رواية الرمق الأخير للكاتبة شمس العراقية الفصل السادس عشر

رواية الرمق الأخير للكاتبة شمس العراقية الفصل السادس عشر

بقيت كعدتي أخر شيء صاااح بيه من الجوه
فيصل ما تنزلين الولد مات من جوع نزلي طعمي
ما جاوبتهُ ولأ نزلت سمعت خطواته صعد الدرج فتح لباب وتخصر وهو يباوع ل وجهي
فيصل شبيج أصفريتي ليكون صدكتي كلامي ترى جنت أتشاقه وياج حَماره
فيصل عوفني بحالي ما إلك شغل بيه
رجعي لطبيعتج وكافي تهلوسين ما بيه شيء ولا راح أذيج أنتِ روحي معقوله أذيج
يلا نزلي ومشتهي حلو من أيدج كسر الريجيم اليوم من وراج
صدك جنت تتونس ب أربيل.

لأ والله كذب أدري بيج بسرعه تصدكين...
وردت أشغل هرمون الغيره عندج وتحتويني
كول وك مرتين
مرهہ وحده گآفي لآ تصغرين عقلج خليج آلطآف آلقويهہ ومآ تهہتم لگلشي
يلآ نزلي ويآي
نزلت ويآه وهہوو لآزم أيدي ليكتهہن مجهزآت آلغده
مديحهہ شلون مركه دجآج تخبل
عآشت آيدج آلطآف!
أحلآم آي نفسهہآ بآلطبخ گلش طيب
الطاف حياة تباعلهن وأني مستغربه لواكتهن اليه كعدنا نأكل وهو عيونه عليه واكره هالفقره ما أهتميت رجعت أكل...

عفتهم وصعدت غرفتي أخذت العلاج واباوع أوراق دخل هو بيده تلفون جديد متطوره الأمور...
فيصل أي بارحه أشتريته تردين أجيبلج وياي
لا ما أريد ما يقبلونه بالجامعه عندي هذا كافي
تمدد السرير و عيونه بتلفونه رجع كال
تحبين أخذج لأهلج!
بالاستغراب: - شعجب طلعت منك.
كلت ضايجه. أخذج تغيرين جو
لأ مأ أريد رحت ال دكتوره وتعبانه
يمتى رحتي ومنو أخذج
رحت وحدي وطلبت مني دوبلر ملون لطفله
ليش بنت
اي
وليش الدوبلر الملون شبيها قابل.

ما أعرف نروح ونتأكد
ماشي شبيج مطنگره
حياتي طبيعية وزوجي ما يعوفني أبداً وياي بكل خطوه اخطيها ومتفاهمين ويخاف الله بيه شلون أطنگر أني...
رجعنا لهذهِ السآلفهہ
فيصل طلگني
نجووم آلسمآ أقرب آلج
أخذهہ آلسويج ونزل بقيت بغرفتي مآ نزلت أريد أفگر آريد أستجمع روحي وشتآته
نمت حتى أبنه مآ سألت عنهہ لآن بس أريد أبتعد عن كلشي حتى أهہلي مآ آريد قربهہم لآن گله بسببهہم...

ل وقت متأخر من الليل صحيت وتكررت عليه الحاله إلى بالشهر مره او مرتين أصحى فاقده
الغرفه ظلمه وبيها أصوات مخيفه والكنتور يتحرك من مگآنهہ! وأضويه تترجف نزلت بخطواتي سريعه المليانه رهبه أتعثر وأستند المحجر لحد وصلت غرفه الضيوف وصدى ألاصوات تتعالى ما كدرت أميز او أحفظ كلمات
ألأغنيه بقيت واكفه أفر برأسي وأنفتح ألباب أحلام أي هيَّ ما أذكر لبسها فقط جرتني من أيدي لداخل هوايه ناس واكل الميز ما أذكر شكولهم.

غواش ودوخه فضيعه لازمت أيديه وترقص بالوسط وأني أريد أطلع وهي مستمره تهز بجسمي
دخل فيصل ويدفع بيهم أخذني منهم للغرفه غسل وجهي بماي بارد بدأت توضح عليه الصوره أشوي أشوي خايف وأيديه ترجف لمني بحضنه قوي جاوبته وين أني!
ليش هيج شبيه فيصل اني شبيه صرررخت وهو حاضني يريد أنام
يضرب وجهي غلبني النعاس وغفيت بحضنه...
صحيت والشمس عاليه وهو متمسك بيه تلمست بطني الشيء الوحيد أخاف أصحى وما ألكاها يمي خايفه أفقدها.

نهضت ورفعت رأسي حسيت رأسي وكع بالكاع من الوجع والدوخه أمشي وأوكع وبديت أتذكر مقتطفاات من ليله أمس. رجعت بآوعتلهہ تلمست گتفهہ فيصل فيصل
فيصل يأخذة فيصل شكو شعندج
البارحة شصار
شمدريني اني أذكر شنو تعشيت البارحه
اي كولي فدوه شصار بليل ما أعرف مدري حلم مدري حقيقه
يعني مكعدتني من النوم علمود تسألين أسأله تافهه أمشي ولي من يمي لأ ادفرج.

بليل كنتوا مسوين حفله وأحلام ترقص وأنت أجيت طلعتني من يمهم كانوا هواي ناس بس ما أذكر أشگالهم...
أي حبيبتي أستمري الروايه حلوه عاشت أيدج
لا تتقشمر صحيح مو!؟
لأ مو صحيح أنتِ نايمه بحضني ما أتحركتي كافي هلوسه وطيحان حظ برأسي من الصبح
صرخت ورده فعلي كانت مخيفه لا مو هلوسه
أني أذكر ومتأكده بليل اني نزلت وانتوا كنتوا ترقصون.
لا مشتهيه دفره لبيت أهلج وللللي من يمي
أني واعيه ومتأكده أبقى نائم واني راح أتصرف.

نزلت بخطواتي سريعه صارت أحلام بوجهي
البارحه أكو حفله بليل أمانه أحجي آلحق
أحلام يا حفله شبيج حلمانه
لا مو حلم، لأ تصيرين مثل أخوج واحجي عاد
هييي شنو تتأمرين عليَّ وصوتج ما يعلئ اوك
مديحه خير من الصبح صيااح شعندج نازله متحشده علينا!
ألطاف زين قبل فتره هم نزلت ونفس البارحه تكررت الليله متأكده مو حلم ومنو سألتكم كلتوا عيد ميلاد!

مديحه انتِ يرادلج مصح نفسي مريضه وتهلوسين! أحلام صيحي أخوج يأخذها من يمي ما ناقصه مخابيل من الصبح
ألطاف تقربت لازمتني من أيدي صرخت بيها ودفعتها بقوه ما بيه شيء أني أصحى منكم وانتوا وراكم شيء صاااح بيه وهو واكف الدرج
فيصل ألطاااف، يعني ما خلصتي خبالج فوك بغرفتي نزلتي جوا تااالي وياج وهلوستج
صرررخت بي ولازمت رأسي. لا تكول هلوسه أني صاحيه و واعيه واذكر كلشي. ما بيه شيء
فيصل كاافي عاد فضنااا أمشي للغرفه.

جرني من أيدي نفضته بقوه عوفنييي أبتعد عني ألا تحجيلي الحق أني واعيه مو حلم بارحه كنتوا ترقصون احجييي بصراخ.
أحلام لو تأخذها لو أطلعها من ألبيت ترى ثولتنا بصوتها من الصبح مو وضعيه هااي
مديحه زوجتك تبقى تلهوس برأسنا وتألف منها شوف الها صرفه
الطاف حياة بس تباوع وساكته تمنيت تحجي ولو حرف خلوني أتاكد إلى شفته بارحه حلم
أخذني للغرفه كعدت. السرير لازمه رأسي.

وأذكر كلشي وأحجي ويه روحي متأكده مو حلم البارحه بليل ليله مو زينه شيء مو زين وانتوا تنكرونه لأن تخافون مني
فيصل كاافي
لا مو كاافي ألكل يكذنبي وأني كل مره ينعاد المشهد لمن أصحى تكولون تهلوسين ترى طگت روحي منكم أخذني لأهلي لو أني أهچ
شجاااااج تخبلتي كاافي
أني رايحه لبيت أبوي
روحه لأهلج ماكو وتبقين بغرفتج لما أشوف حل لخبالج هذا.

طلعني منا طلعني أحس رأسي يريد ينفجر ما أعرف فيصل أمانه حس بيه وجع مو طبيعي وجسم نحلان مو أعراض حمل أني راح ادخل السابع...
لآ بآك تخبلتي رسمياً
أني ما جنت هيج ما أعرف الضعف شنو ولا أخاف أني جنت قويه، أنت خلقت مني أنسانه ضعيفه ومهزوزه حتى مو كادره أفكر واوزن أفكاري دايخه أني مو ألطاف...
ألطاف أنسانه أنتَ سيطرت عليها ومحيتها بيدك.

فيصل ليش. ما أحبج قويه أني أحبج بكل حالاتج كاافي خريط ماله معنى شسويت قابل عيب عليج هالكلام.
ألطاف عفته ونمت لان ماكو نهايه وياه من صحيت لكيته صافن بوجهي
هاا شلونج هسه
أخذني لدكتوره
ما بيج شيء ما يحتاج دكتور مجرد تعب من دراسه والبيت وحملج ثگل لهذا تهلوسين شيء عادي
لأ تكولي تهلوسسسين أني أصحى منك يالخبل
أي أني خبل رأضي بس فضيني عاد ترى ما صارت مكابلج وكاعد
ما تولي لشغلك ومنو لازمك
أتحملج لأن مو واعيه.

كمت بوجهه أني واعيه وكلشي ما بيه أنتوا مرضى نفيسيين عندكم البشر مثل أله وبهذا البيت مستحيل أبقى وما مستعده أخسر روحي علمودك
أخلص شغلي ونتفاهم هذا كلامج!؟
ألطاف راح وروحه بلا رده طلعت تلفوني وأتصلت مازن جاوبني بسرعه
مازن هہلأ خيتي شلونج
مآزن فدوهہ تعآل أخذني مو زينهہ أني مخنوگه
شبيج بسم
بس تعآل حبآب
آي مآشي بس هہسه مآ أگدر طآلع ويه قآدر مآخذين طيبه لدگتور
ليش شبيهہآ!
طيبهہ مريضهہ نفسياً راح ناخذها مصح نفسي.

ل الشمال
أسم وليش الشمال ليش مو أهہنأ!
قآدر يريد شيء زين
قآبلنآ دگتآره آهہنآ شو گآل أخذهہآ للشمآل أفضل وهہسه گآعدين ننتظر
هہيَّ شبيهہآ مثلاً
تعبانه فد مره مسويه وجهه خريطه كامت تأذي نفسها ولكينا بالغرفه هواي رسائل كلماتها تكطع الگلب كاتبه مو مثلها ما تريد قرب أحد بس قادر حتى أطفالها نفرتهم
سوده عليه مآزن دير بآلگ عليهآ
مآ تريد قربِ مبتعد عنهہآ كريم سهہله
أي آنتِ شبيج خومآ متعآرگين.

تعآل أخذني وآفهہمك لأ تتأخر فدوه وأريد أشوف أبوي
ماشي قبل لا تكولين ناوي أجيج لأن أبوي من شاف حاله طيبه تعب فد مره ويصيح بااسمج وأسمها
أختنكت وجاوبته تمام أنتظرك مع السلامه
بقيت بغرفتي وأتذكر طفولتنا أني وياها وأمي وابوي وأيامنا وخطرت ألبال ذكريات حلوة وتوجع شجاج يَ خيتي وأني شجاني أنتِ الغيره هيج سوت بيج وحقج تغارين رجلج زينه الرجال بحبه الج وشهامته.

أما أني عليمن أغار شو العندي ثور ومربوط لا يحل ولا يربط جريمه بحق أسلام ينحسب الزلم
الزلمه الزينه يخاف بمرتهہ ويصونها بماي عيونه
حتى لو توجد أغلاط يكفي زيناته كفيل ةً تغفر لهُ
بقيت أراجع كل إلى صار من أول مشكله حدثت بينا أني وأختي ونصفي الثاني مجرد ذكر أسمها ضلوعِ
تتألم شبيدي عليج وأني حالي أتعس من حالچ وما نعرف شلون نطلع أرواحنا ونقذها من هالمرض!

مرات تصادف أنسان وتتقبل تعيش وياه ومع مرور الوقت تتكشفت أنت عايش ويه مرض نفسي!
لبست وجهزت ملابسي ب جنطتي أروح لأهلي وين تصفى خل تصفى عمرهم ألاهل ما كانوا أعداء لو كل عيوبهم وأغلاطهم يبقون أسمهم أهل وعزوةً
مر وقت وأتصل مازن ما يجاوب بقيت أنتظره أريد أروح قبل لا يچي العتوي وحش الغرفه الخبل!
ورن التلفون بعد أنتظار
وجاوبته: - هہلأ خويه
مآزن أني بآلبآب أطلعي
بفرح أي يَ روح أختك لحظات وأنزل رد بقلق.

مازن شبيج خيتي
أشوفك ونحجي يَ خويه قطعت الخط ونزلت صارت حياة كبالي باب غرفتها بيدها ذاكر شافني وصرخ يريدني.
حياة ألمن عايفه هالطفل وك يموت ومحد يسأل عنهہ
أنتِ عمتهہ ديري بآلج عليَّ تقربت حضنتهہ وشميت ريحتهہ ألك من بعدي وك يهہدي أبوك عليك وك نفسهُ، مع السلامه.

طلعت ونزل مازن أخذ الجنطه مني يباوع ل وجهي وهو صافن يدقق ملامحِ شمرت نفسي بحضنهُ أخذني منا طلعني من هالبيت أختنك أموت ألف موته أخذني لأبوي لبيتنا الدافي ريحه أمي بغرفتها
مازن أمشي وبالبيت أفتهم منج
بس لو أعرف شجاجن وهيج صارت حالتجن شكول لابوي وعلى اليوم يگلبها نجف عليِّ
طلعنا وهو ساكت لأن ما مستعده أجاوب أي سؤال بس أريد أوصل ألبيت وأشمر نفسي بحضن أبوي
مازن العصر أخذج تشوفينها لأن أذا راحت مصح.

أحتمال ممنوع تشوفيها يمنعون الزيارات وقليله هم
تمام وصلنا وبابنا چان مفتوح أبوي بهالبرد كاعد بالحديقه عيونهُ الباب شافني وگام يبجي ويمسح دموعه ركضت عليه اوووف يابا ليش تبجي يِ نظر عيوني ما أريد أشوف دموعك الغاليه أريد تبقى القوي إلى تعلمت منك القوة ومن أبتعدت عنك ضعفت حيل يا بويا...
حاتم شراين گلبي أنتن أخذتن حيلي وعافيتي ناويات تعوفني مثل أمجن بهل الدار صارت تخنك من دونجن منو إلى يا بويا غيرجن.

بقيت حاضنته واطبطب كتفه لخاطري بس لخاطري ما بينا شيء وطيبه ترجع أحسن من ألاول ماكو شيء ما اله علاج وزوجها ما راح يقصر يأخذها للشمال واهناك يعتنون بيها أكثر وترجع إلنا ام خبالات بنيتك وغاليتك أبتسم ومسحت دموعه
ومازن واكف يباوع إلنا وساكت
مازن يلا دخلوا البيت بارده
وجديتي مشغله الصوبه...

ألطاف دخلنا البيت وشفت أطفالها فاطمه وفرح وفضل حضنتهم وكعدنا يم الصوبه وجديتي جابت أكل طعمهم وفاطمه فرحت بيه حاضنتني وفضل يضحك عباله أمه يفدوه لوجهك الحلو
فاطمه خالتوا ماما وبابا يمتى يجون تأخروا
ألطاف عدهم شغل هما يجون حبيبتي أني موجودٌه وما أعوفكم ٍ
الحجيه مازن أحجي ويه فيصل خل يخليها يمنا هسه واذا ما وافق يطبه طوب رأس الثور
مازن ماشي أشوي أنوب أتصل عليه.

ألطاف غيرت ملابسي وغيرت ملابسهم ومشطت شعرهن خليتهن يمي ونومت فضل بحضني وهنا يمي يلعبن بالعاب بس فاطمه فاهمه كلشي من عيونها حسيت بيها
فاطمه خالتوا ماما مريضه مو صح وبابا أخذها يعالجها لان ما تريدنا وما تحبنا مثل قبل
لأ حبيبتي تحبكم وتموت عليكم بس تعبانه ويحتاج تروح دكتور ينطيها علاج وتصير أحسن من قبل وتحبكم بعد أكثر حسيتها ما أقتنعت
فاطمه يارب يطلع كلامج صحيح
ألطاف أي حبيبتي نومتهن يمي.

والمغرب يلا أجه مازن جنت مجهزه نفسي وأنتظره أروح أشوفها!؟
مازن يلا أمشي دخلوها المستشفى حالتها تعبت بس لا تكولين لأبوي أخاف عليَّ
لأ تكولها أمشي أخذني بسرعه طلعت أتعثر وبطني بارزه عثرت باب المطبخ من صااح أسمي
حاتم شبيگم ليش مستعجلين طيبه بيها شيء!
ألطاف تغيرت وجوها مو عارفين شنو نگوله
مازن لأ يابه ماكو غير العافيه بس مأخذ ألطاف تشوفها ونرجع...
حاتم أخذوني أني ه‍م.

ألطاف بابا حبيبي الجو بارد ونخاف عليك هيَّ اذا تشوفك ما ترضى
و تصير زينه وهيَّ تجيك
حسيته ما أقتنع هز رأسه وسكت
الحجيه روحوا ويآگم مآ بيهہآ غير آلعآفيهہ
ألطاف طلعنا وخليته دموعهك خده سوده عليه
بالطريق ورن التلفون باوعته المتصل فيصل!
مازن جاوبي زلمتج لا تجاهلينه
ما أريد أحجي وياه
لا تصيرين جاهله جاوبي ما إلنا خلك مشاكل!

بگلبي بعدني ما نمت الليل يمك خايف من حملي ومشاكلي، تالي رفضته لحد ما وصلنه هو يتصل وأني أرفض أخر شيء قفلته وخلصت
وصلنا مخلين إلها مغذي وقادر لازم رأسها ويحجي وياها وأني أباوع إلها من بعيد ما تقربت خفت تنهار أعصابها بقيت أنتظر لأن مازن راح يسأل الدكتور وضعها، كعدت الگرسي لأن تعبت من ألوگفه طلع قادر من يمها
قادر يسآعدج شلونج ألطآف
هہلأ عيني. الحمدك وآنت شلونك وطيبه شلون صارت.

بعدها شوفةً عينج بس گريم سهہله سبآعيهہ طيبه گلبي مآ تهہتم للمرض
يسمع منك ويرجعها ألگم ويخليهہآ خيمهہ رأسك ورأس أطفالك
أشكرج ورده
أي شلونج أخبارج بعدج زعلانه من عدنا ترى وك سوء تفآهہم، ولمره آلمليون أقدم أعتذآري حتى فشلآن منج وعلي
مقبول أعتذارك أبو فاطمه يكفيني سعادتكم
ويسعدج ربي أترخص منج أروح أشوف مازن اتأخر.

إذنك معاك راح رجعت أباوع إلها صافنه بالسقف وتتبسم ويه نفسها عصرت كف أيدي قوي وقتها صدك حسيت خسرت أختي من شفت حالتها ما كدرت أبقى طلعت من المستشفى وكعدت بالحديقه أنتظر مازن، ورن التلفون فيصل
وجاوبته: - هاا
فيصل وهاا! وينج ما تجاوبين
ما فاضيه
أي عمي شنو يهمج وطالعه بدون ما تكولين لأحد رجل گرسي بالبيت أني
مو وقت الكلام بعدين نحجي لأن أنت كلك كبعضك تغث وأني ما ناقصه
عگرنا مزاج المدام
هسه شتريد.

أكول طلع بيكم عرچ خبال
شقصدك!؟
- أختج المريضه الخبله مدري مصروعه وأني أكول ليش تجيج أيام تهلوسين أثاري العائله الكريمه مخابيل.
أحترم الفاضك وأعرف شلون تحجي لو أني اعلمك شلون تحجي ويه اوادمك
ما عرفتج لطوف
منا ورايح خووش أخليك تعرفني يلا ولي
قطعت الخط بوجهه وقفلته ونفس الوقت بنتي دفرتني قوي عبالك حاسه بيه وخبال أبوها أخذه قبل لآ تجي لدنيآ وآشوفهہ
أجهہ مآزن وگعد بصفي وطلع دخآن يشرب
مآزن آي ست ألطآف أسمعج!؟

ألطاف مو أهہنأ نحجي نمشي بالبيت أفضل
لأ أهہنأ أفضل أحجيلي كلشي حرف حرف
وتسمعني وما تظلمني مثل كل مره
أذا قصدج طلاق ما عدنا مره تتطلك رجلج أعوج انتِ عدلي وتخلينه الطريق الصح لعد النسوان شنو شغلها
لا واضح راح تسمعني أصلاً ما حاجه أحجي حرف حتى أذا أكولك هو غلط، راح تكولي لا هو الصح وانتِ الغلط أعرفك من يومك واكف ضدي وهذا الزواج ما تريده يخرب لأن اختيارك
صاير ولا ينكدرلج ولسانج طولان.

أذا أكولك أصحى بليل واني مو بوعي وأشوف أشياء تصدم ومن أحجي وياهم الصبح ينكرون وعبالهم أحلم
انعديتي من طيبه لا بالله تخبلتن وخبلتهن ولد الناس وياجن امشي لخاطر مآ نآقص مخآبيل
رآح وهذآ مازن من يومه ما ينطي بنسابته ومفضلهم علينا رغم إحنا أخواته مشيت وراه وبعد ما حجينا أصلاً حتى لو نحجي ماكو فائده أهلي وأعرفهم موقفهم ضعيف
وصلت البيت لكيت فيصل واكف وذهب واگفه والله ضحكت وك گفو بس هہآي تگدر ألك.

مازن هاي شلون وياها راح تفضحنا ويه الرجال نزلي أخذيها تحجي معارك وياه لو بيدها شيء تضربه عادي عدها.
ألطاف أخت رجال الف رحمه روح أهلها. خرزني ونزلت أمشي بفخر وهيَّ باوعتلي وكالت
ذهب أجت الشيخه وك حرمآت أنت رجآلهہ
فيصل شلون ويه لسآنج شنو مآگو رجآل يلمج
عشتوآ خليت آلرجولهہ آلك يَ مدلل الماما
ألطاف أبتسمت وكفت بصفها وهو تخصر وتأفف ويباوع ل مازن
فيصل خوش تحالف مسويات والله عمي نسوان هالوكت ولا ينكدر إلهن.

مازن احسبها عليه
ذهب وليش عيني شنو سويتله أخذت من عافيته لو شفطت گرشه لو نقصت من رجولته عشتوا والله أمشي حبيبه قلبي
فيصل ترى ساكت ومتحمل هالمهزله لان انتِ مره
ذهب مره وبألف رجال عندك مانع ماماتي
ألطاف مشيت وراها وصااح أسمي وهي التفت وخزرته
فيصل ألطاف أريد أحجي وياج
ذهب بشنو تحجي أسمعك
مازن لا أله ألا ذهہب عوفيهہم ما الچ شغل
فيصل واتوقع اني كلت ألطاف ما كلت ذهب مدري فضه...

ذهب ذهب وأخت رجال وبيكم رجال يجبر لطوف ترجع غصب عنها أذا أنت مو كفوا تكون أخ ينشد بي الظهر كول مو تبقى مربط ايدك
مازن ذهب كاافي عاد ترى فضحتينا بالشارع وبعدين انتِ شنو الصله تربطج بينا ويحق الج تحجين أظن ما الج اي صله
ذهب تخسئ أنت وهو أني امها وصيه عنها هاي بنتي وصديقه الروح لا أنت ولا هو يغصبوها شيء ما تريدها ما عاش ولا صار يفكر يأذي لطوفه فاهمين.

فيصل عمي سكتنا يا كلمه ردي مكانج بس مرتي أريد أحجي وياها شلون نبقى مجادله بالشارع والبرد يذبح.
ألطاف أتوقع حجينا وما عندي كلام بعد مشيت صاااح مازن وراي
مازن مو كيفج تقررين أتفضل فيصل بالبيت وتفاهموا
ذهب أمداك گدرت مره أمشي ولا يهمج أني بظهرج أسد شرس مو ثور ينطح
ألطاف جريتها من كدامهم خفت مازن يغثها بكلمه أدري بيها مقهوره وگلبها نار عليَّ دخلنا البيت وجديتي شافته هزت أيدها وراحت أبوي.

دخلت الغرفه وفاطمه وفرح فرحوا بيه أخذت فضل بحضني ودخلت ذهب مقهوره وتحجي عليهم بقهر
ذهب هذول زلم لو أجياس حب أريد زلمه ينشد بي الظهر زلمه حوگ مو هذول
ألطاف وين نلگاهم ب يا نصيب قسمه گشره وعقل متمدد بي حمار وثول غلب عليَّ
ولأ يهمج بعد الطريق ب أولى عادي نخلعه وندور جديد والتجديد حلو يا حلو
عيعع وأتزوج أنوب يمهہ أقتل روحي هہو هہذآ نآيم گلبي سگتي فدوه.

شگد گرهته يگولي آذآ تردين رجآل موجود وبخدمه آلطيبين شگد مقرف
الى درجه والقهر مازن وياه
وأني باقيه بين نارين
طايحه الحظ شكو حملتي منه ما جان تاخذين حبوب مانع
ليش هذا هم أفكر أحمل منه
أحمل من مطي وما أحمل منه
ھَہھَہھ اخ يمه بطني
اي ضحكي فريختي ولا تنقهرين خيولي هذا علاجه عندي بس أريد وقت أفكر زين
أباوع ألها شلون صافنه وتحگ برأسها وتخمن واضحك عليها ولج شسوين عندج جريمه قتل.

أوف لو يوگع بيدي ب طبر اعمى واگر رأسه واوزعه ثواب شكو جلب دايح مثله أشمرله قطعه...
هاي السوالف ما تجيب حل بس ردت أضحگج گلبي يوجعني من أشوفج ضايجه وأدري بيج عين الصخل ما تنزل الچ دمعه
عليَّ أنزل دمعه يستاهل وجع
و شنو أكعد أبجي والطم شو هو گله من سوء غبائنا واختيارنا واخوي الگفوا راح سأل عنه واجانا فرحان خووش ناس لا واضح خوش ناس
ذهب وهسه شتسوين لازم مازن يوكف ويانا هذا ابو رأس مصلبخ.

المسلبح شگد مكروه صاير
ألطاف صافنه وألف فكره برأسي
ما أدري أذا أحجيلج تصدكين بيه مو؟
طبعاً أصدكج ولج كولي
أحس بيهم ينطوني شيء
تغيرت ملامحها وتقربت ناحيتي!
يعني شنو ينطوج حبوب لو شنووو فهمينييي
ترة راح. أتخبل وياج أنتِ شلون باقيه وياه
ما أدري أصحى فاقده وأتذكر كلشي صار
بس القهر يكذبوني لهذا أنهزمت منه أخاف
ينطوني شيء وأخاف البطني
خوماااااا!
شنو ولج أحجي فدوه
هاا لأ هيج ماكو شيء لا تخافين.

ذهب أحجي شنو يدور بالج أمانه ترة عقل
ما ضل برأسي كل شيء يدور بعقلي غلط!
لا تضلين توهسين خيولي هو وأخواته الحقيرات
وهذا مازن گون صرگاعه رأسه الحقير مو أخ
عدو أكو أحد هيج يذب أخته هالذبه...
ألطاف تحجي تحجي عليه وليش ما يطلع يسمعنا دخل وباوع إلها وتخصر يم ألباب
مازن خلصتن سوالف وانتِ ذهب كاافي عاد
تحملتج بما فيهُ الكفايه، وانتِ الثانيه تحركي رجلج يريد يحجي وياج.

ألطاف جاوبته: - مأ أتحرك من مكاني ولأ أشوف شگله وشتسوي سوي هذا إلى عندي!؟
كافي عاد ترى أذبح روحي وأبليك وأخلص من
هل العيشه إلى رميتني بيها، تقرب ناحيتي!