رواية الرمق الأخير للكاتبة شمس العراقية الفصل الحادي والخمسون والأخير
صباح الخيرات صباح الورد والياسمين عليكم حبايب قلبي بنات الحلقه الاخيره صارت مطوله بشكل 95 كلمه لهذا اغلب تطلع الكم عالنص حدثوه الروايه نهايه الحلقه قلب أبيض واحمر مثل هيج ككك اذا وصلتوا للقلوب يعني لهنا الختام.
الطاف عيالي شجابهم أباوع الهم يضحكن وطيبه كامت تبجي وفزيت على صوته وهو يكول.
حسين وينها وينها.
ألطاف دخل بطلته التأخذ الروح وأبتسم ضليت صافنه على جماله وكشخته تبخر الكلام وزهور طشت جگليت والعلويه ضربته على كتفه وكالت.
العلويه وين داخل، اعقدوا وبعدين شوفها ما تطير منك.
حسين يمه خربتي أم المفاجئه صاك أسبوك اوصي بيكم ما بيكم واحد يلزم نفسه خرب بحظك حسين.
عواطف من فرحتي بيكم يا يمه
زهور يلة خل نطلع خليهم يحجون على راحتهم، يلة تميم تعال.
تميم فزت بيج وفزت بيج.
حسين خو انت جلبت، امشي ولي يله.
فزت بيج فزت بيج.
كرهتني بالاغنيه واللي غانها
غير صرت عريس.
أي اعرس على إمك.
الطاف مشوا واني بحالة صدمه واحس عيوني يردن يطلعن من مكانهن زين ما وكف گلبي تقرب عليه ولزمني من خدي.
حسين العلويه ما تقبل المسج الا أعقد عليج بس ما اصبر ما تعرف أبنها ادبسرر، عادي أبوس
تقرب باسني من خدي وطول بيها وهمس يم اذني
أسف على گلشي ياروح السيد.
حسين.
عزيزه عيونه، أحبج وما بطلت من حبج ولا لحظه ولا ثانيه ولا دقيقه ولا يوم البعد سنين بس ولا يوم غبتي عن بالي.
احبج بكل جرة نفس أعرف أذيتج بالكلام وجرحتج بس اعذريني من نار گلبي عليج، احترك حرك من اذكر الصار وياج وكتلج قبل لو كلها تعوفج حسين ما يعوفچ ويريدج لهذا هسه جايب كل أهلي وَك راسهم العلويه هايہ شيخة الكل وهي الها سبب بجمعتنا أني وياج هي وافقت عليج هي قنعتني وكالت روح ساعدها هالبنت مظلومه.
ضليت مصدومه والدموع ترسن عيوني رجع گال
تقبلين تكونين زوجتي للمره الثانيه، موافقه على الزواج من حسين التميمي وهالمره الزواج رسمي وعلني
أنداريت وشهكت واجت طيبه حضتني وبجيت وانفجرت بالدموع ما اعرف شصارلي صوت شهكاتي ينسمع
طيبه ليش هيج حسين ليش بجيتها.
حسين تستاهل، هاا موافقه.
طيبه موافقه.
حسين لاتصيرين مثل ام زكي اريد اسمع موافقتها
ألطاف ضحكنا ومسحت دموعي واني منزله رأسي موافقه.
حسين شو باوعيلي وكوليلها.
رفعت رأسي صفنت بعيونه موافقه تقرب مسح دموعي وطيبه كالت
وينك من زمان وينك قبل يتقدم الها النذل.
نصيب.
الطاف طلع راح يم الزلم ورجعت حضنت طيبه جنتي تدرين مو.
اي هو بلغنا ما نحجي الج، الله عوضج بي الحمدلله من قرر يرجعج على ذمته الله يتمم على خيك.
زهور يلة عروستنا امشي نجهزج.
الطاف أنتِ هم تعرفين.
زهور شلون ما اعرف وتوصيات حسين بعد.
ألطاف مشيت وراهن وتميم مشغل بالايباد فزت بيج ويركص، شلته وابوس بي ولك مشتاقتلك ما تسأل على امك يروحي، خليته فرحان وزهور بلشت تخليلي مكياج وجابت الفستان هما مشترينا حلو كلش ولبسته وفتحت شعري طيبه سرحته وسولي تسريحه بسيطه ولبست شال غطيت شعري والعلويه كاعده يمنا كمت بستها من ايديها أنتِ ذهب مصفى ما اعرف شلون أشكرج اللي مثلج قليلين، لمتني بحضنها وتمسكت بيها بستها من كصتها وصاحوا علينا.
مشيت وهي لازمه ايدي وكفت وجان السيد موجود ويحجون واني لحد الان ما مصدكه أباوع للكل واحد واحد اخاف حلم اخاف افز وما الكه احد اكرص بنفسي اريد اصدك صافنه عليهم وطيبه عمت بس تبجي يارب مو حلم يارب
بلش الكلام والموافقه تمت وعلنوا اتمام العقد وصرت زوجته لمره الثانيه وطيبه هلهلت هلوله شعلوا صوتها شوي ودخلت يمهم وتقدمت بوست إيد عمي ابو حسين وباركلي وَك خواله هم سلمت وعمي ناظم وابويه دموعه بعيونه حضنته.
حاتم وهسه اذا أموت اني مرتاح ومطمئن عليج
ألطاف أسم الله عليك الله يطول بعمرك، احجي وياه ودخل تميم مشغل الاغنيه بالايباد فزت بيج ويركص بالوسطه وابوه يصفك اله بجيت من فرحتي خرب مكياجي راح يخرب.
يحرك بإيده لأبنه ويباوعلي وطيبه صاحتني رحت المطبخ لكيتها محضره الضيافه هما جايبين وياهم
شلت الكيك وهي العصير وهو جان كاعد وتميم بحضنه كاعد من يم الباب رفع رأسه وغمزلي، ضيفتهم وصلته واخذ وكال.
حسين شسوي بالكيك العندي كيك.
الطاف أبتسمت اله، وكعدت بصف العلويه ويحجون واني صافنه على زلمتي وأبني سعاده ما تنوصف احلى شعور دخل گلبي نساني كل المريت بي وكان عوض الله أجمل عوض.
كاموا وهو اشر لاخته ما فهمت شگال الها وطلع وشوي وأجت عليه.
زهور يلة ألطاف امشي ويانا للبيت.
الطاف وين ليش.
شُنوْ ليش غير صرتي جنتنا، تعالي مسوين حفله خطوبه بسيطه بمناسبة رجوعكم لبعض وفرحتنا بيكم نريد نفرح.
هاا، وحدي طيبه تجين وياي.
زهور اي خل يجون.
ما ادري والله خل اشوف قادر.
راحت وشوي وأجت وكاموا يبدلون وزينه جهزتها وذهب هم تروح ويانا، كملنا ولبست الشال فوك التسريحه وطلعنا جانت سيارتين يم الباب وحسين صاح.
حسين الطاف تعالي يمي بسيارتي.
ألطاف صعدت يمه كعدت ليورا صرت وره مُباشرةً والعلويه بالصدر بحضنها تميم، وزينه وطيبه وذهب بصفي، شغل السياره وطلعنا.
حسين علويتنا نترخص منج راح نشغل اغاني طلب حفيدج تدرين بي خبصني بيها وجلطني بصوت الايباد.
العلويه شغل يمه وافرحوا والله يديم فرحتكم ويخليكم لبعض.
حسين ويخليج النا عيني أنتِ.
ألطاف باوعلي بالجام شغل اغنيه فزت بيج وكلنا ضحكنا وغمزلي، وشال الايباد من تميم
حسين طفي عاد مو شغلت وصوته اعلى من هذا.
تميم فزت بيج
ابوك فاز انت شگوو.
الطاف شحلو سوالفه طول الطريق بصوت الاغاني وكلماتها عيونه ما شالهن مني ما اعرف شلون يسوق
وصلنا بيتهم الجبير بيت ابوه، ولكينا أقاربه موجودين مو بس هواي
تقدم لزمني من ايدي ومشيت بصفه طيبه عينج على زينه فدوة تميم تعال.
طيبه لايضل بالج عليها.
حسين عوفي گلشي اليوم فرحتنا اليوم بس النا.
ألطاف اول ما دخلنا شغلوا الاغنيه فزت بيج بعلوا صوتها وجايبين كوشه وترتيبات و بنات موجودات.
كعدنا وجابوا كيك والعصائر واغاني والبنات كاموا يركصون وهو صاح.
حسين بنات خوالي ليش ولا وحده جايه.
العلويه ما يحبن هالاجواء كالن حفله خاصه بيكم افرحوا باجر عالعرس يجون ان شاء الله.
حسين تمام، يلة ركصن جايبجن بس اعلف بيجن اريد تذبن لحم تفطرن الكاع مو ابن عمجن اني.
ألطاف ضحكنا عليه وركصن وزهور ما ركصت بس واكفه بصف أخوها وتصفك وكل شوي تبوسه من خده
حسين كافي زهور وجهي دبك.
زهور شگد خبيث غير فرحانه الك.
حسين يروحي فديت كلمن يفرحلي، افدي فدي من البجامه للبدي، يلة جييوا الحلقات اريد احس بروحي خاطب وانشر ستوري وادق جماعتي تم خطبتي على عنادهم
الطاف سوالفه شحلوها وفرحان اروحلك فدوة، جابوا الحلقات لبسونا اني وياه وشريط احمر مثل الاتراك وتقربت العلويه كامت تقرأ دعاء وهو عاط بيهم.
حسين طفوا الأغاني العلويه جاي تدعي.
الطاف خلصت وتقرب عمي ابو حسين كص الشريط وبارك النا.
حسين شغلوا بعلوا صوته فجروا الجوو اليوم خطوبه حسين بعد عيني حسين شكد فرحان علويتنا نترخص منج اليوم.
العلويه عيونها وروحها فدوة لطولك يروح امك.
ألطاف صافنه عليه هي وزهور ودمعت عيونها فرحانات اله وهو حركاته وسوالفه تخبل كام يركص هو وابنه وشاله ويفتر بي واجه عمي تكابلوا ثلاثتهم ويضحكون وتميم طاير من الفرح يروح امك، اباوع زينه فرحانه وتصفك باوعت اليه وشمرتلي بوسه رديتها الها عيني أنتِ.
أجه بصفي وشرب عصير، تعال گولي شلون قنعت ابوك.
حسين هاا.
شلون قنعت أبوك.
بصوت عالي طگيته بسحر معدل يم إم عباس ما تشوفينه أستخف ويركص تميم.
عزاا نصي صوتك، ضحكت لزم إيدي وشد عليها عليه وصفن بوجهي
مشتاقلچ حيل شيجيب باجر، العلويه ما تقبل الا باجر.
أبتسمت ونهض من مكانه وكومني وياه وين.
نركص حبي اني وياج.
لا حبيبي أستحي والله خليني كاعده أركص أنت
هاي فرحتنا زواج العمر مو يوميه ينعاد، گومي.
حضني وقربني اله ولف إيده خصري وزهور طفت الضوء الابيض وشغلت الثريا للضوه أصفر وهو طلب اغنيه محمود الغياث مثل عيونج وركصنا سوه اني وياه ويردد اسم الاغنيه وصافن بعيوني لمعة حب دمعت عيوني وهو غمرني بحضنه ويردد بكلمات الاغنيه
اتباهي وعيشي أنتِ اللحظه وخلي العالم كله بظهرج منو گدچ هنيالچ بيه.
واجه تميم وصار بينا شاله ابوه ولزم ايدي.
رحت كعدت وهو اجاه اتصال جماعته خبصوا الجو عليه يردون يجون، عاد كال.
حسين جماعتي راح يجون يردون حفله وركص والجو بارد لازم ادخلهم البيت، اصعدي بغرفتي فوك اخلص وأصعدلج.
العلويه لا يمه وين تصعدها ماكو ابداً امشي وديها البيت خطيه تعبت وتميم نعس واختها ومرت ابوها يردن يرحن
حسين علويه ما بيها مجال ابداً.
العلويه أبداً، يلا أمشي وديها
- منا منا فدواتج.
لاتحاول ولا تناقشني، يلة جماعتك السرسريه هسه يوصلون.
قفلتها بوجه حسين، أمرج من عيوني الاثنين يلة امشوا اوصلكم.
ألطاف صعد فوك وأني أباوع لبيتهم مو فخم لا بسيط ناس بسطاء حيل بالصاله ماكو تخم فراش دواشك ومخاد حبيت حسيت أجواء العائليه ودافيه زهور جابت النا ماي شربنا
طيبه تسلمين حياتي.
زهور بالعافيه، الطاف باجر ب 12 أجي عليج ناخذج صالون هسه حسين يحجيلج التفاصيل.
ألطاف ماشي عيني، نزل بيده الكوت مالته لبسني.
حسين لبسي بارده، تميم تعال البس قمصلتك بابا.
ألطاف طلع بيده السويج شغل السياره واحنه وراها وصعدت ليكدام هو اشرلي وتميم بحضني بالطريق نام تعب عيوني.
وصلنا نزلن وهو لزم إيدي منعني هاا حبيبي.
حسين أيباه شُكثر مشتاق لهل الكلمه مشتاق لحنيتج ل أنفاسج، وعد ما اعوفج بعد.
باس أيدي وتميم كعد.
جاي تبوسون.
اي عندك مانع.
روح لبيتكم نريد انام.
ابوك منو، فوتت عليه أجمل اللحظات ادري حلمان بينا وفزيت، يلة نزلوا بارده، يرحون اصدقائي ونتخابر مو تنامين.
ما أنام أبقى أنتظرك، نزلت ودعته وراح الله وياه دخلت نومت تميم على جربايتي، أبويه وين لعد.
ذهب نايم بالأستقبال هو وعمج وقادر خطيه جن ضلوا ينتظرونا تالي نعسوا وناموا.
طيبه ألطاف كعدي أحجي وياج.
ألطاف شُنوْ خيتي.
شوفي عائله حسين ما تثمن عائله نظيفه حيل وناس مبين بسيطين وملتزمين شفتي بيتهم شُكثر متواضع ونظيف وبسيط شفتي كرم العلويه غطانا وحسين أخ حسين ياريت كل الزلم مثله ديري بالج عليه شيلي بعيونج وغمضي عليه داري أهتمي بي لاتزعلينه أبداً حتى لو جان غلطان اوكفي وياه حافظي عليه وَك بيتج، شفتي بالاخير محد وكف وياج وسندج غيره هو، أهلج من الناس عافوج، مازن ما اعرف اخونا لو متبني سحب ابويه يما علمود يكسرلج ظهرج، خلاج وحيده أنتِ وبنتج وبالاخير ما صح الأ صحيح الله ما يقطع بعباده المظلومين.
بيوم وليله صدمنا لا البال ولا الخاطر فاجئنا كلنا رجعلج مو شلون ما جان، جابلج اهله وجاهه واخذج وسوه حفله كدام اهله وناسه وتباهي بيج، حتى ابوه الجان رافض ارتباطكم وزواجكم رفض قطي ونهائي بالاخير وافق وشارك ابنه سعاده وفرحته شفت الفرح بعيون هالعائله لابنهم وربي يحفظه الهم مبين عليهم شُكثر يحبونه الله يحفظه الهم والج.
ألطاف حسين ثم حسين هو دواء لكل داء سبب الج الماضي أنتشلج من القاع الرذيله وخلاج بنص أهله وتباه بيج كدام ناسه عائله تعرف الله وصايمه ومصليه وملتزمه ربي يحفظهم ويكثر من امثالهم بمجمتعنا والعلويه جانت مثال عظيم ماكو كلام يوصفها أبداً.
ألطاف مسحت دموع الفرح الله حبني ورزقني بيهم وأن شاء الله ما أقصر وياهم وأبنهم بنص روحي ما يحتاج توصوني عليه حاطته بگلبي وقافله عليه.
طيبه يلة گومي نحف ألج ونجهز يا عروسه.
ألطاف تمام بس أخابر المديره اخذ إجازه، راحت وأتصلت على المديره وبلغتها وكلش فرحت وانطتني اجازه، نهيت الاتصال ورحت يمهم لكيتهم متجهزات اليه بلشن بيه وزينه وتميم واحد نايم بصف الثاني.
طيبه زينه اخذها يمي خليها يم بناتي شگو عليها وأنتوا عرسان خطيه.
ألطاف ماشي اني احجي وياها، خلصت واخذت ملابسي ورحت الحمام وهنا عفتهن يرتبن الغرفه وطيبه كالت الصبح تروح جيبلي جرجف جديد.
طلعت عفتهن كاعده شسورت شعري بعدت الغطا بوستهم أثنيهم تمددت بصفهم وصلني أشعار
حسين وينه حبيبي.
ألطاف أتصلت عليه يمك ياروحي.
فديت، تميم نام ابو لسانين
اي نايم بحضني.
حضنج منا وهيج بس الي
گلني ألك.
لو تصح فرصه هسه اجيج بس أهلج يمج والعلويه ما تقبل أنطيتها كلام.
أصبر.
أجمع روحج بنص روحي وأحلى جمعه طاب طبه طاخ وطيخ.
هههههه
جعل ما انحرم من صوت ضحكتج التشرح روحي.
أحبك حسين أتنفس وجودك كل الوقت أفكر بيك تمنيت ما نفترق تمنيت ما تعوفني
ما عفتج والله بس ناسي واهلي كلهم ضدي ودخلت بمشاكل سيم وجيم، وبقيت على حبج والله ما حبيت من بعدج على گولت الجبل حرمت عليه كل النسوان من بعدج.
طيب سولفلي أهلك أبوك شلون قنعتهم.
شوفي لطوف ماكو أهل ما يردون سعادة أبنهم وشافوني ما عفتهم رغم عارضت وحجيت وزعلت منهم بس ما عفتهم يبقون أهلي.
وبالأخير شافوني بقيت عليج وَك حبج ما أرتبطت وذكروا اليه فلانه بنت فلان وفلانه وفلانه، رفضت رفض قاطع لو هي لو مدى الحياة ما أتزوج خلص الله أنطاني اجمل عطايا أجاكم حفيد ما حرمتكم من خلفتي، أما زواج أنسوا، شافوا الرفض مو حل وشفت حبهم ل تميم لدرجه مره كاعدين أبويه كال لو واحد بعد مثل تميم هيج خلفه حرامات تنقطع أمي جاوبته وافق نرجع ام تميم وتملي عليك البيت جهال مثل تميم وأخت ل تميم، ما جاوبها وضل صافن وحجاية امي دگت وزن برأسه.
وأني ما تنازلت عنج كل مره احجي وياه وأخر مره من طلعت من يمج روحي طالعه من جان أخو صخمان جاي عليج رحت على ابويه فرغت قهر گلبي بي سويت البيت جحيم عليه ما خليته يحجي حرف والحمدلله هسه أنتِ مريتي.
يحجي وأني بس ابجي ما مصدگه أبداً تدري احلى مفاجئه بكل عمري راح تصير سنه 223 ختامها مسك.
اي والله مسك وعنبر، سويتها قبل عام 224 علمود أبتدي وياج سنه جديده ردت بيوم 1/1 على أحتفالية رأس السنه بس العلويه ما قبلت ما تتعرف بهيج سوالف گالت خيك البر عاجله.
الحمدلله ربي يحفظها ويطول بعمرها
أمين، أمين، ويحفظج اليه حبيبي لو تدري شلون كلام وصلني عنج الجيران كلهم مادحين منج كايلن فقيره ولبسها محتشم وما عليها بأحد تروح المدرسه وترجع أبد ما شفنا شيء منها الله يحفظها شلون بنت شالعه گلب حسين من مكانه.
فدوة لعمر حسين سيد گلبي، بقينا نسولف لما نعسنا وروح راح نام وكمت لكيت أهلي كلهم نايمين رجعت فتحت الأنستا، حظرت جلال ومسحت الرسائل ودخلت على الاصدقاء شگو صديق ما اعرف طلعته بقيت فقط طيبه وقادر وحسين زهور عباس ورفل وصديقاتي اعرفهن حق المعرفه خاف داخل بحساب وهمي والا جلال منين عرف حسابي اكيد جان متابعني بحساب وهمي واني ما ادري.
غيرت الصوره الشخصيه خليت صورة صورته هو وتميم ودزلي رساله
حسين كاعده حبي.
الطاف أتصل وجاوبته هاا عيني.
حسين حبيبي اريد أحجي وياج بمواضيع مو موضوع واحد وأتمنى تستقبلين كلامي براحة صدر بدون زعل او تفهميني خطأ.
ألطاف گول حبيبي أسمعك بكل حواسي.
متفقين.
متفقين.
أهلي يردون يسون اليه عرس وتعرفين أني عزيز أهلي رغم معارضتهم بس بالاخير وافقوا ومشوا وياي والحمدلله تمت الأمور على خيك.
والعرس لازم يكون أشهار ما ينضم هذه سنه مذكوره الاهل والأرقارب وأصدقائي وناسي يعني عرس عادي مثل بقية الأعراس فہ اللي أريده منچ تتخطين وتنسين الماضي وتبدين صفحه جديده ويه حسين وعائلته كأنما أول مره نلتقي صحيح گلشي صاك على السريع وحفلة اليوم كانت هي خطوبه هي حنه الج، وباجر عرسنا.
مو عبالك هواي.
الچ مو هواي، أعرف أفكار برأسچ أدور شلون يسون عرس وهما جانوا معارضين وشلون والماضي مالتي والناس تحجي وشلون راح اتأقلم وياهم وشلون.
ألطاف خليج وياي بكل كلام راح أكوله الچ وأنتِ بنفسج تثبتين نفسج، اللي يريد يعيش يتحمل واللي متأكد منه محد راح يحجي وياج دام أني موجود.
والوقت اللي رجعتج بي درسته زين ومن زمان أدرس بي، السالفه حجوا بيها وأخذوا وقت وتالي أنتهت أنطوت وهسه صارت بارده وخاصه أذا شافوا أهلي اللي وافقوا ومشوا وياي محد راح يحجي وخليت گلشي يم أبويه.
راح أسوي عرس وأثبت لناس العكس وأثبت موقف أهلي وياي ومتقبلينها بحياتنا وماكو بشر معصوم من الغلط ولو ادري بيج أنتِ ماشيه بهذا الدرب جان من رحت من يمج ما أرجعلج.
أي.
نعرفج أنظلمتي والله يأخذلج حقج من كل واحد ظلمج وهذاك اليوم من أجيتني وتردين أشهد على گلشي ورفضت مو لن ما اريد أوكف وياج لو أخليج بنص الطريق لا والف لا.
بس ما تسوى بعد نتكابح ويه الكواويد فشله ما أنزل لمستوى الحثاله ولا أتناقش وياهم وأكبر رؤوسهم وهما صغار.
الله أعلم بيهم بس نفضح نفسنا والسالفه ترجع تفتح وتكبر وتخثن ويخلون عليها ملح وبهارات وتعرفين الناس شلون يحجون يحجون بهيج مواضيع تصيرين علج بحلك كل واحد وبعد ما أكدر أرجعج واني ما صدكت تنسد والناس تسگت ترى السنتين المرت مو هينه عليه أني من كل گلبي حبيتج.
يحجي وأني أبجي، حسين اني نرزقت بيك اني محظوظه هواي ما اعرف شحجي بحقك، الله يقدرني أسعدك وما أقصر وياك وأكون الزوجه التحلم بيها.
أن شاء الله حبيبي، أكول شغله ثانيه وهاي أريدج تتقبلينها فتره مو أكثر.
شُنوْ هي عيني.
البيت بعد ما نعيش بي.
ليش.
عرفوا وين أنتِ ساكنه وأني أخاف عليكم هيج بشريه گلشي أتوقع منهم، لهذا قررت أعيش قريب من أهلي علمود من اروح خفاره لدوام ما تبقين لوحدج بالبيت لو أمي تجي تبات يمج لو أنتِ تأخذين الجهال تباتين يمهم وحالياً نعيش فترة مأقته بيت أهلي بين ما يكمل البيت مقابل بيت أهلي هذا صاحب البيت منطي مقاول وبالمر يلة قنعت صاحب أخذه منه فہ بعده ما كامل باقيله نواعم وهالسوالف شغلة أيام ويكمل ورانا الاثاث ننتقل بي كيفنا.
كيفك عيوني أنتَ سوي اللي يريحك بخيمه أعيش وياك شُنوْ تفصل أني البس من أيدك هاي لأيدك هاي.
َ فدوة أروحلچ، وهاا العلويه تگول كول إلها لاتجيب أي شيء من بيت القديم حتى ملابس!
ليش.
ما أعرف والله تكول طاقه سلبيه أفتحوا حياتكم بأيجايبه بيت جديد وأثاث جديد وملابس جديده أبدوا من الصفر، ومن تجين إهنا أخذي امي وزهور وروحي السوك وأشتري گلشي تحتاجينه وكل النواقص العندج.
يعني ما أشتري شيء هسه.
لأ أمي مجهزة گلشي الجرجف وحتى ثوب النوم.
تعرف أبنها يموت بهاي السوالف.
هذا هو گلبي.
لاتخلين أي شيء يتعلق بالماضي صفحه وأطويها
إن شاء الله.
أحبج.
روحي أنتَ.
عواطف ولك حسين أنزل عاد تعال أبوك يريدك.
حسين سمعتي لازم أروح أبويه يريدني علمود المعازيم لازم اروح اشوفه أترخص منج.
الطاف غالي روح الله وياك، أنتهى الأتصال دخلت طيبه وشافتني مبتسمه حضنتها وضليت حاضنتها طيبه أني فرحانه هواي فرحانه لدرجه أخاف احسد نفسي، تدرين محظوظه هواي نرزقت بي وبإهله.
لن تستاهلين كُلشي مريتي بي كان أختبار لمدى صبرج وتحملج واللي أذوج هما وربهم، ربي يدوم فرحتج يا روحي.
كعدت أسولف إلها كل كلامه وهي مبتسمه وياي
أحسن قرار أتخذه يسكن قريب من أهله يأمن عليج.
وهم يكون خلاج بين أهله وناسه ما يخليج بنفور وعزله دلاله على الكل متقبل وجودج، شخصية حسين حيل حلوه دائمًا يفكر بعقل جبير واعي ويأخذ الامور على مدى بعيد ربي يحفظه الچ
- أمين، أمين، مسحت دموعي دزيتله فدوة لروحك
دزلي صورة القاعه يسوي بيها العرس شافتها طيبه
أكوم أطكك حرمل.
ألطاف راحت وأني حضنت تميم ومبتسمه والعب بشعر زينه والأبتسامه ما فاركت وجهي وهذا الليل ما نمته أفكر ومن الفرح عيني ما غمضت.
نمت ب 6 وبالگوه كعدت ب 1 يوم الخميس عوفيني نايمه فدوة ميته نعس.
طيبه گومي يا عروسه ولج رحت أني وقادر لسوك وجبت ملابس ورجعنا وأنت لحد الأن نايمه وراي بناتي احير بيهم شُنوْ يلبس خبصني ما اعرف شيردن.
حاضنه المخده والجهال ماكو، وينهم تميم، زينه.
يم عمي ناظم وابويه بالاستقبال يلة گومي شوفي شُنوْ جبتلج شفته وعجبني خامته شتائيه يجنن.
تراك لون بيجي ثخين مخطط بأبيض يخبل وملابس نوم شنو هايہ ذوقج تسلمين گلبي، صدك ملابسي كلهن اخذيهن مالت البيت والدوام فرغوا الكنتور كله.
ليش ولج كله جديد حرامات.
العلويه كايله لاتجيب شيء وياها من البيت
هاا بس الملابس شعليها.
تكول طاقه سلبيه متلبسها بيها، شفتي هايہ الامهات شلون تفكر لبعيد.
اي والله لعد جان گلتي من الليل، أخذتج لسوك تأخذين كم قطعه شتلبسين.
گال تجين واخذيهن وروحي أشتري، هسه اوصي خاله ذهب تجيبلي كم ثوب وكم شغله أحتاجهن
ديلة گومي ترى ما ضل وكت زهور خابرت كالت
بال 12 تجي عليج تأخذج الصالون.
ماشي، كمت فتحت جنطتي طلعت فلوس انطيتهن لخاله وكتبت الها شنو احتاج خطيه لبست عبايتها وراحت واخذي الج هم.
ذهب گلشي ما اريد البس كونيه يكفيني اشوفج لابسه البدله ضلت بنفسي.
فدوة لعينج، راحت وتذكرت أني ما لبست البدله ولا فرحت بيها، الحمدلله عوضني بالأخير والبسها لحبيب روحي.
سبحت وطلعت من الحمام كعدت أشسور شعري وصبغت اظافري وطيبه فرغت الكنتور وبناتها فرحن بملابسي كلها جديده بالف عافيه، واجت خاله ذهب أي عاشت أيدج، طلعت ملابس ولبست من منهن وجهزتهن بالجنطه خلتهن يم الباب، جمعت ملابس زينه وتميم وحظرت الجنط باوعت الساعه فتحت تلفوني كومه دازلي رسائل.
حسين نايمه عروستي، وينج حبيبي، وكعت على صفحه تعالي شوفي التعب أنشك حلگي بطلت ما اتزوج ابويه خبصني سواها سريده امعط بعد ابوك.
ألطاف ضحكت على سوالفه وشعور حلو سكن روحي يارب تمم، دزيتله حبيبي قابل يوميه تزوج
لعيونج أتحمل گلشي يلة يجي الليل وأخذ حقي
اليوم الجو بارد.
ذكي كولي ليش اخذتج والجو بارد
ليش.
علمود ادفي برد السنين بين احضانج.
يروحي، عفت التلفون وكفت خليت مكياج خفيف باوعت الساعه 11 ونص وأندك الجرس اجت زهور ركضوا فتحوا الباب، شوي دخلت شكد حلوه وهي لابسه عبايتها ولبسها محتشم كلش وحلو هلا عيني.
زهور هلا بيج عيوني، هاا جاهزه نمشي.
الطاف اي عيوني، طلعت وياها وتميم ركض على عمه ولزمت أيد زينه تجين وياي هزت رأسها وأشرت على خالتها تبقين يمها ما تزعلين هزت رأسها ب لا حضنتها عيني أنتِ، اجت طيبه اخذتها ديربالج عليها فدوه.
طيبه بعيوني اصلا فرحت بناتي خل تغير جو وياهن، روحي ولاتشيلين هم عود نتخابر.
الطاف ماشي طلعت وياها، عباس شغل السياره وطلعنا وصلنا الصالون تميم تعال ماما.
عباس وين يجي يمكم يخبصكم، اخذه وياي زهور رفل هسه اجيبها خاف تحتاجين شيء.
زهور اي خل تجي عادي وكول لامي البدله بغرفة حسين نسيتها خل ادزها وياها والطرحه هم مو تنساهن طلعت مستعجله ونسيتهن.
خوش تحتاجون شيء خابروني.
ماشي يلة أتوكل.
ألطاف دخلت وياها وزهور گالت.
زهور أحسن خطوه أتخذوها أهلي يسون عرس
ليش.
ضربوا الناس على حلوكهم بعد محد يكدر يحجي
ألطاف والله ما ادري، دخلت وسلمنا وتحجي ويه ام الصالون وحجاب وهذا احسن شيء، بلشت تخلي مكياج وزهور وياي ما خلت شيء بس كل شوي تخابر عليهم واسمعها تكول.
زهور خل يحجون يمعود ختولي هي ميته من القهر لن ما اخذت بنتها شهد اصلا محد يحجي غيرها، اي اي ادري بيهم والله ادري.
شوفها هسه تروح بالقاعه شتحجي اللي ما يدري تكوله هو صوجك المفروض ما كايلين بوكتها وابويه بسلامته جان ما موافق وراح طشها بالعشيره كلها، يله يمعود لاتهتم شوف روح خيتك كول لامي خل تحاول ما تخليها ما تروح القاعه شگووو موليه، ماشي لاتهتم انت عيني أنت.
اي تخبل عروستك جاي تخلي مكياج اي حجاب عيوني هسه عباس كال بالطريق راح يوصل دزيتهن كلهن خوش خوش، تميم دزه ودز القاط مالته هاا تبقي يمك ماشي دربالك عليه، ديلة الله وياك عيوني.
ألطاف وأجه عباس ودخلت رفل واجت تبوس بيه حبيبه گلبي، طلعت البدله، وخلصت المكياج ولبسني البدله وزهور اجت وياي هي لبستني وساعدتني بيها، ورجعت ام الصالون ترتب الحجاب كملته تطلع أخبل بشكل حلو، ورفل طلعت الطرحه شكبرها خلتها على وجهي ما يبين شيء.
رفل هايہ غطت وجهه خطيه.
زهور هو هيج يريد يغار عيوني بس من تطلع تلبسها بالسياره تذبها.
ألطاف مر وقت واني وياه على تواصل.
حسين وصلت راح أخذج للبيت اهلج أهناك اخذج من يمهم وبعدها نطلع للقاعه ساعتين ونرجع البيت
ألطاف ماشي حبيبي، شوي واجه ودخل بكشخته وطلته الحلوه عيني هو وراه تميم كاشخ لابس قاط عيني طولك، تقدم باسني من كصتي وزهور تصور بينا.
أم الصالون عادي اسوي الكم جلسه تصور وانشرها.
حسين لا مو عادي ممنوك وخوما اخذتي الها صور ما اقبل اي صوره نهائي، زهور اني شنو وصيتج.
زهور ما اخذت والله ولا صوره.
أم الصالون هذا هو على راحتكم ومبروك عليكم.
ألطاف لبسني الطرحه طلعنا أني وياه وهو شايل تميم لازم أيدي وكدامنا مصوره بنت تصور بينا صعدت السياره بالصدر كدامه وتميم بحضني ويصفك ويغني وشغل اغنيه فرحتنا جبيره بزفة الغالي وكرص تميم من خده وشغل السياره ورفل وزهور راحن ويه عباس والمصوره اجت ويانا.
وصلنا البيت ونزلت دموعي واني اشوف اختي وبناتها وزينه كاشخه ومبتسمه انهاريت بالدموع ما اعرف شصارلي اخاف افز والكاه حلم
حسين صدك تحجين الطاف وكت بجي هسه كولي يلله بابا، خاف بطلتي ما تردين تزوجين هاا لطوف نبطل اروح هاا.
الطاف لا لا تروح، ضحك ودخلت وياها عمي ناظم مسح دمعته وابويه اخ ابويه حضنته وبجيت انفجرت بحضنه يابه يابه يابه، كام يشهك ويبجي وياي، مسح دموعي واجه عمي طبطب على اكتافي.
ناظم الله يسعدج تستاهلين كل الخير ديري بالج على زلمتج خوش زلمه تستاهل ماي العين هو واهله
بعد ما اوصيج عليهم.
بعيوني، أبويه ما حجه شيء بس يبجي تقدم حسين باسه من رأسه وسلم عليهم كلهم وشوي واجت السيارات ودخلوا الأستقبال وصارت هوسه وتقدم بصفي لزم ايدي وشد عليها صفنت عليه مبروك علينا حبيبي أشكرك هواي اشكرك ما اعرف شلون اجازيك على الفرحه الدخلتها اليه ولاهلي جبرت خاطرنا الله يحفظك اليه.
تدللين.
الطاف وكف ابويه وعمي وطيبه وقادر وجهالي زينه وتميم صاروا كبال حسين أجتمعنا والمصوره أخذت النا صور، ودعتهم وطلعنا شفت 7 سيارات بالزفه، صعدت بس اني وياه والمصوره ويانا وتميم بحضني باوعت على زينه اجت باستني ودمعت عيونها.
حسين خل تجي يمج خطيه، تعالي حبيبتي صعدي.
الطاف نزل فتح الباب وصعدت بصف المصوره
ورجع شغل السياره وطلعنا، أفترينا بشوراع بغداد والجو بارد وتميم بحضني صافن هاا حبيبي تعبت.
تميم لا بس زعلان ليش ما شغل فزت بيج.
حسين علمود هاي مو صارت مركه وبلا ملح خوما كل شوي هي.
تميم ما.
تدلل وهاي شغلتها الك.
الطاف شغل اله وفز ويصفك وحسين خربان ضحك واشر المصوره تصوره وكامت تصور بي هو يغني ويفر برأسه.
حسين سرسري شايف واحد يحضر عرس امه وابوه فدوة رحتلكم انت وامك.
ألطاف غمزلي وكمل سياقته واتصل تلفونه وجاوب
حسين هاا عباس، شُنوْ! شجاه تخبل هسه وهو شعليه بيه واذا عميييي خل يطير.
شنو هو على كيفه اني حاجز قاعه ودافع كومه فلوس وين اخذهم البيت بهل البرد والاستقبال صغير يوسخون البيت يمعود منو يضل ينظف وراهم انت شايف المزعطه اللي يجون ويه امهاتهم.
خل يطير اني متوجه للقاعه اللي يحب يجي وراي الف هلا بي والما يجي طبه مرض ما يهمني احد دام حصلت الموافقة من ابويه والعلويه طززز بإكبر واحد خل يحجي بعد منا لبعد الف سنه اني تزوجت بعد اذا زلمه خل يجي يحجي بوجهي اشوفه الزلم شلونها، لاتخليني انزع المستحى واروح اهد عليهم
ماشي لاتجاوبه بعد خل يحجي لوحده باي.
ألطاف شمر التلفون وفرك وجهه بأنزعاج ورجع اتصل وجاوب.
حسين هاا يابه، شبي اي گالي عباس لا وين الغيها حاجز وراح اوصل مسافة الطريق، هو منو جاي كم واحد والبنات ليش يسوي العرس زقنبوت عليه ادري ناهب مكود.
وهسه...
العلويه شتگول، انطيناها، هاا يمه حركوا دمي والله يعني مو وضعيه وين جانوا البارحه لا خطيه ما يدرون مو حركت الجو بالحديقه اني واصدقائي ما سمعوا خطيه اي خطيه، يمه رحمه للاسلام رحمه لدينج، وصلت بس الف سيارتي، ماشي من القاعه ل البيت والغرفه جهزتيها خوش اعتمد عليج باي.
ألطاف اعرف ما تمر سلامات وراح يحجون شلون يسويلها عرس، رجع عباس أتصل وجاوب بقلة صبر.
حسين هااااااا خيكرررر شگوووو أنوب زين منو رجع، منو منو الراجع والبنات شنو ذنبهم خطيه هنا اجن باركن اليه وفرحانات بس عمامكم أجلاب وحقراء شلون حسين سواها ورجع تزوج وسوالها عرس شلون وانييييي شعليه بصخمااااان، عباس اذا اتصلت انوب انزل اكفر بيك وحق محمد، يلة وصلنا نزلوا، دزلي رفل او زهور يلة.
ألطاف وكف السياره ومزعوج نزل وراح يخابر واجت زهور وطيبه حست الاجواء مو تمام اجت اخذت زينه يمها اشرتها أخذيها يمج هزت راسها ساعدني البنات وهو اجه تقدم لزم إيدي ودخلنا القاعه ونزلوا ودخلنا وبلشت اجواء القاعه والاغاني والدخوليه، كعدنا وهو بصفي واجت زهور باسته
زهور لاتهتم خيولون يحجون ويسكتون ما عليك من كلامهم زوجي راح الهم وهسه يحلها ويجي.
الطاف ما رد عليها بس تأففف ومزعوج حيل، لزمت ايده باوعلي وأبتسم.
حسين عادي يمعوده افرحي لاتهتمين خيولون.
ألطاف اجت المصوره وبدينا ناخذ جلسات تصوير وهو شوي مزاجه تغير وشفت ضحكته وزهور كامت تبجي من شافته يضحك خطيه اخوها.
اخذنا صور وتميم ويانا وزهور وعباس ورفل وبناتهم وزوج زهور هم اجه واخذ صور ويانا وبارك النا وحضن حسين وطبطب على اكتافه.
مر وقت والاجواء كلش حلوه وصاحوا بالسماعه
وهسه رقصه العرسان جاهزين.
ألطاف باوع عليه، أستحي حباب
حسين گومي حبيبي وطز بيهم خل يحجون
ألطاف لزم أيدي ومشيت وياه ورقصنا والأجواء والشعور يخبل گلشي جان حلو صافنين بعض لأخر العمر أبقىك أحبك لأخر نفس بيه.
أحبج
أحبك، خلصنا رقص وكعدت وهو بصفي وصاحوا
تستروا اصدقاء العرس أجووو واحلى هلوله لعرسان وتحيه طيبه لعائلة حسين التميمي.
الطاف لبسوني الطرحه اشوف بس قليل دخلوا جماعته واستقبلوا احضان ومباركات ويضحكون وكاموا يركصون ركص يخبل وعباس هم وزوج اختهم وأصدقائه كلهم من عمره ركصهم شبابي وحركات تضحك وناصبين عليه وهم هم يركص وياهم فدوة لطوله همزين اجوو غيروا من نفسيته والبنات كلهن لبسن شالات وصايات تسترن ولاحظت ولا وحده بيدها تلفون الظاهر بالدخوليه سحبوهن منهن.
شال تميم ويفتر بي ويركصون هو وياه وجماعته يأخذونه من واحد لواحد وتميم طاير وفرحان مسحت خدي كومه باجيه، تقربت طيبه رفعت الطرحه.
طيبه مكياجج أخترب حرامات اوكفي ارتبه الج
ألطاف جابت كلنكس وكعدت ترتب بي هاا عيني
هذا هو، يمكن راح يطلعون تلفوناتهم تركع خبصوا الجو عليهم الظاهر ما راضين على القاعه بس حسين مسويها كوه عليهم.
ألطاف سگتتت، وعباس يأشر اله وهو ما مهتم لاحد ويركص ويه أصدقائة ذبوا لحمم ذبوا سترهم وحركات تضحك شالوا وكلنا ضحكنا عيني أنت فدوة لطولك، نزلوا وشال تميم وتشكر منهم واجه عليه
حسين يلة نمشي عباس يلة، هاا شخبار الجماعه
عباس انجلاط جماعي سمعان بي هذا صار بيهم
الله وكيلك تلفوني وكف من كثر اتصالتهم انوب مشكله ما أكدر احظر يكلبون عليه والقهر يكولون شلون يدخل جماعته القاعه وكلها بنات.
ترى بلغتهن وكلهن تسترن وكعدن ع صفحه وهنا كم وحده ليش تردون الزله ع حسين لو حرام عليه افرح واصدقائي يشاركوني فرحتي وين عايشين احنه واني من البارحه بلغت امهاتهن اخذن عبي اصدقائي يدخلون يركصون ليش تخلوني اركب سيارتي واهد عليهم
زهور سويت العليك هذا هو خل نتوكل البيت وليش ما فهمتهم القاعه علمود أصدقائك يردون عرس وبيتنا صغير وين نخليهم وناس تريد مكان والجو بارد.
حسين ما يحتاج بعد افهم احد، هسه اوصل وكلمن يبلع لسانه بحلكه وابن امه وابوه يحجيله حجايه
ألطاف تقدم لزم ايدي وطلعنا واجت زهور ساعدتني واخذت تميم يمها لن تعب.
حسين نوميي تفسخ صار وصلتين ذب لحم بعرس ابوه الوحيدين هو واصدقائي ركصوا من كل كلبهم
زهور هههه عيني هو، يلة امشي انومك اليوم تنام يمي يلة تعال.
حسين اكو سفن معدتي حمضت من ورى الجماعة
زهور اكو بيبسي تريد.
جيبي إثنين.
ألطاف جابت اثنين، فتح وحده وقدمها اليه
حسين هاج حبيبي شربي، يلة راح نطلع مو تنسون احد مثل عرس عباس نسيتوا جهال اثنين وخبصتونا
الطاف شربنا وشغل السياره وطلعنا للبيت.
حسين عبالي نروح فندق.
لا عادي حبيبي.
فديت.
جان مشغل اغاني صوتها زين ومن وصلنا عله الصوت وانفتح الباب ودخل وزلم معكلين كاعدين بالحديقه وجهوهم ما يكصها سيف الله يستر، عمي اشرله هو ما اهتم هز راسه ب لا يمكن كاله طفي اغاني وهو ولا اهتم غيرها وعلى الصوت ونزلني وكعدت وهو بصفي والتموا البنات من كرابيهم ولاحظت ولا وحده بيدها تلفون واجت المصوره
وصاح العلويه وعمي وعباس وعائلته واخته وزوجها وبناتها وانجمعنا وتميم مطفي واخذنا صور جماعيه
حسين يلة امشي.
الطاف تقدم اخذني من ايدي ودخلنا من باب المطبخ وصعدنا الطابق الثاني، فتح الباب دخلنا وقفله وراه ورن تلفونه.
حسين خيكررر شگوو انوب، والله ما انزل بعد خل يطير خل يشوف داير مدايره كم حايط يركع راسه بواحد منهن ومنو عاتب عليه ويجي ويبنص بالنص.
ما اجييي والله وتميم خل زهور تنومه لن تعبان وهاا بوسلي ابويه من عيونه على هاليوم هههه ديلة روح امشي ولي عاد، راح اقفل تلفوني والله اليصعد فوك الا اشمره لاتخبثون خوش ديلة باي.
جنت لابسه الطرحه، تقدم رفعها وضل صافن بوجهي.
حسين بوسيني علمود اصدك اني رجعتج وسويت عرس وفرحت على عنادهم كلهم.
ألطاف تقرب باسني من خدي وضل يشم عطري
واخذني بحضنه...
مخليني بحضنه وصافن بوجهي حفظت شگلي.
حسين حافظه من زمان وكل خط وكل تفصيل بي رغم الوقت العشت بي وياج قليل بس جان مهم كلش بالنسبه اليه، تعالي تعالي.
يلم بيه ويحير شلون يحضني شد عليه بأحضانه
ويبوس بيه وكل بوسه اقوى من الثانيه، ما اعرف شُكثر مر وقت ورن تلفونه جاوب وهو حاضني.
حسين هاا عيني هاا روحي هاا گلبي.
العلويه بالخير عليك يمه، أنزلوا تعشوا عشاكم جاهز تحبون اصعده الكم لو تنزلون.
لا ننزل نتعشى وياج، يلة لطوف ننزل ولو ما جوعان وجودج گافي عليه.
بسته من خده أحبك.
فديت مريتي.
ألطاف كام لبس وكمت وراه حضرت ملابسه وملابسي وياه ومناشفنا.
حسين فوك ماكو حمام ننزل جوه اتحملي بس هالفتره
أني جانت غرفتي جوه مقابل غرفة أمي وأبويه بس تميم أفندي اخذها امي سوتله غرفه وشمرتني فوك.
ألطاف لا عادي، حضني وباسني من گصتي ولزم إيدي ونزلنا سوه اني وياه هو دخل سبح وطلع يسشور بشعره، واني دخلت سبحت وطلعت رتبت نفسي جنت لابسه ثوب قديفه مخمل لون بنفسجي وشال وهو تراكسود.
كاعدين بالصاله على كاع وفراش دواشك ومدات ومشغلين الصوبه بس عمي وعمتي ماكو احد البيت فارغ وهدوء.
حسين اي خفت الهوسه راح العيد وهلاله وكلمن رد لجلاله.
أبو حسين هههه ولك ما تبطل سوالفك بالخير عليكم عمي الله يهنيكم.
الطاف الخير لجميع اشكرك عمو، أجت العلويه بيدها الصينيه كمت اخذتها منها، فرشت السفره كدام عمي وحسين وانزل الاكل من الصينيه وهو صافن عليه ومبتسم كرصني من خدي كدام اهله همست عيب من اهلك اكعد عاقل ضحگوا كلهم.
كعدي يمه اني اجيب الباقي
عواطف لا بنيتي كعدي ما عندي شيء.
لا والله تكعدين، أبتسمت رحت جبت الباقي والخبز خليته كدامهم وكعدت بصفه تميم نايم.
عواطف - اي والله زهور عشته ونومته ونظفت هي ورفل وراحت.
حسين ما قصرت فدوة لعينها.
ألطاف مدلي الخبز وسميت بسم الله جان عشانا كباب ومشاوي بس هما روبه وكليجه واجبان وقشطه والچاي على الصوبه، كمت صبيت الهم وخليت كدام عمي، حسين تريد.
حسين أي صبيلي.
ألطاف صبيتله وكملنا عشانا وهو وابوه يسولفون على عمهم وعاد گال.
ابو حسين حجيت وياه بعد ما تنفتح هالسالفه خلص گافي بعد ما بيها داعي طوخوها هواي لن شافوني ساكت.
حسين بيك البركه حجي ما قصرت الله يطول بعمرك وينطيك الصحه والعافيه.
الطاف كام باسه من رأسه والعلويه مبتسمه، خلصنا كمت شلت المواعين رادت تغسلهن والله ولا تمدين ايدج اني اغسلهن.
عواطف يمه أنتِ عروس ما يصير روحي كعدي يم زلمتج متعلمه اغسل المواعين.
لا والله ما تغسلين.
الله يرضى عليج يمه.
عمه عادي أكولج يمه، باوعت لي وصفنت بوجهي
هو أنتِ بنيتي والبنت طبعًا تكول لامها يمه.
حضنتها فدوة رحتلج ربي يحفظج النا أنتِ أمي.
ربي يسعدكم ويحفظكم.
دخل حسين وضحك وگال
حسين هاا بدأت مشاحنات بين العمه والجنه تعاركتن على المواعين مو.
عواطف ياويلي على سوالفك.
الطاف ضربته على كتفه ومشت وهو اجه هاا عيني
حسين فرحان بطولج يفتر بيتنا وتغسلين مواعينا
فدوة.
يلة حبيبي خلصي شغلج وتعالي منتظرج لاتطولين.
ماشي حبيبي، راح بديت اغسل المواعين نظفت المطبخ وكملت گلشي وهما كاعدين يم الصوبه عمي يگلب بتلفونه وهي مشغله التلفزيون وتباوع برنامج ديني، يمه محتاجه شيء بعد.
عواطف سلامه گلبج أصعدي لزمتج گلشي ما محتاجه.
الطاف ماشي، يمه تميم بيا غرفه أشرت عليها ورحت عليه فتحت الباب غرفته تخبل السرير عباره عن سياره ونايم ومبين التعب عليه دنگت أبوس بي واشم عطره فدوة لنومتك الحلوه، غطيته وصعدت الغرفه لكيته متمدد يگلب بتلفونه شافني عاف التلفون وفتحلي حضنه واخذني اله بحبه وحنانه.
كعدت الصبح باوعت الساعه بال 1 رفعت رأسي بسته من خده جريت الغطا غطيت صدره العاري وتلفتت بين احضانه.
حسين لاتنزلين تبقين بحضني.
ألطاف امرك حبيبي، رجعت كملت نومتي بحضنه
مر الوقت گعدنا على دکه الباب صوت تميم، حبيبي
حسين هذا تميم، أجيت بابا.
تميم بابا، ماما.
ألطاف سوده بوجهي يبجي. ، نفض الغطا لبس عالسريع جريت ملابسي لبست وطلعنا لكيته يبجي حضنته اسفه حبيبي
حسين ليش تبجي هاي إحنه يمك شو تعال عليه
تميم رحتوا وخليتوني بس بيبي كالت فوك.
ألطاف شاله يبوس بي واني وراه العب بشعراته جيبه الغرفه اهنا بارده، دخلنا الغرفه شغلت الهم الصوبه الكهربائية، كعد وخلاه بحضنه شمر نفسه عليه تعال حبيبي.
تميم جوعان ماما.
حسين هسه نروح اني وياك ونشتري اللي تريده
تميم يسسسس يعيش بابا.
حسين اي شفت اعرف سوالفك محيل وملعب أبنج
هاي طنگيره علمود ما يأكل بيض أو حليب وتالي ناخذه السوبر ماركت يشتري حلويات يأكلهن ويسكت واكيد تلاغوا هو وأمي، ماكو حلويات الا تأكل.
تميم ما.
حسين مو كيفك.
ألطاف ما يصير ماما طبعك خربان ويرادك نظام أمشي يلة ننزل تأكل ريوكك ويه بيبي ما اقبل وازعل عليك بعد ما احبك، هز رأسه وحضني
تميم ماشي بس اريد بيض عيون بيها اصفر هواي
أي تدلل نسويلك بيض عيون وأصفر هواي.
حسين شسويتله ولچ.
ألطاف سر.
إذا بيوم زعلت منج تراضيني بهل الطريقه.
أصلاً ما أخليك تزعل
لك فديت، نازل أسبح.
تمام حبيبي، حسين.
ُ ها روحه.
أحبكم، تقرب باسني من گصتي.
فدوة لهل الصباح الحلو.
ألطاف نزل كمت شفت تلفوني راسلت طيبه شلونج زينه شلونها خوما تبجي ما فاتحه نت أتصلت عليها ما ردت، تالي كمت رتبت الغرفه وتميم أنطيته تلفوني، فتحت الكنتور مالته وهبت عليه عطره شميت قمصانه، طلعتله ملابس وملابسي بخانه طبعاً ذوق العلويه لايُعلى عليه.
نزلنا أني وياه، لكيتها كاعده تنظف خضروات شافته كلبت وجهه منه وكالت.
عواطف لاتجي ما اريد اشوفك زعلانه منك.
ألطاف شوف بيبي زعلانه منك يصير ماما، أمشي راضيها إذا ما رضت بيبي اني بعد ما احبك، راح عليها يبوس بيها وحضنته بكل قوتها وتبوس بي
عواطف منا وهيج لاتعاندني يوميه على الريوك
تميم ماما تسويلي عيون أنتِ تسوينها عينها مفكوسه
عواطف أبوك منو ناختك نخت.
ألطاف عفته يحجي وياها دكيت باب الحمام فتحه شوي وجرني عليه وقفل الباب شتسوي عمتي كاعده بالمطبخ ماتكول وين راحت.
حسين ما عليج تعرف إبنها سريري، تعالي ما جاي أشبع منچ موتنيني بنت الاوادم.
ألطاف ما كدرت أفلت منه سيطر عليه...
طلع وسبحت وطلعت وراه، غسلت ملابسنا وشفطت الحمام، وصعدت وراه لكيته يرتب بنفسه، كعدت امشط شعري، حبيبي اطلب منك طلب.
أنتِ ما تطلبين أنتِ تأمرين.
شُنو هالدلال.
تستاهل حبيبي.
أريد عبايه نفس عباية زهور والعلويه حابه البس مثلهن عادي تقبل، عاف المشط وباوعلي وضل صافن.
الشيء اليريحج وحابته أقبل ليش لا ما عندي مانع
هاي من الزينات وأحب إلى قلبي.
خلص دام هيج جيبلي وحده
اكول ل أمي هي تجيبلج وهسه نازل أكولها وراح تطير من الفرح أمي تحب الستر والعفاف باللباس والتزام.
ربي يحفظها، واني صرت وحده منكم وحبيت البس.
ُ أكيد منا وبينا، بس حبيبي خوما تجبرين روحج على شيء أنتِ ما حابته علمود ترضيني، ترى ما أتدخل بلبسج نهائي لن أساساً محترم وما بي أي عيب وعاجبني ف كوليلي عادي.
لا أبدا والله من ذاتي وقراري أنت ما دخلك، باسني من كصتي.
تمام حبيبي هذا هو، خلصي وننزل نتريك سوه اريد اكل وياج شهيتي اليوم مفتوحه العافيه ردتلي.
تمام عمري، نزل، مشطت شعري رتبت نفسي واكفه اخلي مكياج وبيدي قلم الحمره واجه حضني ويبوس برقبتي بحنيه الحمره راح تخرب جر القلم من ايدي وخله شفايفه واخذ شفايفي بقوه وبادلته اللهفه والشوك واحد يسابق الثاني منو يثبت حبه أكثر إثنينا فزنا لن إثنينا نموت بعض واحد يدمن الثاني علاقتنا أكبر من الحب
حسين هسه صارت حمره طبيعيه بدون ألوان صناعيه.
ألطاف كرص شفتي وشال تلفونه ونزل بقيت ارتب مكياجي ورن تلفوني طيبه جاوبتها وينج مختفيه ضل بالي عليكم زينه شلونها خوما تبجي خوما ضاجت.
طيبه لا كلش زينه ومزاجها متعدل نيالج تلعب وتضحك ويه البنات تونست خطيه لو ادري من زمان جايبتها يم بناتي خطيه هالبنت مظلومه، شايله همها تدرين
ليش عبالچ اعوفها.
لا مو تعوفينها أعرف بيچ متعلقه بيها بس ألطاف صعبه تأخذينها تعيش يمچ وأنتِ بيت عيالچ منو يكول يوافقون وحقهم لو ما وافقوا.
زينه ما اعوفها واذا فكرت اعوفها اكون أم أنانيه ما فكرت الا بنفسها وقتها استحقر روحي وما افرق عن إبوها بشيء بس مستحيل اعوفها واتخلى عنها وعيالي ما باقيه يمهم بس يكمل بيتنا اخذها يمي هاي روحي منو الها بالدنيا غيري ابوها واحد نذل شتتوقعين منه حتى موقفه يطالب بيها جان ضعيف كلش عبالك جاي يبيض صفحته كدامي وبس لا علمود بنته ولا هم يحزنون هاي كلاوات اتخذها حجه عباله إني غبيه وتعبر عليه فيصل اكثر شخص اناني شفته بحياتي يفكر بنفسه وبس.
أنتِ اعرف وهسه بقيها يمي بين ما يكمل بيتكم
ماشي دربالج عليها ما اوصيچ بعد حبابه
بعيوني لا يضل بالچ، اي سولفيلي شلونج وبالخير عليج متصورين شكثر فرحانه الج.
الله يبارك بيج حبيبتي أنتِ خيتي بقينا نسولف وانتهى الإتصال ونزلت لكيت زهور ورفل موجودات جايين سلمت عليهم ورحت جبت الضيافه ضيفتهن وبقينا كاعدين وصار وقت الغده صبينا غده وزهور غسلت المواعين اني صبيت الجاي وقدمت الهم بقينا كاعدين وتميم بحضني يباوع بالإيباد هو صاير مقابيلي شال تلفونه كام غمزلي يعني طفري ولحكيني
صعد فوك عيب مو مال اكوم تميم بعده كاعد دزلي رساله
حسين شو ما أجيتي حبيبي.
ألطاف بعد كاعدين وتميم وين اعوفه ينام يلة
عوفي يم أمي هو متعلم عادي خوما صغير، يلة دتعالي
ما اكدر والبنات كاعدات جاي نسولف شلون ما رد عليه
شلت تميم تنام حبيبي
اي انام يمج بغرفتكم
زهور ورفل ضحكن
زهور غير يتخبل اذا صعدتي وياج، حبيبي تعال نام يمي
تميم ما اريد يم أمي
ألطاف تعال حبيبي تصبحون خير
وأنتوا بالف خير عيني.
ألطاف صعدنا اني وياه فتحت الباب الغرفه ظلمه واضويه لون أحمر ومشغل شموع واغاني اليسا مسيطره على الجو والرومانسيه فول، أنداريت الاخ بملابسه الداخليه ومتمدد شافنا أنصدم
حسين شو جبتي وياج حبيبتي
ألطاف هو يريد ينام يمي شسويله ما يقبل والله
امري لله، تعال بابا تعال اليوم عرسك ويه عرسي
ألطاف اخذه ونومه بحضنه وصفنت عليه كلبت وجهي وزعلت فتحلي حضنه
تعالي من هالجهه بين ما ينام هالفصعون.
سوى اليه مكان ونمت بصفه حسين صار بالنص وإثنينا حاضني، نباوك تميم ننتظره ينام رجع صفن بوجهي غمرني بحضنه وتميم نام كام شاله بحضنه وين
انومه بغرفته يتعود للزم يتعلم ينام لوحده، انومه بغرفته واجيج مو تناميين راجعلج.
نزل طفرت لبست مشلتح وفتحت شعري صابغته لون نحاسي شقرات ورشيت عطر واني واكفه اجه هو قفل الغرفه وتقدم يمشي بخطوات بطيئه تقرب لف إيده خصري وطبع بوسه على خدي وتلمس شفايفي بطارف اصبعه.
راح اقيم حرب بوسط الساحه واخلي اثر والطخها بالدم دمرني شفايفچ فتنه
لطخها الك وملكك لوحدك تقرب حضني خدرت بين إيديه ولمساته الحنونه اخذ شفايفي بحب وبادلته بهلفه قاتله ودخلنا حرب الرومانسيه والشموع والاضويه الها دور تسوي اجواء ملوعه بالحب
واكتشفته هو من النوع اللي يحب الدلال بالغرفه واللبس والدلع والرومانسيه وما أقصر وياه اخلي بنص عيوني.
عشت تفاصيل حياتي وياه بكل حب حبني حبني من كل قلبه أمتلكني كلني، هو النفس اللي اتنفسه هو العوض نهايه المطاف نهايه الرمق الاخير وأكتملت حياتي بوجوده.
رحت اني وزهور والعلويه السوك واشترينا ملابس لدوام جهزت نفسي من كلشي جهاز عروس وكثرت ملابس النوم كومه اخذت وشموع وعطورات ومكياجات عندي اهم شيء هو الباقي الحك عليه حسين رقم واحد بحياتي ماكو اهم منه هو وبس.
والبيت والجهال وشغلات للمطبخ وما خلصنا، رجعنا العصر هم رحنا كما الباقي النواقص من نواعم وسوالف والاثاث هو كال يأثث هو وعمي والولد يساعدونا للمغرب يلة رجعنا والوقت متاخر خايفه وايدي كلبي يمه تأخرنا هواي
عواطف غير نخلص يا امي قابل كيفنا، لاتخافين منه ما يحجي بعدج عروس واذا يشوف ملابس النوم ينسى ويسيح ويموع بحضنج ابني واعرفه يموت بهاي سوالف بس البسي اله احمر يطيرن خبالاته ويصير بين ايديج
يمه شمعرفج بي.
محد يعرفه بكثري غير جان يجيبلي ملابس نوم ويكولي لبسي لابويه وعمج مكيف ويكوله كثر يبعد ابوك ذوقك بهل السوالف يعجبني وهما نفس الشيء الخلف الخلفوه حسين مثل ابوه سرسري.
زهور ياااااا علويه فضحتي زلمتج وابنج واي عيبى.
ألطاف ضحكنا متنا ضحك وخابرت عباس اجه اخذنا وعرفت حسين هو وعمي يشتلغون بالبيت ووصلنا وهو جان واكف ويه عمي يم الباب وتميم بصفه شگله مزعوج خفت منه يعصب، دخل السياره داخل البيت ونزلنا ودخل هو ورانا بعصبيه وشكله مزعوج
حسين مو بعد وكت هواي تأخرتوا وعشه ماكو شدعوه هلكد تأخرتن ادري الصبح ما خلصتن والعصر لليل يلة تشرفن
ألطاف باوعلي وتهربت منه نزلت الاغراض وگال.
عوفيهن بالسياره عباس يوديهن البيت وين تنزليهن امشي صعدي الغرفه
مشيت من يمه همست بصوت ناصي أحبك كلتها وطفرت صعدت اغير ملابسي وسمعت الباب أنقفل دخل ومخلي إيديه بجيبوبه
شو ماخايفه ولا تكولين تأخرت حبيبي حقك عليه ولا برررتي موقفج أدري رجال ناطور الج هاا ست.
غير محتاجه شغلات
بيوم واحد تكمليهن يعني شرط كلهن مره وحده.
وأنتَ ليش عصبي ومزعوج ياعيني أنت ذبيت ملابسي على الجربايه وتقربت حضنته من رقبته وبجراءه بسته من شفايفه يلة لحكت حبيبي شسوي قابل غير محتاجه شغلات وبعدين النهار قصير وازدحامات بمناسبة رأس السنه والوقت يركض ركض بالكوه لحكنا
هاا يعني من ورى الازدحامات
احجي واميل ايدي على وجهه واناملي بفروة رأسه واهمس بإذنه أشتاقيتلك، انتهى وخدر بين أيديه امتصيت غضبه قربني اله ولف إيده على رقبتي وجر شعري وحجه.
إشسويتي أنتِ فاتنه عظيمه
التهم شفايفي واخذني الحضنه وتملكني متوسده حضنه وحنانه، جوعان أنزل اسويلك عشه
خليچ بحضني، بعدين ولچ أشسويتلي
حبيب عيوني أنتَ ما سويت شيء حضني وتمسكت بحضنه والامان لكيته بحضنه هو اماني وحياتي كلها هو كلشي.
نزلنا تعشينا عفته هو وعباس يحجون علمود البيت واني أغسل ملابسنا خلصت صعدت نشرتهن على المنشر بالصاله الفوك واسمع صوته الحلو
حسين ألطاف نزلي عيني ولبسي شيء نروح البيت.
ألطاف جايه عيوني، دخلت غرفتي لبست فوك ملابسي ونزلت لكيته ينتظرني عبرنا الشارع مقابل بيت عيالي بينا بس الشارع فتح الباب وبسم الله ما شاءلله بناء جديد الاستقبال والهول واجهية البيت وبصفهن ممر معزول ياخذني على الصاله جبيره ومفتوحه والمطبخ صاير نهاية البيت حبيت التصميم المطبخ بارد بالنص والغرف وحده مقابل الثانيه واكو باب من المطبخ ياخذني على المنور بي مطبخ حراري صغير ضليت صافنه هذا بيتج الطاف واخيرا راح تستقر حياتج ويه الرجال تحبينه واطفالج ما جاي اصدك امسح دموعي وهو اجه من الاستقبال.
حسين عجبج حبيبي
ألطاف عاشت ايدك حبيبي، كبل حضنته وتمسكت بحضنه ما تصور فرحتي
تستاهلين وأن شاء الله ما اقصر وياكم
حشاك من القصور حبيبي، أفترينا اني وياه وصعدنا السطح وصار بيت عيالي كبالي امي تفتر بالحوش شافتنا ورفعت ايدها ضحكنا ونزلت، لكيت عباس منزل الاغراض خليتهن بالمطبخ
حسين باجر اروح اجيب الاثاث والكاونتر وغرفة نوم والجهال هم اجيبلهم تميم وزينه هم سراير وكنتور يعني شغلة أيام مو هواي ونسكن بيتنا.
ان شاء الله حبيبي يحجي وأني صافنه عليه لحد الأن ما مصدكه اني وياه رجعنا أنجمعنا رغم كل الظروف والمشاكل والاحداث الصارت ثبتلي حبه وفاءه واخلاصه وتحدى الكل وبالاخير رجعنا لبعض.
بغرفتي اراسل طيبه علمود زينه وادزلي صورها وشلون متحهزين وملبستها احمر كرسمس يحتلفون ودزتلي الشجره والكيك والشموع والله عندج سوالف شنو هالترتيب والجمال
طيبه والله ما اني بس بناتي يردون ويشوفون صديقاتهم وناس تشوف ناس.
اي شگو بيها فدوه لبنيتي طالعه تخبل احلاكم كلكم دمعت عيني فتحي كاميرا اشوفها فتحت من شفتها وصافنه عليها أشتاقيتلج أسفه ماما كلها ايام وأنتقل للبيت واجيبج يمي
ليش تبجين وتخلينها تبجي وتنقهر وبنتج من نوك تكتم داخلها خطيه ولج شو ضحكي وسولفي وياها.
أعرف بيها تنقهر وعبالها عفتها والله ما أعوفج بس صبريلي هزت رأسها وأبتسمت وطيبه حضنتها نهيت الأتصال ما كدرت استحممل أكثر، مسحت دموعي خاف يجي حسين ويشوفني، رجعت التلفون الشاحن باوعت الساعه دقائق قليله وندخل سنة 224 ونودك سنة 223
وصلتني رساله الواتساب فتحتها حبيبي
حسين نزلي تعالي الحديقه گبل اني وتميم نباوك اطلاقات الناريه ولو امي ما ترضى بس نباوك وتميم خبصني يريد يشوف.
نازله، لبست الروب فوك ملابسي وذبيت الشال شعري ونزلت الاضويه طافيه فقط المطبخ مشتغل وعمي وعمتي نايمين باب غرفتهم مقفول، تمشيت الهم لكيتهم كاعدين وتميم يباوع ويصفك شاله ورفعه فوك وبدأت الاطلاقات الناريه ودقت الساعه ودخلنا سنة 224 سنة خير يارب
وكفت بصفهم وحضني خليت رأسي صدره وتميم يصور بالأيباد وضحكنا عليه عاد حسين طلع الايفون مالته فتحله الكاميرا وعلمه عليه كام يصور.
الجوارين اطلاقوا بالجو الشكل كلش حلو بالسما يصور واني وابوه واحد حاضن الثاني قلب الكاميرا علينا اثنينا ضحكنا وأخذ التلفون منه وتصورنا سوه وحركات
حسين يلة الجو بارد كافي بابا نصعد انام باجر وراك دوام
تميم باجر عطله
حسين ما ناسي لك شنو انت، يلة كافي هسه العلويه تكعد ما تقبل تكوم تحجي علينا بسرعه بسرعه نركض الفراش انام قبل لاتكعد وتشوفنا
ألطاف ركض كدامنا واني لميت الروب ورجع اندار عليه.
حسين سنة خير علينا يارب ونعيشها بسعادة ابديه
ألطاف حضني وتمسكت بحضنه أمين ربي يحفظك النا
دخلنا البيت هو صعد قبلي واني رحت يم تميم بقيت يمه نومته وهو حاضن الدب مالته صارت ب ال 1 سحبت نفسي كيف وغطيته وبوسته نوم العوافي حبيبي بطلعتي العلويه طلعت من الغرفه مقابل غرفة تميم
عواطف توه يلة نام
اي والله
روحي نامي بعد ما عليج منه اني راح اضل كاعده اصلي وعيني عليه روحي زلمتج.
ماشي يمه تقدمت بستها من رأسها تصبحين خير يمه
الله يرضى عليج ونوم العافيه.
ألطاف صعدت لكيته متمدد فاتح تيك توك فتحلي حضنه بس اغير ملابسي رحت لبست ملابس نوم وبعدت الغطا ونمت بحضنه ضلينا نباوك مقاطع خلص المقطع عاف التلفون واندار عليه وجه بوجهي باسني من خشمي
فرحان بيچ.
ما تصورت فرحتي بيك. صفنه بسيطه وبلش وكت الجد التهم شفايفي بين شفايفه بحنينه ممزوجه بحب بقساوه بشوك بلطافه بادلته بلهفه ويرجع يطبع قبلاته على رقبتي وأيده تلغلغت بفروة رأسي يشد ويرخي الى أن انتهت ليليتنا بكل حب ورومانسيه
ادماني أحبج
كالها بهدوء عميق داخلت اعماق روحي تمسكت بحضنه وغفينا انفاس بعضنا وروح بروح...
بهل الأيام اني رجعت اداوم وهو مستمر يأثث البيت ويكمله، وطبعاً المدرسات عرفوا وكلش فرحولي وباركوا اليه وقررت بس انتقل البيت عطلة نصف السنه اعزمهم ونتشارك الفرح.
وخلص وجهز بيتنا المستقبلي وانتقلنا وجانت المفاجأه ولا بالخيال تخبل البيت جاهز من گلشي من كل التفاصيل صحيح اني وزهور والعلويه اشترينا اغراض ونواعم البيت بس يم شغلهم هو وعمي وعباس لاشيء ما شاء الله تبارك الرحمكن عين بارده بيتنا يجننن بكل تفاصيله الاحبها افتر واني كلني فرح وهو والعلويه يحجون وعمي وعباس بالاستقبال يسون الاشاره وتميم خبصهم يريد افلام كارتون
عواطف شايفين الف خير تستاهلون.
ألطاف أبتسمت ودمعتي نزلت وحسين صافن عليه حسيته هو هم دمعته بطارف عينه ركضت حضنتها وبجيت الفضل الج ما اعرف شلون أجازيج غمرتوني بأفضالكم وكفتوا وياي ساعدتوني سنتدوني عرفتوني مظلومه بستها من رأسها وعيونها وعيوني تصب دمع ردت ابوسها من ايدها نفضتها ما قبلت حضنتني وبجيت وحسين مسح دمعته واخذني من حضن امه لحضنه ويسكت بيه
حسين خلص حبيبي خلص أريدج تفرحين لو تبجين خلص عيني أنتِ
عباس هاا شكوو شبيكم.
عواطف دموع الفرح
عباس الله يدوم عليهم الفرح، يلة اني لازم اروح محتاجين شيء بعد، امانه شتحاجون خابروني
حسين بارك الله بيك مقصرت اريدك سالم كفو منك
ألطاف تشكرت منه وحسين راح يوصله وامي دخلت الاستقبال يم عمي يكلب بالقنوات كعدت التخم رحت جبت الصوبه شغلتها وعمي وتميم معارك
تميم متعرف اطلعها صارلك ساعه شو جيب
أبو حسين انجب شنو ما اعرف اشتغل عندك عوفني هسه الكاها
اريد MBC3 يلة دورها.
انطيني صبر يا ابني مثل ابوك ابو خابصها وهاي قناتك شتريد بعد
اريد بعد دورهن عاد
لاتصرخ ولك
حسين هاا شبيكم تميم ما يصير بابا هذا جدو
تميم هو بس يدور اخبار اعرف بي يدور شرقيه
ألطاف ضحكنا سوالفه عفتهم كمت سويت جاي وضيفتهم وكاعدين نشرب وعمي كال
بلة علويه نروح البيتنا خل يرتاحون ياخذون راحتهم يشاركون فرحتهم
عواطف يلة تميم تجي ويانا
تميم لا
عواطف مو اني وجدك وحدنا
كتلج لا
حسين قافل القضيه.
ألطاف طلعنا وياهم وراحوا الله وياهم وقفل الباب ودخلنا وحضني باسني من رأسي
حسين مبروك عليچ وعليه
ألطاف الله يبارك بيك حبيبي أخذني لغرفتنا وضلينا نمتع نظرنا بتفاصيلها ونرتب ملابسنا سوه ونضحك وكل شوي يشمر قميص نوم عليه ويردني البسه ونضحك وفرحانين واجه تميم بالنص ناس تشمر ناس وانتهت هو حضن ابنه وكعت الهوسه براسي بقيت ارتب وتميم نام بحضن ابوه وجان يكلب بالانستا يشوف ستوريات.
خلصت واخذه نومه بغرفتة مقابل غرفتنا وبابنا بقينا مفتوح علمود خاف يجي بالليل ما يخاف عفته متمدد رحت الحمام سبحت ولبست ثوب نوم مشلتح وفاضح كلش وخليت مكياج وحمره طوخ وسرحت شعري نزلظهري ورشيت عطر وهو صافن بس سمعت طكطه الجربايه نزل منها وبلحظات لمني بين ايديه وسكنت حضنه وعشنا ليتنا بكل حب بيتنا الجديد.
راجعه من الدوام تميم بمدرسته وحبيبي بالدوام اليوم عنده خفاره اليوم ما يتواجد يمنا، كبل اروح لبيت أهلي اي أهلي يستاهلون كلمة أهل.
وزينه رجعت لحضني سجلتها مؤسسه خاصه لذوي الاحتياجات الخاصه وامراض التوحد والداون اول يوم واجهت صعوبه وصعب عليها تتأقلم وعانيت وياها بس شوي شوي كدرت تتغلب خوفها وتكون قويه مثل أمها وتعودت رغم مرات تتنحس بس أفضل لازم تتعود اني اداوم وين أخليها صعبه ابقيها يم العلويه گافي ما راهمه شتصير ويكول ابو المثل صاحبك اذا حلو لا تأكله كله.
وصلت البيت تعبانه وريحة الطبخ بالفرع اكيد امي هسه طابخه، فتحت الباب ودخلت ذبيت جنطتي ودخلت غيرت ملابسي بثوب قديفه مستور وروب عليه طلعت عبايتي خليتها عالباب، جهزت ملابس زينه وتميم رجعت الغرفه نفظت الفراش وغيرت الجرجف وشلت ملابس حسين وملابسنا غسلتهن ونشرتهن عالمنشر وافتريت عالبيت كنسته بالمكنسه ونظفته والمطبخ باقي الكوب مالته غسلته ما يتريك بس كوب كهوه يصحح بي وهذا هو عيني هو واني صافنه بي رن تلفوني نشفت ايدي وجاوبته هلا حبيبي شلونك.
حسين بخير بخير دام هالصوت أسمعه شريد بعد
الطاف فدوة لكلبك تغديت لو بعدك
أنتظرهم هسه اتغدى وأنتِ تغديتي لو بعدج ادري بيج رجعتي تنظفين وهلكتي نفسج عوفي الشغل هسه رجعتي من الدوام وأكيد راسج مطبل وبطينتج فارغه
هسه اكمل واروح امي ريحة الطبخ تارسه الفرع اعتقد مسويه كبه لن البارحه كالت باجر غداكم كبه
اي صحيح هسه جنت احجي وياها لحكي تميم راجع جوعان وتكول كلش شوي جايبلي ماعونه يريد.
فدوة عليه بالف عافيه، هسه انتظر زينه ابو الخط يجيبها واخذها واروح
ماشي حبيبي قفلي البيت زين واني اتغدى وارجعلكم نتخابر
ماشي حبيبي عافيات مقدماً
يعافيج حياتي.
انتهى الاتصال بحب، غسلت الحوش وكملت شغلي ورن الجرس لبست شالي طلعت زينه ابو الخط جابها مشكور اخذتها هاا ماما شلونج اليوم تعودتي لو بعدج ابتسمت فدوه لبنتي السباعيه يلة تعالي اغيرلج ملابسج وامشط شعراتج الحلوه ونخلي عطر ونطلع حلوين ونروح بيت ماما عواطف ابتسمت بفرح
كملنا وشلت جنطة ملابسنا ولبست عبايتي وضبطتها وجواريبي السود وقفلت البيت وطلعنا وصلنا الباب رن الجرس مره وحده اجت أمي فتحتها بوستها.
عواطف هلا بيكم يمه
الطاف دخلنا الصاله عمي كاعد كدامه اوراق وحاسبته وتميم نايم بطنه يباوع إيباد ومشغلين الصوبه ومخليه شلغم عليها وريحته بكل البيت مرحبا عمو شلونك
ابو حسين هلا بيج بنتي الحمدلله بخير وأنتِ شلونج
الطاف بخير ربي يسلمك ويخليك كعدتها كعدي اصب الاكل واجي مو تسوين وكاحه كعدي عاقله هزت راسها وعمي ابتسم الها رحت خليت جنطتي ودخلت المطبخ لكيتها تصب الاكل ليش كلفتي نفسج اني اجيت اصب.
عواطف لا يمه شمسويه قابل يلة اخذي وتغدي انتي وبنتج خطيه جاعت هاج هذا عصير انطي الها جبت لتميم وذكرتها
الطاف اخذته رحت الصاله يم الصوبه كعدنا ناكل اني وياها خلصنا غسلتها وخليت الايباد يمها تميم عوف الايباد مالتك كافي ابوك شكال الك حبيبي
تميم هسه ماما.
الطاف كمت شلت المواعين وغسلتهن ونظفت المطبخ والكاونتر لمعته وغسلت الحوش والمغاسل الخارجيه واجه الماي وجهته عالتانكيات ورجعت كنست البيت كله وبخرته وامي ما رضت خليني انظف اني اتونس بالشغل
عواطف ما يصير هيج وأنت تعبانه يا امي
الطاف تميم مو توسخ اشلع اذانتك عمي رفع مناظره وضحك
ابو حسين هو بس منج يخاف خوفي حمري عينج عليه بعد عمج ما ينجرع.
الطاف اي صاير وكح بقوا عليه امشي سيده ضحكوا وهو يباوع النا ما عاجبينه، عفتهم دخلت المطبخ سويت شوربه عدس على صدر دجاج وياها خبز عروك ومعكرونه لتميم يحبها واذن رحت صليت وصبيت العشه اني وامي وعمي كعدنا نتعشى على سفره وحده وتميم خابر على ابوه كاميرا ويصورله كلشي
عواطف ولك ابوك بالدوام سوده عليه هسه يشوف الاكل ويجوع.
حسين تعشيت عليكم بألف عافيه تميم بابا من تخلص اكعد ادرس واجباتك واحفظ الاملاء مو تجيب 8 لو 9
الطاف دخل بنقاش هو وابوه كملنا وكمت غسلت المواعين وصبيت الهم الجاي ودك الجرس عمي طلع دخلوا بيت عباس سلموا عليه باوست رفل والجهال صبيت الجاي وجان عباس جايب وياه حبشكلات كرزات وحلويات كومه رفل انطت علاكه لزينه وباستها ليش نانسه مو هيج شلون عائله حلوه يارب يخليكم اليه.
رتبت الضيافه واجت رفل ساعدتني وقدمنا الهم وفرشنا مفرش لن جهال ويوسخون وكعدنا ناكل ومشغلين التلفزيون لن نظام ثابت اثناء الكعده ولمة الاهل عمي مانع أستخدام التلفونات وهذا احسن شيء ونضل نباوع تليفزيون ونتشارك اطراف الحديث بسوالف حلوه ودافيه بوسط ناس قلوبهم نظيفه وطيبه.
أنتهت الكعده الحلوة وبيت عباس راحو ا واني لملمت الهوسه وغسلت ونظفت گلشي وكعدت ادرس واجبات تميم خلصنا وطفيت الاضويه ورحت الغرفه سابقاً غرفة تميم نفسها باقيه بقينا كلشي نفس ماهو لن تميم اغلب اوقاته اهنا لكيت امي فارشه اليه اني وزينه ومكثره الغطا، نومت زينه وتوضيت وصليت صلاة الوتر وكملت التسبيحات وجريت تلفوني وضليت احجي ويه حبيبي واحجيله تفاصيل يومنا ونتشارك الصور هو يسولفي ويوثق كلشي بالصور واني كذلك الى أن مر وقت ونعسنا وهو راح نام واني كمت غطيت تميم وبوسته فدوه لنومتك يالوكح زلمتي، رجعت بفراشي بوستها وحضنتها ونمت نوم عميق بكل راحة بال.
عشت أجمل حياة كل وحده تتمناها ويارب الكم بالمثل وكل وحده كسرها الزمن تنجبر كسرتها وربي يعوضكم خير ويسعدكم تحياتي الكم شُكراً من اعماق قلبي.
تمت