هواي تعب بحياته
ماشي عيني، أذا عرفتي شيء بلغيني مهما يكون أبو أبني وأريد أطمئن عنه.

تمام لايضل بالج احنه بنات ونفهم على بعض
شريد أكول غير الله يهديكم يا أهلي.
مع السلامه، نهيت الأتصال وباوعت لرقمه أتصلت بعده محظور وين سافرت وخليتني وراك أهلك تعبوك واعرف بعدك تريدني شطالع بيدي عليك.

عفت تلفوني ورحت على زينه لكيتها مخليه التيشرت وتباوع عليه وأنتِ الثانيه شوفج نفسه وخلاج عايشه بإحلام ورديه دامك تريد بنتك ليش هيج سويت ليش وصلتنا لهل النقطه يا عديم الذمه والضمير حسبي الله ونعم الوكيل عليك يا فيصل كلت هيج وفزت ورفعت رأسها تناظرلي بعيونها مليانات حزن حضنتها زينه ماما أني يمج وما أعوفج أبداً.

عصرت التيشيرت بيدها ونزلت رأسها حزينه رغم مريضه وصعب أكول عليها مريضه لن أحس بيها أكثر وحده صاحيه بينا وأكثر وحده فاهمه گلشي وعايشه بكل التفاصيل دقيقه والنظر والفهم.
مر أسبوك الثاني وهو مختفي وتميم رجع الحضني الحمدلله ظنيت بيهم السؤء خفت يأخذونه مني بس مو بالحيف اظن بيهم السؤء ناس اللي وكفوا وياي أكثر من أهلي وساعدوني لحد هذا اليوم أفضالهم مغطيتني ماكو كلمه توصفهم ناس في القمه ربي يوفقهم ويحفظهم.

قربت أمتحانات أخير السنه وتميم حيل تعبني ميحفظ بسهوله وخاصه هو دخل مدرسته متأخر صف أول وعدكم الحساب يريد خلك واني منا عندي امتحانات وابوه شايل أيده منه أشهر مرت يدز اخوه ياخذه وهو ما يوصل استغربت مو عوايده أبداً، تجاهلت السبب وكلت ميخالف
جنت راجعه من الدوام وجنت مأخذته تميم وياي لم تنحس صار فتره نظامه متخربط ومتعبني.

نزلت من الخط وأستغربت سيارتين من هاي السيارات الفخمه وأخر الموديل يم بابنا! منو هذول
لزمت ايد تميم ومشيت مستغربه دخلت البيت وشفت تكرمون الأحذيه نسائيه ورجاليه ومبين ماركات الجلد يلمع منين هالناس الطاكه!
دخلت من باب المطبخ شفت ذهب تصب عصائر خليت الجنطه على السنك منو يمنا خيك منين طلعوا مبين طاگين طگه للستار، قبل لاتجاوبني دخلت أختي وگالت.
طيبه راح تزوجين!
ألطاف أتزوج عفواً.

أي شبيچ جواد أبن خالي أجه يتقدم إلچ.
جواد!
أي شبيچ وجهج إنگلب شگوو بي أبن خالج
- طيبة متسكتين.
شسكت خوما تبقين لوحدج طول العمر.
أي أبقى اني شُنوْ شفت من زواجي الأول علمود ادخل تجربه أفشل منها وبعدين شو هسه متذكر عنده بنت عمه صدك تحجين لو تشاقين وخوالي من يمتى يعرفونا شو من ماتت أمي لا وصلونا ولا وصلناهم علاقتنا بس بالأسم.

مشيت ودفعتها من طريقي وصارت زوجه خالي وبناتها أثنين رهف وريم، مرحباً تقدمن البنات باسني وتقدمت سلمت على زوجه خالي وأني گلني صدمه
عن أذنكم اغير ملابسي، عفتهن ودخلت غرفتي وقفلت الباب شمرت جنطتي وأباوع تميم علامات تعجب على وجهه! شبيك ماما.
تميم ما تعوفينا اني وزينه وتروحين وياهم ما تعوفيني مثل بابا لاتخليني لوحدي ماما.

شتحجي حبيبي، تعال أخذته بحضني ما أعوفكم والله ما عليك من الحجي، أنداريت زينه نايمه أعرف بيها ما نايمه زينوا تعالي يم أخوج نهضت وجهه حزين جريتها بحضني اكعدوا ولاتطلعون هسه اجي تمام، هزوا رأسهم وطلعت بدون ما أغير ملابسي أشرت ل طيبه وأجت، أخذتها لغرفه بابا وقفلت الباب أنت رهمتيها مو عليج الله أحجي الصدق أنتِ مو ورة هاالزواج.
أي أني شتردين هسه أرتاحيتي أرتاح گلبج.

والله توقعتها منچ وبعدين من أكعد بيتج واضايقج هذاك الوكت فكري بزواج تخلصين مني.

ولچ أني علمودج والله منو دايم الج باجر أبنج يكبر ويروح بحضن أهله وبنتج ما تدرين شلون حالها وأبويه وضعه تعبان وَك الأغلب مازن يأخذه يمه ما يبقي يمج حجينا وما فاد وذهب ما دايمه الج تلحك رجلها واذا لا سامح الله تلحك أهلها، ولج منو مفكر بيج غيري وبعدين هو ما يعرف ماضيج على أقل تأخذين واحد ما يعيرچ وهو مطلق ورايدج وياخذج صفحه بيضه.!

ضحكت بهستريه صفحه بيضه هم صدك صفحه بيضه يا بياض تحجين عنا يا بياض، إنتوا اهلي لوثتونيييي شخليتوا للغريب تذكرين من طعنتي بيه تذكرين لو ناسيه تحبين أذكرج.
ما ناسيه وصوتج لاتفضحينا.
هو إحنا مفضوحين وامشي إنهي هالمهزله والا قسم بالله أكوم أطلع أحجي الأول والتالي مو بس يرحون لا ما يلتفون وراهم ويشلونا من الخريطه هم، طلعي طيبه حاجيهم زواج ما أتزوج.
خلص صوتج غضب عليج.

كعدت أخذ نفس بقيت بالغرفه بحدود الساعه وطلعوا وأسمع خالي يسأل عني ويصيح إسمي كمت أمسح دموعي عدلت شالي وطلعت شفته واكف بالصاله هلأ خالوا شلونك.
محمد هلا بنتي شلونها مدرستنا شو ما اجيتي تسلمين على خالج شدعوه عليج بابا.
أعذرني حقك عليه بس رجعت تعبانه وجهالي لكيتهم يبجون يلة كابلتهم.
ما نسمع ردج.
باوعت ل طيبه وهي جاوبت قبل لا أني أجاوب.
طيبه الله كريم خالي مسأله وقت ويصير خيك!

ألطاف ردت أحجي عضت شفتها وسگتت باسني وطلعوا وشفت أبن خالي جواد وضل صافن بوجهي وأبتسم.
جواد شلونچ ألطاف.

بخير، مشوا بس عيونه تراقبني الولد ما ناقصه شيء بس ما اريد اظلمه وياي شُنوْ ذنبه يأخذني وما يعرف شيء بس الأستغربته شعجب ما يعرفون ألاحتمال السالفه طشت بس بين عمامي وأهلي وأنغلق الموضوع بوكته وكلمن رجع لسالفته ونسوا سالفتي، بس منو يسكت اكيد هسه يسمعون متقدم اليه ويوصلونه حجي وخل يوصلون ويحجون لن زواج ما اتزوج.
رجعت كعدت بالصاله وأجه بابا باوعلي وأبتسم ليكون أنت هم مشترك وياها وتردون تزوجوني!

حاتم بابا الولد رايدج وشاريج ليش رافضه الزواج.
طيبه فهمها هالحجي راكبه رأسها ومعنده على شنو ما أدري.
قادر طيبه لا دخلين نفسج هذا زواج مو لعبه.
الطاف باوعت عليهم شوفوا كلكم أني مو الطاف القديمه تضحكون عليها بكلمتين وخليتوني فريسه سهله لوكت.

ول االنذل فيصل اللي كلمة نذل متكفي قمة الحقاره شمرني لبيت دعاره وأخذ حقه وشمر بنته ودمرني وهدم شبابي خلاني كل يوم أنازع وأطلب الموت وكل ثانيه أدعي تنقبض روحي ولا ابقى بهذاك المكان مليان رذيله وقذاره وغضب وتعذيب نفسي كرهت روحي أشد الكرهه.

ولما وحده من البنات اللي وياي توكف وياي وتنصحني والله يدزلي أبن الحلال السيد حسين جان أني هسه تقرون على روحي الفاتحه جان حتى رقصي تشوفونه على التلفونات وَك البث المباشر وأصير رقاصه اللي الكل يلحم يتوسد حضنها بفلوسه ويشتريني ويبيعني مثل ما يريد وبأي وقت، عن يا زواج تحجون عنه، انتوا حتى الغريب حن عليه أكثر منكم عذبتوني والغريب فتحلي بيته ولحد الأن افضالهم مغطيتني.

ولا واحد منكم طبطب علىك أكتافي كلكم تردون مقابل ومنين ما التفت الكه ذيابه تريد تنهش لحمي فكوا عني خلوني عايشه وأتنفس لخاطر هالأطفال اللي صاروا ضحايا الوكت، خلوني عايشه بهل الحيل الباقي عندي ترى أدوام واحجي واضحك بس من الداخل روح ميته بس بالأسم عايشه خلوني يرحم أهلكم فگوا عني.
بجيت وحاولت تحضني دفعتها عوفيني وهالزواج أنهي مثل ما دبرتي، وما أسمع أي حرف من اي أحد زواج ما أتزوج بعد.

عفتهم ودخلت الغرفه واجت وركعت الباب بوجهه
لكيت جهالي نايمين حضنتهم وبجيت علىك حظي وحظهم تعبت والله تعبت أريد ارتاح مثل البشر.
للمغرب صحيت لكيتهم كاعدين يلعبون ويضحكون فدوة بوستهم يلة نطلع گافي نوم طلعت أني وياهم صارت طيبه بوجهي بعدج إهنا
طيبه قادر راح وأني بقيت ليش تطرديني من بيتج
لا ليش اطردج بس خليج محترمه نفسچ.
علمودج يالثوله شمخليه بجيبي.
عوفج مني هيج مرتاحه.

وإذا بيوم من الايام سحبوا البيت منج وأخذوا أبنهم وين تروحين.
عندي أهل ينشد بيهم الظهر ليش شايله هم.
مو وگت قشمره.
ما يسونوها من سابع المستحيلات الظاهر ما تعرفيهم زين العلويه لحد قبل أشهر ذكرتنا وهذه ملابس لابستها بنتي من عدها، ناس تخاف الله وعدهم ذمه وضمير اذا مو ضميرهم صاحي على اقل لخاطر أبنهم اني امه هل تتوقعين حسين يشمر أم أبنه ويكسر گلبه لا غلطانه حَبيبتي.

تبقين علىك عنادج ما بيها مجال، على أقل احجي ويه الولد شوفي احتمال تتفاهمون ليش معقده الامور شغلي دماغج النايم.
ما أشغله وطلعي خشمچ من حياتي وما الچ شغل بيه والا والله أحرمج من شوفتي وعتبة الباب تعثرج
لأ دخيلج اعفينا من خبالاتج خوتنا خليها على صفحه خلص راح أسكت ومالي دخل حياتج وأنتِ حره بيها.

ألطاف أي تمام، سگتت وكعدت كابلتني، كمت جبت جنطه تميم وكعدت أقري تعبني يلة حفظ، وبعدها تعشينا وتأخروا يلة ناموا بالاخص تميم معارك اني وياه وبالأخير گال.
تميم أريد أحجي ويه بابا كاميرا.
ألطاف تميم مو وگتك ماما هسه بابا نايم
ما ما ما.
طيبه وين أكو نوم هسه الليل شطوله أتصلي عليه وشوفي متشوفين الطفل يريد يحجي ويه إبوه.

ألطاف لا اله الا الله، كمت جريت تلفوني وشفت الواتساب مفتوح الحظر همزين، دزيتله شلونك شافها وما رد عليه دزيتله تميم يريد يحجي وياك فيديو.
حسين أنعل أبوه لابو حتى أمه.
ألطاف شبي هذا، هسه تحجي وياه لو لا.
انطيناه.
تميم تعال ماما، اجت وياه زينه دخلوا الغرفه سديت الباب وأتصلت فيديو عليه ورد گبل طلع وجهي ما عبالي بهللسرعه يرد وجهته على تميم يلة احجي.
تميم بابا.
حسين هاا بابا.

ألطاف يحجي ويه جان مرتجي على تاج الجربايه وجهه معبس شعره منفوش ابتسمت على شگله وختم الكلام
حسين انطي التلفون ل أمك وروح نام مو وراك مدرسه باجر لاتصير سىرسىري مثل إبوك.
تميم أي، هاج ماما.
الطاف اخذته منه وجهة الكاميرا على الحايط.
حسين طفي الكاميرا ما ميت على شگلج أريد احجي وياج واولي أنطمر.
ألطاف طفيتها وطلعوا الجهال رديت الباب وراهم هاا.

حسين هسه لو اجي واكسر عظامج عظمه عظمه أحد يگولي ليش ولو اني بحياتي كلها ما ماد أيدي على نسوان بس أنتِ غير أنت مو مره غضب للعنه! يعني عليچ الله ما تكدرين تصبرين من دون زواج تموتين اذا مو رجال بحياتج.
شبسرعه عرفت.
لا والله شبسرعه عرفت، والسيارات الطابكه بابكم واخر موديل مبين ناس طاگين والعريس لكطه يلمع لمع.
بعد ما صاير شيء لاتحجي من كيفك.

أنجبي وخليني أكمل كلامي، شوفي يا بنت الناس قسم برب العزه اذا صار هالزواج وتزوجتي تميم تحلمين تشوفينه مو بس تحلمين ولج حتى ريحته احرمج منها قطعه ملابس ما اخليلج منه أخذه ولو تطلع روحج كدامي ما الج بعد ولد عندي.
تهدد يعني.
اي اهدد وأصلخ وأذبح عندج مانع ست ألطاف
هايہ حياتي مو من حقك تمنعني أكمل حياتي وبعدين أنتَ هم أشوف حياتك علىك شُنو تمنعني اكمل حياتي.

عوفج من حياتي طالعه روحج حسين ليش ما تزوج مو وبعدين على شُنوْ أمنعج تزوجين أحد گلچ أنتِ حورية البحر! لو الحياة وكفت عليج ما تهميني بس اللي يهمني إبني شتردين تأخذينه وياج ويربى بحضن رجال ثاني لازم شاد كرون ستيل واخلي أبني يم رجلج يا ست ألطاف!
دام هيج الا إتزوج وأشوف حياتي مو ما عندك مانع
تزوجي منو لازمج بالعافيه عليج، بس تميم أخذه
أخذه عادي.
ماشي يا ألطاف تردين تتزوجين مو! بعيني.

وأنتَ ليش عصبي ومزعوج قسمه واجتني والرجال خوش رجال واخلاقه عاليه وعنده وظيفه بعد شكو
ردت أستفززه.
انعل ابو اخلاقه لابو أهله وعشيرته وظيفته، بكيفج تتصرفين يعني، هو منو ومسوي روحه زلمه وانتِ تصيرين زوجه اله من كل عقلچ!
- أي شكوو بيها، ليش الزواج حرام عيب لو حرام.

لا مو عيب ولا حرام بس الظاهر أنتِ تردين تتزوجين ولچ مجرد اتخيل هو زوجج لا ارداياً اريد اتفل بوجهه شلون قابله وموافقه تزوجين واحد ما تعرفينه شبيج ولج عقلج رجع قفل على قضيه الزواج أمشي ولي ولاتتصلين بعد وتميم راح هسه اجي أخذه.
حسين حسين قطع الأتصال بوجهي كبر وكت استفزاز هذا ما يحب الشقه گلشي ياخذه جد.

دزيتله رساله حسين لاتظلمني يا زواج تحجي عنه والدنيا لليل وين تجي وتميم ما انطي والله وبعدين عنده امتحانات
يم الباب.
رن الجرس هذا شوكت اجه، كمت لبست شالي وهنا كاعدات وابويه طلع عليه تميم تعال ماما
طيبه شگوو شبيچ جلبتي بالولد.
الطاف كله منج أستلمي حسين عرف بموضوع الخطبه وراح يأخذ تميم فهمي هسه.
ذهب شُنوْ بكيفه أبنج يضل يمج.

ألطاف خاله ما اريد مشاكل وياه الرجال ما مقصر وحقه، اطلعي احجي وياه وفهمي ماكو هيج شيء
طيبه لا كوليله راح نزوجها خوما تضل تربيلك خلفتك والله خوش اني طالعه عليه بلكي يغار يحس
الطاف صخام الوجه ولج صخيمه تعالي والله اموتج اذا حجيتي طيبه طيبه، طلعن عليه وأسمع كلامه وياهن.
حسين يا زواج تحجون وما عندي مانع وشعليه أصلاً، بس أبني واجيت اخذه لو تردون تمنعوني أشوفه.

طيبه لا ما نمنعك إبنك ومن حقك بس خاف تأخذه وما ترجعه.
أذا أمه تزوجت أي.
اكول تكول ما عندي مانع لعد هاي شيسمونها.
أبني تردين اخلي يربي يم رجال ثاني كل اب ما يراضاها مو بس اني، وياريت تجهزين تميم أريد اخذه وعمي اعتذر منك ازعجانك بهل الوقت.
حاتم لا عادي أبني معذور، أمشن دخلن جوه كولي لاختج تجهز الطفل.

ألطاف شگد عيب وفشلة فضحتني طيبه، رحت جهزته وشلت جنطته، لاتزعل بابا وخليك عاقل هز رأسه وبوسته وشميت ريحته يلة روح، طلعت وياه واخذه أبوي مني وراح، رجعت مزعوجه واجت كله منج طيحتي حظي علاقتي اني وياه متفاهمين لخاطر أبننا هسه صارت زفت من وراج لما حظرتج تجييلي جواد تردين تزوجيني وتخلصين مني عبالك كاعده بيتج لو نايمه على گلبج.
عفتها ودخلت الغرفه لكيته يتصل جاوبته وگبل.

حسين عبالي تصيرين أدامي ولحد البارحه اكول عليج أنسانه قويه وكدرت تتخطى االي صاك وعاشت لنفسها ول أطفالها وما دخلت رجل بحياتها وضلت محافظه على نفسها وهالبنت مظلومه جابتها هضم بهضم لا عبالج ما ادري من غبت عنج شُكثر تعبتي وعانيتي وشُكثر أشتغلي وتعبي على نفسج علمود تعيشين اطفالج هذا كله ادري بي وكل تأريخج عندي مسجل من بعدج بيت أهلج لما وصلتي حضني ولحد ما الزمن غربلنا اني وياج وأفترقنا.

ولج أتباه بيج كدام أمي وأكول الها ام أبني ينضرب بيها المثل بالقوة والصبر والأيمان العدها رغم كلشي عانت بقت صابره على ظلمها اللي عاشته من أختها ل اهلها لزوجها لعمامها والوكت وضلت صامده، وهذا گله شُنوْ هسه طلع وهم وخيال عايش بي، بس أنتِ مره ما تكدرين تعيشين من دون رجال، نزلتي من عيني يا أم أبني أنتِ لعنه نعلتي أهل أهلي.
خلصت كلامك.

لا نسيت أبارك إلچ مبروك وتزوجي شايفه الف خيك وبدال الواحد تزوجي عشره ما تهميني بعد
شسوي بالعشره ما اريدهم أريدك أنتَ.
لا ترخصين بنظري أكثر الطاف!
تمام مع السلامه، دير بالك على تميم.
ماشي، الله وياج وزواج مُبارك
ألطاف نهيت الأتصال وياه وبگلبي هضم وغصه شگيت بلعومي هم انفهمتي خطأ وتغيرت نظرته بيج ناقصه أنتِ ناقصه منين ما اجيبها سوده مصخمه.

جبت زينه ودخلت غرفتي ما حجيت ويه أي أحد بعد، نومتها بحضني وصلني أشعار جان على الشحن يم رأسي جريته باوعت مرحباً من رقم غريب!
نهضت باوعت الرقم والصوره ركزت زين هذا جواد منين طلعتلي أنت الثاني غير بطران توني ردت احظره دزلي رساله.
جواد عرفت گلشي وقابل بيچ، حتى أطفالج موافق عليهم بس قبل كلشي أريد أحجي وياج واعرف عنج تفاصيل أحسن ما أسمعها من الغريب.

ألطاف هذا شبي شلون طيبه تكول ما يعرف لا واضح لعد هذا شنو يخربط، جاوبته أني ما موافقه الله يوفقك بغيري.
بس اني موافق وأريدج الج وشنو تطلبين طلباتج اوامر بيت لوحدج سياره حب دلال خدامه تساعدج
اني قنعت اهلي عليج لن فعلاً رايدج ومعجب بيج هواي، روحي ضلت بيتكم من شفتج وشفت جمالج المميز خلص قفلت على القضيه الأ أنتِ!
ليش أهلك مو جانوا موافقين ليش تقنعهم.

عرفوا ورفضوا وكعدت اقنعهم اني رايدج حتى لو نتزوج بدون موافقتهم
- شتحجي أنتَ ما أريد أتزوج شنو غصب هي.
- ألطاف اريدج تكونين شريكة حياتي ونربي أطفالنا سوه اني هم عندي بنت وأنتِ عندج طفلين ما راح نعاني اني وياج أثنينا انخذلنا وانجرحنا ونداوي جراحنا سوه
شمرت التلفون يارب منين تجيني هالعطلات هسه على شُنوْ كاتلين نفسكم عليه من الله ياخذني اي والله شلعتوا گلبي اكرهكم كلكم، كلكم، كلكم.

جريت تلفوني وقفلته ونمت وجريت زينه وحضنتها.
كعدت الصبح رأسي مصدع شُنوْ هالوجع الفضيع أبداً مو وكته، باوعت الساعه بعد وكت، جريت التلفون هسه تروح عليه نومه ويتأخر على مدرسته هسه ليش أخذته يشنلع گلبك وگلبه.
إتصلت يرن وماكو رد، راسلته واتساب تميم عنده امتحان راجعه اله قبل لا يروح ما فاتح نت
شفت الحالات جان ناشر دخلت وشفت ناشر أغنيه حسام الرسام تصميم مقطع الاغنيه يكول.

كدامي جنت تموت وخوفك يكتلك وهسه تكولي انساك واكدر ابدلك وين كلامك وحجيك اليه!
خنت الكظه وياك عمره وحياته هو النطاك الروح هيج جزاته، يل كتلي غيرك لكيت شترجى منك
ما غزرتك الحضنات من جنت احضنك.
رديت على الحاله وكتبت أبقى على النظره الأخذتها عني ودربالك تغيرها بيوم.

طلعت من الواتساب، كمت غسلت ورجعت صليت وكملت التسبيحات، شلت سجادتي، فتحت الكنتور وطلعت ملابسي، لبست وتجهزت وشلت جنطتي دنكت بست زينه وخليت الها فلوس يم رأسها، طلعت جانوا نايمين، رن تلفوني وصل الخط، فتحت الباب وقفلته وراي وطلعت اتمشىك، جانت الأسواق مفتوحه عبرت من يمها بدون ما أباوع وصلت الشارع ووصل الخط صعدت صباح الخير شلونجن.
الكل بخير صباح الخيرات.

أنوار اليوم مليانه نشاط بالعاده نوصل الباب وأنتِ بعدج واكفتلنا على الشارع.
احسن، وصلني مسج.
طيبه عبالي اوعدج قبل لا اروح اسفه خيتي
روحي الله وياج، دزيتها ورجعت التلفون الجنطه وصلنا، دخلت الاداره سلمت على المدرسات وكعدت فتحت الكتاب وشوي ورن الجرس، واول درس اليه
شلت جنطتي ورحت على طالباتي، صباح الخير.
الكل صباح الخير ست.
الطاف شبيكم صافنين بوجهي.
مشتاقين الج والله ست أكثر ماده صرنا نحبها هي الانكليزي.

يروحي وأني الأشوق، يلة نبدي بالدرس وما نضيع الوقت، بديت الدرس وياهن وشرحت وبلغتهم بالامتحان، شدو حيلكم هذا الأمتحان يرفع من درجاتكم اريد الكل يجيب درجات كامله.
الكل أن شاء الله.
ألطاف رن الجرس شلت جنطتي وتوجهت لحانوت أخذت نساتل وعصير ورجعت تريكت بيهن وفتحت تلفوني تصفحت بالأنستا وصلتني رساله منه
حسين هااا
ألطاف نعم أتفضل
شتفضل شگوو علمود اتفضل هو شضل.
عليك راحتك.

تميم ليش درجاته بالاملاء كلها 9 و 8 نازل مستواه.
أخر فتره صاك يعاند وبصعوبه يحفظ جان يريدك وأنت جنت مسافر.
وخليتني حجه.
ألطاف ما جاوبته، وشفت جواد كومه داز رسائل ما فتحت طلعت من المحادثه ودخلت التيك توك كلبت شوي وشفت البث المباشر مالت حسحس يضحك شوي ضحكت وطلعت لما أجه الدرس مالتي خلصت ورجعت الاداره بين ما خلص الدوام.

وأستمرت حياتي بين حسين وقساوته وبين جواد اللي شلع كلبي معند قراره مرتين اجه واني ما موجوده عندي أمتحانات.
رن الجرس وعلن أنتهاء الدوام طلعنا أول وحده صعدت الخط وجنت اكعد بالبدايه وكظيت الطريق صفنات لما أنوار ندهتني بكتفي
انوار راح نوصل أنتِ ويانا.
ألطاف أي، فزيت على صوت أشعار رساله من الواتساب، جواد ما ردت أدخل المحادثه بس أستوقفني كلامه وهو يكول.

جواد أني يم باب البيت أنتظرج! هالمره ما اروح الا أشوفچ ونحجي! واخذ الموافقه منچ لن أهلي قنعتهم ووافقوا علىك زواجنا أني وياچ!
ألطاف لا ياربي هسه حسين يشوفه ويگلب الدنيا رأسي وراس الخلفوني أنلاصت عليچ الطاف.