رواية الرمق الأخير للكاتبة شمس العراقية الفصل السابع والثلاثون
عيوني تناظرها ومصدومه تلاشى الكلام طلعوا وخلونا وحدنا من بعيد همست إلها، شجابج؟
أم مريم شلون يمه شلون أحوالج
أختصري شتردين
كيفج يمه بنيتي
كعدي ونحجي وأفهمج سالفتي وليش أجيتج
هاي كعدت أحجي أسمعج
عبالج أني هم مشترگه وياهم
ما أدري سألي روحج
لأ والله يمه وأني أنصدمت مثلج بس شسوي
أنتِ هم أختفيتي وياهم مو؟
لأ
جاوبيني وأحجي حق الله وريحي گلبي
فيصل وينه وشنو السبب خلاه يبيعني أحجي.
إذا تعرفين الحقيقه أحجيها إلهم وأثبتي برائتي
والله ما أعرف أي شيء أني مجرد جنت أساعدج تربيه الاطفال وأشغل عندكم غير شيء ما إلى شغل وداعت وليدي إبراهيم
ماشي أعذريني بس الشفته ومريت بي مو سهل
الله يساعدج شلونج هسه مرتاحه
ليش تسألين؟
هاا لا يمه غير أطمئن عليج ولج لطوفه متغيره
أحسن
أي يمه عندي أمانه أجيت أسلمها إلج وأرد بيتي
خير شنو أمانتج!
طلعت فايل بي أوراق أستغربت شنو هذه!
ورجعت فتحت جنطه سوده تبين مليانه.
أم مريم أحجي شنو امانتج!
هاج يمه هذا عقد البيت للي مسچل ب أسمج
وهاي المفتاح السياره موجوده يم الباب وهاي الفلوس
لحظه لحظه سگتييييييي
أنتِ فيصل دزج احجييييي
كيفج يمه لا اصرخين خل أفهمج بالاول
شفهممممم كوليييي شفهمممم.
ما كلشييي واضح شسوووي بالبيت شسوي بالسياره شسوي بالفلوس المن دازهن اليه ليش، هو خله بيه روح سلب روحي حطمني ما خله عقل برأسي لتفكير خلاني امشي والتفت خلاني اخاف من نسمهههه الهواااا شتحجين انتِ دازليييي فلوس وعقد وسياره المن يريد يغفر ذنبه بهذن بوسخ الدنيااااا خليييي يجي يثبت برائتييي مو هو باعني خل يجي يعتررررف بذنبه مو يدزليييي فلوس شسوووين بيهن أني اريد برائتيييي تعبتت...
حقج والله حقج.
ما الوم إلى يلومج
بس شسوي أني عبد مأمور خلاها برقبتي وراح
والامانه ثگيله يمه عجزت وأني أسأل عنج بالمر يلا كدرت عنوان بيت عمج...
أم مريم انتِ ام لااتنكرررررين لا تكوللللين ما اعرف مكانه لا تبرررررين اي شيء ادري بيج تخافين منه وادري عايشه بفضله وأدري ابنج يشتغل عنده
نزلت رأسهاااا أي هيج بس لا تنكرررين أنتِ مره كبيره بالعمر ما يلوك الج الكذب...
أثناء كلامنا دخل مازن لان صوتي عالي فقدت السيطره نفسي وأنهاريت.
مازن شبيچ تخبلتي صوووتج لا أكص لسانج
ألطاف مازن هاي أم مريم كانت تشتغل بالبيت سألوا خل تحجيلگم كمت لازمته من أيده مازن أسمعها أسال والله مظلوووومه...
حازم شكو شعندج تلطمين وتصرخين
الطاف عمي فدوه رحتلك أسمعوا منها ومتأگده تعرف مكان فيصل والله مظلومه والله
خلف حازم مازن خل نسمع الحرمه شنو خسرانين
أحجي بدون مقدمات وشنو هالفلوس.
أم مريم ما أعرف شيء عنه
بارحه كان بغداد خلاهن يمي وراح وصاني أجيبهن إلها هذا كل إلى اعرف
مازن تعرفين عنوانه
لا والله
مازن سالفه ماصخه امشوا
وانتِ صوتج لا أكص لسانج لا تتهجمين المره
ألطاف طلعوا بقيت بوحدي وياها عجزت أباوع أيديه ترجف تدرين خاله حيل ما ضلي
الله يساعدج
بس كولي هو وين ساكن
والله ما أعرف والله
لا تحلفين ولا تبجين
كملي كلامج أسمعج
أي اني سألت عنكم بيتكم القديم وجيت
رجعنا للكذب
اي سألت.
ما سألتي أنتِ عرفتي العنوان گبل جيتي
فيصل أنطاج العنوان مو؟
أي كالي ساكنه بيت عمامها ونطاني العنوان
بعد شكال إلج
ما كال شيء
ام مريم أحجييي رحمه لل أسلااام
اوف يمه اوف ليش تجبرينييي
كالي شوفيلي شگد عدها اطفال
ليش يسأل هو شعليييي
والله يمه ما أدري
ولج والله يموت هواج وذكراج وحجيت وياه
يتمنالج الخير وين ما تكونين
يتمناه الموت ويأخذه كولي أمين إذا هيج يتمنالي الخير خل يجي العمامي ويحجي إلهم حق الله...
بس هو رجال عار الزلم باع مرته وشمر بنته هدم بيته وأستقراره من دون سبب هيج حبك لاشاك هيج هيج خباثه وتجين تكولين يموت هواج إن شاء الله موت يأخذه...
هسه يمه تأخذين الامانه
يمه هاي الفلوس حصتج انتِ وبنتج من الورث ومن المعرض ودز حصته لبنته لان يدري بيج ما تأخذينها
لا والله
تدرين هواي مكلف نفسه ليش متعب روحه
كان أنتظرني أني أجي اداعي بحصتنا بالورث
والله يمه ما أدري شكولج؟
لا تكولين شيء
اني أكولج...
كولي اله عبالك ألطاف تموت وتخلص منها هيهات
بهاي الدنيا ما واجهتك ولا عاتبتك بس أهناك أخذ حقي من بين عيونك مسلمتك بيد رب العباد هو يأخذ حقي منك يا نذل وفلوسك والبيت والسياره خليهن نايمات گلبك وزعهن ثواب روحك الوسخه والقذره لو اهمك جان ثبت برائتي وأنت تعرف بيه مظلومه بس ما بيك خير لأن عاااااار...
ماشي أوصل اله كلامج
بس يعني ما تأخذين كلشي
مخبله لازم.
فلوس حرام شغلهم وسخ بيت عادره احلام ام الفنادق والملاهي خلينا ساكتين وحتى المعرض والورث كلهااا حرام وفلس ما أستلم منج رجعيهن اله لأ اني ولا بنتي ناخذ منه شيء
فدوه لعمرج أخذيهن
َ لا تلحين ترة احرگهنننن والله
أقل ل زينه
كتلج فلس ما أخذ لا اني ولا بنتي
وأذا شايل هم لبنته ليش شمرها أيد العالم
زين هسه تذكر عنده بنت وصار حنين العاااار
ماشي يمه أرجعهن اله شسوي
ما تعرفين مكانه؟
لا والله يمه ما أعرف هو من يوم شالوا ما دخل بغداد ولا شفناه غير البارحه دك علينا الباب حتى تفاچئنه بي يمكن نص ساعه وراح وصاني أنطيج الامانه وهذا كل الصار وداعتج
خلص روحي الله وياج
مشت عافتهن أم مريم رجعييي أخذيهن
لأ ورب الكعبه أحركحهن وألا أكولج ع شنو انتظر خل أحرگهن شلتهن جرتهن من أيدي
لا يمه لا تحرگيهن أمانه هاي تكسر الظهر
ما تأخذينها أرجعه لصاحبها.
واعذريني يمه تعالي أبوسج لو تدرين شگد انقهرت وتمرضت وراج بس شنسوي
بوستني وشالتهن وراحت طلعت وراها إبراهيم هز رأسه معناها السياره هزت رأسها اله شغلوا وطلعوا
رجعت الغرفه مقهوره الحقير النذل داز فلوس وبيت وسياره شسوي شصخم ييهن الله ياخذك...
ودخل مازن عرفت عنده سالفه؟
مازن ليش رجعتيهن؟
ألطاف كيفي؟
شنو كيفج هذه حقج وحق بنتج والرجال دزهن شتردين بعد وين أكو رجال بعد سوايتج المصخمه يدزلج هيج.
يعني بشرفك أنتَ لحد الان مصدك فيصل
وهو الملاك وماكو منه
بابااااا اصحى من سبات فيصل باع أختك باعها
اي ذبي تهايم الرجال
طاح حظج خربتي بيتج بيدج
وفوق هذا كله ما تأخذ شيءأقل ل بنتج بيش تعيشين
عبالج اني اعيشج اني نفسي گوه مدبرها موتي جوع
وأذا عمامي يلا ملتهين بعيالهم محد فاضي لاحد
وحتى أهل أبنج شالوا خشمهم عنج وعن ابنهم ضلي
لأ تخاف محد يموت جوع
وإذا مصاريفهم وعيشتهم أني أدبرها والمعين الله.
بس أنتَ يا حسافه تعب أمي بيك يا حسافه
بابا تووولي
ألطاف طلع يهز بيده
رابحه جابتلي جهالي بهالاثناء سمعنا صوت عياط
خير شكووو
رابحه هسه اشوف أخذي جهالج
ألطاف دخلتهم الغرفه والصوت أزداد أجت رابحه وعيونها حمر تبجي شكو ولج
رابحه جديتي توفت
وگعت بالكاع رحتي يا جده
بس شفتيني ودعتي خلص يومج يا روحي.
بجيت عليها بغرفتي وجهالي يمي صار الصوت عالي صياحهن ولطمهن زينه تخبلت كامت تصرخ لميتها بحضني ما تسگت تكمز وتبجي يربي شجاج
محد فاضي اليه شلتهم وطلعت برى البيت ونفس الحاله حسيت راح أخسر بنتي شايلتها وافتر بيها وتميم صافن علينا ويجر بثوبي أي يمه يمك ما رايحين بس أختك تهدئ سوده بوجهج ألطاف.
ولا دخلت ولا شفت الجنازه لأن جابوها من الناصريه طول الوقت وره البيت أني وياهم عيونها دم صارت من كثر الدموع تالي تعبت وغفت بحضني دخلت البيت هي بحضني وتميم يتخطى وراي شايل نستله بيده
الغرفه مليانه نسوان ما أعرف منين كلهن غريبات الظاهر من العرب منا جريت جنطتي وملابسهم
نومتها بغرفه البنات ونعي والنوح صوتهن عالي كامت تفزز مرعوبه شبيچ أمي أنت خوما صغيره أنتِ تعالي بحضني خليتها رجليه وتشهك وتميم.
رفع ظهره ونام بطنه الأرض وشگله يضحك غفه يعمري جريته يمي لزم طارف ثوبي ونام...
لفجر واني كاعده كل أشوي تفز من هذاك اليوم بنتي ما راجاها حال موت جديتي صارت تخاف من الهوا ما تفارقني ولا لحظه دوم تگعد تبجي من دون سبب ما تسگت إلأ تتعب سألت وأخذتها لحجيه
أول ما دخلت عاينت علينا أخذتها مني وصرخت بقوه وشمر بنفسها يربي شجاج
الحجيه بنتج مرعوبه ليش يمه شنو شافت
الطاف جديتي توفت المغربيه وصار صوت العياط.
وهي سمعتهم كانت واگفه باب الغرفه ومن هذاك اليوم مدري شجاها لا ليلي ليل ولا نهاري نهار...
الحجيه تعالي أقري رأسها وأنتِ هم دوم أقري
ورقيها
ألطاف اقرا
بلشت تقرأ تنفض بنفسها تريد تطلع دفعتني وطلعت برى كعدت يم الباب بس باوعيني شجاج يمه...
زينه ما مااااا
ألطاف اوفف ناقصه قهر
تعالي نرجع للبيت شلتها بحضني وعبائتي رأسي
رجعت لكيت تميم كاعد طاگ من البجي شافني وخنزر عبالك يكولي وين جنتي دايحه هاا ولك.
زعل وأنطاني ظهره يمه فدوه للزعلان شلته ودخلت الغرفه تمددت ونومتهم بصفي...
باوعت التلفون زهور صار فتره ولا سألت حتى صرت أستحي أدز شيء أو أسال أحس أذيتهم هواي...
تذكرت أيامنا الحلوه أني وياه وغزله اليه وسوالف الحلوه مثل العسل وضحگته وزعله الثگيل غمضت عيوني تمنيت أستقر وياك وأفرغ روحي بحضنك
حيل مشتاقتلك ينبض گلبي ناطفه روحيك شوفتك.
الليه گلبي اشتاگلك گل حيله. ما كدرت أتحمل أريد أسمع صوته ليش هيج قسيت ليش گلبك قاسي ما حنيت ما رف گلبك الطيب عليَّ وينك حسين وينك
أتصلت أكثر من مره ماكو رد أخر شيء يلا جاوبت
وينج زهور ليش ما تجاوبين
زهور موجوده والله طالعه يم أهلي أمي تعبانه
خير صاير شيء
وما بيها غير العافيه
الله يعافيج
حسين عل گلبها وهو وابوي مشاگل
واليوم عباس يجي يأخذ تميم أمي تريد تشوفه
ماشي عيوني تعالوا أخذوا أبنكم هذا.
بس فدوه عندج رقمه دزيلي رقمه أمانه
ما يقبل هو والله
گتله قبلج لان حاسه بيج شُككر تحبينه
مو بس أحبه أموت هواه
أني أعترف غلطت يوم رجعت ل أهلي
بس والله علمود بنتي والضناه الغالي وهي ما إلها غيري والمريضه والله صار فتره ما أدري شبيها.
ما ألوم ألي يلومج صحيح حجينه عليج وأنقهرنا منج بعدين امي كالت بنتها خطايا شنو ذنبها وأحنا إمهات ونعرف غلات الطفل وحقج وبعد صارت وأهلج وأهلي بسلامتهم ما يتفاهمون مصدگين هو عشيقج ومنهزمه وياه...
إلنا الله
بس تمنيت يسأل إبنه يجي يشوفه
ألطاف
لا عبالج هين عليَّ البعد
بس هو ما يريد يتعلق بي ويحرمج منه.
وأساساً من طلگج كال إلهم أني روحي جانت باامه خيبت أملي بيها عاد هو خلي بحضن أمه خلوني لا تحجون بهذا الموضوع عوفوني بحالي
حطمته أدري بنفسي رغم كل تضحايته اليه
ما قدرت شيء حقه والله حقه عاذرته
أي هو مقهور منج
لهذا خلي هيج أحسن وأحنا طلبنا منه لان صدگي حسين بس يتعلق بي اهلي يجبروا يأخذونا منج وأبوي گلمته صايره وحده وقاسي الى درجه...
الله يريح بالكم
سلمي عليَّ وك خاله.
كوليله ألطاف تموت هواك وتعشقك حد گطع النفس والروح ما تشوف الراحه والفرح من بعدك
تمام عمري أوصله كلامج بلكي يلين گلبه ويحجي وياج
وجهزي تميم وغراضه عباس يجي يأخذه...
ماشي عيوني
أنتهى الاتصال چريت حسره أي يا حسين شگد گلبك قاسي تفضل بعد عن إبنك لأن خسرت أمه هيج مغثوث منِ...
ل ثاني يوم جهزته ويبجي ما يريد يروح بالگوه أخذوا مني بقيت اباوع أله من الشباك بلكي جاي بلكي المح طوله الحلو خابت امالي بس عباس واگف ويه عمي حازم اخذه بحضنه ويبوس بي شويه سگت وراحوا الله وياهم...
ومر أسبوك وهو ما أجه ولا اتصلوا ما لحيت عليهم هسه يكولون تريد تحرمنا من إبنه وتميم الظاهر عجبه جو أهله أول مره يطول يمهم هالكثر لو يبجي جان جابوا...
رن تلفوني زهور جاوبتها بلهفه هاا زهور أجاني صوته
حسين هاا.
ألطاف هاا عمري أنتَ
َ وبعد
وينك ليش هيج قسيت وياي ليش حسين
عباس راح يجيبه ديري بالچ عليَّ أشوي تمرض من الدياحه وعلاجاته وياه
ماشي
حسين خل نحجي فدوه
بشنو
بكلشي
حسين من بعدك ما اليه وجود
أخذي راحتج
لا تقطع الخط فدوه
شتردين
لا هيج تسوي بيه لا تصير ويه الدنيا ضدي
أوفاا أني ضدج
سويت كلشي لخاطرج وأنتِ شنو سويتي
حقك والله حقك
عاذرتك بس لا تبقى زعلان منِ
ما زعلان والله
منو كلچ حسين يزعل منج
فرحت ومسحت دموعي
جاوبته: -.
أتحدى البعد يجبرني بيوم أنساك
ولا أني
افز من النوم مشتاك لتفاصيلج
أخذتي كلشي بيه العافيه والحب والواهس وحيلي يا يبعد حيلي أنتِ
أسفه
حسين سامحني تعبتك وأذيت گلبك الطيب وياي
أكرهج من هيج تحجين
لو تدري شُككر أتمنالك راحه البال
أنتِ راحتي لكيتها بحضنج بس ما دامت اليه
ردت أكولك أحبك
جاوبني: -
يلا مع السلامه عندي شغل
أنقطع الخط.
وأكشتفت روحي شُككر تحبه نار متولعه بصدري عليَّ أوف يا صوتك التعبان أخذ عافيتي كنت ميته ومن سمعته رجعت الحياة أوف ال بحه شگد حلوه
أوف شگد عطشانه لشوفتك وضحگتك لو تدري ألطاف مخبله بيك وبحبك والبعد زاد هالحب أضعاف
أنت أول حب واحن شيء لمس عمري...
مر وقت وأني مگابله زينه مصخنه وأسوي إلها كمادات ولا أحد مهتم إلها زادت حرارتها عفتها بفراشها كمت أشوف أحد يجيبلي شراب خافض حراره ما لكيت أحد شفت نوريه، خاله أريد شراب زينه فد مره حرارتها مرتفعه
نوريه أي عيني وشتردين
أريد شراب إلها من الصيدليه لو أخذها دكتور
ما ضلت علينا بس السگوطه
هي ناقصه عمر
حرام عليج
بنتي هاي
وجه النحس ما ضلوا علينا بس المخابيل
لا حول الله
رجعت دزيت رساله لزهور.
دزيلي شراب خافض حراره فدوه وياه
ردت من عيوني كتبي شنو محتاجه بعد لان عباس بالطريق راح يوصل علمود ابلغه؟
سلامتج عيوني بس لان بنتي مصخنه وما عندي أحد يجيبلي كلت أكولج أذا ما تكون زحمه عليج
لأ رحمه
ولج شهل الكلام ازعل ترة
تدللين عيوني هسه ادزلج...
يربي شُككر طيبين هالناس ما عرفتي قيمتهم يا ألطاف رجعتي ناس حتى قيمه لطفل ما عدهم
عفت التلفون وكمت سبحتها بلكي تفگ عنها گعدت انشف شعرها نامت رجليه جسمها بهت وتعب.
سوده بوجه أمج وسوده وجيره بگصه أبوج...
دخلت رابحه بيدها گومه أكياس أشكال الدنيا دازين وياه ودخل هو گاشخ ولبس أحلى لبس ومسوي سبايگي ومخلي چل لشعره وساعه بيده صغيره
والحذاء مالته سالوفه ثانيه يتخطي وشايل العصير بيده وأني صافنه عليَّ ما شاء الله ولك ما عرفتك شهل الكايرزما شهل الجمال والاناقه تعال ولك مشتاقتلك، أوفف أوففف أبوس بي بقوه أوفف عطشت إلك ولك شهل العطر الطيب يرد الروح هاا.
رابحه هاي الاغراض كلهن أبوي أخذهن منه كبل گالي دخليهن غرفتها
ماشي عيوني مشكوره
طلعت كمت قفلت الغرفه وزينه عيونها هي خطيه كامت تشوف شنو بالاكياس جرت الحلويات گعدت تأكل وتضحك ويه أخوها رغم الصخونه بجسمها دمعت عيوني عليها اوففف اوففف
حاولت ما أبچي ولا تنزل دموعي كدامها بديت أفتح بيهن كراتين حلويات وعصائر سيت كامل
خليتهن بالبوفيه وقفلت عليهن إلهم.
رجعت فتحت الاكياس الثانيه ملابس اله مشترين اله كلشي وملابس اليه حتى ملابس الداخليه دازين وتكرمون حتى الشحاطه والشامبوا والعطر نفس كل مره يروح لاهله يدزونه محمل أشكال الدنيا
باوعت علاجاته ورقه باوعت الخط گوه ينفهم عرفت خطه أبتسمت كاتب موعد علاجاته الساعه
شلت الورقه أضمها مكتوب بظهرها
مع تحياتي حسين التميمي فدوه ل أسمك.
وعلاجت لزينه دازين شرابات لعمرها نطيتها وكمت شلتهن حيل فرحت اليوم لأن سمعت صوته ونوب شفت خطه والتحيات مالته لو أشوفه وأشوف طوله شيصير بيه أذوب ورب الكعبه...
أباوع ل تميم گومه يسولف ويشگد يدردم ما ينفهم منه كلشي سوالفه تخبل تنگرط ولك منين ألك هل اللسان رحت إلك فدوه أنت وابوك وأهله وعشيرته
أخذوا گلبي بني تميم...
ومرور أشهر وصار عمر تميم سنه ونص.
وبين شهر أو شهرين بجون يأخذونا يومين ثلاث ويرجع مرات هو يلزم الباب ويبجي عرفته يريد يروح تعلم عليهم وك دلالهم والله حتى يمي مدللينه ما يقصرون وياه حتى فلوس يدزون وياه...
وزينه تكبر بنص روحي رغم مرضها أشوفها أجمل خلق الله وهواي يحجون عليها من تفتر بالبيت لو تسوي وكاحه واكثر من مره أسمعهم يكولون إلها منغولية أنت مو حلوه وهي تجاوبهم لأ اني حلوه
أنهضم وأبلع عبرتي لأن كبار يحجون ياريت لو صغار.
كمت ما اخليها تطلع تلعب بس هي تضوج وتگعد تبجي من الفاتحه صارت بيها حاله تبجي وتصرخ بگثره وتضرب برأسها حيل اخاف عليها وأكعد وأكابلها لما تخلص لعب وحيل حنينه أخوها تمشي وتلعب وياه وهو هم
حنيتهم بعض تفوچ گلبي فوچ.
.
أسمع صوت وهالصوت أبداً مو غريب عليَّ توني نهضت دخلت الغرفه ذهب يعمررررري أنتِ حضنتها
وأشم بيها وتبوس بيه من عيوني وبوست كفوف أيديها شلونج غنج گلبي
ذهب من بعدج الدنيا لعب بيه فلك والحال أعثر.
شلوني ولج
عوفج منِ تعالي سولفيلي عنج أخبارج
ألطاف الحمدلله ماشيه
همزين جيتي وشفتج بالتلفون ما أرتوي بس صوت
ليش أكدر أذا ما احاجيج همزين مازن أجه البيت
ولازكت وياه بالگوه وافق شگد نحيس
شعجب راح البيت هو منو بي أبوي يم عمي خلف
أبوج تعبان هم تشوفينه
َ ما شايفته تقربياً صار أشهر ما يخلوني أطلع لا هيج ولا هيج
ليش تحجين وياه تتوسلين بي يرجعج. البيت
خوما تبقين يم النسواين عاله.
أبوي ما إله كلمه لا ويه عمامي ولا ويه مازن وعمي ناظم ابو الناصريه مانع أحد يسكن البيت والي عرفته يردون يبيعوا بعد ما اعرف وهم الناس بالمنطقة يحجون بسالفتنا يعني ما إلهم وجه
أذا يحجون ف صدك يحجون خاصه النسوان تجي تخيط يمنا يبوه غضب عليهن شُككر يحبون السالفه
عوفينا من هالموضوع فدوه
تعالي أحجيلج قبل أشهہر فيصل دز ام مريم علمود البيت والسياره والفلوس ورفضتهن
لا والله
بيا وجه بيا عين الحقير النذل.
وشنسوي بالفلوس والبيت؟
عباله يغفر ذنبه وتسامحي بهذن
لا سامحه الله
من بعد هالاشهر ما سأل ولا اجه بعد
مو هو كلتلج دز أم مريم
هاا
أكولج خاف ناوي يرجعج
بالحلم
أحرك روحي والله بنزين اذا رجعوني اله
والقهر مصدگين كلامهم أني منهزمه ويه حسين
أوفف عمامج عقولهم تبن
طيب ألطاف ما حاولتي تعرفين من ام مريم ليش باعج شنو السبب خلاه هيج يسوي بيج بين ليله وضاحها دگ الناقصة بيج وأختفى
حاولت وياها حلفت تكول ما أعرف.
وك أساس ما تعرف مكانه وين ساكن
تكذب والله تعرف
حلفت بعد ما أدري
وأذا عرفنا شنو نستفاد الحقير النذل شرد بعد
ما حجت شيء بعد
كالت دز حصته لبنته لان يعرفج ما تأخذينها
كلتلها رجعيهن اله وما اخذ فلس منه
وبعد غير هالموضوع
شقصدج
ما أدري سألي روحج
قصدج يحن گلبه عليَّ يسأل عن اخباري
أي
يأخذه الموت ويلخصني منه ومن أخباره
كايل إلها شوفيلي شگد عدها اطفال
عزااا
يا نذل شعلييي هو شگد عندج.
الظاهر وصل خبر أني تزوجت وصارلي طفل لهذا يسأل...
خيولي
ما طول بعد ام مريم ما بينت ولا هو سأل
أذن وله ولت روحه إن شاء الله
سدي سالفته فدوه
ماشي
نرجع سالفه أبو علوش
شلونه هم تحجون سوه
لأ
من يوم طلگني مره وحده أتصلت زهور هو جاوبني مغثوث منِ حيل أحس بي من صوته
گتله زعلان كال لأ ما أزعل منج
الله يريح بالج وباله
والله لا يوفق أخوج النذل
سگتي الحياطين إلها أذان أنوب يگب عليج
أثناء كلامنا دخلت رابحه.
رابحه ألطاف مازن يصيح ذهب يريد يرجع كال اوصلهاا بطريقي
ذهب اي أجيت شگد مستعجل
يلا حبوبه ديري بالچ نفسج
ولا تنقهرين تفرج إن شاء الله
الطاف عمري أنتِ بوستها ودعتها وراحت وكان أحلى يوم من دخلت عليها وفرحتني فدوه لعمرها
ل ثاني كعدت من وگت عفتهم نايمين دخلت المطبخ سويت ريوك هما متريگين قبلي وكعدت أكل وأجت زينه تفرك بعينها أخذتها غسلت إلها وكعدنا نأگل سوا أجن نسوان عمامي كاشخات ولمعهن ينفض خير شعندجهن...
سالمه وينج يا نوريه يمعوده أستعجلي
نوريه أي جيت جيت
ألطاف طلعت لحم عود سوي الغده وگثري منه
ألطاف اي ماشي
راحن ويحجون بينهم إلى فهمته زواج مدري أيش
وراها دخل مازن يصيح وراه عمي خلف وعمي حازم
مازن كيفكم تروحون تخطبون وأني أخر من يعلم
حازم أي البنت خوش بنت
زين أبوها قبل ينطيك مره صخام رؤوسنا منو ينطينا مره بعد
وسالفه أختك صار الها سنين بس الناس ما تنسى.
ويسألون عن اهل الولد خوما مثلك طربك طربك زوجت أختكك السريع واحنا ولا ندري ولا عبالك عمامك
خلف يتزوجها وغصب عنا
مازن أي وأني أخذ وحده أميه ما تعرف الطينه من العجينه إسمها ما تعرف تكتبها فگوني منها ما اتزوج
ساعه السوده گلتلكم أريد أتزوج
خلف أحترم نفسك وأرضى واسكت
كله من أيدك أنت وصلتنا لهل المواصيل وطيحان الحظ وسمعتنا بالطين من وراك وعجلتك.
مازن أني شعليييه حاجوا هاي الخاتون ام المصايب كلتگم خل أذبحها واغسل عاري لان الناس تأكل بلحمنا ما رضيتوا بكلمتين وأتصال من ابو حسين تراجعتوا عن غسل العار
حازم اييي لأن انت رجاااال وهي مره
أحنا لو ندري ب فيصل خاطبها ما نروح نسأل عن سابع جد عنه ما نروح ننبش صفحته بسرعه زوجتها ولا فكرت تأخذ رأينااا باقي زعل أمك
خلف ولو شنو ينفع الكلام يا خويي عوفه هو يرضى ويسگت زين أبوها وافق والله خوش وهو ما راضي.
مازن ما اتزوجها لو تگطعوني
حازم تزوج ورجلك فوق رأسك ياهي نخطبها أهلها ما ينطونه مىره منو يرضى ينطيك مررره ولك بسس
الصوج مو إلك الصوج أبوك الفقير مثل الدجاجه ما كسررر رأسك طيحتوا حظنا وسمعتنا أنت واختك
ألطاف تعصب فد مره وطلع من البيت أباوع لعمامي واقفين بالحديقه يحجون بينهم ومختبصين بسالفته وزواجه...
خلصوا غسلت المواعين السريع وشلتهم دخلت الغرفه حضرت ملابسهم أريد أسبحهم دخلت رابحه مستعجله. خير شبيچ!
رابحه أمي تكول خل تجهز نفسها جايچ خطابه!