رواية الرمق الأخير للكاتبة شمس العراقية الفصل التاسع والعشرون
شهيناز راح تروحين ولج أجاج الفرج
بهذول يعني شلون كووولي والله
يعمري أنتِ ولج حسين يريدج
وأتفقوا وياه ينطوج
لا ما أصدك أضربيني خدي أركصيني علمود
أصحى وأصدك يعني أعوف هذا المكان أرجع
ل أهلي
َ أي حبيبتي باجر تجهزي وتروحين
كلشي ما عندي طرك روحي أروح بس أطلع
وأتحررر ولج انفض الوسخ جسمي ولج أصلي
ولج أفتح كتاب الله، حضنتها وبجيت بفرح
نيتج والله دزلج حسين ينقذج صبرتي
وتحملتي الضيم والعذاب وبقيتي أصرارج.
روحي درب السلامه وأدعيلي من تصلين
ما راح أنساج وقفتج وياي للموت ما أنساها
صعدت الغرفه طايره فرح وما مصدگه نفسي وانتظر هالليل يمر عليَّ ما حسيت غير الباب أنفتح وأنقفل أستغربت لأن ظلمه صحت منو تقرب خيالها
أم عبد بيدها شيء، شتسوين
أم عبد أطفي نار گلبي واشوه جسمج
الطاف لأ خاله فدوه رحتلج.
تقربت عليَّ وبدأت تضرب بيه شلعته لجلدي ورنا وياها لزمتني إلها وهي تضرب بواير كهرباء شاغت روحي وخلت شيش حامي وشوهت وطبعت أثار وصرخت بقوه وگعت بالكاع ميته وجع وطلعن
دخلت شهيناز ليششششش هيج سوووووت ليشششش...
شهيناز أطفئت نار گلبها
ألطاف واني شلي دخل أني شنو ذنبي
ليش عذبتني وشوهت جسمي ليش سلبت روحي
شهيناز أشش أشش
خلص باجر تروحين وتخلصين منهن
وتصفى سوالف والاثار تطيب تأخذ وقت وتمنحي
بس أثرها يبقى بروحي.
شهيناز موجوعه شهيناز عذبني حيل هي وبنت أختها
حقيرات ونذلات امشي نامي وأرتاحي
غطتني ونمت صحيح كسروا فرحتي بس مو مهم المهم أطلع منا اتعذب ولا أبقى لحظه
للصبح لبست شيء مستور
من إلى جابتهن شهيناز اليه وتوجعت بالگوه واقفه ع حيلي رجعت تأكدت من جنسيتي
خليتها بالجنطه من طلعت صارت
غرفته مقابلي كلشي حدث بيها غمضت عيوني
أحاول أنسى كلشي وأبدي عمر جديد حتى لو
أموت أيد أهلي المهم أطلع منا...
نزلت بخطواتي المتعوبه وفرحانه أخلص منا وكلشي ينعاد
برأسي اللحظات وكلام عميد وأحلام وشهيناز
والبنات وروزه ودخلتي أول ما چيت غمضت
عيوني فتحتهن صارت شهيناز كبالي وتذكرت الصوره جمعتهم هي وفيصل واحلام بدون مقدمات سحبتها من أيدها وأخذتها للغرفه وقفلت الباب
شهيناز ليش قفلتي ولج حسين ينتظرنا
عندي كم سؤال برأسي وجاوبهن عندج
شنو ولج.
شنو علاقتج ب فيصل وانتِ تعرفين السبب خلاه يبيعني وتعرفين السبب إلى زوجته سحر ماتت بي وليش أم عبد تگرهني وعذبتني لدرجه قبل لا أطلع منا شوهت جسمي بضربها وعذابها...
أحجيلي كلشي تعرفينه لان شفت صورج أنتِ وياه واحلام!
ما أعرف شيءمشت ولزمت أيدها
أحجي عادي حتى لو عندج علاقه بي أو عشيقته السابقه مو مهم عندي صدگي ما عاد يهمني نهائياً والكرهه إلى بگلبي اله بس الله يعلم بي...
مو علاقه حب والله خو أني حجيلتج عن علاقتي السابقه وشلون فشلت
لعد شنو الصله تربطج بيهم
والله صداقه واكثر شيء ب أحلام والصوره صارت صدفه وهذا كلشي
صرخت بيها
لأ مو كلشييي أحجي لخاطرررر الله لا تخليني طول العمررر افكررر بالسبب إلى انشمرت بي هالشمره
ما اعرفففف والله
بس كل أعرفه أنو فيصل أنجبر يبيعج وفيصل يحبج لحد الموت ولحد ألان عايش ذكراج
هذا كل أعرفه وصدگي ما أعرف السبب خلاه يبيعج
ليش متناقضه أنتِ.
لعد بالبدايه حجيتي عليَّ وتطلبين مني أنسى كلشي وهسه تكولين فيصل يحبج ومجبور ومدري شنو، احجي الحق لخاطر الله
هذا العندي والله
من كنتِ تطلعين من الملهى وتوقفين يم السياره ومن اطلع وأسألج تكولين مو مهم. هذا فيصل مو
أي فيصل
وشنو يريد منج
ليكون جنتي تساعديني لأن هو طلب منج جاوبيي
مو بس لأن هو طلب منِ.
لأن أكتشفت بيج مظلومه والله حبيتج أول ما شفتج وصدگي فيصل بس أول فتره وبعدها من أختفوا ما أعرف أخبارهم ولا أعرف وين أستقروا
ما أصدگج كذابه
كيفج
بس أذا تردين تعرفين الحقيقه كامله قبل لا تروحين
روحي أم عبد هي تفهمچ...
ألطاف دفعتها وطلعت لكيتها كاعده بالكاع عيونها تصب حمر كعدت يم رجليها وهمست رغم كل الشفته منج والعذاب عذبتي اليه ليله أمس أنتِ وبنت أختج جيتج أعتبريني بنتج وأحجيلي وبردي گلبي.
نزلت دموعها ومسحتها وكامت صحت وراها
أحجيلي كلشي فدوه شنووو السبب خلاه يبيعني الج بس كولي ويريحي گلبي شنو خلاه يبيعني وأني أم بنته ويهدم بيته ويدمر حياته بعد ما أستقر ماكو رجال يشتري دمار وخراب بيته ويشتري وجع لرأسه أحجيلي بداعت غواليج...
أم عبد توگلي وطلعي منا
هاي فرصتج إذا تبقين أكثر نهايتج أيدي
أدري فرصتي
بس أريد أعرف الحقيقه قبل لأ أطلع
إذا هو ما كلج لا تتوقعين منِ أني أكولچ
يعني الجواب يم فيصل
كيفج.
شهيناز تعالي أخذيها وگملي شغلج ورجعي
ألطاف بگلبي همست للموت ما أسامحج لأ أنتِ ولا فيصل...
طلعت ويه شهيناز والسائق واحد ويانا أباوع
الشوراع ما أعرف شلون أوصف إلكم فرحتي
بهذاك اليوم، أسمع شهيناز تحجي إتصال
شهيناز أي وين انتَ بالضبط أي تقاطع
دزلي العنوان كامل يا أخي ميه الف شارع
شوف القطع اليمك أي شيء دال تمام تمام
انت بدايه، لو نهايتها أي اندليتك تمام
ألطاف الطريق كان طويل حيل تقربيا 3 ساعه.
وقتها أكتشفت مكانهن أبعد عن العين بهواي
المشكله ما أحفظ الشوراع ولا ألامكان...
شهيناز باعي القطع يكول شارع...
ألطاف أباوع وأقرا القطع إلى دل هذا الشارع
أشر إلها
شهيناز وينه هذا غير أثول
يربي عبالك متقصد طلع روحي وياه شلون بي گتله
وقف خل أتصل عليَّ وأحمسه هل لوتي
هاا ولك وين أنت
حسين كبالج أم خشم نزلي وجيبي مريتي
شهيناز عابتلك مريتك تعال انت اخذها ورجلك
فوق رأسك بنتنا عزيزه
حسين أجي وأني الممنون.
يلا تعالي أستلمي ألامانه مالتكم
شهيناز خوش يابه
ألطاف نزلوا الشارع فارغ
نزل من سياره لونها أسود ولابس تشيرت أحمر
انطاهم الجنطه ما أعرف شبيها بقيت مذهوله
شهيناز ولك ليش هيج شلعت گلبي
حسين لعد شلون أمررلكم وأطلع تعبي
شهيناز أستلم ودير بالك عليها ترى متعوبه
حسين بعيوني وهاج يلا أتوگلي
ألطاف حضنتها ديري بالج نفسج
شهيناز روحي الله وياج ما اريد أبجي هذاك المره
بجيت رجعتي نمتي گلبي يلا صعدي وياه.
وأذا ألنا قسمه نلتقي وأنسي كلشي وكملي حياتج
الطاف َ راحت ومشت سيارتهم وراها أحنا شغلها وطلع وين رايحين
حسين ل ريحه إهلنا ل بغداديتنا
ألطاف تدري متفاجئه ولحد ألان ما مصدگه
حسين يطلب مني مساعده مستحيل أرده نفس
لحظه حجيت ل العلويه وهي تكفلت بيج ورجعت حجيت وياه ولد جابج وصلني لهاي العجوز
بس طلبت مبلغ مادي بحكم هي مشتريتج
غبت فتره جمعت المبلغ وأجيتج مفاچئه شلوني
ما قصرت ربي يحفظك ل أهلك
أخذني لبيت أبوي.
نوصل ونتفاهم وأحجيلچ كلشي
تمام راحتك
خليت رأسي وغفيت مرتاحه ما حسيت ألا أني
داخله بغداد هاا وصلنا
بعد كم متر ونوصل إن شاء الله
بداخلي فرحه يارب يوفي بوعده ويأخذني
لَ أهلي وأشوف بنيتي وأضمها لصدري صافنه
وافكر وقفت السياره تفاچئت هاا!
نزلي
ليش
ألطاف كدامج رجال
رايدج سنه الله ورسوله أمشي أعقد عليج من جديد وتكونين مرتي
َ لا حسين انت ما قصرت ولا عبالك أخذ عليك
نظره لان طلبتني زواج متعه لمده أسبوك.
يكفيني سمعتني وساعدتني ٍ. كمل معروفك
واخذني ل أهلي
أخذج للموت بيدي ومستحيل أسويها
نزلي بدون عناد
ما اريد اسبب إلك مشاكل وأني أعرف الناس
والمجمتع ما يرحم وأعرف بنفسي وين كنت
وأنت اكيد أعزب شلك بيه توجع رأسك
رااااضي بكلشي
نزلي لا تطولينها عليَّ يلا يابه
سحبني من أيدي ونزلني ياربي إلى أسوي
صح لو غلط خاف هم ينضحك عليَّ أمشي
وياه ما أدري مصيري شنو
كان ينتظره شخص
ما أدري أخوه ما أدري صديقه دخلنا البيت.
حسين لا تخافين هذا بيت أختي هاي هي أجت
زهور هلا عيوني اتفضلوا تعالي حبيبه
حسين زهور أخذيها بين ما يجي السيد
زهور ماشي خويا
ألطاف دخلت وياها وريحه البيت ترد الروح ولبسها المحتشم وشگلها نوراني اجوا وصاحوني
وكفت وياي أخته وبدأ سؤال وجواب نفس ما
عقدت ويه فيصل بالگوه كلت نعم غصه بصدري
تم الزواج وحضنتني أخته واني متفاجئه
زهور الف مبروك حبيبتي ربي يستر عليج
اشكرج. أجه هو باركوا إله وهو عيونه عليَّ.
اخته جابت الضيافه إلنا
زهور بعد وراك ابوي يارب يتفهم الوضع أنت
حجيت وياه ما أضن يوافق قرارات الوالده
حسين لا
حتى اذا أحجي وياه يرفض المهم قنعت الوالده
وقفت وياي
زهور الله يسعدكم أهم الشيء عدنا سعادتك
حسين فدوه رحتلج
يلا إحنا نترخص تعبان والله الطريق طويل
زهور راحتك خويا عود نتشاوف ان شاء الله
الطاف ودعهم وطلعنا كلشي سريع أبقي الطاف
بهل الغباء دوم ينضحك عليج احس صرت لعبه
حسين شبيچ أنتِ.
أدري الافكار ترن برأسج والله العظيم أختي
الطاف مو قصدي بس لان متفاچئه
حسين الستر حلو والله وصى بي
وين الاشكال أمشي وبعدين نحجي...
َ ما جاوبته طلعنا و رن تلفون مكتوب ست الحبايب جاوبها وهو
يكول
حسين هاا يَ يروحه وگلبه ل حسين
بالطريق والله أي الحمدالله كملت كلشي
الوالد لا تحجين وياه ترى حسين يزعل وزعلي مو
خوش ماشي اجي ونتفاهم، الله وياج
الطاف قطع الخط رجع أتصل بمدري منو واني
بس أتسمع اله.
حسين عباس وين مفاتيح البيت وين خليتهم
لا بربك واني شيدخلني ل هناك ما عرفت تخليهن
ألا يم ابو الاسواق طاح حظك
اي امشي ولي مو كالولك البيت بي كنز أثري
بعد هسه خل ارتاح واجيكم لو عندك غرفه زايده
اليوم اجي ھَہھَہھ ليش ولك صرت عريس بعد شكو
امشي ولي
اي اجي ونحجي يلا باي
ألطاف قطع الخط ودخلنا ألافرع نزل يم أبو
ألاسواق چاب المفاتيح وأجه...
اخذني ل أهلي احسن ما أريد أسبب إلك مشاكل
حسين بعدج ما تعرفين حسين التميمي.
اذا أخذتج معناها أذبحج بيدي واهلج الدم صاعد
ل رؤوسهم مجتمعنا عقولهم هيج طرازها وحقهم
وما اسبب مشاكل هاي ما أحبها منج
أنتِ صرتي زوجتي لا مستحي ولا خايف بشرع الله وشحلاته الحلال والباقي نلحك عليَّ...
وهاي وصلنا البيت هذا جارنا أبو حسن راح
يرزلني متوقع يلا أنزلي يابه
ألطاف نزلت وياه وفتح الباب وجوارينه باوع وكال
ابو حسن هاا ولك سرسري شبعت دياحه
حسين اي عمي مره ثانيه اخذك أديح وياي
ابو حسن اي يبعد عمك ضوجه.
حسين أكعد عاقل شبياتك بيض رجليك بالگبر
الطاف شمر عليه ماي وضحكوا وفتح الباب
ودخلت وياه بيت ملموم وحلو وحديقه نظيفه
الصاله بيها تخم والمطبخ مفتوح الصاله
يعني البيت مأثث كامل باوع اليه وكال
حسين صحيح اني سريري كوله ابو حسن
بس لمميم جمعت راتبي واشتريت هذا البيت
وأثاثته ذوقي والعلويه كالتلي بعد إلك بس المره والقسمه صارت بعد تعرفين
أتفضلي يابه
ألطاف زاد فضلك مشيت وياه ل الغرفه الرجفه.
تسري بجسمي من اشوف غرفه النوم لو سرير
كرهتهن فتح الكنتور طلع تراك لون اسود
حسين هذا تراك مالتي غيري ملابسج بين ما
نشتري ملابس، يلا اني طالع أجيب ألاكل
من امي وأجي
ليش هما وين بعيدين عنك
لا كلتلج قبل قربين منطقه أهلج بيت اخوي
بس أجيبه وأجي لا تفتحين الباب تمام
وديري بالچ تسوينها وتكسرين بيه وتروحين ل أهلج
لا انتظرك، شال السويج وراح ما قفل الباب وراه
أخذت التراك مالته ودخلت الحمام سبحت اكثر.
من مره أنظف بروحي والقذارة متراكمه جسدي
طلعت لابسه ملابسه اشوي جبير لأن هو طويل
نشفت شعري ومشطته وطلعت افتريت بالبيت
كعدت بالصاله تمددت القنفه
مر وقت واجه هو بيده ألاكل وجيس ثاني خلاه
بيدي
حسين هاي أمي وزوجه اخوي ما أدري شنو خلن
الج دبري بيهن أمورج لما اروح لسوك.
الطاف شفتهن ثوب طويل وشال وشحاطة بيت
ملابس داخليه ما ملبوسه وعطر لعد شُككر
طيبين ونفسكم حلوه. مشكورين
حسين تدللين
ليش أهلك يعرفون
أي طبعاً
شعجب كلت إلهم يعني غيرك يطمم السالفه
بس حجيت سالفتج لنبع الحنان عرفتج مظلومه
وأني أصلاً ادري بيج أنجبرتي وكلتلج شكلج ما
يوحي للكذب، خل نأكل وبعدين نحجي
تمام اخذت الاكل وجهزته دولمه حاره أويلي
شُككر مشتهيتها وما مأكلتها من زمان وياها.
خبز حار وخضروات وبطل لبن يمه الدلال
كعدنا نأكل جنت جوعانه هو شبع وأني ما خليت
ولا اشويه عبالك صار دهر ما مأكله خو بطل لبن
رديته برأسي هو طلع ينشف بالخاولي
حسين گوله العلويه سوده عليه
الطاف أبتسمت عاشت أيدهم كلش طيبه
الف عافيات سويلنا جاي بلا زحمه عليج
أي تدلل
من كال بلا زحمه عليج شسوه بيه شهل ألاخلاق
شهل الاحترام رحت اغسل المواعين التفت لكيته
يصلي لحالي أبتسمت ودمعت عيوني.
وتذكرت ولا مره شفت فيصل يصلي.
بعده من افكاري وكملت ورحت للغرفه فرشت
السجاده أول ما ركعت أنهاريت الدموع واشهك
يارب أغفرلي وسامحني واستر عليَّ...
خلصت رحت أخذت الچاي أخذه من ايده وكال
حسين اي والله عاشت أيدج
الطاف كان مشغل تلفزيون ويباوع بتمعن
نكدر نحجي...
شگد ما عندج صبر
لعد شلون خوما أبقى يمك
لا يابا زحمه وعينيى شمسويلج كارصج ومتحرش
بيج
لا مو هيج قصدي
بس يعني ما اريد أثقل عليك
ألطاف كدامج رجال تثقلين عليَّ شنو
ما تقصر والله
أنت سألت عنهم.
مو هسه نحجي وتتعبين نامي وأرتاحي بعدين
لا امانه احجي اريد اعرف بنتي وين
لا تخافين بنتج يم هاي صديقج ما أدري شسمها
نسيت إسمها
ذهب
اي ذهب
اي كمل فدوه
عليمن فدوه
نزلت رأسي أستحيت منه
امشي أرتاحي انتِ أصلاً تعبانه
وكلشي واله حل
تمام
كمت الغرفه ابتسم وكال
كلش لايك ألج اخذي بالعافيه
الله يعافيك. دخلت الغرفه رديت الباب وتمددت
اول ما خليت رأسي ونمت وهي النومه اويلي
شلون نمت مرتاحه فراش نظيف ومكان نظيف.
وزارتي الاحلام خنگتني خنك لمساته وقربه
وقذراته والعنف بديت اصرخ بعلوا صوتي ماكو
أحد يسمع أيدين حاوطن رقبتي وشيء متمسك
بيه أحاول أصحى ما أكدر بالف ويلاه يلا صحيت
وصرخت عوفنييييي نهض بخوف وشغل الضوء
حسين بسم الله
لآ تخافين مجرد كاوبس ارتاحي
خله أيده رأسي ويقرأ أيات وأني جسمي
يرجف والخوف بنص روحي مستوحشه حاولت
أغفى ما كدرت همست دمروني
خلص أنسي تبقين تفكرين تتعبين أكثر
يحاول يهدئني مسك كتفي توجعت وهو حس.
بيه تقرب رفع طارف الثوب وشاف الاثر ازرق لون
بنفسجي وأنصدم
هذول شمسوين بيج ليش هيج
تعنيف جسمي كله مشوه لا تتقرب امانه
لا تخافين ما أتقرب بس شلون يعني تعنيف
يضربوج بكهرباء لو اله لو شنو
ما كدرت أجاوبه خجلانه حتى من نفسي
تمام فهمتج
هزيت رأسي وضميت روحي لنفسي
لا حول ولا قوة ألا بالله
أدري رجلج شنو يوازي هيج يسوي ييج
حتى لو يهددونه مو يتخلى عنج شنو هذا الشيء
الخطير خلاه ينطيج بدون ما يرف اله جفن.
غمضت عيوني أحاول ما أضعف وتنزل دموعي
كتمت غصته بگلبي هو ش كسر روحي غيره
جنت أسمي روحي طلع جرح لروحي
حاولي لا تفكرين هواي بالمكان وكلشي صار وياج
أنسي ولا تحاسبين روحج ذنب أنتِ مجبوره
تمام...
حسيت بي تمدد بصفي ونام كنت منطيته ظهري
أبتعدت عنه وكتمت عبرتي أختنكت خنك اوووف
شصير لو يطلع حلم...
ل ثاني يوم صباحاً
كنت أرتب السرير دخل هو يطلع ملابسه يمكن
يريد يطلع توني ردت أطلع علمود ياخذ راحته كال
حسين شلونج اليوم.
الحمدالله
الحمدالله
أني أروح لدوام أحاول وره الظهر أجي
لان اصلاً عندي خفاره بس أحاول ما أبات
الطاف ليش شنو دوامك
مهندس بالنفط مو عبالج طاك تعين جديد ترة
اي تستاهل كل الخير
خير يصيبج
طلعت وهو أشوي وطلع كاشخ عين بارده عليَّ
هم رجوله وهم جمال وهم أخلاق...
العصر أخذج ل أهلي
وأهلي
من نرجع نحجي واخوج مازن أبصطه أبصطه
ما جاوبته راح الله وياه قفلت الباب وكعدت
بالحديقه كلش حلوه دخلت نظفت البيت.
وغسلت ملابسه وجهزت الغده هالموجود
ما تغديت نمت وصحيت العصر صوت خرخشه
بالمطبخ طلعت كان يجهز ألاكل بطرك ملابسه
داخليه، أحم الله يساعدك
ويساعدج هاي شَ مبدعه مو مرگه بيتيته ترد
الروح هيج نفسج حتى بالاكل طيب...
الف عافيات، كعد يأكل واني جهزتله الجاي
شرب واخذ ملابسه سبح وبدل وأجه خله الكوبالسنك...
أذا خلصتي شغلج تعالي نحجي
مشيت وراه وكعدت مقابله حاير شلون يبدي
كلامه هاا حسين
هاا عيني
تسلم عينك، أحجي أسمعك.
يعني حسب ما سمعت من المنطقه بعد سألت
هواي وتأكدت الصبح كاعدين أهلج مره وياها
الطفله منطيتها وكايله الهم
اي شنو كايله
أساس أنتِ منهزمه ويه عشيقج وزوجج ما
تحمل شمر الطفله أهلج وشال من المنطقه
كلها بسبب كلام الناس عليهم حتى محد يعرف
وين هما حالياً اختفوا
ما مصدومه لان متوقعه حقارته هو أخواته
أيا نذل شگد حقير وشُككر أني غبيه وثقت
وأمنت بيك، وأهلي وابوي واخوي شنو عرفت
شَ أعرف هي سالفتكم كلها تحجي بيها مجتمعنا.
عاد ما يحب السالفه وأخوج المصون متوعد ألج
بالذبح ويغسل العار وهو عار من أنطاج لواحد عار
وأني هم صرت عار، صاح بيه ألا فزيت
أنلصمي انتِ شعليج
أختنكت جاوبته تعبت والله
نهض من مكانه بدون مقدمات حضني عبالك
يعرفني من زمان أبتعدت عنه وهو حس بيه
تمام أسف بس ردت اخفف عنج
بقينا ساكتين واحد يباوع بوجه الثاني
روحي نامي وأرتاحي
عفته وتمددت جسمي كله يوجعني كمت رديت
الباب وفتحت السحاب وباوعت ب مرايا وانصدمت.
بالمنظر عبالك خريطه خاصه رقبتي تلمستها
شگد حقراء وانذال تركتوا اثار لموت ما أنساه أثرها الله لا يوفقج أم عبد
لبست التراك حسيت صوت خفيف بالباب خفت هو
رحت شفت ماكو أحد رجعت تمددت
المغرب صحيت طلعت لصاله لكيته يصلي خلص
وباوعلي وتقرب بيده السجاده والتربه
حسين ليش ما تصلين
ألطاف بيا وجه أقابل رب العالمين
لا هيج تحجين بعدين أنتِ مجبوره ما رايحه
ب أراتچ والله غفوراً رحيم
يلا كدامي توضي وتعالي أنتظرج.
يسامحني بعد كل الحرام الصار وياي غمضت عيوني ما أريد أتذكر...
تقرب مسك أيديه ورفع وجهي وباوع بعيوني
شايفه نفسج شُككر لطيفه الله ما أنطاج هالميزه
بدون سبب كوني نفس ما تشوفين نفسج لا تحتقرين روحج ولا تحاسبين نفسج ذنب أنتِ
ما مسويته إنما مجبره عليَّ، يلا أنتظرج
َ فعلاً
رحت توضئت وأجيت صليت أنطاني التربه هزيت
رأسي فهمني وضحك
لا تصيرين طائفيه كلنا العراق شيعه وسنه
طلع خلاني أصلي راحتي كان عندي نفور.
من التقرب الى الله مو مثل قبل أجي بلهفه وحب
لصلاتي وينك يابه عني فوتت الفروض كلهن سلمت وهو دخل يباوع
حسين شلون مره فدوه لطولها
أحم خجلتي ادري بنفسي أشمر الحجايه گبل
بدون مقدمات أدبسزز مو بيدي
بس أبتسمت
اي اي ابقي وزعي أبتسامات واني اذوب
غيرت الموضوع احم هم تروح ل أهلك
أوفف نسيت والله عود كلت لامي وتتنظرنا خطيه
بس هي صوجها مو تدري بيه عريس.
خلص خلص لا تخجلين يلا تجهزي نروح الهم
تمام.
كمت تجهزت بملابسي إلى جيت بيهم طلعت
وياه لبيت أهله طلعنا اباوع الافرع يعني قريبهأهلي أوووف يابه أني بنص بغداد يابه، وصلنا بيت صغير بيته
اكبر منه انفتح الباب ولد اقصر منه شبه منه
الظاهر اخوه
عباس الف هہلآ بعريسنآ المسربت
حسين لسانك ولك امي وين، نبع الحنان وينج
عواطف عطوفتي وينج روحه ل حسين
الطاف سلمت عليَّ ودخلت
وهو دخل البيت يصيح يدور عليها
رجع باوع ل عباس وكال
حسين وينها يول خاف شالت رأسها أشتاقت.
لسيد الوالد أدري بيها أدبسزز مثل أبنها
عباس ولك أمك علويه ولسانك الله متبري منه
الطاف يبوه بسوالفه أخوه ضربه ظهره
ودخلوا وصلنا الغرفه بيها فراش نظيف وهي
تصلي بيضه ثلج ومتروسه شافته وحضنته
بقوتها
عواطف ولك مشيب گلبي هسه يلا بينت عليَّ
حسين غير عريس يا يمه ما يصير هيج
عواطف ربي يسعدكم يمه وينها الحلوه حجيتلي
عنها
حسين بختج ست الحبايب كبالج هاي الغزال
تعالي ألطاف اقدم ألج هاي الفقمه قصدي القطنه.
امي روحه ل حسين وأسمها عواطف
عواطف شگد سريري أنتَ أخ منك لو تلزم هذا
لسانك أنت خوش ولد
ألطاف ضحكنا سوالفهہ تقربت سلمت عليها
شلونج خالة
عواطف هلا يمه الحمدالله بنيتي أنتِ شلونج
الحمدالله كل حال
كعدت يمها وأجت وحده بيدها صينه الجاي
وياها كعك
حسين رفل زوجه عباس
ألطاف كمت بوستها وقدمت ضيافه
رفل ألف مبروك بالرفاه والبنين أن شاء الله
حسين أشكرج ورده
ألطاف يحجون بينهم أني بس ساكته.
وأشتاقيت أجواءنا أني وأهلي أختنكت هو حس
بيه همس
حسين خوما ضايجه
ألطاف لأ
أثناء كلامنا صار صوت عباس طلع وحسين باوع
لأمه.
حسين أجه شلون وياه
عواطف لا ترده عوفه يحجي ويمل ويروح
حسين طلعها من ماعونها
ألطاف طلع وره أخوه وأمه هم بقيت وحدي
الصوت عالي وصل لعندي حسين اجه
حسين أبقي بالغرفه لا تطلعين ماشي
ألطاف رد الباب وراه كمت خليت أذني صوتهم
وضح ولاحني الطشار
أبو حسين ولك تالي وياك وسوالفك فضحتنا.
بين الناس ما إلى عين أباوع بوجوهم انوب
بنت ليل بنت ملاهي يمصخمممممم
متفق أنت وامك واختك ورجلها العار عود
عقدتوا سيد وسترت عليها يا ستر تحجي عنه
وهي بنت ملاهيييي بنت ليل ومكعدتها بيت ست
الحسن ما دزها لاهلها يغسلون عارهم
حسين أخر همي كلام الناس وزوجتي راضي
بيها وأتشرف وافتخر بيها والناس خل يطبخون
حصوا وينلطمون حلوگهم
أبو حسين هي كيفك
شوف حسين أذا ما طلگتها ورجعتها لخيستها
قسم بالله تشوفون شيء ما يعجبكم كلكم.
أمشي أرمي عليها اليمين وطلگهااا هسه
حسين طلاك ما أطلك وأعلى ما بخليك أرگب
وبعدين أنت مو غاضب ومتبري مني شلك دخل
بحياتي بعد
عواطف على بختك مو هيج يبقى وليدنا
وهو ما خالف شرع الله والبنت ستر عليها
والله وصى بالستر شنو ذنبها المسكينه والله
تكسر الخاطر بنت مثل الورده
أبو حسين شلنا دخل بيها هذا كلامج اروح اعقد على بنات ملاهيي كلهن لان مساكين وهنا
عواطف حرررام عليك يا رجال لا تحجي.
ب اعراضهن ما إلنا شغل كل نفس تحاسب بما أذنبت والستر حلو
ابو حسين َ محد طيح حظه غيرج انتِ بسبب
دلالج الزايد طلعتي عينه، أذا هيج صارت
والبنت ما طلگها أذن أني متبري منكم وانتِ
طالق خل أبنج المدلل يفيدج
عباس يابه ليش هيج سويت
ابو حسين أنتَ أنجب وأنسوا عندكم أب
حسين عباس شعلي تتربى منه خطيه يحبك
أبو حسين بلا أخلاق
حسين تربيتك
الطاف فتحت الباب صارت عيونه عليَّ
وأمه تخربطت أخذوها ل أستقبال ورفل دخلت.
أخذت علاجها وبقيت أكل بروحي كله بسبي
طلك أمهم يبوه يحظج ألطاااف، دخل ونهضت
حسين هسه تأخذني ل أهلي فدوه يكفي الصار
بسببي وجداً اعتذر سببت ألك مشاكل
أنت ما قصرت ربي يحفظك...
حسين شنٌنو هالكلام ازعل منج ترى
وبعدين أنتِ شعليج هو من يومه هيج
الطاف حسين ترى اني مو غبيه سمعت كلشي
أني بنت ليل خله أيده شفتي وسكتني
ولا حرف أش كافي
شلك بوحده طايح حظها وسمعتها زفت
ترى حجيتي إلى كلشي واعرف كلشي لو ما.
اريدج كان ما ساعدتج كان ما رجعت وأخذتج
بس اني مقتنع وراضي بكلشي مو مهم عندي كلام
احد حتى اهلي ما يهموني إلى يهمني سعادتي
وراحتي الكيها ب أنسانه وبسسس فهمتيييي
راح تتعب
وأرتاح يمج
أش كافي الطااااف
أختنكت حيل حضني ويهدي بيه
دخلت رفل عرفت أمه حالتها سأءت
رفل حسين الحگ خالتي تخربطت
حسين هسه اجي
الطاف رفع وجهي بيده أثنين
حسين أخذ أمي ل المستشفى وأرجع وتبقين
يم رفل ما تخطين خطوه وأذا سويتها ورحتي.
ازعل منج حيل فاهمه...
الطاف تمام
طلعوا بقيت يمها بالمطبخ أفتر عيوني الباب
شگد عيب منهم أوف حسين
رفل لا يضل بالج مجرد ضغط هسه يجيبوها
واذا علمود عمو متعودين هو من زمان علاقته
مو أصلاح هو حسين واصلاً خالتي زعلانه
يمنا صار إشهر، لهذا لا تأخذينك نفسج حبيبتي
الطاف ما قصرتوا والله وفضلگم ما أنساه للموت
رفل أزعل منج يمعوده شصار الناس لناس
قابل كطعت فد مره وربي يسعدج انتِ وياه
حسين ورده مالت الله حباب وگلبه نظيف.
ألطاف بگلبي حسين نعمه رزقت بها
مر وقت ودخلوا وهو شايلها ويحجي
حسين شگد ثگيله صايره ادري شنو تأكلين
هاي عود زعلانه من السيد الوالد وهيج
لعد بعد الطلاك شلون نشيلج برافعه
عواطف تشيلني ورجليك فوق رأسك
حسين أشيلج العمر كله وانه حافي
كم ست الحبايب عندي هي وحده وشالعه گلبي
الطاف امه ضربته بالشقه وضحكنا عليهم دخلوها بالغرفه وكعدنا يمها وحسين ناصب عليها بسوالفه
حسين وهسه صرتي سنگل
وصار لازم نزوجج شتكولين عطوف.
عواطف اي انت أختاره أريده شاب صاك مثلك
عباس أسمع أسمع طلعت هي الممنونه أدور
صاگين لا مو خووش سالفه ھَہھَہھ
الطاف يضحكون بينهم واني أفرك بيدي فشلانه
باوعتلي أمه
عواطف شبيچ يمهبختج بنتي خوما أخذتي خاطرج
الطاف خاله اني أعتذر والله
والي صار بسببي وجداً أشكركم ما قصرتوا
حسين الطاااف كافي أنهي الموضوع
يلا اني رايح أجيب شغلات من السوك وأرجع
الطاف أبقي أهنا
عواطف ما تروحون تبقون اليوم إهنا
تنامون يمي خلص شغلك وتعال.
حسين تدللين ست الحبايب
ألطاف تعالي وراي
ألطاف رحت وراه حتى أستحي أباوع بوجهه
صرت ثگيله البشر يالله
حسين شبيچ ولج
أخذني ل أهلي راضيه بكلشي أصلاً أني أريد
أموت روحي تعبانه والله أحس شريان گلبي
تنزف باع أيديه الرجفه ما تروح منِ دنگت رأسي
حسين أخر مره أسمع هذا الكلام منج بسج عاد شو رفعي رأسج وباوعيني ألطاااف
رفعت رأسي هاا
َ َ سلامتج شلونج
ضحكت شعندك سوالف
هسه تمام
يلآ آني رايح لسوك شنو تريدين أجيبلج وياي.
آو مشتهيه شيء كولي لا تستحين
سلامتك روح الله وياك
رآح دخلت المطبخ ساعدتها بالعشه جهزنا
كلشي وهو تأخر باوعت من الشباك دخل
وأبتسم أخذت من أيده
حسين غراضچ بالسياره أذا تحتاجيهن أجيبهن
الطاف لأ ما محتاجه شيء
دخلنا البيت وتعشينا وبليل عباس طلع
ويه جماعته وخاله ورفل ناموا وهو متمدد
تقرب يمي
حسين تحبين ننام بالاستقبال لو تبقين يم امي
الطاف لا خليني يم أمك
براحتج لعد فرشيلي يمكم
تمام.
فرشتله نام بصف راس أمه دنك باس كف أيدها
شگد حنين وعيونه عليَّ
لا تصفنين ولج
ما صافنه
أصفني بس بيه
ما جاوبته
وبعدها غمضت عيوني وهو كاعد
الصبح كعدت هو ماكو فززيت وطلعت أدوره
وانضربت بصدره رأساً كلتله وين جنت
أغسل أروح لدوام ليش
لا هيج سألت
أسويلك ريوك
لا تريگت ويه عباس اصلاً تأخرت أخذتني
النومه، وأنتِ أبقي أهنا يخلص دوامي وأجي
أخذج
ماشي، بدل ملابسه وطلع الله وياه
بقيت وياهن شُككر حبابات وامه تنحط.
الجرح كنت كاعده وحدي سمعت صوتها
عواطف يمه ألطاف تعالي ليش كاعده وحدج
اي خاله أجيت كعدت يمها وبقينا نسولف لحد ما
مر الوقت ودخل علينا هو باس امه من رأسها
حسين شلونكم
عواطف زينين بشوفتك يبعد الروح
حسين فدوه لروحج يلا ألطااف نروح لبيتنا
الطاف كلمه بيتنا لامست گلبي هزيت رأسي
جهزت نفسي ودعنا إهله وطلعنا للبيت نزل اشترى
من الاسواق ورجع وصلنا البيت...
رتبت المسواك وهو بالغرفه كان يحجي مكالمه.
باوعتله من بعيد يگلب بتلفونه أشرلي أجي
رحت عليَّ، هاا اشر إلى أتقرب
حسين تعالي شبيچ
شكو شبيك؟
تعالي تقربي!
- قرب شاشه التلفون گبالي صورته غمضت
عيوني وتكررت الرجفه بيه ركزت بالصوره جديده
مأخذها شگل ثاني كبران أكبر من عمره بقيت
ساكته رجع كال وهو مدقق نظره عليَّ
هو مو؟
أي هو
حسين ألطاف أسالچ وجاوبيني الصراحه
أنتِ بعدچ تحبينه؟